സഹോ​ദ​ര​ന്മാ​രേ, ഒരു മൂപ്പനാ​യി സേവി​ക്കാൻ നിങ്ങൾ ലക്ഷ്യം​വെ​ച്ചി​ട്ടു​ണ്ടോ?

1-2. മൂപ്പന്മാർ ചെയ്യുന്ന ‘വിശി​ഷ്ട​മായ വേലയിൽ’ എന്തെല്ലാം ഉൾപ്പെ​ടും?

നിങ്ങൾ കുറച്ചു​നാ​ളാ​യി ഒരു ശുശ്രൂ​ഷാ​ദാ​സ​നാ​യി സേവി​ക്കു​ക​യാ​ണെ​ങ്കിൽ ഒരു മൂപ്പനാ​കാൻവേണ്ട പല ഗുണങ്ങ​ളും വളർത്തി​യെ​ടു​ക്കാൻ നിങ്ങൾ ശ്രമി​ക്കു​ന്നു​ണ്ടാ​യി​രി​ക്കും. ആ ‘വിശി​ഷ്ട​മായ വേല’ എത്തിപ്പി​ടി​ക്കാൻ നിങ്ങൾ തയ്യാറാ​ണോ?—1 തിമൊ. 3:1, അടിക്കു​റിപ്പ്‌.

² ഒരു മൂപ്പൻ ചെയ്യുന്ന കാര്യങ്ങൾ എന്തൊ​ക്കെ​യാണ്‌? അവർ ശുശ്രൂ​ഷ​യിൽ നേതൃ​ത്വ​മെ​ടു​ക്കു​ക​യും ഇടയവേല ചെയ്യു​ന്ന​തി​ലും പഠിപ്പി​ക്കു​ന്ന​തി​ലും കഠിനാ​ധ്വാ​നം ചെയ്യു​ക​യും അതു​പോ​ലെ വാക്കി​ലൂ​ടെ​യും മാതൃ​ക​യി​ലൂ​ടെ​യും സഭയെ പ്രോ​ത്സാ​ഹി​പ്പി​ക്കു​ക​യും ചെയ്യുന്നു. അതു​കൊണ്ട്‌ കഠിനാ​ധ്വാ​നി​ക​ളായ ഈ മൂപ്പന്മാ​രെ ബൈബിൾ ‘മനുഷ്യ​രാ​കുന്ന സമ്മാനങ്ങൾ’ എന്നു വിളി​ക്കു​ന്ന​തിൽ അതിശ​യി​ക്കാ​നില്ല.—എഫെ. 4:8.

3. ഒരു സഹോ​ദ​രന്‌ എങ്ങനെ മൂപ്പൻ എന്ന യോഗ്യ​ത​യിൽ എത്താം? (1 തിമൊ​ഥെ​യൊസ്‌ 3:1-7; തീത്തോസ്‌ 1:5-9)

³ നിങ്ങൾക്ക്‌ എങ്ങനെ ഒരു മൂപ്പൻ എന്ന യോഗ്യ​ത​യിൽ എത്താം? ഒരു മൂപ്പനാ​കാ​നുള്ള യോഗ്യ​ത​യിൽ എത്തുന്നത്‌ സാധാരണ ഒരു ജോലി​ക്കുള്ള യോഗ്യ​ത​യിൽ എത്തുന്ന​തു​പോ​ലെയല്ല. നമുക്ക്‌ ഒരു ജോലി തരണോ വേണ്ടയോ എന്നു തീരു​മാ​നി​ക്കു​ന്നത്‌ നമുക്കുള്ള വൈദ​ഗ്‌ധ്യ​ങ്ങൾ നോക്കി​യാണ്‌. എന്നാൽ ഒരു മൂപ്പനെന്ന നിയമനം ലഭിക്കാൻ അതു മാത്രം പോരാ. നിങ്ങൾക്ക്‌ പ്രസം​ഗി​ക്കാ​നും പഠിപ്പി​ക്കാ​നും ഉള്ള വൈദ​ഗ്‌ധ്യ​ങ്ങൾ ഉണ്ടെങ്കി​ലും 1 തിമൊ​ഥെ​യൊസ്‌ 3:1-7-ഉം തീത്തോസ്‌ 1:5-9-ഉം (വായി​ക്കുക.) വാക്യ​ങ്ങ​ളിൽ കാണുന്ന തിരു​വെ​ഴു​ത്തു​യോ​ഗ്യ​ത​ക​ളിൽ നിങ്ങൾ എത്തി​ച്ചേ​രേ​ണ്ട​തുണ്ട്‌. മൂന്നു മേഖല​ക​ളിൽ മൂപ്പന്മാർക്കു വേണ്ട യോഗ്യ​ത​ക​ളെ​ക്കു​റിച്ച്‌ ഈ ലേഖന​ത്തിൽ നമ്മൾ ചിന്തി​ക്കും: സഭയ്‌ക്ക്‌ ഉള്ളിലും പുറത്തും നേടി​യെ​ടു​ക്കുന്ന സത്‌പേര്‌, കുടും​ബ​ത്തി​ന്റെ തല എന്ന നിലയിൽ വെക്കുന്ന നല്ല മാതൃക, സഭയെ സേവി​ക്കാ​നുള്ള മനസ്സൊ​രു​ക്കം.

സത്‌പേര്‌ നേടി​യെ​ടു​ക്കു​ന്നു

4. ‘ആക്ഷേപ​ര​ഹി​ത​നാ​യി​രി​ക്കുക’ എന്നതിന്റെ അർഥം എന്താണ്‌?

⁴ ഒരു മൂപ്പനാ​കാൻ നിങ്ങൾ ‘ആക്ഷേപ​ര​ഹി​ത​നാ​യി​രി​ക്കണം.’ അതായത്‌ സഭയിൽ നിങ്ങൾക്ക്‌ സത്‌പേര്‌ ഉണ്ടായി​രി​ക്കണം. അതിനു മറ്റുള്ള​വർക്ക്‌ ഒരു കുറ്റവും പറയാൻ കഴിയാ​ത്ത​വി​ധം നിങ്ങളു​ടെ പ്രവൃ​ത്തി​കൾ നല്ലതാ​യി​രി​ക്കേ​ണ്ട​തുണ്ട്‌. കൂടാതെ നിങ്ങൾ “പുറത്തു​ള്ള​വർക്കി​ട​യി​ലും സത്‌പേ​രുള്ള ആളായി​രി​ക്കണം.” അവിശ്വാ​സി​ക​ളാ​യവർ നിങ്ങളു​ടെ ക്രിസ്‌തീ​യ​വി​ശ്വാ​സ​ങ്ങളെ കുറ്റ​പ്പെ​ടു​ത്തി​യേ​ക്കാം. എന്നാൽ നിങ്ങളു​ടെ സത്യസ​ന്ധ​ത​യെ​യോ പെരു​മാ​റ്റ​ത്തെ​യോ കുറ്റ​പ്പെ​ടു​ത്താൻ അവർക്ക്‌ ഒരു കാരണ​വും ഉണ്ടാക​രുത്‌. (ദാനി. 6:4, 5) സ്വയം ചോദി​ക്കുക: ‘സഭയ്‌ക്ക്‌ ഉള്ളിലും പുറത്തും എനിക്ക്‌ നല്ലൊരു പേരു​ണ്ടോ?’

5. നിങ്ങൾ “നന്മയെ സ്‌നേ​ഹി​ക്കുന്ന” ഒരാളാണ്‌ എന്ന്‌ എങ്ങനെ കാണി​ക്കാം?

⁵ “നന്മയെ സ്‌നേ​ഹി​ക്കുന്ന” ഒരാളാ​ണെ​ങ്കിൽ നിങ്ങൾ മറ്റുള്ള​വ​രു​ടെ നല്ല ഗുണങ്ങൾ കണ്ടുപി​ടി​ക്കു​ക​യും അതിന്‌ അവരെ അഭിന​ന്ദി​ക്കു​ക​യും ചെയ്യും. അതു​പോ​ലെ മറ്റുള്ള​വർക്കു നന്മ ചെയ്യാ​നും നിങ്ങൾക്കു സന്തോ​ഷ​മാ​യി​രി​ക്കും. അതിനു​വേണ്ടി നിങ്ങളിൽനിന്ന്‌ പ്രതീ​ക്ഷി​ക്കു​ന്ന​തിന്‌ അപ്പുറം​പോ​ലും നിങ്ങൾ ചെയ്‌തേ​ക്കാം. (1 തെസ്സ. 2:8) മൂപ്പന്മാർക്ക്‌ ഈ ഗുണം വേണ്ടത്‌ എന്തു​കൊ​ണ്ടാണ്‌? കാരണം ഇടയവേല ചെയ്യു​ന്ന​തി​നും തങ്ങളുടെ നിയമ​ന​ങ്ങൾക്കും ആയി ധാരാളം സമയം അവർക്ക്‌ ചെലവ​ഴി​ക്കേ​ണ്ട​തുണ്ട്‌. (1 പത്രോ. 5:1-3) അതിൽ ഒരുപാ​ടു ശ്രമം ഉൾപ്പെ​ട്ടി​ട്ടു​ണ്ടെ​ങ്കി​ലും അതിൽനിന്ന്‌ കിട്ടുന്ന സന്തോഷം വളരെ വലുതാണ്‌.—പ്രവൃ. 20:35.

6. ‘അതിഥി​പ്രി​യം’ കാണി​ക്കാൻ കഴിയുന്ന ചില വിധങ്ങൾ ഏതെല്ലാ​മാണ്‌? (എബ്രായർ 13:2, 16; ചിത്ര​വും കാണുക.)

⁶ മറ്റുള്ള​വർക്ക്‌ നന്മ ചെയ്‌തു​കൊണ്ട്‌, പ്രത്യേ​കി​ച്ചും നിങ്ങളു​ടെ അടുത്ത കൂട്ടു​കാർ അല്ലാത്ത​വർക്കു​പോ​ലും നന്മ ചെയ്‌തു​കൊണ്ട്‌, നിങ്ങൾക്ക്‌ ‘അതിഥി​പ്രി​യ​രാ​ണെന്നു’ തെളി​യി​ക്കാ​നാ​കും. (1 പത്രോ. 4:9) അതിഥി​പ്രി​യ​നായ ഒരു വ്യക്തിയെ ഒരു പുസ്‌തകം വർണി​ക്കു​ന്നത്‌ ഇങ്ങനെ​യാണ്‌: “അദ്ദേഹ​ത്തി​ന്റെ വീടിന്റെ വാതി​ലും ഹൃദയ​ത്തി​ന്റെ കവാട​വും എപ്പോ​ഴും അപരി​ചി​തർക്കു​വേണ്ടി തുറന്നി​ട്ടി​രി​ക്കും.” അതു​കൊണ്ട്‌ സ്വയം ചോദി​ക്കുക: ‘സഭ സന്ദർശി​ക്കു​ന്ന​വരെ സ്വാഗതം ചെയ്യുന്ന കാര്യ​ത്തിൽ എനിക്ക്‌ നല്ലൊരു പേരു​ണ്ടോ?’ (എബ്രായർ 13:2, 16 വായി​ക്കുക.) അതിഥി​പ്രി​യ​നായ ഒരു വ്യക്തി തനിക്കു പറ്റുന്ന​തു​പോ​ലെ, സാമ്പത്തി​ക​മാ​യി ബുദ്ധി​മു​ട്ടു​ന്ന​വർക്കും സർക്കിട്ട്‌ മേൽവി​ചാ​ര​ക​ന്മാ​രും സന്ദർശ​ക​പ്ര​സം​ഗ​ക​രും ഉൾപ്പെടെ ദൈവ​സേ​വ​ന​ത്തിൽ കഠിനാ​ധ്വാ​നം ചെയ്യു​ന്ന​വർക്കും ആതിഥ്യം നൽകും.—ഉൽപ. 18:2-8; സുഭാ. 3:27; ലൂക്കോ. 14:13, 14; പ്രവൃ. 16:15; റോമ. 12:13.

7. ‘പണക്കൊ​തി​യനല്ല’ എന്ന്‌ ഒരു മൂപ്പന്‌ എങ്ങനെ കാണി​ക്കാൻ കഴിയും?

⁷ ‘പണക്കൊ​തി​യ​നാ​യി​രി​ക്ക​രുത്‌.’ അതിന്റെ അർഥം പണവും വസ്‌തു​വ​ക​ക​ളും ആയിരി​ക്ക​രുത്‌ നിങ്ങൾക്ക്‌ ഏറ്റവും പ്രധാനം എന്നാണ്‌. നിങ്ങൾ പണം ഉള്ളവരാ​ണെ​ങ്കി​ലും അല്ലെങ്കി​ലും ജീവി​ത​ത്തി​ലെ എല്ലാ മേഖല​ക​ളി​ലും ദൈവ​രാ​ജ്യം ഒന്നാമതു വെക്കണം. (മത്താ. 6:33) നിങ്ങൾ സമയവും ഊർജ​വും മറ്റു കാര്യ​ങ്ങ​ളും യഹോ​വയെ ആരാധി​ക്കു​ന്ന​തി​നും കുടും​ബത്തെ നോക്കു​ന്ന​തി​നും സഭയെ സേവി​ക്കു​ന്ന​തി​നും ആയി ഉപയോ​ഗി​ക്കും. (മത്താ. 6:24; 1 യോഹ. 2:15-17) നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘പണത്തെ ഞാൻ എങ്ങനെ​യാ​ണു കാണു​ന്നത്‌? എനിക്കുള്ള അടിസ്ഥാ​ന​കാ​ര്യ​ങ്ങ​ളിൽ ഞാൻ തൃപ്‌ത​നാ​ണോ? അതോ കൂടുതൽ പണവും വസ്‌തു​വ​ക​ക​ളും വേണം എന്നുള്ള ആഗ്രഹ​മാ​ണോ എനിക്ക്‌ എപ്പോ​ഴും?’—1 തിമൊ. 6:6, 17-19.

8. ‘ശീലങ്ങ​ളിൽ മിതത്വം പാലി​ക്കു​ന്ന​വ​നും’ “ആത്മനി​യ​ന്ത്ര​ണ​മു​ള്ള​വ​നും” ആയിരി​ക്കുക എന്നതിന്റെ അർഥം എന്താണ്‌?

⁸ ‘ശീലങ്ങ​ളിൽ മിതത്വ​മു​ള്ള​വ​നും’ “ആത്മനി​യ​ന്ത്ര​ണ​മു​ള്ള​വ​നും” ആണെങ്കിൽ ജീവി​ത​ത്തി​ലെ എല്ലാ മേഖല​ക​ളി​ലും നിങ്ങൾ സമനില പാലി​ക്കും. അതായത്‌ ഭക്ഷണം, മദ്യം, വസ്‌ത്ര​ധാ​രണം, ഒരുക്കം, വിനോ​ദം എന്നീ കാര്യ​ങ്ങ​ളി​ലെ​ല്ലാം നിങ്ങൾക്ക്‌ ഒരു പരിധി ഉണ്ടായി​രി​ക്കും. ഈ ലോക​ത്തി​ലെ ആളുക​ളു​ടെ ഉചിത​മ​ല്ലാത്ത ജീവി​ത​രീ​തി​കൾ നിങ്ങൾ അനുക​രി​ക്കില്ല. (ലൂക്കോ. 21:34; യാക്കോ. 4:4) മറ്റുള്ളവർ നിങ്ങ​ളോ​ടു മര്യാ​ദ​യി​ല്ലാ​തെ പെരു​മാ​റി​യാ​ലും നിങ്ങൾ ശാന്തനാ​യി​ത്തന്നെ നിൽക്കും. ഇനി നിങ്ങൾ ഒരു ‘കുടിയൻ’ ആയിരി​ക്കില്ല. അതായത്‌ കുടിച്ച്‌ ലക്കു​കെ​ടുന്ന ഒരാളാ​യി​രി​ക്കില്ല. ലക്കു​കെ​ടി​ല്ലെ​ങ്കി​ലും അമിത​മാ​യി കുടി​ക്കു​ന്ന​യാൾ എന്ന പേരും നിങ്ങൾക്കു​ണ്ടാ​കില്ല. നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഞാൻ ശീലങ്ങ​ളിൽ മിതത്വ​മു​ള്ള​വ​നാ​ണെ​ന്നും ആത്മനി​യ​ന്ത്ര​ണ​മു​ള്ള​വ​നാ​ണെ​ന്നും എന്റെ ജീവിതം കാണി​ക്കു​ന്നു​ണ്ടോ?’

9. ‘സുബോ​ധ​മു​ള്ള​വ​നും’ “ചിട്ട​യോ​ടെ” ജീവി​ക്കു​ന്ന​വ​നും എന്നതിൽ എന്താണ്‌ ഉൾപ്പെ​ട്ടി​രി​ക്കു​ന്നത്‌?

⁹ നിങ്ങൾ ‘സുബോ​ധ​മു​ള്ള​വ​നാ​ണെ​ങ്കിൽ’ കാര്യ​ങ്ങളെ ബൈബിൾത​ത്ത്വ​ങ്ങ​ളു​ടെ അടിസ്ഥാ​ന​ത്തിൽ ശ്രദ്ധ​യോ​ടെ വിലയി​രു​ത്തും. അങ്ങനെ ബൈബിൾത​ത്ത്വ​ങ്ങ​ളെ​ക്കു​റിച്ച്‌ ആഴത്തിൽ ചിന്തി​ച്ചി​ട്ടു​ള്ള​തു​കൊണ്ട്‌ നിങ്ങൾക്കു നല്ല തീരു​മാ​ന​ങ്ങ​ളെ​ടു​ക്കാൻ കഴിയും; അല്ലാതെ നിങ്ങൾ എടുത്തു​ചാ​ടി ഒരു തീരു​മാ​ന​മെ​ടു​ക്കില്ല. ഒരു കാര്യ​ത്തി​ന്റെ എല്ലാ വശങ്ങളും മനസ്സി​ലാ​ക്കി​യി​ട്ടു​ണ്ടെന്നു നിങ്ങൾ ഉറപ്പു​വ​രു​ത്തും. (സുഭാ. 18:13) അങ്ങനെ എടുക്കുന്ന തീരു​മാ​നങ്ങൾ യഹോ​വ​യു​ടെ ചിന്തകൾക്കു ചേർച്ച​യി​ലു​ള്ള​താ​യി​രി​ക്കും. ഇനി “ചിട്ട​യോ​ടെ” ജീവി​ക്കു​ന്ന​വ​നാ​ണെ​ങ്കിൽ നിങ്ങൾ സമയം പാലി​ക്കു​ന്ന​വ​നും ക്രമീ​കൃ​ത​മാ​യി കാര്യങ്ങൾ ചെയ്യു​ന്ന​വ​നും ആയിരി​ക്കും. നിങ്ങൾ ആശ്രയ​യോ​ഗ്യ​നായ, നിർദേ​ശങ്ങൾ അനുസ​രി​ക്കുന്ന ഒരാളാ​യും അറിയ​പ്പെ​ടും. ഈ ഗുണങ്ങ​ളെ​ല്ലാം നിങ്ങൾക്ക്‌ ഒരു സത്‌പേര്‌ നേടി​ത്ത​രും. അടുത്ത​താ​യി ഒരു കുടും​ബ​ത്തി​ന്റെ തല എന്ന നിലയിൽ നല്ല മാതൃക വെക്കാൻ നിങ്ങൾ എത്തി​ച്ചേ​രേണ്ട തിരു​വെ​ഴു​ത്തു​യോ​ഗ്യ​ത​ക​ളെക്കു​റിച്ച്‌ ചിന്തി​ക്കാം.

കുടും​ബ​ത്തി​ന്റെ തല എന്ന നിലയിൽ നല്ലൊരു മാതൃക വെക്കുന്നു

10. ഒരു പുരു​ഷന്‌ എങ്ങനെ ‘സ്വന്തകു​ടും​ബ​ത്തിൽ നല്ല രീതി​യിൽ നേതൃ​ത്വ​മെ​ടു​ക്കാ​നാ​കും?’

¹⁰ നിങ്ങൾ ഒരു മൂപ്പനാ​കാൻ ആഗ്രഹി​ക്കുന്ന ഭർത്താ​വാ​ണെ​ങ്കിൽ നിങ്ങളു​ടെ കുടും​ബ​ത്തി​നു നല്ലൊരു പേര്‌ ഉണ്ടായി​രി​ക്കേ​ണ്ടതു പ്രധാ​ന​മാണ്‌. അതു​കൊണ്ട്‌ നിങ്ങൾ “സ്വന്തകു​ടും​ബ​ത്തിൽ നല്ല രീതി​യിൽ നേതൃ​ത്വ​മെ​ടു​ക്കു​ന്ന​വ​നാ​യി​രി​ക്കണം.” അതിന്റെ അർഥം നിങ്ങൾ കുടും​ബ​ത്തി​നു​വേണ്ടി സ്‌നേ​ഹ​ത്തോ​ടെ കരുതു​ക​യും കുടും​ബ​ത്തിൽ നല്ല തീരു​മാ​ന​ങ്ങ​ളെ​ടു​ക്കു​ക​യും ചെയ്യണം എന്നാണ്‌. അതിൽ ക്രമമാ​യി കുടും​ബാ​രാ​ധന നടത്തു​ന്ന​തും കുടും​ബ​ത്തി​ലുള്ള എല്ലാവ​രും മീറ്റി​ങ്ങു​കൾക്കു കൂടി​വ​രു​ന്നു​ണ്ടെന്ന്‌ ഉറപ്പു​വ​രു​ത്തു​ന്ന​തും ശുശ്രൂഷ നന്നായി ചെയ്യാൻ അവരെ സഹായി​ക്കു​ന്ന​തും ഉൾപ്പെ​ടു​ന്നു. അത്‌ എന്തു​കൊ​ണ്ടാണ്‌ ഇത്ര പ്രധാ​ന​മാ​യി​രി​ക്കു​ന്നത്‌? അപ്പോ​സ്‌ത​ല​നായ പൗലോസ്‌ ഇങ്ങനെ ചോദി​ച്ചു: “സ്വന്തകു​ടും​ബ​ത്തിൽ നേതൃ​ത്വ​മെ​ടു​ക്കാൻ അറിയാത്ത ഒരാൾ ദൈവ​ത്തി​ന്റെ സഭയെ എങ്ങനെ പരിപാ​ലി​ക്കാ​നാണ്‌?”—1 തിമൊ. 3:5.

11-12. ഒരു സഹോ​ദ​രന്റെ കുടും​ബാം​ഗ​ങ്ങ​ളു​ടെ പ്രവൃ​ത്തി​കൾ അദ്ദേഹ​ത്തി​ന്റെ യോഗ്യ​തയെ ബാധി​ക്കു​ന്നത്‌ എങ്ങനെ​യാണ്‌? (ചിത്ര​വും കാണുക.)

¹¹ നിങ്ങ​ളൊ​രു പിതാ​വാ​ണെ​ങ്കിൽ നിങ്ങളു​ടെ സംരക്ഷ​ണ​യിൽ കഴിയുന്ന, പ്രായ​പൂർത്തി​യാ​കാത്ത ‘മക്കൾ നല്ല കാര്യ​ഗൗ​ര​വ​മു​ള്ള​വ​രാ​യി നിങ്ങൾക്കു കീഴ്‌പെ​ട്ടി​രി​ക്കു​ന്ന​വ​രാ​യി​രി​ക്കണം.’ അതിന്റെ അർഥം അവർ കളിക്കു​ക​യോ ചിരി​ക്കു​ക​യോ ഒന്നും ചെയ്യരുത്‌ എന്നല്ല. പകരം നിങ്ങൾ അവരെ സ്‌നേ​ഹ​ത്തോ​ടെ പഠിപ്പി​ക്കു​ക​യും പരിശീ​ലി​പ്പി​ക്കു​ക​യും ചെയ്യു​ന്ന​തു​കൊണ്ട്‌ അവർ അനുസ​ര​ണ​വും ആദരവും ഉള്ളവരും മറ്റുള്ള​വ​രോ​ടു നന്നായി പെരു​മാ​റു​ന്ന​വ​രും ആയിരി​ക്കും എന്നാണ്‌. അതു​പോ​ലെ യഹോ​വ​യു​മാ​യി ഒരു വ്യക്തി​പ​ര​മായ ബന്ധത്തി​ലേ​ക്കു​വ​രാ​നും ബൈബിൾത​ത്ത്വ​ങ്ങൾക്ക​നു​സ​രിച്ച്‌ ജീവി​ക്കാ​നും അങ്ങനെ സ്‌നാ​ന​ത്തി​ലേക്കു പുരോ​ഗ​മി​ക്കാ​നും നിങ്ങൾ അവരെ സഹായി​ക്കണം.

¹² ‘താന്തോ​ന്നി​ക​ളെ​ന്നോ ധിക്കാ​രി​ക​ളെ​ന്നോ ദുഷ്‌പേ​രി​ല്ലാത്ത, വിശ്വാ​സി​ക​ളായ മക്കളു​ള്ളവൻ.’ വിശ്വാ​സ​ത്തി​ലുള്ള ഒരു കുട്ടി ഗുരു​ത​ര​മായ തെറ്റു ചെയ്‌തെന്നു കണ്ടെത്തി​യാൽ മൂപ്പനാ​കാ​നുള്ള പിതാ​വി​ന്റെ യോഗ്യ​തയെ അത്‌ എങ്ങനെ ബാധി​ക്കും? ആ പിതാവ്‌ കുട്ടിയെ പരിശീ​ലി​പ്പി​ക്കു​ന്ന​തി​ലും തിരു​ത്തു​ന്ന​തി​ലും അശ്രദ്ധ കാണി​ച്ചി​ട്ടു​ണ്ടെ​ങ്കിൽ അദ്ദേഹ​ത്തിന്‌ ഒരു മൂപ്പനാ​കാൻ കഴിയാ​തെ​വ​ന്നേ​ക്കാം.—1996 ഒക്ടോബർ 15 ലക്കം വീക്ഷാ​ഗോ​പു​ര​ത്തി​ന്റെ പേ. 21 ഖ. 6-7 കാണുക.

സഭയെ സേവി​ക്കു​ന്നു

13. നിങ്ങൾ ‘വിട്ടു​വീഴ്‌ച ചെയ്യാൻ മനസ്സു​ള്ളവൻ’ ആണെന്നും ‘തന്നിഷ്ട​ക്കാ​രൻ’ അല്ലെന്നും എങ്ങനെ കാണി​ക്കാം?

¹³ നല്ല ക്രിസ്‌തീ​യ​ഗു​ണ​ങ്ങ​ളുള്ള സഹോ​ദ​ര​ന്മാർ സഭയ്‌ക്ക്‌ ഒരു മുതൽകൂ​ട്ടാണ്‌. ‘വിട്ടു​വീഴ്‌ച ചെയ്യാൻ മനസ്സുള്ള ഒരാൾ’ സമാധാ​ന​ത്തി​നു​വേണ്ടി പ്രവർത്തി​ക്കും. അങ്ങനെ​യുള്ള ഒരാളാ​കാൻ നിങ്ങൾ മറ്റുള്ളവർ പറയു​ന്നതു ശ്രദ്ധി​ച്ചു​കേൾക്കു​ക​യും അവരുടെ അഭി​പ്രാ​യങ്ങൾ സ്വീക​രി​ക്കാൻ മനസ്സു​കാ​ണി​ക്കു​ക​യും ചെയ്യും. ഉദാഹ​ര​ണ​ത്തിന്‌, നിങ്ങൾ ഒരു മൂപ്പനാ​യെന്നു സങ്കൽപ്പി​ക്കുക. മൂപ്പന്മാ​രു​ടെ ഒരു യോഗ​ത്തിൽ മിക്ക മൂപ്പന്മാ​രും ഒരു പ്രത്യേ​ക​തീ​രു​മാ​ന​ത്തോ​ടു യോജി​ക്കു​ന്നു. അതിൽ തിരു​വെ​ഴു​ത്തു​ത​ത്ത്വ​ങ്ങ​ളു​ടെ ലംഘന​മൊ​ന്നു​മില്ല. അപ്പോൾ നിങ്ങൾക്കു മറ്റൊരു അഭി​പ്രാ​യ​മാ​ണു​ള്ള​തെ​ങ്കി​ലും നിങ്ങൾ ആ തീരു​മാ​ന​ത്തോ​ടു യോജി​ക്കു​മോ? ‘തന്നിഷ്ട​ക്കാ​രൻ’ അല്ല എന്നു പറഞ്ഞാൽ നിങ്ങൾ നിങ്ങളു​ടേ​തായ രീതി​യിൽ കാര്യങ്ങൾ നടക്കണ​മെന്നു നിർബന്ധം പിടി​ക്കില്ല എന്നാണ്‌ അർഥം. മറ്റുള്ള​വ​രു​ടെ അഭി​പ്രാ​യങ്ങൾ ശ്രദ്ധി​ക്കേ​ണ്ടതു പ്രധാ​ന​മാ​ണെന്നു നിങ്ങൾ മനസ്സിൽപ്പി​ടി​ക്കും. (ഉൽപ. 13:8, 9; സുഭാ. 15:22) ഇനി, നിങ്ങൾ “വഴക്ക്‌ ഉണ്ടാക്കു​ന്ന​വ​നോ” “മുൻകോ​പി​യോ” ആയിരി​ക്കില്ല. എന്നു​വെ​ച്ചാൽ നിങ്ങൾ മറ്റുള്ള​വ​രോ​ടു പരുഷ​മാ​യി പെരു​മാ​റു​ക​യോ തർക്കി​ക്കു​ക​യോ ചെയ്യില്ല. പകരം ദയയോ​ടെ ഇടപെ​ടും. സമാധാ​ന​പ്രി​യൻ എന്ന നിലയിൽ ബുദ്ധി​മു​ട്ടേ​റിയ സാഹച​ര്യ​ങ്ങ​ളിൽപ്പോ​ലും സമാധാ​ന​മു​ണ്ടാ​ക്കാൻ നിങ്ങൾ മുൻ​കൈ​യെ​ടു​ക്കും. (യാക്കോ. 3:17, 18) ദയയോ​ടെ​യുള്ള നിങ്ങളു​ടെ വാക്കുകൾ മറ്റുള്ള​വരെ ശാന്തരാ​ക്കി​യേ​ക്കാം, എതിരാ​ളി​ക​ളെ​പ്പോ​ലും.—ന്യായാ. 8:1-3; സുഭാ. 20:3; 25:15; മത്താ. 5:23, 24.

14. ‘പുതു​താ​യി വിശ്വാ​സം സ്വീക​രി​ച്ച​യാ​ളാ​ക​രു​തെ​ന്നും’ ‘വിശ്വ​സ്‌ത​നാ​യി​രി​ക്ക​ണ​മെ​ന്നും’ പറയു​ന്ന​തി​ന്റെ അർഥ​മെ​ന്താണ്‌?

¹⁴ മൂപ്പനാ​യി യോഗ്യത നേടുന്ന ഒരു സഹോ​ദരൻ ‘പുതു​താ​യി വിശ്വാ​സം സ്വീക​രി​ച്ച​യാ​ളാ​ക​രുത്‌.’ ഒരു മൂപ്പനാ​കാൻ നിങ്ങൾ സ്‌നാ​ന​പ്പെ​ട്ടിട്ട്‌ ഒരുപാ​ടു വർഷ​മൊ​ന്നും ആകണ​മെ​ന്നില്ല. എങ്കിലും അതിനുള്ള ക്രിസ്‌തീ​യ​പ​ക്വത നേടാൻ നിങ്ങൾക്കു സമയം വേണം. ഒരു മൂപ്പനാ​കു​ന്ന​തി​നു മുമ്പ്‌, യേശു​വി​നെ​പ്പോ​ലെ താഴ്‌മ​യുള്ള ആളാ​ണെ​ന്നും യഹോ​വ​യിൽനിന്ന്‌ ഒരു നിയമനം കിട്ടു​ന്ന​തിന്‌ കാത്തി​രി​ക്കാൻ തയ്യാറാ​ണെ​ന്നും നിങ്ങൾ തെളി​യി​ച്ചി​ട്ടു​ണ്ടാ​കണം. (മത്താ. 20:23; ഫിലി. 2:5-8) യഹോ​വ​യോ​ടും യഹോ​വ​യു​ടെ നീതി​യുള്ള നിലവാ​ര​ങ്ങ​ളോ​ടും പറ്റിനി​ന്നു​കൊ​ണ്ടും സംഘട​ന​യിൽനിന്ന്‌ ലഭിക്കുന്ന നിർദേ​ശങ്ങൾ അനുസ​രി​ച്ചു​കൊ​ണ്ടും നിങ്ങൾക്ക്‌ ‘വിശ്വ​സ്‌ത​നാ​ണെന്നു’ കാണി​ക്കാം.—1 തിമൊ. 4:15.

15. ഒരു മൂപ്പൻ മികച്ച പ്രസം​ഗ​ക​നാ​യി​രി​ക്കേ​ണ്ട​തു​ണ്ടോ? വിശദീ​ക​രി​ക്കുക.

¹⁵ മേൽവി​ചാ​ര​ക​ന്മാർ ‘പഠിപ്പി​ക്കാൻ കഴിവു​ള്ള​വ​നാ​യി​രി​ക്കണം’ എന്നു തിരു​വെ​ഴു​ത്തു​കൾ പറയു​ന്നുണ്ട്‌. അതിന്റെ അർഥം നിങ്ങൾ ഒരു മികച്ച പ്രസം​ഗകൻ ആയിരി​ക്കണം എന്നാണോ? അല്ല. എല്ലാ മൂപ്പന്മാ​രും മികച്ച പ്രസം​ഗ​ക​ര​ല്ലെ​ങ്കി​ലും ശുശ്രൂ​ഷ​യി​ലും ഇടയസ​ന്ദർശ​ന​ങ്ങ​ളി​ലും അവർ വൈദ​ഗ്‌ധ്യ​ത്തോ​ടെ പഠിപ്പി​ക്കു​ന്നു. (1 കൊരി​ന്ത്യർ 12:28, 29-ഉം എഫെസ്യർ 4:11 താരത​മ്യം ചെയ്യുക.) എങ്കിലും ഒരു പ്രസം​ഗകൻ എന്ന നിലയി​ലുള്ള കഴിവു​കൾ മെച്ച​പ്പെ​ടു​ത്താൻ നിങ്ങൾ ശ്രമി​ച്ചു​കൊ​ണ്ടേ​യി​രി​ക്കണം. നിങ്ങൾക്ക്‌ എങ്ങനെ നല്ലൊരു അധ്യാ​പ​ക​നാ​കാം?

16. നിങ്ങൾക്ക്‌ എങ്ങനെ നല്ലൊരു അധ്യാ​പ​ക​നാ​കാൻ കഴിയും? (ചിത്ര​വും കാണുക.)

¹⁶ ‘വിശ്വ​സ്‌ത​വ​ച​നത്തെ മുറുകെ പിടി​ക്കുക.’ ഒരു നല്ല അധ്യാ​പ​ക​നാ​കു​ന്ന​തി​നു നിങ്ങൾ പഠിപ്പി​ക്കു​മ്പോ​ഴും ബുദ്ധി​യു​പ​ദേശം കൊടു​ക്കു​മ്പോ​ഴും ദൈവ​വ​ച​നത്തെ അടിസ്ഥാ​ന​മാ​ക്കി അതു ചെയ്യുക. നിങ്ങൾ ബൈബി​ളും നമ്മുടെ പ്രസി​ദ്ധീ​ക​ര​ണ​ങ്ങ​ളും നന്നായി പഠിക്കണം. (സുഭാ. 15:28; 16:23) അങ്ങനെ പഠിക്കു​മ്പോൾ ആ തിരു​വെ​ഴു​ത്തു​കൾ ജീവി​ത​ത്തിൽ എങ്ങനെ പകർത്താൻ പറ്റു​മെന്നു പ്രത്യേ​കം ചിന്തി​ക്കുക. അതു​പോ​ലെ കാര്യങ്ങൾ കേൾവി​ക്കാ​രു​ടെ ഹൃദയ​ത്തിൽ എത്തുന്ന രീതി​യിൽ പഠിപ്പി​ക്കാൻ ശ്രമി​ക്കുക. അനുഭ​വ​പ​രി​ച​യ​മുള്ള മൂപ്പന്മാ​രോ​ടു നിർദേ​ശങ്ങൾ ചോദി​ക്കു​ക​യും അത്‌ അനുസ​രി​ക്കു​ക​യും ചെയ്‌തു​കൊണ്ട്‌ ഒരു അധ്യാ​പകൻ എന്ന നിലയിൽ നിങ്ങൾക്കു പുരോ​ഗ​മി​ക്കാ​നാ​കും. (1 തിമൊ. 5:17) ഇനി മൂപ്പന്മാർ സഹോ​ദ​രീ​സ​ഹോ​ദ​ര​ന്മാ​രെ ‘പ്രോ​ത്സാ​ഹി​പ്പി​ക്കാൻ കഴിവു​ള്ള​വ​രാ​യി​രി​ക്കണം.’ ചില​പ്പോൾ അവർക്കു സഹോ​ദ​ര​ങ്ങളെ ഉപദേ​ശി​ക്കു​ക​യും ‘ശാസി​ക്കു​ക​യും’ ചെയ്യേ​ണ്ടി​വ​ന്നേ​ക്കാം. ഈ രണ്ടു സാഹച​ര്യ​ങ്ങ​ളി​ലും മൂപ്പന്മാർ ദയയോ​ടെ വേണം ഇടപെ​ടാൻ. നിങ്ങൾ ദയയും സ്‌നേ​ഹ​വും കാണി​ക്കു​ക​യും തിരു​വെ​ഴു​ത്തു​കളെ അടിസ്ഥാ​ന​മാ​ക്കി പഠിപ്പി​ക്കു​ക​യും ചെയ്യു​മ്പോൾ നിങ്ങൾ നല്ലൊരു അധ്യാ​പ​ക​നാ​കും. നിങ്ങൾക്കു മഹാനായ അധ്യാ​പ​ക​നായ യേശു​വി​നെ അനുക​രി​ക്കാ​നും കഴിയും.—മത്താ. 11:28-30; 2 തിമൊ. 2:24.

ലക്ഷ്യത്തിൽ എത്തി​ച്ചേ​രാൻ ശ്രമി​ച്ചു​കൊ​ണ്ടി​രി​ക്കുക

17. (എ) ഒരു ശുശ്രൂ​ഷാ​ദാ​സനു മൂപ്പനാ​കാൻ എങ്ങനെ പരി​ശ്ര​മി​ച്ചു​കൊ​ണ്ടി​രി​ക്കാം? (ബി) ഒരു സഹോ​ദ​രനെ ശുപാർശ ചെയ്യണോ വേണ്ടയോ എന്നു തീരു​മാ​നി​ക്കു​മ്പോൾ മൂപ്പന്മാർ എന്തെല്ലാം കാര്യങ്ങൾ മനസ്സിൽപ്പി​ടി​ക്കണം? (“ഒരു സഹോ​ദ​രനെ വിലയി​രു​ത്തു​മ്പോൾ എളിമ കാണി​ക്കുക” എന്ന ചതുരം കാണുക.)

¹⁷ ഒരു മൂപ്പനാ​കു​ന്ന​തി​നു കുറെ ഗുണങ്ങൾ വളർത്തി​യെ​ടു​ക്കേ​ണ്ട​തു​ള്ള​തു​കൊണ്ട്‌ തങ്ങൾക്ക്‌ ഒരിക്ക​ലും ആ ലക്ഷ്യത്തിൽ എത്തി​ച്ചേ​രാ​നാ​കില്ല എന്നു ചില ശുശ്രൂ​ഷാ​ദാ​സ​ന്മാർക്കു തോന്നി​യേ​ക്കാം. എന്നാൽ ഓർക്കുക: യഹോ​വ​യും സംഘട​ന​യും നിങ്ങളിൽനിന്ന്‌ പൂർണത പ്രതീ​ക്ഷി​ക്കു​ന്നില്ല. (1 പത്രോ. 2:21) അതു​പോ​ലെ യഹോ​വ​യു​ടെ ആത്മാവാണ്‌ ഈ ഗുണങ്ങൾ വളർത്തി​യെ​ടു​ക്കാൻ നിങ്ങളെ സഹായി​ക്കു​ന്നത്‌. (ഫിലി. 2:13) മെച്ച​പ്പെ​ടേണ്ട ഏതെങ്കി​ലും ഗുണങ്ങൾ നിങ്ങളു​ടെ ശ്രദ്ധയിൽപ്പെ​ട്ടോ? എങ്കിൽ അതെക്കു​റിച്ച്‌ യഹോ​വ​യോ​ടു പ്രാർഥി​ക്കുക. ആ വിഷയ​ത്തെ​ക്കു​റിച്ച്‌ പഠിക്കു​ക​യും എങ്ങനെ പുരോ​ഗ​മി​ക്കാ​മെന്നു മൂപ്പന്മാ​രോ​ടു ചോദി​ക്കു​ക​യും ചെയ്യുക.

18. എല്ലാ ശുശ്രൂ​ഷാ​ദാ​സ​ന്മാർക്കു​മുള്ള പ്രോ​ത്സാ​ഹനം എന്താണ്‌?

¹⁸ സഹോ​ദ​ര​ന്മാ​രേ, നിങ്ങൾ ഇപ്പോൾ ഒരു മൂപ്പനാ​ണെ​ങ്കി​ലും അല്ലെങ്കി​ലും ഈ ലേഖന​ത്തിൽ പഠിച്ച ഗുണങ്ങ​ളെ​ല്ലാം വളർത്തി​യെ​ടു​ക്കാൻ ശ്രമി​ച്ചു​കൊ​ണ്ടി​രി​ക്കുക. (ഫിലി. 3:16) നിങ്ങൾ ഒരു ശുശ്രൂ​ഷാ​ദാ​സ​നാ​ണോ? എങ്കിൽ പുരോ​ഗ​മി​ക്കു​ന്ന​തിൽ തുടരുക. യഹോ​വ​യ്‌ക്കും സഭയ്‌ക്കും കൂടുതൽ ഉപയോ​ഗി​ക്കാൻ പറ്റുന്ന​തി​നാ​യി നിങ്ങളെ പരിശീ​ലി​പ്പി​ക്കാ​നും രൂപ​പ്പെ​ടു​ത്താ​നും ദൈവ​ത്തോ​ടു പ്രാർഥി​ക്കുക. (യശ. 64:8) ഒരു മൂപ്പനാ​കാ​നുള്ള നിങ്ങളു​ടെ ശ്രമങ്ങളെ യഹോവ സമൃദ്ധ​മാ​യി അനു​ഗ്ര​ഹി​ക്കട്ടെ!