യഹോവ നമ്മളെ ആശ്വസി​പ്പി​ക്കു​ന്നു

1. ബന്ദിക​ളാ​യി​രുന്ന ജൂതന്മാ​രു​ടെ സാഹച​ര്യം വിശദീ​രി​ക്കുക.

വർഷങ്ങ​ളോ​ളം ജൂതന്മാർ യഹോ​വ​യോട്‌ അനുസ​ര​ണ​ക്കേടു കാണി​ച്ചു​കൊ​ണ്ടി​രു​ന്നു. അതു​കൊണ്ട്‌ യരുശ​ലേ​മി​നെ നശിപ്പി​ക്കാ​നും ജൂതന്മാ​രെ പിടി​ച്ചു​കൊ​ണ്ടു​പോ​കാ​നും യഹോവ ബാബി​ലോൺകാ​രെ അനുവ​ദി​ച്ചു. (2 ദിന. 36:15, 16, 20, 21) ബാബി​ലോ​ണിൽ ജൂതന്മാ​രു​ടെ ജീവിതം എങ്ങനെ​യാ​യി​രു​ന്നു? ഒരു സാധാ​ര​ണ​ജീ​വി​തം മുന്നോ​ട്ടു​കൊ​ണ്ടു​പോ​കാ​നുള്ള സ്വാത​ന്ത്ര്യം കുറ​യൊ​ക്കെ അവർക്ക്‌ ഉണ്ടായി​രു​ന്നു എന്നതു ശരിയാണ്‌. (യിരെ. 29:4-7) എന്നാലും അവരുടെ ജീവിതം അത്ര എളുപ്പ​മാ​യി​രു​ന്നില്ല. അവർ ആഗ്രഹി​ച്ച​തു​പോ​ലുള്ള ഒന്നായി​രു​ന്നില്ല അത്‌. ആ ജൂതന്മാ​രിൽ ഒരാൾ തങ്ങളുടെ സാഹച​ര്യ​ത്തെ​ക്കു​റിച്ച്‌ ഇങ്ങനെ​യാണ്‌ പറഞ്ഞത്‌: “ബാബി​ലോൺന​ദി​ക​ളു​ടെ തീരത്ത്‌ ഞങ്ങൾ ഇരുന്നു. സീയോ​നെ​ക്കു​റിച്ച്‌ ഓർത്ത​പ്പോൾ ഞങ്ങൾ കരഞ്ഞു.” (സങ്കീ. 137:1) മനസ്സി​ടിഞ്ഞ ആ ജൂതന്മാർക്ക്‌ ആശ്വാസം വേണമാ​യി​രു​ന്നു. അത്‌ അവർക്ക്‌ എവിടെ കിട്ടു​മാ​യി​രു​ന്നു?

2-3. (എ) ജൂത​പ്ര​വാ​സി​കൾക്കു​വേണ്ടി യഹോവ എന്താണ്‌ ചെയ്‌തത്‌? (ബി) ഈ ലേഖന​ത്തിൽ നമ്മൾ എന്തു പഠിക്കും?

² ‘ഏതു സാഹച​ര്യ​ത്തി​ലും ആശ്വാസം തരുന്ന ദൈവ​മാണ്‌’ യഹോവ. (2 കൊരി. 1:3) സ്‌നേ​ഹ​മുള്ള ദൈവ​മാ​യ​തു​കൊണ്ട്‌ തന്റെ അടു​ത്തേക്കു വരുന്ന​വരെ ആശ്വസി​പ്പി​ക്കാൻ ദൈവം ആഗ്രഹി​ക്കു​ന്നു. ബന്ദിക​ളാ​യി​പ്പോ​യ​വ​രിൽ ചിലർ, തിരുത്തൽ സ്വീക​രിച്ച്‌ തന്നി​ലേക്കു മടങ്ങി​വ​രു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. (യശ. 59:20) അതു​കൊണ്ട്‌ അവർ ബാബി​ലോ​ണി​ലേക്കു പോകു​ന്ന​തിന്‌ 100-ലധികം വർഷങ്ങൾക്കു മുമ്പു​തന്നെ യഹോവ യശയ്യയി​ലൂ​ടെ അവർക്ക്‌ ഒരു സന്ദേശം കൊടു​ത്തു. അതായി​രു​ന്നു യശയ്യയു​ടെ പുസ്‌തകം. ആ പുസ്‌തകം അവരെ എങ്ങനെ സഹായി​ക്കു​മാ​യി​രു​ന്നു? യശയ്യ ഇങ്ങനെ പറയുന്നു: “‘ആശ്വസി​പ്പി​ക്കുക; എന്റെ ജനത്തെ ആശ്വസി​പ്പി​ക്കുക’ എന്നു നിങ്ങളു​ടെ ദൈവം പറയുന്നു.” (യശ. 40:1) അതെ, യശയ്യ പുസ്‌ത​ക​ത്തി​ലൂ​ടെ അവർക്കു വേണ്ടി​യി​രുന്ന ആശ്വാസം യഹോവ കൊടു​ത്തു.

³ ജൂത​പ്ര​വാ​സി​ക​ളെ​പ്പോ​ലെ നമുക്കും ഇടയ്‌ക്കൊ​ക്കെ ആശ്വാസം ആവശ്യ​മാണ്‌. ഈ ലേഖന​ത്തിൽ യഹോവ അവരെ ആശ്വസി​പ്പിച്ച മൂന്നു വിധങ്ങ​ളെ​ക്കു​റിച്ച്‌ നമുക്കു നോക്കാം: (1) പശ്ചാത്ത​പി​ക്കു​ന്ന​വ​രോ​ടു ക്ഷമിക്കും എന്ന്‌ യഹോവ വാക്കു കൊടു​ത്തു. (2) തന്റെ ജനത്തിന്‌ യഹോവ പ്രത്യാശ നൽകി. (3) പേടി​ക്കാ​തി​രി​ക്കാൻ യഹോവ അവരെ സഹായി​ച്ചു. ഇന്നു നമ്മളെ യഹോവ അതേ രീതി​യിൽ എങ്ങനെ​യാണ്‌ ആശ്വസി​പ്പി​ക്കു​ന്ന​തെ​ന്നും നമ്മൾ പഠിക്കും.

യഹോവ നമ്മളോ​ടു ക്ഷമിക്കു​ന്നു

4. താൻ കരുണ​യുള്ള ദൈവ​മാ​ണെന്ന്‌ യഹോവ എങ്ങനെ​യാണ്‌ കാണി​ച്ചത്‌? (യശയ്യ 55:7)

⁴ ജൂതന്മാ​രോ​ടു താൻ ക്ഷമിക്കു​മെന്ന്‌ യഹോവ യശയ്യയി​ലൂ​ടെ ഉറപ്പു​കൊ​ടു​ത്തു. (യശയ്യ 55:7 വായി​ക്കുക) യഹോവ പറഞ്ഞു: “നിത്യ​മായ അചഞ്ചല​സ്‌നേ​ഹ​ത്താൽ ഞാൻ നിന്നോ​ടു കരുണ കാണി​ക്കും.” (യശ. 54:8) യഹോവ എങ്ങനെ അവരോ​ടു കരുണ കാണി​ക്കു​മാ​യി​രു​ന്നു? ആ ജൂതന്മാർക്കു തങ്ങൾ ചെയ്‌ത തെറ്റിന്റെ ശിക്ഷയാ​യി അനേകം വർഷം ബാബി​ലോ​ണിൽ കഴി​യേണ്ടി വരുമാ​യി​രു​ന്നെ​ങ്കി​ലും, എല്ലാ കാല​ത്തേ​ക്കും അവിടെ ജീവി​ക്കേ​ണ്ടി​വ​രി​ല്ലെന്ന്‌ യഹോവ ഉറപ്പു​കൊ​ടു​ത്തു. (യശ. 40:2) പശ്ചാത്ത​പി​ക്കു​ക​യും യഹോ​വയെ സന്തോ​ഷി​പ്പി​ക്കാൻ ആഗ്രഹി​ക്കു​ക​യും ചെയ്‌ത ജൂതന്മാർക്ക്‌ ഇത്‌ എത്ര​യേറെ ആശ്വാസം കൊടു​ത്തു​കാ​ണും!

5. യഹോ​വ​യു​ടെ കരുണയെ വിലമ​തി​ക്കാൻ ജൂതന്മാർക്ക്‌ ഉണ്ടായി​രു​ന്ന​തി​നെ​ക്കാൾ എന്തു വലിയ കാരണം നമുക്കുണ്ട്‌?

⁵ നമുക്ക്‌ എന്തു പഠിക്കാം? യഹോവ തന്റെ ദാസന്മാ​രോ​ടു വലിയ അളവിൽ ക്ഷമിക്കാൻ മനസ്സു​കാ​ണി​ക്കു​ന്നു. ഈ കാര്യ​ത്തിൽ നമുക്കു ബാബി​ലോ​ണി​ലു​ണ്ടാ​യി​രുന്ന ജൂതന്മാ​രെ​ക്കാൾ ഉറപ്പുണ്ട്‌. കാരണം നമ്മളോ​ടു ക്ഷമിക്കു​ന്ന​തി​നു​വേണ്ടി യഹോവ എന്താണ്‌ ചെയ്‌തി​രി​ക്കു​ന്ന​തെന്നു നമുക്ക്‌ അറിയാം. യശയ്യ തന്റെ പ്രവചനം രേഖ​പ്പെ​ടു​ത്തി ഏതാണ്ട്‌ 700 വർഷങ്ങൾക്കു ശേഷം യഹോവ തന്റെ പ്രിയ​മ​കനെ, പശ്ചാത്താ​പ​മുള്ള എല്ലാ പാപി​കൾക്കും ഒരു മോച​ന​വി​ല​യാ​യി ഭൂമി​യി​ലേക്ക്‌ അയച്ചു. ആ ബലിയു​ടെ അടിസ്ഥാ​ന​ത്തിൽ നമ്മുടെ പാപങ്ങൾ പൂർണ​മാ​യും ‘മായ്‌ച്ചു​കി​ട്ടു​ന്നു.’ (പ്രവൃ. 3:19; യശ. 1:18; എഫെ. 1:7) എത്ര കരുണ​യുള്ള ദൈവ​ത്തെ​യാണ്‌ നമ്മൾ സേവി​ക്കു​ന്നത്‌!

6. യഹോവ നമ്മളോ​ടു ക്ഷമിക്കു​ന്ന​തി​നെ​ക്കു​റിച്ച്‌ ചിന്തി​ക്കു​ന്നത്‌ നമ്മളെ ആശ്വസി​പ്പി​ക്കു​ന്നത്‌ എങ്ങനെ? (ചിത്ര​വും കാണുക.)

⁶ അമിത​മായ കുറ്റ​ബോ​ധ​ത്താൽ നീറുന്ന ഒരാളാണ്‌ നിങ്ങ​ളെ​ങ്കിൽ യശയ്യ 55:7-ലെ യഹോ​വ​യു​ടെ വാക്കുകൾ നിങ്ങളെ ആശ്വസി​പ്പി​ക്കും. പശ്ചാത്ത​പി​ച്ചെ​ങ്കി​ലും നമ്മളിൽ ചിലർക്ക്‌, മുമ്പ്‌ ചെയ്‌തു​പോയ തെറ്റി​നെ​ക്കു​റിച്ച്‌ ഓർത്ത്‌ വളരെ​യ​ധി​കം വിഷമം തോന്നു​ന്നു​ണ്ടാ​കും. ആ തെറ്റു ചെയ്‌ത​തു​കൊ​ണ്ടു​ണ്ടായ പ്രശ്‌നങ്ങൾ നമ്മൾ ഇപ്പോ​ഴും അനുഭ​വി​ക്കു​ന്നു​ണ്ടെ​ങ്കിൽ കുറ്റ​ബോ​ധം മനസ്സിൽനിന്ന്‌ പോകാ​നുള്ള സാധ്യത കുറവാ​യി​രി​ക്കും. എന്നാൽ തെറ്റുകൾ തുറന്നു​പ​റ​യു​ക​യും അതു തിരു​ത്തു​ക​യും ചെയ്‌തി​ട്ടു​ണ്ടെ​ങ്കിൽ യഹോവ നിങ്ങ​ളോ​ടു ക്ഷമി​ച്ചെന്ന്‌ ഉറപ്പാണ്‌. യഹോവ ക്ഷമിക്കു​മ്പോൾ, ആ തെറ്റി​നെ​ക്കു​റിച്ച്‌ വീണ്ടും ഓർക്കേണ്ടാ എന്ന്‌ യഹോവ തീരു​മാ​നി​ക്കു​ന്നു. (യിരെമ്യ 31:34 താരത​മ്യം ചെയ്യുക.) യഹോവ നമ്മുടെ തെറ്റു​ക​ളെ​ക്കു​റിച്ച്‌ വീണ്ടും ചിന്തി​ക്കു​ന്നി​ല്ലെ​ങ്കിൽപ്പി​ന്നെ നമ്മൾ അതെക്കു​റിച്ച്‌ ചിന്തി​ക്ക​ണോ? യഹോവ നോക്കു​ന്നത്‌ നമ്മൾ മുമ്പ്‌ ചെയ്‌ത തെറ്റു​ക​ളി​ലേക്കല്ല, ഇപ്പോൾ ചെയ്‌തു​കൊ​ണ്ടി​രി​ക്കുന്ന കാര്യ​ങ്ങ​ളി​ലേ​ക്കാണ്‌. (യഹ. 33:14-16) അതു​പോ​ലെ തെറ്റ്‌ ചെയ്‌തതു കാരണം നമ്മൾ അനുഭ​വി​ക്കുന്ന പ്രശ്‌ന​ങ്ങ​ളെ​ല്ലാം കരുണാ​മ​യ​നായ ദൈവം പെട്ടെ​ന്നു​തന്നെ, എന്നേക്കു​മാ​യി നീക്കി​ക്ക​ള​യും.

7. നമ്മൾ ഒരു തെറ്റ്‌ മറച്ചു​വെ​ച്ചി​ട്ടു​ണ്ടെ​ങ്കിൽ സഹായം സ്വീക​രി​ക്കാൻ നമ്മളെ എന്തു പ്രേരി​പ്പി​ക്കും?

⁷ ഗുരു​ത​ര​മായ ഒരു തെറ്റ്‌ മറച്ചു​വെ​ച്ച​തു​കൊണ്ട്‌ മനസ്സാക്ഷി നിങ്ങളെ കുറ്റ​പ്പെ​ടു​ത്തു​ന്നെ​ങ്കി​ലോ? ബൈബിൾ പ്രോ​ത്സാ​ഹി​പ്പി​ക്കു​ന്നതു മൂപ്പന്മാ​രു​ടെ സഹായം തേടാ​നാണ്‌. (യാക്കോ. 5:14, 15) പറ്റിയ തെറ്റി​നെ​ക്കു​റിച്ച്‌ തുറന്നു​പ​റ​യു​ന്നത്‌ അത്ര എളുപ്പമല്ല. എന്നാൽ യഥാർഥ പശ്ചാത്താ​പ​മു​ണ്ടെ​ങ്കിൽ മൂപ്പന്മാ​രു​ടെ അടുത്തു​പോ​കാൻ നിങ്ങൾക്കു തോന്നും. അതു​പോ​ലെ, നമ്മളെ സഹായി​ക്കു​ന്ന​തി​നു​വേണ്ടി യഹോവ നിയമി​ച്ചി​രി​ക്കുന്ന ഈ മൂപ്പന്മാർ യഹോ​വ​യെ​പ്പോ​ലെ കരുണ​യും സ്‌നേ​ഹ​വും കാണി​ക്കു​മെന്ന്‌ ഓർക്കു​ന്ന​തും അവരോട്‌ എല്ലാം തുറന്നു​പ​റ​യാൻ നിങ്ങളെ പ്രേരി​പ്പി​ക്കും. ചെയ്‌ത തെറ്റി​നെ​ക്കു​റിച്ച്‌ ഓർത്ത്‌ വല്ലാത്ത കുറ്റ​ബോ​ധം തോന്നിയ ആർഥർa സഹോ​ദ​രനെ യഹോ​വ​യു​ടെ കരുണ ആശ്വസി​പ്പി​ച്ചത്‌ എങ്ങനെ​യെന്നു നോക്കുക. സഹോ​ദരൻ പറയുന്നു: “ഏകദേശം ഒരു വർഷ​ത്തോ​ളം ഞാൻ അശ്ലീലം കണ്ടു​കൊ​ണ്ടി​രു​ന്നു. എന്നാൽ മനസ്സാ​ക്ഷി​യെ​ക്കു​റിച്ച്‌ ഒരു പ്രസംഗം കേട്ട​പ്പോൾ ഞാൻ എന്റെ തെറ്റ്‌ ഭാര്യ​യോ​ടും മൂപ്പന്മാ​രോ​ടും ഏറ്റുപ​റഞ്ഞു. ആ സമയത്ത്‌ എനിക്കു വലിയ ആശ്വാസം തോന്നി. എങ്കിലും ചെയ്‌ത​തി​നെ​ക്കു​റിച്ച്‌ ഓർത്ത്‌ ഞാൻ പിന്നീ​ടും ദുഃഖി​ച്ചു​കൊ​ണ്ടി​രു​ന്നു. യഹോവ എന്നെ തള്ളിക്ക​ള​ഞ്ഞി​ട്ടില്ല എന്ന കാര്യം മൂപ്പന്മാർ എന്നെ ഓർമി​പ്പി​ച്ചു. കാരണം താൻ സ്‌നേ​ഹി​ക്കു​ന്ന​വ​രെ​യാണ്‌ യഹോവ ശിക്ഷി​ക്കു​ന്നത്‌. കരുണ​യോ​ടെ​യുള്ള അവരുടെ വാക്കുകൾ എന്റെ ഹൃദയ​ത്തി​ലെത്തി. എന്റെ ചിന്തയ്‌ക്കു മാറ്റം വരുത്താൻ അതു സഹായി​ച്ചു.” ഇന്ന്‌ ആർഥർ സഹോ​ദരൻ ഒരു മുൻനി​ര​സേ​വ​ക​നാ​യും ശുശ്രൂ​ഷാ​ദാ​സ​നാ​യും സേവി​ക്കു​ന്നു. നമ്മൾ പശ്ചാത്ത​പി​ക്കു​മ്പോൾ യഹോവ കരുണ കാണി​ക്കു​മെന്ന്‌ അറിയു​ന്നത്‌ എത്ര ആശ്വാസം നൽകുന്ന ഒരു കാര്യ​മാണ്‌.

യഹോവ നമുക്കു പ്രത്യാശ തരുന്നു

8. (എ) ജൂത​പ്ര​വാ​സി​കൾക്ക്‌ യഹോവ എന്തു പ്രത്യാശ നൽകി? (ബി) യശയ്യ 40:29-31 അനുസ​രിച്ച്‌ പ്രത്യാശ, പശ്ചാത്താ​പ​മുള്ള ജൂതന്മാ​രെ എങ്ങനെ സഹായി​ക്കു​മാ​യി​രു​ന്നു?

⁸ മനുഷ്യ​രു​ടെ വീക്ഷണ​ത്തിൽ, ജൂത​പ്ര​വാ​സി​കൾക്കു യാതൊ​രു പ്രത്യാ​ശ​യ്‌ക്കും വകയി​ല്ലാ​യി​രു​ന്നു. കാരണം, ബന്ദികളെ വിട്ടയ​യ്‌ക്കുന്ന രീതി ബാബി​ലോൺകാർക്ക്‌ ഉണ്ടായി​രു​ന്നില്ല. (യശ. 14:17) എന്നാൽ യഹോവ അവർക്ക്‌ ഒരു പ്രത്യാശ നൽകി. തന്റെ ജനത്തെ മോചി​പ്പി​ക്കു​മെ​ന്നും അതിൽനിന്ന്‌ തന്നെ തടയാൻ ആർക്കും കഴിയി​ല്ലെ​ന്നും യഹോവ ജനത്തിന്‌ ഉറപ്പു​കൊ​ടു​ത്തു. (യശ. 44:26; 55:12) യഹോ​വ​യു​ടെ കണ്ണിൽ ബാബി​ലോൺകാർ വെറും പൊടി​പോ​ലെ​യാ​യി​രു​ന്നു; ഒന്ന്‌ ഊതി​യാൽ പറന്നു​പോ​കുന്ന വെറും പൊടി! (യശ. 40:15) യഹോവ നൽകിയ ഈ പ്രത്യാശ ജൂതന്മാ​രെ എങ്ങനെ സഹായി​ക്കു​മാ​യി​രു​ന്നു? അത്‌ അവരെ ആശ്വസി​പ്പി​ക്കു​മാ​യി​രു​ന്നു. എന്നാൽ അതു മാത്രമല്ല, യശയ്യ ഇങ്ങനെ എഴുതി: “യഹോ​വ​യിൽ പ്രത്യാശ വെച്ചി​രി​ക്കു​ന്നവർ ശക്തി വീണ്ടെ​ടു​ക്കും.” (യശയ്യ 40:29-31 വായി​ക്കുക.) ‘അവർ കഴുക​ന്മാ​രെ​പ്പോ​ലെ ചിറക​ടി​ച്ചു​യ​രു​മാ​യി​രു​ന്നു;’ കാരണം പ്രത്യാശ അവർക്കു വലിയ ഊർജം പകരും.

9. യഹോ​വ​യു​ടെ വാക്കു​ക​ളിൽ വിശ്വാ​സം അർപ്പി​ക്കാൻ പ്രവാ​സി​കൾക്ക്‌ എന്തു കാരണ​മു​ണ്ടാ​യി​രു​ന്നു?

⁹ യഹോവ പറഞ്ഞ കാര്യങ്ങൾ നടക്കു​മെന്നു വിശ്വ​സി​ക്കാൻ ശക്തമായ കാരണ​വും യഹോവ ജൂതന്മാർക്കു നൽകി. അതി​നോ​ടകം നിറ​വേ​റിയ പ്രവച​ന​ങ്ങ​ളാ​യി​രു​ന്നു അത്‌. ഏതൊ​ക്കെ​യാ​യി​രു​ന്നു അത്‌? അസീറി​യ​ക്കാർ പത്തു ഗോത്ര രാജ്യ​മായ ഇസ്രാ​യേ​ലി​നെ കീഴട​ക്കു​ക​യും അവിടത്തെ ആളുകളെ ബന്ദിക​ളാ​യി കൊണ്ടു​പോ​കു​ക​യും ചെയ്‌ത കാര്യം ജൂതന്മാർക്ക്‌ അറിയാ​മാ​യി​രു​ന്നു. (യശ. 8:4) ബാബി​ലോൺകാർ യരുശ​ലേ​മി​നെ നശിപ്പി​ക്കു​ക​യും അതിലു​ള്ള​വരെ പ്രവാ​സി​ക​ളാ​യി കൊണ്ടു​പോ​കു​ക​യും ചെയ്യു​ന്ന​തും അവർ കണ്ടു. (യശ. 39:5-7) സിദെ​ക്കിയ രാജാ​വി​ന്റെ കണ്ണ്‌ കുത്തി​പ്പൊ​ട്ടിച്ച്‌ അദ്ദേഹത്തെ ബാബി​ലോ​ണി​ലേക്കു കൊണ്ടു​പോ​യത്‌ അവർക്ക്‌ അറിയാ​മാ​യി​രു​ന്നു. (യിരെ. 39:7; യഹ. 12:12, 13) യഹോവ പറഞ്ഞ​തെ​ല്ലാം അന്നു നിറ​വേ​റു​ന്നത്‌ അവർ കണ്ടു. (യശ. 42:9; 46:10) തങ്ങളെ ബാബി​ലോ​ണിൽനിന്ന്‌ വിടു​വി​ക്കു​മെന്ന യഹോ​വ​യു​ടെ വാക്കിൽ ശക്തമായ വിശ്വാ​സ​മു​ണ്ടാ​യി​രി​ക്കാൻ ഇതെല്ലാം ഉറപ്പാ​യും ജൂതന്മാ​രെ സഹായി​ച്ചി​ട്ടു​ണ്ടാ​കും.

10. ഈ അവസാ​ന​നാ​ളു​ക​ളിൽ നമ്മുടെ പ്രത്യാശ ശക്തമാ​ക്കി​നി​റു​ത്താൻ എന്തു ചെയ്യാം?

¹⁰ നമുക്ക്‌ എന്തു പഠിക്കാം? നമ്മൾ സങ്കട​പ്പെ​ട്ടി​രി​ക്കു​മ്പോൾ പ്രത്യാശ നമുക്ക്‌ ആശ്വാസം തരും; ശക്തി വീണ്ടെ​ടു​ക്കാൻ സഹായി​ക്കും. ഈ ലോക​ത്തി​ന്റെ അവസ്ഥ വളരെ​യ​ധി​കം മോശ​മാ​യി​ക്കൊ​ണ്ടി​രി​ക്കു​ക​യാണ്‌. അതു​പോ​ലെ ദൈവ​ത്തി​ന്റെ ശക്തരായ ശത്രുക്കൾ നമുക്ക്‌ എതിരെ പ്രവർത്തി​ക്കു​ന്നു. എന്നാൽ നമ്മൾ തളർന്നു​പോ​കേ​ണ്ട​തില്ല. കാരണം യഹോവ നമുക്കു സമാധാ​ന​ത്തോ​ടെ, സുരക്ഷി​ത​മാ​യി ഈ ഭൂമി​യിൽ എന്നും ജീവി​ക്കാ​മെന്ന മനോ​ഹ​ര​മായ പ്രത്യാശ തന്നിട്ടുണ്ട്‌. ആ പ്രത്യാശ നമ്മുടെ ഉള്ളിൽ എപ്പോ​ഴും തെളി​ഞ്ഞു​നിൽക്കാൻ വേണ്ടത്‌ നമ്മൾ ചെയ്‌തു​കൊ​ണ്ടി​രി​ക്കണം. അങ്ങനെ ചെയ്‌തി​ല്ലെ​ങ്കിൽ മനോ​ഹ​ര​മായ ഒരു സ്ഥലം ഒരു ജനലിന്റെ ചില്ലി​ലൂ​ടെ നോക്കു​മ്പോൾ മങ്ങിയി​രി​ക്കു​ന്ന​തു​പോ​ലെ ആയിരി​ക്കും. കാരണം ആ ജനലിൽ ആകെ അഴുക്കും പൊടി​യും ആണ്‌. എങ്കിൽ നമുക്ക്‌ എങ്ങനെ ആ ‘ജനൽ വൃത്തി​യാ​ക്കാം,’ നമ്മുടെ പ്രത്യാശ തെളി​ച്ച​മു​ള്ള​താ​ക്കി നിറു​ത്താം? പുതിയ ലോക​ത്തി​ലെ നമ്മുടെ ജീവിതം എത്ര മനോ​ഹ​ര​മാ​യി​രി​ക്കു​മെന്നു ഭാവന​യിൽ കാണാൻ പതിവാ​യി സമയം മാറ്റി​വെ​ക്കാം. അതു​പോ​ലെ നമ്മുടെ പ്രത്യാ​ശ​യെ​ക്കു​റിച്ച്‌ പറയുന്ന ലേഖനങ്ങൾ വായി​ക്കു​ക​യും വീഡി​യോ​കൾ കാണു​ക​യും പാട്ടുകൾ കേൾക്കു​ക​യും ഒക്കെ ചെയ്യാം. ഇനി, നമ്മൾ ആകാം​ക്ഷ​യോ​ടെ നോക്കി​യി​രി​ക്കുന്ന വാഗ്‌ദാ​ന​ങ്ങ​ളെ​ക്കു​റിച്ച്‌ എടുത്തു​പ​റഞ്ഞ്‌ നമുക്കു ദൈവ​ത്തോ​ടു പ്രാർഥി​ക്കാം.

11. ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളുള്ള ഒരു സഹോ​ദ​രി​യെ ശക്തി വീണ്ടെ​ടു​ക്കാൻ സഹായി​ച്ചത്‌ എന്താണ്‌?

¹¹ ഗുരു​ത​ര​മായ ആരോ​ഗ്യ​പ്ര​ശ്‌ന​ങ്ങ​ളുള്ള ജോയ്‌ സഹോ​ദ​രി​ക്കു പ്രത്യാശ ആശ്വാ​സ​വും ബലവും നൽകി​യത്‌ എങ്ങനെ​യാ​ണെന്നു നോക്കാം. സഹോ​ദരി പറയുന്നു: “യഹോവ എന്നെ മനസ്സി​ലാ​ക്കു​ന്നു​ണ്ടെന്ന്‌ എനിക്ക്‌ ഉറപ്പു​ള്ള​തു​കൊണ്ട്‌, വല്ലാത്ത വിഷമം തോന്നു​മ്പോൾ ഞാൻ ഉള്ളിലു​ള്ള​തെ​ല്ലാം യഹോ​വ​യോ​ടു തുറന്നു​പ​റ​യും. അപ്പോൾ യഹോവ എനിക്ക്‌ ‘അസാധാ​ര​ണ​ശക്തി’ തരുന്നു.” (2 കൊരി. 4:7) ‘“എനിക്കു രോഗ​മാണ്‌” എന്നു ദേശത്ത്‌ വസിക്കുന്ന ആരും പറയി​ല്ലാത്ത’ ആ കാലത്ത്‌ ജീവി​ക്കു​ന്ന​താ​യി സഹോ​ദരി ഭാവന​യിൽ കാണു​ക​യും ചെയ്യുന്നു. (യശ. 33:24) സഹോ​ദ​രി​യെ​പ്പോ​ലെ നമ്മളും ഹൃദയം യഹോ​വ​യു​ടെ മുന്നിൽ പകരു​ക​യും പ്രത്യാ​ശ​യിൽ ശ്രദ്ധ കേന്ദ്രീ​ക​രി​ക്കു​ക​യും ചെയ്യു​ന്നെ​ങ്കിൽ നമുക്കു ശക്തി വീണ്ടെ​ടു​ക്കാ​നാ​കും.

12. യഹോ​വ​യു​ടെ വാഗ്‌ദാ​ന​ങ്ങ​ളിൽ വിശ്വ​സി​ക്കാൻ എന്തു കാരണ​ങ്ങ​ളാണ്‌ നമുക്കു​ള്ളത്‌? (ചിത്ര​വും കാണുക.)

¹² ബാബി​ലോ​ണി​ലാ​യി​രുന്ന ജൂതന്മാർക്കു കൊടു​ത്ത​തു​പോ​ലെ യഹോവ നമുക്കും തന്റെ വാഗ്‌ദാ​ന​ങ്ങ​ളിൽ വിശ്വ​സി​ക്കാ​നുള്ള അനേകം കാരണങ്ങൾ തരുന്നു. നമ്മുടെ നാളിൽ നിറ​വേ​റി​ക്കൊ​ണ്ടി​രി​ക്കുന്ന പ്രവച​ന​ങ്ങ​ളെ​ക്കു​റിച്ച്‌ ചിന്തി​ക്കുക. ഉദാഹ​ര​ണ​ത്തിന്‌, “ഭാഗി​ക​മാ​യി ബലമു​ള്ള​തും ഭാഗി​ക​മാ​യി ദുർബ​ല​വും” ആയ ഒരു ലോക​ശ​ക്തി​യെ നമ്മൾ ഇപ്പോൾ കാണുന്നു. (ദാനി. 2:42, 43) ‘ഒന്നിനു പുറകേ ഒന്നായി പല സ്ഥലങ്ങളിൽ ഭൂകമ്പങ്ങൾ’ ഉണ്ടാകു​ന്ന​തി​നെ​ക്കു​റിച്ച്‌ കേൾക്കു​ന്നു. ഇനി, ‘എല്ലാ ജനതക​ളെ​യും’ സന്തോ​ഷ​വാർത്ത അറിയി​ക്കു​ന്ന​തിൽ നമ്മളും ഉൾപ്പെ​ടു​ന്നു. (മത്താ. 24:7, 14) ഇതും ഇതു​പോ​ലുള്ള മറ്റു പ്രവച​ന​ങ്ങ​ളും നിറ​വേ​റു​ന്നതു കാണു​മ്പോൾ, യഹോ​വ​യു​ടെ ആശ്വാസം തരുന്ന വാഗ്‌ദാ​ന​ങ്ങ​ളി​ലുള്ള നമ്മുടെ വിശ്വാ​സം ശക്തമാ​കും.

പേടി​ക്കാ​തി​രി​ക്കാൻ യഹോവ നമ്മളെ സഹായി​ക്കു​ന്നു

13. (എ) വിടു​ത​ലി​നോട്‌ അടുത്ത സമയത്ത്‌ ജൂതന്മാർക്ക്‌ എന്തെല്ലാം പ്രശ്‌ന​ങ്ങ​ളു​ണ്ടാ​കു​മാ​യി​രു​ന്നു? (ബി) യശയ്യ 41:10-13 അനുസ​രിച്ച്‌ ബന്ദിക​ളാ​യി​പ്പോയ ജൂതന്മാ​രെ യഹോവ എങ്ങനെ​യാണ്‌ ആശ്വസി​പ്പി​ച്ചത്‌?

¹³ ബന്ദിക​ളാ​യി​പ്പോയ ജൂതന്മാ​രെ, മനോ​ഹ​ര​മായ ഒരു പ്രത്യാശ നൽകി യഹോവ ആശ്വസി​പ്പി​ച്ചു. എങ്കിലും അവർ ബാബി​ലോ​ണിൽനിന്ന്‌ വിടു​വി​ക്ക​പ്പെ​ടുന്ന സമയമാ​കു​മ്പോ​ഴേ​ക്കും അവർക്കു പല പ്രശ്‌ന​ങ്ങ​ളും നേരി​ടേ​ണ്ടി​വ​രു​മെന്ന്‌ യഹോ​വ​യ്‌ക്ക്‌ അറിയാ​മാ​യി​രു​ന്നു. പ്രവാ​സ​കാ​ല​ത്തി​ന്റെ അവസാ​ന​മാ​കു​മ്പോ​ഴേ​ക്കും ശക്തനായ ഒരു രാജാവ്‌ ബാബി​ലോ​ണി​ന്റെ ചുറ്റു​മുള്ള ദേശങ്ങളെ ആക്രമിച്ച്‌ കീഴ​പ്പെ​ടു​ത്തു​മെ​ന്നും അതിനു ശേഷം ബാബി​ലോ​ണി​നെ​യും ആക്രമി​ക്കു​മെ​ന്നും യഹോവ മുൻകൂ​ട്ടി​പ്പ​റഞ്ഞു. (യശ. 41:2-5) ജൂതന്മാർ ആ സമയത്ത്‌ പേടി​ക്കേ​ണ്ട​തു​ണ്ടാ​യി​രു​ന്നോ? ഇതു സംഭവി​ക്കു​ന്ന​തി​നു വർഷങ്ങൾക്കു മുമ്പു​തന്നെ “പേടി​ക്കേണ്ടാ, ഞാൻ നിന്റെ​കൂ​ടെ​യുണ്ട്‌. ഭയപ്പെ​ടേണ്ടാ, ഞാനല്ലേ നിന്റെ ദൈവം” എന്നു പറഞ്ഞു​കൊണ്ട്‌ യഹോവ അവരെ ആശ്വസി​പ്പി​ച്ചു. (യശയ്യ 41:10-13 വായി​ക്കുക) “ഞാനല്ലേ നിന്റെ ദൈവം” എന്നു പറഞ്ഞ​പ്പോൾ യഹോവ എന്താണ്‌ ഉദ്ദേശി​ച്ചത്‌? ജൂതന്മാർ ആരാധി​ക്കേ​ണ്ടത്‌ തന്നെയാ​ണെന്ന്‌ യഹോവ അവരോ​ടു പറയു​ക​യാ​യി​രു​ന്നില്ല. കാരണം, അത്‌ അപ്പോൾത്തന്നെ അവർക്ക്‌ അറിയാ​മാ​യി​രു​ന്നു. പകരം, സഹായി​ക്കാ​നാ​യി താൻ അപ്പോ​ഴും അവരുടെ പക്ഷത്തുണ്ട്‌ എന്ന കാര്യം യഹോവ അവരെ ഓർമി​പ്പി​ക്കു​ക​യാ​യി​രു​ന്നു.—സങ്കീ. 118:6.

14. പേടിയെ മറിക​ട​ക്കാൻ പ്രവാ​സി​കളെ സഹായി​ക്കു​ന്ന​തിന്‌ യഹോവ വേറെ എന്തുകൂ​ടെ ചെയ്‌തു?

¹⁴ തന്റെ അളവറ്റ ശക്തി​യെ​യും ജ്ഞാന​ത്തെ​യും കുറിച്ച്‌ ഓർമി​പ്പി​ച്ചു​കൊ​ണ്ടും യഹോവ പേടിയെ മറിക​ട​ക്കാൻ അവരെ സഹായി​ച്ചു. യഹോവ അവരോട്‌ ആകാശ​ത്തി​ലെ നക്ഷത്ര​ങ്ങളെ നോക്കാൻ പറഞ്ഞു. താൻ അവയെ സൃഷ്ടി​ക്കുക മാത്രമല്ല ഓരോ​ന്നി​നെ​യും പേരെ​ടുത്ത്‌ വിളി​ക്കു​ക​യും ചെയ്യു​ന്നെന്ന്‌ യഹോവ അവരെ ഓർമി​പ്പി​ച്ചു. (യശ. 40:25-28) അങ്ങനെ ചെയ്യുന്ന യഹോ​വ​യ്‌ക്കു തന്റെ ഓരോ ദാസന്മാ​രു​ടെ​യും പേരുകൾ എത്ര നന്നായി അറിയാ​മാ​യി​രി​ക്കും! അതു​പോ​ലെ ഈ നക്ഷത്ര​ങ്ങളെ സൃഷ്ടി​ക്കാ​നുള്ള ശക്തിയു​ണ്ടെ​ങ്കിൽ യഹോ​വ​യ്‌ക്ക്‌ ഉറപ്പാ​യും തന്റെ ജനത്തെ സഹായി​ക്കാ​നു​മാ​കും. അതു​കൊ​ണ്ടു​തന്നെ ആ ജൂത​പ്ര​വാ​സി​കൾക്കു പേടി​ക്കാൻ ഒരു കാരണ​വു​മി​ല്ലാ​യി​രു​ന്നു.

15. സംഭവി​ക്കാ​നി​രി​ക്കുന്ന കാര്യ​ങ്ങൾക്കാ​യി യഹോവ ജൂത​പ്ര​വാ​സി​കളെ എങ്ങനെ​യാണ്‌ ഒരുക്കി​യത്‌?

¹⁵ സംഭവി​ക്കാ​നി​രി​ക്കുന്ന കാര്യ​ങ്ങൾക്കാ​യി യഹോവ തന്റെ ജനത്തെ ഒരുക്കു​ക​യും ചെയ്‌തു. യശയ്യ പുസ്‌ത​ക​ത്തി​ന്റെ തുടക്ക​ഭാ​ഗത്ത്‌ ദൈവം ജനത്തോട്‌ ഇങ്ങനെ പറഞ്ഞു: “ചെന്ന്‌ നിങ്ങളു​ടെ ഉൾമു​റി​ക​ളിൽ കയറി, വാതിൽ അടയ്‌ക്കുക. ക്രോധം കടന്നു​പോ​കു​ന്ന​തു​വരെ അൽപ്പ​നേ​ര​ത്തേക്ക്‌ ഒളിച്ചി​രി​ക്കുക!” (യശ. 26:20) കോരശ്‌ രാജാവ്‌ ബാബി​ലോ​ണി​നെ കീഴ്‌പ്പെ​ടു​ത്തി​യ​പ്പോൾ ഈ വാക്കു​കൾക്ക്‌ ഒരു ആദ്യ നിവൃ​ത്തി​യു​ണ്ടാ​യി​ക്കാ​ണും. പഴയ ഒരു ഗ്രീക്ക്‌ ചരി​ത്ര​കാ​രൻ പറയു​ന്ന​ത​നു​സ​രിച്ച്‌, കോരശ്‌ ബാബി​ലോ​ണിൽ പ്രവേ​ശി​ച്ച​പ്പോൾ “വാതി​ലി​നു വെളി​യിൽ കാണുന്ന എല്ലാവ​രെ​യും കൊന്നു​ക​ള​യാൻ (തന്റെ പടയാ​ളി​കൾക്ക്‌) ഉത്തരവ്‌ കൊടു​ത്തി​രു​ന്നു.” ബാബി​ലോ​ണി​ലെ ആളുകൾക്ക്‌ ആ സമയത്ത്‌ എത്ര പേടി തോന്നി​യി​ട്ടു​ണ്ടാ​കും! എന്നാൽ യഹോവ നൽകിയ നിർദേ​ശങ്ങൾ അനുസ​രി​ച്ച​തു​കൊണ്ട്‌ ജൂത​പ്ര​വാ​സി​കൾ രക്ഷപ്പെ​ട്ടി​ട്ടു​ണ്ടാ​കണം.

16. ഭാവി​യ​ക്കു​റിച്ച്‌ ഓർത്ത്‌ നമ്മൾ അമിത​മാ​യി ഉത്‌ക​ണ്‌ഠ​പ്പെ​ടേ​ണ്ട​തി​ല്ലാ​ത്തത്‌ എന്തു​കൊണ്ട്‌? (ചിത്ര​വും കാണുക.)

¹⁶ നമുക്ക്‌ എന്തു പഠിക്കാം? ഭൂമി​യിൽ ഇന്നേവരെ ഉണ്ടായി​ട്ടി​ല്ലാത്ത ഒരു മഹാകഷ്ടത നമ്മൾ പെട്ടെ​ന്നു​തന്നെ നേരി​ടേ​ണ്ടി​വ​രും. ആ സമയത്ത്‌ ലോക​ത്തുള്ള ആളുക​ളെ​ല്ലാം എന്തു ചെയ്യണ​മെ​ന്ന​റി​യാ​തെ പേടി​ച്ചു​പോ​കും. എന്നാൽ യഹോ​വ​യു​ടെ ജനം അങ്ങനെ​യാ​യി​രി​ക്കില്ല. നമ്മുടെ ദൈവം യഹോ​വ​യാ​ണെന്നു നമുക്ക്‌ അറിയാം. ‘മോചനം അടുത്തു​വ​രു​ന്നെന്ന്‌’ അറിയാ​വു​ന്ന​തു​കൊണ്ട്‌ നമ്മൾ ധൈര്യ​ത്തോ​ടെ നിവർന്ന്‌ നിൽക്കും. (ലൂക്കോ. 21:28) രാഷ്‌ട്ര​ങ്ങ​ളു​ടെ ഒരു കൂട്ടം നമ്മളെ ആക്രമി​ക്കു​മ്പോ​ഴും നമ്മൾ ഉറച്ചു​നിൽക്കും. ആ സമയത്ത്‌ യഹോവ നമുക്കു ദൂതന്മാ​രു​ടെ സംരക്ഷ​ണ​വും ജീവൻ രക്ഷിക്കാൻ സഹായി​ക്കുന്ന നിർദേ​ശ​ങ്ങ​ളും തരു​മെന്നു നമുക്ക്‌ അറിയാം. ആ നിർദേ​ശങ്ങൾ എവി​ടെ​നി​ന്നാ​യി​രി​ക്കും കിട്ടു​ന്നത്‌? അതു കാത്തി​രുന്ന്‌ കാണണം. സാധ്യ​ത​യ​നു​സ​രിച്ച്‌ അതു കിട്ടു​ന്നതു നമ്മുടെ സഭകളി​ലൂ​ടെ​യാ​യി​രി​ക്കും. സംരക്ഷ​ണ​ത്തി​നാ​യി ഒളിച്ചി​രി​ക്കേണ്ട ‘ഉൾമു​റി​കൾ’ ചില​പ്പോൾ സഭകളാ​യി​രി​ക്കാം. എങ്കിൽ വരാനി​രി​ക്കുന്ന കാര്യ​ങ്ങൾക്കാ​യി നമുക്ക്‌ ഇപ്പോൾത്തന്നെ എങ്ങനെ ഒരുങ്ങാം? നമ്മൾ സഹോ​ദ​ര​ങ്ങ​ളോ​ടു കൂടുതൽ അടുക്കു​ക​യും സംഘട​ന​യിൽനിന്ന്‌ ലഭിക്കുന്ന നിർദേ​ശങ്ങൾ മനസ്സോ​ടെ അനുസ​രി​ക്കു​ക​യും യഹോ​വ​യാണ്‌ സംഘട​നയെ നയിക്കു​ന്ന​തെന്ന ബോധ്യം ശക്തമാ​ക്കു​ക​യും വേണം.—എബ്രാ. 10:24, 25; 13:17.

17. ആശ്വാ​സ​ത്തി​നാ​യി നിങ്ങൾക്ക്‌ എങ്ങനെ യഹോ​വ​യി​ലേക്കു നോക്കാം?

¹⁷ ജൂതന്മാർക്കു ബാബി​ലോ​ണിൽ കഴിയാൻ അത്ര എളുപ്പ​മ​ല്ലാ​യി​രു​ന്നെ​ങ്കി​ലും യഹോവ അവർക്കു​വേണ്ട ആശ്വാസം കൊടു​ത്തു. നമുക്കു​വേ​ണ്ടി​യും യഹോവ അതുതന്നെ ചെയ്യും. അതു​കൊണ്ട്‌, നാളെ എന്തൊക്കെ നേരി​ടേ​ണ്ടി​വ​ന്നാ​ലും ആശ്വാ​സ​ത്തി​നാ​യി നമുക്ക്‌ എപ്പോ​ഴും യഹോ​വ​യി​ലേക്കു നോക്കാം. തന്റെ വിശ്വ​സ്‌ത​ദാ​സ​രോട്‌ യഹോവ പൂർണ​മാ​യി ക്ഷമിക്കു​മെ​ന്നും അവർക്കാ​യി കരുതു​മെ​ന്നും ഉറപ്പു​ള്ള​വ​രാ​യി​രി​ക്കുക. നിങ്ങളു​ടെ പ്രത്യാശ തെളി​ച്ച​മു​ള്ള​താ​ക്കി നിറു​ത്തുക. യഹോ​വ​യാണ്‌ നിങ്ങളു​ടെ ദൈവ​മെന്ന്‌ ഓർക്കു​ന്നെ​ങ്കിൽ നിങ്ങൾക്ക്‌ ഒന്നി​നെ​യും പേടി​ക്കേ​ണ്ടി​വ​രില്ല!