എന്റെ ഭർത്താ​വിന്‌ വായന നിറു​ത്താൻ കഴിഞ്ഞില്ല!

എന്റെ ഭർത്താ​വും ഞാനും 1989-ൽ, അയൽപ​ക്കത്തെ ഒരു വീട്ടിൽവെച്ച്‌ സാക്ഷി​കളെ കണ്ടുമു​ട്ടി. അന്ന്‌ അവിടെ ബൈബി​ള​ധ്യ​യ​ന​ത്തി​നു വന്നിരുന്ന ഗിവി ബെർനാ​ഡ്‌സെ സഹോ​ദ​രനു ബൈബി​ളി​ന്റെ ഒരു കോപ്പി​പോ​ലും ഇല്ലായി​രു​ന്നു. കാരണം, അക്കാലത്ത്‌ ജോർജി​യ​യിൽ ബൈബി​ളു​കൾ കിട്ടാൻ വളരെ ബുദ്ധി​മു​ട്ടാ​യി​രു​ന്നു.

കേട്ട കാര്യ​ങ്ങ​ളിൽ താത്‌പ​ര്യ​മു​ണ്ടായ ഞങ്ങൾക്ക്‌ ഒരു ബൈബിൾ വേണമെന്ന ആഗ്രഹം തോന്നി. എന്റെ ഭർത്താവ്‌ അദ്ദേഹ​ത്തി​ന്റെ ചേട്ടനെ കണ്ടപ്പോൾ ഈ ആഗ്രഹം പറഞ്ഞു. അതിശ​യ​ക​ര​മെന്നു പറയട്ടെ, ചേട്ടൻ ആയിടെ ജോർജി​യൻ ഭാഷയി​ലുള്ള ബൈബി​ളി​ന്റെ ഒരു പുതിയ പതിപ്പ്‌ വാങ്ങി​യെ​ന്നും അതൊരു സമ്മാന​മാ​യി അനിയനു തരാൻ സന്തോ​ഷമേ ഉള്ളൂ എന്നും പറഞ്ഞു.

വീട്ടിൽ വന്ന ഭർത്താവ്‌ ഇരുട്ട്‌ വീഴു​ന്ന​തു​വരെ ആ ബൈബിൾ വായി​ച്ചു​കൊ​ണ്ടി​രു​ന്നു. പിറ്റേന്ന്‌ ഉറക്കമു​ണർന്ന അദ്ദേഹം വായന വീണ്ടും തുടർന്നു. ഞാൻ ജോലി കഴിഞ്ഞ്‌ വീട്ടിൽ എത്തിയ​പ്പോ​ഴും ബൈബിൾ വായി​ച്ചു​കൊ​ണ്ടി​രി​ക്കുന്ന ഭർത്താ​വി​നെ​യാ​ണു കണ്ടത്‌. അദ്ദേഹ​ത്തി​നു തിരു​വെ​ഴു​ത്തു വായി​ക്കു​ന്നതു നിറു​ത്താൻ കഴിഞ്ഞില്ല! അതു​കൊണ്ട്‌ കുറച്ച്‌ ദിവസം അവധി​യെ​ടുത്ത്‌ വായന പൂർത്തി​യാ​ക്കി​ക്കൂ​ടേ എന്നു ഞാൻ ചോദി​ച്ചു. അധികം താമസി​യാ​തെ അദ്ദേഹ​ത്തി​നു ബൈബിൾ മുഴുവൻ വായിച്ച്‌ തീർക്കാൻ കഴിഞ്ഞു.

പിന്നീടു ഞങ്ങൾ ബെർനാ​ഡ്‌സെ സഹോ​ദ​ര​നു​മൊത്ത്‌ നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌തകം പഠിച്ച​പ്പോൾ ഞങ്ങൾക്കു ബൈബിൾ ഉണ്ടായി​രു​ന്നതു വളരെ പ്രയോ​ജനം ചെയ്‌തു. രസകര​മെന്നു പറയട്ടെ, ഞങ്ങൾക്കു സത്യം പുസ്‌ത​ക​ത്തി​ന്റെ കോപ്പി ഇല്ലായി​രു​ന്നു, പക്ഷേ ബൈബിൾ ഉണ്ടായി​രു​ന്നു. ഞങ്ങളുടെ അധ്യാ​പ​കന്റെ കൈവ​ശ​മാ​കട്ടെ ബൈബിൾ ഇല്ലായി​രു​ന്നു, പക്ഷേ സത്യം പുസ്‌തകം ഉണ്ടായി​രു​ന്നു! അങ്ങനെ ഞങ്ങളുടെ പഠനം നന്നായി നടന്നു. ഏതാണ്ട്‌ ഒരു വർഷം കഴിഞ്ഞ്‌ ഞങ്ങൾ സ്‌നാ​ന​മേറ്റു.