കഴിഞ്ഞ വർഷത്തെ സവി​ശേ​ഷ​തകൾ

ഒന്നിനു പുറകേ ഒന്നായി വരുന്ന പ്രശ്‌ന​ങ്ങ​ളിൽ കുടുങ്ങി സാത്താന്റെ ഈ ലോകം വലയു​മ്പോൾ, യഹോ​വ​യു​ടെ സത്യാ​രാ​ധകർ ‘കർത്താ​വി​ന്റെ വേലയിൽ എപ്പോ​ഴും തിരക്കു​ള്ള​വ​രാണ്‌.’ (1 കൊരി. 15:58) ‘യഹോ​വ​യിൽ ആശ്രയി​ക്കാ​നും നല്ലതു ചെയ്യാ​നും വിശ്വസ്‌ത​ത​യോ​ടെ പ്രവർത്തി​ക്കാ​നും’ യഹോ​വ​യു​ടെ സാക്ഷികൾ കഠിനശ്രമം ചെയ്യു​ന്നത്‌ എങ്ങനെ​യെന്നു പിൻവ​രുന്ന ലോക​വ്യാ​പ​ക​റി​പ്പോർട്ടു​കൾ കാണി​ക്കു​ന്നു.​—സങ്കീ. 37:3.

ലോകാ​സ്ഥാ​ന​വും ബ്രാ​ഞ്ചോ​ഫീ​സും പുതിയ ഇടങ്ങളി​ലേക്ക്‌. . .

ന്യൂ​യോർക്കി​ലെ വാൾക്കി​ലിൽ സൗകര്യ​ങ്ങൾ വർധി​പ്പി​ക്കുന്ന ജോലി​കൾ 2016 ഫെബ്രു​വരി 1-നു പൂർത്തി​യാ​യി. അതു​കൊണ്ട്‌ ഐക്യ​നാ​ടു​ക​ളു​ടെ ബ്രാഞ്ച്‌ കമ്മിറ്റി​യും സർവീസ്‌ ഡിപ്പാർട്ടു​മെ​ന്റും മറ്റു ഡിപ്പാർട്ടു​മെ​ന്റു​ക​ളും ഈ പുതിയ കെട്ടി​ട​സ​മു​ച്ച​യ​ത്തി​ലേക്കു മാറ്റാൻപോ​കു​ക​യാണ്‌. വാർവി​ക്കിൽ മാറ്റി സ്ഥാപി​ക്കുന്ന പുതിയ ലോകാ​സ്ഥാ​ന​ത്തി​ന്റെ നിർമാ​ണ​ജോ​ലി​ക​ളും പൂർത്തീ​ക​ര​ണ​ത്തി​ലേക്ക്‌ അടുത്തു​കൊ​ണ്ടി​രി​ക്കു​ന്നു. അതു​കൊണ്ട്‌ ബ്രൂക്‌ലിൻ ബഥേൽകു​ടും​ബം ന്യൂ​യോർക്ക്‌ നഗരത്തിൽനി​ന്നും ഈ നാട്ടിൻപു​റ​ത്തേക്കു മാറു​ന്ന​തി​ന്റെ ഭാരിച്ച ജോലി​കൾ ചെയ്യുന്ന തിരക്കി​ലാണ്‌.

2017 ഏപ്രിൽ 3 തിങ്കളാഴ്‌ച വാർവി​ക്കി​ലെ ലോകാ​സ്ഥാ​നം സന്ദർശ​കർക്കു തുറന്നു​കൊ​ടു​ക്കും. ഗൈഡി​ന്റെ സഹായം കൂടാതെ തനിയെ ആസ്വദി​ക്കാ​വുന്ന മൂന്നു പ്രദർശ​ന​ങ്ങ​ളും ഗൈഡി​ന്റെ സഹായ​ത്തോ​ടെ​യുള്ള ഒരു ടൂറും അവർക്കാ​യി ഒരുക്കി​യി​ട്ടുണ്ട്‌.

1. “ബൈബി​ളും ദിവ്യ​നാ​മ​വും”​—ഗൈഡി​ന്റെ സഹായം കൂടാ​തെ​യുള്ള ഈ പ്രദർശ​ന​ത്തിൽ, ഇപ്പോൾ പ്രചാ​ര​ത്തി​ലി​ല്ലാത്ത ചില ബൈബി​ളു​ക​ളു​ടെ ഒരു ശേഖരം​ത​ന്നെ​യുണ്ട്‌. ദൈവ​ത്തി​ന്റെ പേര്‌ തിരു​വെ​ഴു​ത്തു​ക​ളു​ടെ ഭാഗമാ​ണെന്ന വസ്‌തുത ഈ പ്രദർശനം എടുത്തു​കാ​ട്ടു​ന്നു.

2. “യഹോ​വ​യു​ടെ നാമത്തി​നാ​യി ഒരു ജനം”​—യഹോ​വ​യു​ടെ സാക്ഷി​ക​ളു​ടെ ആത്മീയ​പൈ​തൃ​ക​ത്തി​ന്റെ ദൃശ്യ​ച​രി​ത്ര​മാണ്‌ ഇത്‌. തന്റെ ഇഷ്ടം ചെയ്യാ​നാ​യി യഹോവ സ്വന്തം ജനത്തെ പടിപ​ടി​യാ​യി നയിച്ച​തും പഠിപ്പി​ച്ച​തും സംഘടി​പ്പി​ച്ച​തും എങ്ങനെ​യാ​ണെന്നു മനസ്സി​ലാ​ക്കാൻ ഈ പ്രദർശനം സഹായി​ക്കു​ന്നു.

3. “ലോകാ​സ്ഥാ​നം​—വിശ്വാ​സം പ്രവൃ​ത്തി​യിൽ”​—യഹോ​വ​യു​ടെ ജനത്തിന്‌ ഒരുമിച്ച്‌ കൂടാ​നും ശിഷ്യരെ ഉളവാ​ക്കാ​നും ആത്മീയ​ഭ​ക്ഷണം ആസ്വദി​ക്കാ​നും പരസ്‌പരം സ്‌നേഹം കാണി​ക്കാ​നും ഭരണസം​ഘ​ത്തി​ന്റെ കമ്മിറ്റി​കൾ സഹായി​ക്കു​ന്നത്‌ എങ്ങനെ​യാ​ണെന്ന്‌ ഈ പ്രദർശനം വിശദീ​ക​രി​ക്കു​ന്നു.

ഗൈഡി​ന്റെ സഹായം കൂടാ​തെ​യുള്ള ടൂറുകൾ തിങ്കൾമു​തൽ വെള്ളി​വരെ രാവിലെ 8 മണിമു​തൽ വൈകു​ന്നേരം 4 മണിവരെ ഉണ്ടായി​രി​ക്കും. ബഥേലി​ലെ ചില ഓഫീ​സു​ക​ളും സ്ഥലങ്ങളും കാണി​ക്കുന്ന 20 മിനിട്ടു ദൈർഘ്യം​വ​രുന്ന ഒരു ടൂറും സന്ദർശ​കർക്ക്‌ ആസ്വദി​ക്കാം. ഗൈഡി​ന്റെ സഹായ​ത്തോ​ടെ​യുള്ള ഈ ചെറിയ ടൂർ തിങ്കൾമു​തൽ വെള്ളി​വരെ രാവിലെ 8 മണിമു​തൽ 11 മണിവ​രെ​യും ഉച്ചകഴിഞ്ഞ്‌ 1 മണിമു​തൽ 4 മണിവ​രെ​യും ലഭ്യമാണ്‌.

നിങ്ങൾ സന്ദർശനം ആസൂ​ത്രണം ചെയ്യു​ന്ന​തി​നു മുമ്പ്‌, ദയവായി jw.org-ൽ ഞങ്ങളെ​ക്കു​റിച്ച്‌ എന്നതിനു കീഴിൽ ഓഫീ​സു​കൾ/സന്ദർശനം>ഐക്യനാടുകൾ എന്നതു നോക്കുക.