ലോക സമാധാ​ന​ത്തി​നാ​യുള്ള ശ്രമങ്ങൾ വിജയി​ക്കു​മോ?

ഇന്നത്തെ ലോകത്ത്‌ യുദ്ധങ്ങ​ളും പോരാ​ട്ട​ങ്ങ​ളും കൂടി​ക്കൂ​ടി വരുക​യാണ്‌. അതു​കൊണ്ട്‌ ഐക്യ​രാ​ഷ്ട്ര സംഘട​ന​യും മറ്റു ചില സംഘട​ന​ക​ളും പ്രശ്‌ന​ങ്ങ​ളുള്ള സ്ഥലങ്ങളിൽ സമാധാ​നം നിലനി​റു​ത്തു​ന്ന​തി​നു​വേണ്ടി പ്രതി​നി​ധി​കളെ അയയ്‌ക്കു​ന്നു. ഇതു​പോ​ലുള്ള സ്ഥലങ്ങളിൽ സമാധാ​നം കൊണ്ടു​വ​രാൻ ഇതിലൂ​ടെ കഴിയു​മെ​ന്നാണ്‌ അവർ പ്രതീ​ക്ഷി​ക്കു​ന്നത്‌. യുഎൻ സെക്ര​ട്ടറി ജനറലായ അന്റോ​ണി​യോ ഗുട്ടെ​റസ്‌ പറയുന്നു: “ലോകത്ത്‌ സമാധാ​നം കൊണ്ടു​വ​രാ​നുള്ള നമ്മുടെ ശ്രമങ്ങ​ളിൽ ‘യു എൻ സമാധാ​ന​സേന’ വലി​യൊ​രു പങ്കു വഹിക്കു​ന്നു.”

നാളി​തു​വ​രെ സമാധാ​നം കൊണ്ടു​വ​രാ​നുള്ള ശ്രമങ്ങൾ കുറ​ച്ചൊ​ക്കെ വിജയി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, പ്രശ്‌ന​ങ്ങ​ളുള്ള സ്ഥലത്തെ ജനങ്ങളെ സംരക്ഷി​ക്കാ​നും അഭയാർഥി​ക​ളായ ആളുകളെ അവരുടെ രാജ്യ​ങ്ങ​ളി​ലേക്ക്‌ മടക്കി അയയ്‌ക്കാ​നും അതു​പോ​ലെ ആവശ്യ​മു​ള്ള​വർക്കു ഭക്ഷണം നൽകാ​നും അടിസ്ഥാ​ന​സൗ​ക​ര്യ​ങ്ങൾ ഒരുക്കി​ക്കൊ​ടു​ക്കാ​നും ഒക്കെ കഴിഞ്ഞി​ട്ടുണ്ട്‌. എന്നാൽ ചില തടസ്സങ്ങൾ ഉള്ളതു​കൊണ്ട്‌ സമാധാ​ന​ത്തി​നു​വേ​ണ്ടി​യുള്ള അവരുടെ ശ്രമങ്ങൾ എപ്പോ​ഴും പ്രതീ​ക്ഷി​ക്കു​ന്നത്ര വിജയി​ക്കു​ന്നില്ല. അങ്ങനെ​യെ​ങ്കിൽ ലോകത്ത്‌ എന്നെങ്കി​ലും നിലനിൽക്കുന്ന സമാധാ​നം ഉണ്ടാകു​മോ? ബൈബി​ളിന്‌ എന്താണ്‌ പറയാ​നു​ള്ളത്‌?

സമാധാ​നം നിലനി​റു​ത്തു​ന്ന​തി​നുള്ള തടസ്സങ്ങ​ളും ബൈബിൾ നൽകുന്ന പരിഹാ​ര​ങ്ങ​ളും

തടസ്സം: സഹകര​ണ​മി​ല്ലായ്‌മ. സമാധാ​നം നിലനി​റു​ത്തു​ന്ന​തി​നു​വേണ്ടി പല രാജ്യ​ങ്ങ​ളിൽനി​ന്നുള്ള പട്ടാള​ക്കാ​രും മറ്റു ഗവൺമെന്റ്‌ ഏജൻസി​ക​ളും ഐക്യ​ത്തോ​ടെ പ്രവർത്തി​ക്കു​ന്നത്‌ അത്ര എളുപ്പമല്ല. ചില സമയങ്ങ​ളിൽ തെറ്റി​ദ്ധാ​ര​ണ​ക​ളും അഭി​പ്രാ​യ​വ്യ​ത്യാ​സ​ങ്ങ​ളും കാരണം അവർക്ക്‌ ഒരുമിച്ച്‌ നന്നായി പ്രവർത്തി​ക്കാൻ ബുദ്ധി​മു​ട്ടാണ്‌.

ബൈബിൾ നൽകുന്ന പരിഹാ​രം: “ദൈവം . . . ഒരു രാജ്യം സ്ഥാപി​ക്കും. . . . ഈ രാജ്യ​ങ്ങ​ളെ​യെ​ല്ലാം (മനുഷ്യ​ഗ​വൺമെ​ന്റു​ക​ളെ​യെ​ല്ലാം) തകർത്ത്‌ ഇല്ലാതാ​ക്കി​യിട്ട്‌ അതു മാത്രം എന്നും നിലനിൽക്കും.”—ദാനി​യേൽ 2:44.

തടസ്സം: വിഭവ​ങ്ങ​ളു​ടെ കുറവും മറ്റു പരിമി​തി​ക​ളും. സമാധാ​നം നിലനി​റു​ത്താ​നുള്ള പ്രവർത്ത​ന​ങ്ങൾക്ക്‌ എപ്പോ​ഴും വേണ്ടത്ര ആളുക​ളും സാമ്പത്തിക സഹായ​ങ്ങ​ളും മറ്റു വിഭവ​ങ്ങ​ളും കിട്ടണ​മെ​ന്നില്ല. അത്‌ ആ പ്രവർത്ത​ന​ങ്ങൾക്ക്‌ ഒരു തടസ്സമാ​കു​ന്നു. അതു​പോ​ലെ സമാധാ​ന​പ്ര​വർത്ത​നങ്ങൾ ചെയ്യേ​ണ്ടി​വ​രു​ന്നത്‌ ഒരുപാ​ടു പ്രശ്‌ന​ങ്ങ​ളും അപകട​ങ്ങ​ളും നിറഞ്ഞ സ്ഥലങ്ങളി​ലാണ്‌.

ബൈബിൾ നൽകുന്ന പരിഹാ​രം: ‘നമ്മുടെ കർത്താ​വായ യേശു​ക്രി​സ്‌തു​വി​ന്റെ ദൈവം (യേശു​വി​നെ) സ്വർഗ​ത്തിൽ തന്റെ വലതു​ഭാ​ഗത്ത്‌ എല്ലാ ഗവൺമെ​ന്റു​ക​ളെ​ക്കാ​ളും അധികാ​ര​ങ്ങ​ളെ​ക്കാ​ളും ശക്തിക​ളെ​ക്കാ​ളും ഏറെ ഉന്നതമാ​യി ഇരുത്തി.’—എഫെസ്യർ 1:17, 20, 21.

സർവശ​ക്ത​നാ​യ യഹോവa ദൈവ​രാ​ജ്യ​ത്തി​ന്റെ നിയമിത രാജാ​വായ യേശു​വിന്‌ ഏറ്റവും നല്ല രീതി​യിൽ ഭരിക്കാൻ ആവശ്യ​മാ​യ​തെ​ല്ലാം കൊടു​ത്തി​രി​ക്കു​ന്നു. (ദാനി​യേൽ 7:13, 14b) ഏതൊരു മനുഷ്യ ഗവൺമെ​ന്റു​കൾക്കോ ഏജൻസി​കൾക്കോ ഉള്ളതി​നെ​ക്കാൾ അധികം ശക്തിയും അറിവും ജ്ഞാനവും വിവേ​ക​വും യേശു​വി​നു ദൈവം നൽകി​യി​രി​ക്കു​ന്നു. (യശയ്യ 11:2) അതു​പോ​ലെ യേശു​വി​നോ​ടൊ​പ്പം ശക്തരായ ദൂതന്മാ​രു​ടെ ഒരു സൈന്യ​വു​മുണ്ട്‌. (വെളി​പാട്‌ 19:14) ഒരു പ്രശ്‌ന​വും യേശു​വി​നു സങ്കീർണ​മോ ബുദ്ധി​മു​ട്ടു​ള്ള​തോ അല്ല.

തടസ്സം: നിയമ​ത​ട​സ്സങ്ങൾ. സമാധാ​ന​ത്തി​നു​വേണ്ടി പ്രവർത്തി​ക്കു​ന്ന​വർക്കു ചില സമയങ്ങ​ളിൽ തങ്ങൾ എന്താണു ചെയ്യേ​ണ്ട​തെന്നു വ്യക്തമായ നിർദേ​ശങ്ങൾ കിട്ടാ​തെ​വ​രു​ന്നു. അല്ലെങ്കിൽ അവർക്കു നിയമ​ത​ട​സ്സങ്ങൾ നേരി​ടു​ന്നു. അതു​കൊ​ണ്ടു​തന്നെ ആളുകളെ നന്നായി സംരക്ഷി​ക്കാ​നോ തങ്ങളുടെ ഉദ്ദേശ്യം പൂർണ​മാ​യി നടപ്പാ​ക്കാ​നോ കഴിയു​ന്നില്ല.

ബൈബിൾ നൽകുന്ന പരിഹാ​രം: “സ്വർഗ​ത്തി​ലും ഭൂമി​യി​ലും എല്ലാ അധികാ​ര​വും (യേശു​വിന്‌) നൽകി​യി​രി​ക്കു​ന്നു.”—മത്തായി 28:18.

ലോകത്ത്‌ സമാധാ​നം കൊണ്ടു​വ​രാൻ വേണ്ട വ്യക്തമായ എല്ലാ നിർദേ​ശ​ങ്ങ​ളും അതിനുള്ള അധികാ​ര​വും ദൈവം യേശു​വി​നു കൊടു​ത്തി​ട്ടുണ്ട്‌. (യോഹ​ന്നാൻ 5:22) യേശു അന്യാ​യ​മാ​യി പെരു​മാ​റു​ക​യോ അഴിമതി കാണി​ക്കു​ക​യോ ഇല്ല. (യശയ്യ 11:3-5) അതു​കൊ​ണ്ടു​തന്നെ “നീതി​യോ​ടും ന്യായ​ത്തോ​ടും” ദൈവ​രാ​ജ്യം ഭരിക്കുന്ന യേശു​വി​നെ “സമാധാ​ന​പ്രഭു” എന്ന്‌ ബൈബിൾ വിളി​ച്ച​തിൽ ഒരു അതിശ​യ​വു​മില്ല.—യശയ്യ 9:6, 7.

ദൈവ​ത്തി​ന്റെ രാജ്യം യഥാർഥ​സ​മാ​ധാ​നം കൊണ്ടു​വ​രും

സമാധാ​നം കൊണ്ടു​വ​രാൻ പ്രവർത്തി​ക്കുന്ന മനുഷ്യ​സം​ഘ​ട​ന​കൾക്ക്‌ ഒരു പരിധി​വരെ അതിനു കഴിയും. അല്ലെങ്കിൽ ഒരു പ്രദേ​ശത്തെ പോരാ​ട്ടങ്ങൾ ഇല്ലാതാ​ക്കാൻ അവർക്കു കഴി​ഞ്ഞേ​ക്കും. എന്നാൽ അക്രമ​ങ്ങ​ളു​ടെ അടിസ്ഥാ​ന​കാ​ര​ണ​മായ ആളുക​ളു​ടെ ഉള്ളിൽ നിറഞ്ഞു​നിൽക്കുന്ന പകയും വിദ്വേ​ഷ​വും ഇല്ലാതാ​ക്കാൻ അവർക്കു കഴിയില്ല.

“അടിസ്ഥാ​ന​പ്ര​ശ്‌നം എന്താ​ണെ​ന്നു​വെ​ച്ചാൽ, സമാധാ​നം ഉള്ളിട​ത്തല്ലേ അത്‌ നിലനി​റു​ത്താൻ കഴിയൂ.”—ഡെന്നിസ്‌ ജെറ്റ്‌, മുൻ യു. എസ്‌. അംബാ​സഡർ.

എന്നാൽ ദൈവ​രാ​ജ്യ​ത്തി​നു ഭൂമി​യിൽ യഥാർഥ​സ​മാ​ധാ​നം കൊണ്ടു​വ​രാൻ കഴിയും. കാരണം ദൈവ​രാ​ജ്യം ആളുക​ളു​ടെ ഹൃദയ​ത്തിൽനിന്ന്‌ പകയും വിദ്വേ​ഷ​വും എല്ലാം തുടച്ചു​നീ​ക്കും. ഉദാഹ​ര​ണ​ത്തിന്‌, യേശു ഭൂമി​യി​ലാ​യി​രു​ന്ന​പ്പോൾ മറ്റുള്ള​വ​രു​മാ​യി എങ്ങനെ സമാധാ​ന​ത്തിൽ കഴിയാ​മെ​ന്നും എങ്ങനെ സ്‌നേ​ഹ​ത്തോ​ടെ ഇടപെ​ടാ​മെ​ന്നും തന്റെ വാക്കി​ലൂ​ടെ​യും പ്രവൃ​ത്തി​ക​ളി​ലൂ​ടെ​യും ശിഷ്യ​ന്മാ​രെ പഠിപ്പി​ച്ചു:

പരസ്‌പ​ര​മുള്ള സ്‌നേഹം ദൈവ​രാ​ജ്യ​ത്തി​ലു​ള്ള​വരെ തിരി​ച്ച​റി​യി​ക്കു​മെന്നു യേശു പറഞ്ഞു. സഹമനു​ഷ്യ​രെ വെറു​ക്കു​ന്ന​വരെ ദൈവ​രാ​ജ്യം വെച്ചു​പൊ​റു​പ്പി​ക്കി​ല്ലെ​ന്നും ബൈബിൾ പറയുന്നു.

മനുഷ്യ​രെ സൃഷ്ടിച്ച ദൈവ​മായ യഹോ​വ​യ്‌ക്കു മാത്രമേ ലോകത്ത്‌ സമാധാ​നം കൊണ്ടു​വ​രാ​നുള്ള ഏറ്റവും നല്ല ഒരേ ഒരു വഴി അറിയാ​വൂ. സമാധാ​നം കൊണ്ടു​വ​രു​ന്നത്‌ ഉൾപ്പെ​ടെ​യുള്ള മനുഷ്യ​രു​ടെ ശ്രമങ്ങൾ പരാജ​യ​പ്പെ​ടു​ന്നി​ടത്ത്‌ ദൈവ​രാ​ജ്യം വിജയി​ക്കും.