യുവജ​നങ്ങൾ ചോദി​ക്കു​ന്നു. . .

ഗർഭച്ഛി​ദ്രം—അതാണോ പരിഹാ​രം?

“എന്റെ ഗർഭപ​രി​ശോ​ധന എനിക്കു ഗർഭമു​ണ്ടെന്നു സൂചി​പ്പി​ച്ച​പ്പോൾ ഞാൻ ഉടൻതന്നെ ഗർഭച്ഛി​ദ്രം നടത്തണ​മെന്ന്‌ എന്റെ കാമുകൻ ആവശ്യ​പ്പെട്ടു. അതിനു​വേ​ണ്ടി​യുള്ള പണം പോലും അയാൾ തന്നു” എന്നു ജൂഡി അനുസ്‌മ​രി​ക്കു​ന്നു. ജൂഡിക്കു 17 വയസ്സാ​യി​രു​ന്നു.a

പതിനഞ്ചു വയസ്സു​കാ​രി മാർട്ട താൻ ഗർഭി​ണി​യാ​ണെന്നു കണ്ടെത്തി​യ​പ്പോൾ, അവൾ ഗർഭച്ഛി​ദ്ര ക്ലിനി​ക്കി​ലെ ഒരു ഉപദേ​ശ​ക​യോ​ടു സംസാ​രി​ച്ചു. “അവർ സകലവും എന്നോടു വിശദീ​ക​രി​ച്ചു,” മാർട്ട പറയുന്നു. “എനിക്ക്‌ ഒരു ഗർഭച്ഛി​ദ്രം നടത്താ​വു​ന്ന​താ​ണെ​ന്നും അതല്ലെ​ങ്കിൽ ഞാൻ ആഗ്രഹി​ക്കുന്ന പക്ഷം ഒരു ദത്തെടു​ക്കൽ ഏജൻസി​യോ ഒരു പ്രസവ​ശു​ശ്രൂ​ഷാ​ല​യ​മോ കണ്ടെത്താൻ അവർ സഹായി​ക്കാ​മെ​ന്നും എന്നോടു പറഞ്ഞു.”

ഐക്യ​നാ​ടു​ക​ളിൽ മാത്രം ഓരോ വർഷവും പത്തുല​ക്ഷ​ത്തി​ല​ധി​കം യുവതി​കൾ ഗർഭി​ണി​ക​ളാ​കു​ന്നു. അവരിൽ ക്രിസ്‌തീയ പരിശീ​ലനം ലഭിച്ചി​രു​ന്നി​ട്ടും, “ദുർന്ന​ടപ്പു വിട്ടൊ​ഴി”യാൻ, അല്ലെങ്കിൽ വിവാ​ഹ​പൂർവ ലൈം​ഗി​കത ഒഴിവാ​ക്കാ​നുള്ള ദൈവ​ക​ല്‌പന ലംഘിച്ച നിരവധി യുവജ​നങ്ങൾ ഉൾപ്പെ​ടു​ന്നു. (1 തെസ്സ​ലൊ​നീ​ക്യർ 4:3) ഈ ദുർമാർഗം അനാവ​ശ്യ​മായ വളരെ​യ​ധി​കം ദുരി​ത​ത്തിൽ കലാശി​ക്കു​ന്നു. എന്നിരു​ന്നാ​ലും, ഈ യുവജ​ന​ങ്ങ​ളിൽ പലരും തങ്ങളുടെ പെരു​മാ​റ​റ​ഗ​തി​യിൽ ദുഃഖി​ത​രാ​കു​ക​യും തങ്ങളുടെ ജീവിതം നേരെ​യാ​ക്കാ​നാ​ഗ്ര​ഹി​ക്കു​ക​യും ചെയ്യുന്നു. എന്നാൽ വിവാ​ഹം​കൂ​ടാ​തെ ഒരു ശിശു​വി​നെ പ്രസവി​ക്കു​ന്ന​തി​ന്റെ ഭീതി​ദ​മായ പ്രതീ​ക്ഷയെ അഭിമു​ഖീ​ക​രി​ക്കു​മ്പോൾ, തങ്ങളുടെ പ്രശ്‌ന​ങ്ങൾക്കുള്ള അനായാ​സ​പ​രി​ഹാ​രം ഒരു ഗർഭച്ഛി​ദ്ര​മാ​യി​രി​ക്കു​മോ​യെന്നു ചിലർ ചിന്തി​ച്ചേ​ക്കാം. ഏതായാ​ലും, ഐക്യ​നാ​ടു​ക​ളിൽ ഓരോ വർഷവും ഗർഭി​ണി​ക​ളാ​കുന്ന അഞ്ചുല​ക്ഷ​ത്തോ​ളം പെൺകു​ട്ടി​കൾ ഗർഭച്ഛി​ദ്രം നടത്താൻ തീരു​മാ​നി​ക്കു​ന്നു. വേണ്ടാത്ത ഒരു ഗർഭധാ​ര​ണ​ത്തി​ന്റെ ഏററവും നല്ല പരിഹാ​ര​മാ​യി​രി​ക്കാൻ യഥാർഥ​ത്തിൽ ഇതിനു കഴിയു​മോ?

ചിലർ ഗർഭച്ഛി​ദ്രം നടത്തു​ന്നത്‌ എന്തു​കൊണ്ട്‌

മനസ്സി​ലാ​ക്കാൻ കഴിയു​ന്ന​തു​പോ​ലെ, ശക്തമായ, പരസ്‌പ​ര​വി​രു​ദ്ധം പോലു​മായ, വികാ​രങ്ങൾ സ്വാധീ​നം ചെലു​ത്തി​യേ​ക്കാം. ഒരു ചെറു​പ്പ​ക്കാ​രി​ക്കു തന്റെ ഉള്ളിൽ വളരുന്ന ശിശു​വി​നോ​ടു കുറേ സ്വാഭാ​വിക വികാ​രങ്ങൾ ഉണ്ടാകാൻ നല്ല സാധ്യ​ത​യുണ്ട്‌. എന്നാൽ അവൾക്കു ന്യായ​മായ ചില ഭയാശ​ങ്ക​ക​ളും ഉണ്ടായി​രി​ക്കാം.

ദൃഷ്ടാ​ന്ത​ത്തിന്‌, പതി​നെ​ട്ടു​വ​യ​സ്സു​ണ്ടാ​യി​രുന്ന വിക്കി “കോ​ളെ​ജിൽ പോയി ഒരു മാസ്‌റേ​റ​ഴ്‌സ്‌ ഡിഗ്രി നേടാൻ പോലും ആഗ്രഹി​ച്ചു.” അവളുടെ ചിന്തയ​നു​സ​രിച്ച്‌, ഒരു കുട്ടി ഉണ്ടാകു​ന്നത്‌ അവളുടെ പദ്ധതി​കൾക്കു പ്രതി​ബന്ധം സൃഷ്ടി​ക്കും. (ടീൻ മാസിക, മാർച്ച്‌ 1992) അതു​പോ​ലെ​തന്നെ മാർട്ട​യും ഇങ്ങനെ നിഗമ​നം​ചെ​യ്‌തു: “നിങ്ങൾ ഒരു അമ്മയാ​കു​ക​യാ​ണെ​ങ്കിൽ, നിങ്ങൾ കുഞ്ഞു​മാ​യി വീട്ടിൽ കഴിയണം, അതോടെ പഠിത്ത​വും നിർത്തണം. ഞാൻ അതിനു തയ്യാറ​ല്ലാ​യി​രു​ന്നു.” ഒരു പഠന​പ്ര​കാ​രം, ഗർഭച്ഛി​ദ്രം നടത്തുന്ന കൗമാ​ര​പ്രാ​യ​ക്കാ​രിൽ 87 ശതമാനം ഒരു കുട്ടി ഉണ്ടായാൽ അതു തങ്ങൾ ഏറെറ​ടു​ക്കാൻ തയ്യാറാ​യി​ക്ക​ഴി​ഞ്ഞി​ട്ടി​ല്ലാത്ത ഒരു വിധത്തിൽ തങ്ങളുടെ ജീവി​ത​ത്തി​നു കർശന​മാ​യി മാററം വരുത്തു​മെന്നു ഭയപ്പെ​ടു​ന്നു.

സാമ്പത്തി​ക​പ്ര​യാ​സ​ങ്ങ​ളെ​ക്കു​റി​ച്ചുള്ള ഭയവും ഒററയ്‌ക്കുള്ള മാതാ​വി​ന്റെ ഉത്തരവാ​ദി​ത്വ​ങ്ങൾ കൈകാ​ര്യം​ചെ​യ്യാൻ പ്രാപ്‌ത​യ​ല്ലാ​യി​രി​ക്കാ​മെന്ന ഉത്‌ക്ക​ണ്‌ഠ​യും അനേകർ ഗർഭച്ഛി​ദ്രം തിര​ഞ്ഞെ​ടു​ക്കു​ന്ന​തി​ന്റെ സാധാരണ കാരണ​ങ്ങ​ളാണ്‌. വിക്കി അത്‌ ഈ വിധത്തിൽ പ്രസ്‌താ​വി​ച്ചു: “എന്റെ മാതാ​പി​താ​ക്കൾ വിവാ​ഹ​മോ​ചനം നടത്തിയ ഒരു കുടും​ബ​ത്തിൽനി​ന്നാ​ണു ഞാൻ വന്നത്‌, എന്റെ അമ്മ മൂന്നു മക്കളെ തനിയേ വളർത്തി. അമ്മ പോരാ​ട്ടം കഴിക്കു​ന്നതു ഞാൻ നിരീ​ക്ഷി​ച്ചു . . . എന്റെ അമ്മയെ​പ്പോ​ലെ ഞാൻ ഒടുവിൽ ഒററയ്‌ക്കുള്ള ഒരു മാതാ​വാ​യി​ത്തീ​രു​ന്നതു ഭാവന​യിൽ കാണാൻ എനിക്കു കഴിഞ്ഞു.”

മററു​ള്ള​വ​രിൽനി​ന്നുള്ള, വിശേ​ഷാൽ കാമു​ക​നിൽനി​ന്നുള്ള, സമ്മർദ​വും ഒരു ഗർഭം അവസാ​നി​പ്പി​ക്കു​ന്ന​തി​ലേക്ക്‌ ഒരാളെ തള്ളിവി​ട്ടേ​ക്കാം. ജൂഡി​യു​ടെ കാമുകൻ അവൾക്ക്‌ ഈ അന്ത്യശാ​സനം നൽകി: “നീ ഗർഭച്ഛി​ദ്രം നടത്തു​ന്നി​ല്ലെ​ങ്കിൽ നിന്നെ ഇനി കാണാൻ ഞാൻ ആഗ്രഹി​ക്കു​ന്നില്ല.” നാൻസി​യു​ടെ കാര്യ​ത്തിൽ ഗർഭച്ഛി​ദ്രം നടത്താ​നുള്ള സമ്മർദം അവളുടെ അമ്മയിൽനി​ന്നും മററു ബന്ധുക്ക​ളിൽനി​ന്നു​മാ​ണു​ണ്ടാ​യത്‌.

ഗർഭച്ഛി​ദ്ര​ത്തിൽ യഥാർഥ​ത്തിൽ ഒരു ശിശു​വി​നെ കൊല്ലു​ന്നത്‌ ഉൾപ്പെ​ടു​ന്നി​ല്ലെ​ന്നുള്ള അബദ്ധവീ​ക്ഷ​ണ​വും ഒരു ശക്തമായ സ്വാധീ​നം​ചെ​ലു​ത്തു​ന്നു. വിക്കി പറയുന്നു: “ഞാൻ അതി​നെ​ക്കു​റിച്ച്‌ ഒരു ശിശു എന്നു ചിന്തി​ക്കാൻ എന്നെത്തന്നെ അനുവ​ദി​ക്കു​ക​യില്ല. . . . ഗർഭധാ​ര​ണ​ത്തി​ന്റെ അഞ്ചാം ആഴ്‌ച​യിൽ ഭ്രൂണം നിങ്ങളു​ടെ ചെറു​വി​ര​ലി​ന്റെ നഖത്തെ​ക്കാൾ ചെറു​താ​ണെന്നു ഞാൻ മനസ്സി​ലാ​ക്കി. ഞാൻ ആ ആശയ​ത്തോ​ടു വളരെ ശക്തമായി പററി​നി​ന്നു. അതിന്‌ ഒരു ചെറു​വി​ര​ലി​ന്റെ നഖത്തിന്റെ വലിപ്പം​മാ​ത്രമേ ഉള്ളു​വെ​ങ്കിൽ അതു യഥാർഥ​ത്തിൽ ഒരു ശിശു ആയിരു​ന്നില്ല. എനിക്കു ഗർഭച്ഛി​ദ്ര​വു​മാ​യി മുന്നോ​ട്ടു​പോ​കാൻ കഴിയ​ത്ത​ക്ക​വണ്ണം അതിനെ എന്റെ മനസ്സിൽ യഥാർഥ​മ​ല്ലാ​ത്ത​താ​ക്കാൻ ഞാൻ ശ്രമിച്ചു.”

സാങ്കേ​തി​ക​മാ​യി പുരോ​ഗ​മിച്ച രാഷ്‌ട്ര​ങ്ങ​ളി​ലെ​ങ്കി​ലും, ഗർഭച്ഛി​ദ്ര​മാ​ണു സുരക്ഷി​ത​മെ​ന്നും ചിലർ അവകാ​ശ​പ്പെ​ടു​ന്നു—ഒരു ഗർഭി​ണി​യായ യുവതി​യു​ടെ പ്രസവ​ത്തെ​ക്കാൾ സുരക്ഷി​ത​മെന്നു സങ്കല്‌പം. എല്ലാം പരിഗ​ണി​ക്കു​മ്പോൾ, ഗർഭച്ഛി​ദ്രം അഭികാ​മ്യ​മാ​ണെന്നു തോന്നി​യേ​ക്കാം. എന്നിരു​ന്നാ​ലും, ഗർഭച്ഛി​ദ്രം തിര​ഞ്ഞെ​ടു​ക്കുന്ന അനേകർ പിന്നീടു ഖേദി​ക്കു​ന്നു​വെന്നു വസ്‌തു​തകൾ പ്രകട​മാ​ക്കു​ന്നു. ഒരു സ്‌ത്രീ പറയുന്നു: “20-ാം വയസ്സിൽ ഞാൻ ഒരു ഗർഭച്ഛി​ദ്രം നടത്തി. ഇപ്പോൾ എനിക്കു 34 വയസ്സുണ്ട്‌, ഞാൻ ചെയ്‌ത​തി​നോ​ടു പൊരു​ത്ത​പ്പെ​ടാൻ എനിക്കു പ്രയാ​സ​മാണ്‌. എന്റെ ശിശു​വി​നെ എനിക്കു വേണമാ​യി​രു​ന്നു, എന്നാൽ എന്റെ കാമു​കനു വേണ്ടാ​യി​രു​ന്നു. ഇപ്പോ​ഴും എനിക്കു വൈകാ​രി​കാ​ഘാ​തം അനുഭ​വ​പ്പെ​ടു​ന്നുണ്ട്‌; നിങ്ങളു​ടെ ശേഷിച്ച ആയുഷ്‌കാ​ലം​മു​ഴു​വൻ നിങ്ങ​ളോ​ടു​കൂ​ടെ വേദന തങ്ങിനിൽക്കു​ന്നു.”

വൈകാ​രിക വടുക്കൾ

അനായാസ പോം​വ​ഴി​യാ​യി​രി​ക്കു​ന്ന​തി​നു പകരം, ഗർഭച്ഛി​ദ്ര​ത്തിന്‌ ഒരാളു​ടെ പ്രയാ​സ​ങ്ങളെ സമ്മി​ശ്ര​മാ​ക്കാൻ കഴിയും. എങ്ങനെ​യാ​യാ​ലും, അതു ശരിയും തെററും​സം​ബ​ന്ധിച്ച നമ്മുടെ ആന്തരി​ക​ബോ​ധ​ത്തിന്‌—ദൈവം മനുഷ്യ​വർഗ​ത്തിൽ നട്ടിരി​ക്കുന്ന മനസ്സാ​ക്ഷി​ക്കു—വിരു​ദ്ധ​മാണ്‌. (റോമർ 2:15) കൂടാതെ, ഗർഭച്ഛി​ദ്രം ഒരു യുവതി തന്റെ ഉള്ളിൽ വളരുന്ന ചെറു​ജീ​വനു തന്റെ സ്‌നേ​ഹാർദ്ര​ദ​യ​ക​ളു​ടെ വാതിൽ അടച്ചു​ക​ള​യേ​ണ്ടത്‌ ആവശ്യ​മാ​ക്കി​ത്തീർക്കു​ന്നു. (താരത​മ്യം ചെയ്യുക: 1 യോഹ​ന്നാൻ 3:17.) എത്ര സദാചാ​ര​ഹീ​നം!

മാർട്ട പറയുന്നു: “ഏതാനും ആഴ്‌ചകൾ കഴിഞ്ഞു​മാ​ത്ര​മാ​ണു ഞാൻ ചെയ്‌ത​തു​സം​ബ​ന്ധിച്ച്‌ എനിക്കു കുററ​ബോ​ധ​വും ലജ്ജയും തോന്നി​ത്തു​ട​ങ്ങി​യത്‌.” ഫെബ്രു​വരി ആയതോ​ടെ കാര്യങ്ങൾ കുറേ​ക്കൂ​ടെ പ്രയാ​സ​ക​ര​മാ​യി—ആ മാസത്തി​ലാ​യി​രു​ന്നു കുട്ടി ജനിക്കു​മാ​യി​രു​ന്നത്‌. എലിയാ​സാ ചിന്തി​ച്ചു​പ​റ​യു​ന്നു: “15 വർഷം മുമ്പു ഞാൻ ഒരു ഗർഭച്ഛി​ദ്രം നടത്തി. അതിനെ തുടർന്ന്‌ എനിക്കു ഗുരു​ത​ര​മായ വിഷാ​ദ​രോ​ഗ​മു​ണ്ടാ​യി, പല പ്രാവ​ശ്യം ഒരു ക്ലിനി​ക്കിൽ ചികി​ത്സി​ക്കേ​ണ്ടി​വ​രു​ക​യും ചെയ്‌തു. ഞാൻ ആത്മഹത്യ​ചെ​യ്യാൻ പോലും ആഗ്രഹി​ച്ചു.”

എല്ലാ ചെറു​പ്പ​ക്കാ​രി​ക​ളും ഈ വിധത്തിൽ പ്രതി​ക​രി​ക്കു​ന്നു​വെന്നല്ല. ഒരു ഭ്രൂണം ഒരു ശിശു​വ​ല്ലെന്ന്‌ അനേകർ ആത്മാർഥ​മാ​യി വിശ്വ​സി​ക്കു​ന്നു. എന്നാൽ ഈ കാര്യം സംബന്ധി​ച്ചു സ്രഷ്ടാവ്‌—“ജീവന്റെ ഉറവ്‌”—എന്തു പറയുന്നു? (സങ്കീർത്തനം 36:9) യഹോ​വ​യാം ദൈവ​ത്തിന്‌, ഗർഭപാ​ത്ര​ത്തിൽ വളർന്നു​കൊ​ണ്ടി​രി​ക്കുന്ന അജാത​ശി​ശു കേവലം ഒരു ഭ്രൂണ​ക​ല​യെ​ക്കാൾ വളരെ കവിഞ്ഞ​താണ്‌. പിൻവ​രു​ന്ന​പ്ര​കാ​രം എഴുതാൻ അവൻ ദാവീ​ദു​രാ​ജാ​വി​നെ നിശ്വ​സ്‌ത​നാ​ക്കി: “ഞാൻ പിണ്ഡാ​കാ​ര​മാ​യി​രു​ന്ന​പ്പോൾ നിന്റെ കണ്ണു എന്നെ കണ്ടു; . . . അവയെ​ല്ലാം നിന്റെ പുസ്‌ത​ക​ത്തിൽ എഴുതി​യി​രു​ന്നു.” (സങ്കീർത്തനം 139:16) സ്രഷ്ടാവ്‌ അങ്ങനെ ഒരു ഭ്രൂണ​ത്തെ​പ്പോ​ലും ഒരു വ്യതി​രി​ക്ത​വ്യ​ക്തി​യാ​യി, ജീവനുള്ള ഒരു മനുഷ്യ​നാ​യി, വീക്ഷി​ക്കു​ന്നു. ഈ കാരണ​ത്താൽ, ഒരു അജാത​ശി​ശു​വിന്‌ പരു​ക്കേൽപ്പി​ക്കുന്ന ഒരാ​ളോ​ടു കണക്കു​ചോ​ദി​ക്കു​മെന്ന്‌ അവൻ പ്രസ്‌താ​വി​ച്ചു. (പുറപ്പാ​ടു 21:22, 23) അതെ, ദൈവത്തെ സംബന്ധി​ച്ച​ട​ത്തോ​ളം, ഒരു അജാത​ശി​ശു​വി​നെ കൊല്ലു​ന്നത്‌ ഒരു മനുഷ്യ​ജീ​വൻ എടുത്തു​ക​ള​യ​ലാണ്‌. അതു​കൊ​ണ്ടു ദൈവത്തെ പ്രസാ​ദി​പ്പി​ക്കാൻ ആഗ്രഹി​ക്കുന്ന ഒരു പെൺകു​ട്ടി​ക്കു തന്റെമേൽ സമ്മർദം ചെലു​ത്തി​യാ​ലും ഗർഭച്ഛി​ദ്രത്തെ സ്വീകാ​ര്യ​മാ​യി തിര​ഞ്ഞെ​ടു​ക്കാൻ കഴിയില്ല.b

പിന്തുണ ലഭിക്കു​ന്നു

തുടക്ക​ത്തിൽ പറഞ്ഞ ജൂഡി തന്റെ ശിശു​വി​നെ അലസി​പ്പി​ക്കാ​തി​രി​ക്കാൻ തീരു​മാ​നി​ച്ചു. അവൾ പറയുന്നു: “എന്റെ മൂത്ത സഹോ​ദരി കാര്യം മനസ്സി​ലാ​ക്കി, അവൾ തുടക്കം​മു​തൽതന്നെ വിശേ​ഷാൽ വൈകാ​രി​ക​മാ​യി പിന്തു​ണച്ചു. ശിശു ജനിച്ച ശേഷവും എന്നെ പിന്തു​ണ​ക്കു​ന്ന​തിൽ അവൾ തുടരു​മെ​ന്നു​പോ​ലും അവൾ പറഞ്ഞു. എന്റെ ഹൃദയ​ത്തിൽ അഗാധ​ത​ല​ത്തിൽ ശരിയാ​ണെന്ന്‌ എനിക്കു തോന്നി​യതു ചെയ്യാൻ എനിക്കാ​വ​ശ്യ​മാ​യി​രു​ന്നത്‌ ആ പ്രോ​ത്സാ​ഹ​ന​മാ​യി​രു​ന്നു. ഞാൻ എന്റെ പദ്ധതി​യു​മാ​യി മുമ്പോ​ട്ടു​പോ​യി, കുട്ടിയെ പ്രസവി​ച്ചു.” അത്‌ ഒൻപതു വർഷം​മു​മ്പാ​യി​രു​ന്നു. എട്ടുവ​യ​സ്സുള്ള തന്റെ പുത്രനെ നോക്കി​ക്കൊ​ണ്ടു ജൂഡി പറയുന്നു: “ഗർഭച്ഛി​ദ്രം നടത്തു​ന്നത്‌ എന്റെ ജീവി​ത​ത്തി​ലെ ഏററവും വലിയ തെററാ​യി​രി​ക്കു​മാ​യി​രു​ന്നു.”

നതീശാ എന്നു പേരുള്ള ഒരു യുവതി അതു​പോ​ലെ​തന്നെ പറയുന്നു: “അഞ്ചുവർഷം​മുമ്പ്‌ ഞാൻ ഒരു ഗർഭച്ഛി​ദ്ര​ക്ലി​നി​ക്കിൽ എന്റെ ഊഴം കാത്ത്‌ ഇരിക്കു​ക​യാ​യി​രു​ന്നു. എന്റെ ഊഴം വന്നപ്പോൾ ഡോക്ടറെ കാണു​ന്ന​തി​നു പകരം ഞാൻ പുനർവി​ചി​ന്തനം നടത്തു​ക​യും ക്ലിനി​ക്കിൽനി​ന്നു പുറത്തു​പോ​കു​ക​യും ചെയ്‌തു. എനിക്ക്‌ ഇപ്പോൾ നാലു​വ​യ​സ്സുള്ള നല്ലൊരു പുത്ര​നുണ്ട്‌, മറെറാ​രു കുട്ടി ജനിക്കാ​റാ​യി​രി​ക്കു​ക​യാണ്‌, സ്‌നേ​ഹ​മുള്ള ഒരു പിതാ​വി​നെ വിവാ​ഹം​ചെ​യ്‌തി​രി​ക്കു​ക​യു​മാണ്‌.”

വിവാ​ഹി​ത​യാ​കാ​തെ​യുള്ള ഗർഭധാ​ര​ണത്തെ നേരി​ടുന്ന ഏതൊ​രാ​ളും വീണ്ടു​വി​ചാ​ര​മി​ല്ലാത്ത ഒരു തീരു​മാ​ന​മെ​ടു​ക്ക​രുത്‌. സാഹച​ര്യം എത്ര മോശ​മാ​ണെന്നു തോന്നി​യാ​ലും, അതു തികച്ചും ആശയറ​റതല്ല. എന്നാൽ അങ്ങനെ​യു​ള്ള​വർക്കു തീർച്ച​യാ​യും പിന്തു​ണ​യും പരിപ​ക്വ​മായ മാർഗ​നിർദേ​ശ​വും ആവശ്യ​മാണ്‌. വിശേ​ഷാൽ മാതാ​പി​താ​ക്കൾ ക്രിസ്‌ത്യാ​നി​ക​ളാ​ണെ​ങ്കിൽ, അവർക്കു ഹൃദയം കൊടു​ക്കു​ന്നത്‌ ഒരു നല്ല തുടക്ക​മാണ്‌. (സദൃശ​വാ​ക്യ​ങ്ങൾ 23:26) അവർ ആദ്യം വ്രണി​ത​രും കുപി​ത​രു​മാ​യി​രി​ക്കു​മെ​ന്നു​ള്ളതു സത്യം​തന്നെ. എന്നാൽ ഒടുവിൽ സഹായി​ക്കാൻ അവർ നിർബ​ന്ധി​ത​രാ​കും. ദൃഷ്ടാ​ന്ത​ത്തിന്‌, പ്രസവ​ത്തി​നു മുമ്പത്തെ പരിച​ര​ണ​ത്തിന്‌ അവർ ഏർപ്പാ​ടു​ചെ​യ്‌തേ​ക്കാം. അർഹത​യു​ള്ള​വർക്കു ലഭ്യമായ ഗവൺമെൻറി​ന്റെ ഏതെങ്കി​ലും പരിപാ​ടി​കൾ പ്രയോ​ജ​ന​പ്പെ​ടു​ത്തു​ന്ന​തി​ലും അവർക്കു സഹായി​ക്കാൻ കഴിയും. ഏററവും പ്രധാ​ന​മാ​യി, സഭാമൂ​പ്പൻമാ​രിൽനിന്ന്‌ ആവശ്യ​മായ ആത്മീയ സഹായം നേടാ​നും തെററു ചെയ്യുന്ന ആളെ അവർക്കു പ്രോ​ത്സാ​ഹി​പ്പി​ക്കാൻ കഴിയും.—യാക്കോബ്‌ 5:14, 15.

ചില അവിവാ​ഹിത മാതാക്കൾ തങ്ങൾക്കു കുട്ടിയെ ഏററവും നന്നായി ശുശ്രൂ​ഷി​ക്കാൻ കഴിയി​ല്ലെന്നു വിചാ​രി​ച്ചു​കൊ​ണ്ടു തങ്ങളുടെ കുട്ടി​കളെ ദത്തെടു​പ്പി​നു വിട്ടു​കൊ​ടു​ക്കാൻ തീരു​മാ​നി​ച്ചി​ട്ടുണ്ട്‌. ദത്തെടു​പ്പു തീർച്ച​യാ​യും കുട്ടി​യു​ടെ ജീവനെ അവസാ​നി​പ്പി​ക്കു​ന്ന​തി​നെ​ക്കാൾ മെച്ചമാ​ണെ​ങ്കി​ലും ‘സ്വന്തക്കാർക്കു​വേണ്ടി കരുതാൻ’ ദൈവം മാതാ​പി​താ​ക്കളെ ഉത്തരവാ​ദി​ക​ളാ​ക്കു​ന്നു. (1 തിമൊ​ഥെ​യൊസ്‌ 5:8) ഒററയ്‌ക്കുള്ള ഒരു മാതാ​വി​നു തന്റെ കുട്ടിയെ ഭൗതി​ക​മാ​യി ഏററവും നന്നായി പരിപാ​ലി​ക്കാൻ കഴിയാ​തി​രു​ന്നേ​ക്കാം, എന്നാൽ അവൾക്ക്‌ അതി​നെ​ക്കാ​ളൊ​ക്കെ പ്രധാ​ന​മായ ഒന്നു—സ്‌നേഹം—കൊടു​ക്കാൻ കഴിയും. (സദൃശ​വാ​ക്യ​ങ്ങൾ 15:17) അതു​കൊ​ണ്ടു മിക്ക സന്ദർഭ​ങ്ങ​ളി​ലും അവിവാ​ഹി​ത​യായ മാതാവ്‌ സ്വയം കുട്ടിയെ വളർത്തു​ന്ന​താ​യി​രി​ക്കും ഏറെ നല്ലത്‌.

ഒരു ശിശു​വി​നെ വളർത്തുന്ന ജോലി സംബന്ധി​ച്ചെന്ത്‌—തീർച്ച​യാ​യും വരു​ത്തേ​ണ്ടി​യി​രി​ക്കുന്ന ജീവി​ത​രീ​തി​യി​ലെ കർശന​മാ​റ​റ​ങ്ങ​ളെ​സം​ബ​ന്ധി​ച്ചെന്ത്‌? ഇതെല്ലാം ആകുലീ​ക​രി​ക്കു​ന്ന​താ​യി തോന്നി​യേ​ക്കാം. എന്നിരു​ന്നാ​ലും, ഈ വെല്ലു​വി​ളി​കളെ കൈകാ​ര്യം​ചെ​യ്യു​ന്ന​തിന്‌ ആളുകളെ സഹായി​ക്കാൻ കഴിയുന്ന പ്രാ​യോ​ഗിക ബുദ്ധ്യു​പ​ദേശം ബൈബിൾ നൽകുന്നു. അനുതാ​പ​മുള്ള അവിവാ​ഹിത മാതാ​ക്കൾക്കും ദൈവ​വ​ച​ന​ത്തിൽ ഉറച്ച അടിസ്ഥാ​ന​മുള്ള ആത്മീയ സഹായ​ത്തിൽനി​ന്നു പ്രയോ​ജ​ന​മ​നു​ഭ​വി​ക്കാൻ കഴിയും. അതെ, സ്‌നേ​ഹ​പൂർവ​ക​മായ പിന്തു​ണ​യും ഉചിത​മായ മാർഗ​നിർദേ​ശ​വു​മു​ള്ള​പ്പോൾ ഇവർക്കു സാഹച​ര്യ​ത്തെ ഏററവു​മ​ധി​കം പ്രയോ​ജ​ന​ക​ര​മാ​ക്കി​ത്തീർക്കാൻ കഴിയും.c ഗർഭച്ഛി​ദ്രം കേവലം പരിഹാ​രം അല്ല!

[അടിക്കു​റി​പ്പു​കൾ]

[26-ാം പേജിലെ ചിത്രം]

കാമുകർ ഗർഭച്ഛി​ദ്രം നടത്താൻ മിക്ക​പ്പോ​ഴും പെൺകു​ട്ടി​ക​ളു​ടെ​മേൽ സമ്മർദം ചെലു​ത്താൻ ശ്രമി​ക്കു​ന്നു