യഹോ​വയെ സേവി​ക്കാൻ കൗമാ​ര​പ്രാ​യ​ക്കാ​രായ മക്കളെ പരിശീ​ലി​പ്പി​ക്കുക

1, 2. (എ) കൗമാ​ര​പ്രാ​യ​ക്കാ​രായ മക്കളുള്ള ചില മാതാ​പി​താ​ക്ക​ളു​ടെ ഉത്‌കണ്‌ഠ എന്താണ്‌? (ബി) കൗമാ​ര​കാ​ലം കുട്ടി​കൾക്ക്‌ എങ്ങനെ പ്രയോ​ജ​ന​പ്പെ​ടു​ത്താം?

മക്കൾ സ്‌നാ​ന​മേൽക്കു​ന്നത്‌ മാതാ​പി​താ​ക്ക​ളു​ടെ ജീവി​ത​ത്തി​ലെ ഏറ്റവും സന്തോ​ഷ​നിർഭ​ര​മായ നിമി​ഷ​ങ്ങ​ളിൽ ഒന്നാണ്‌. ബെർണീ​സി​ന്റെ നാലു മക്കളും 14 വയസ്സ്‌ ആകുന്ന​തിന്‌ മുമ്പേ സ്‌നാ​ന​മേറ്റു. ബെർണീസ്‌ പറയുന്നു: “വികാ​ര​നിർഭ​ര​മായ ഒരു അനുഭ​വ​മാ​യി​രു​ന്നു അത്‌. ഞങ്ങളുടെ മക്കൾ യഹോ​വയെ സേവി​ക്കാൻ ആഗ്രഹി​ക്കു​ന്നു എന്നതിൽ ഞങ്ങൾക്ക്‌ അതിയായ സന്തോ​ഷ​മു​ണ്ടാ​യി​രു​ന്നു. എന്നാൽ കൗമാ​ര​പ്രാ​യ​ക്കാ​രെന്ന നിലയിൽ അവർക്ക്‌ പല പ്രശ്‌ന​ങ്ങ​ളും നേരി​ടേ​ണ്ടി​വ​രു​മെന്ന്‌ ഞങ്ങൾക്ക്‌ അറിയാ​മാ​യി​രു​ന്നു.” ഇപ്പോൾത്തന്നെ കൗമാ​ര​ത്തി​ലു​ള്ള​തോ അല്ലെങ്കിൽ കൗമാ​ര​പ്രാ​യ​മെ​ത്താ​റാ​യ​തോ ആയ മകനോ മകളോ നിങ്ങൾക്കു​ണ്ടെ​ങ്കിൽ നിങ്ങളും ഇതേ ഉത്‌ക​ണ്‌ഠ​യു​ള്ള​വ​രാ​യി​രി​ക്കാം.

² കുട്ടി​ക​ളു​ടെ മനഃശാ​സ്‌ത്ര​വി​ദ​ഗ്‌ധ​നായ ഒരു വ്യക്തി​യു​ടെ അഭി​പ്രാ​യ​ത്തിൽ, കൗമാരം എന്നത്‌ മാതാ​പി​താ​ക്ക​ളും മക്കളും ഒരു​പോ​ലെ ബുദ്ധി​മു​ട്ട​നു​ഭ​വി​ക്കുന്ന ഒരു കാലമാണ്‌. എന്നാൽ കൗമാ​ര​പ്രാ​യ​ത്തി​ലു​ള്ളവർ അനുസ​ര​ണം​കെ​ട്ട​വ​രാ​ണെ​ന്നോ കുട്ടി​ക്കളി മാറാ​ത്ത​വ​രാ​ണെ​ന്നോ മാതാ​പി​താ​ക്കൾ ചിന്തി​ക്ക​രു​തെന്ന്‌ അദ്ദേഹം പറയുന്നു. പകരം കൗമാ​ര​പ്രാ​യ​ത്തി​ലു​ള്ളവർ വ്യത്യസ്‌ത കഴിവു​ക​ളു​ള്ള​വ​രും തീവ്ര​മായ വികാ​ര​ങ്ങ​ളു​ള്ള​വ​രും സുഹൃ​ത്തു​ക്ക​ളു​മൊത്ത്‌ സമയം ചെലവ​ഴി​ക്കേ​ണ്ട​വ​രും ആണ്‌. അതു​കൊണ്ട്‌ യേശു​വി​നെ​പ്പോ​ലെ, കൗമാ​ര​ത്തി​ലാ​യി​രി​ക്കെ നിങ്ങളു​ടെ മക്കൾക്ക്‌ യഹോ​വ​യു​മാ​യി ഒരു അടുത്ത സുഹൃ​ദ്‌ബന്ധം വളർത്തി​യെ​ടു​ക്കാൻ കഴിയും. (ലൂക്കോസ്‌ 2:52 വായി​ക്കുക.) പ്രസം​ഗ​പ്ര​വർത്ത​ന​ത്തി​ലെ കഴിവു​കൾ മെച്ച​പ്പെ​ടു​ത്താ​നും ദൈവ​സേ​വ​ന​ത്തിൽ കൂടുതൽ ചെയ്യാ​നുള്ള ശക്തമായ ആഗ്രഹം വളർത്തി​യെ​ടു​ക്കാ​നും അവർക്കാ​കും. യഹോ​വ​യ്‌ക്ക്‌ ജീവിതം സമർപ്പി​ക്കുക, അവനെ അനുസ​രി​ക്കുക എന്നതു​പോ​ലുള്ള കാര്യ​ങ്ങ​ളിൽ സ്വന്തമാ​യി തീരു​മാ​ന​ങ്ങ​ളെ​ടു​ക്കാ​നും അവർക്കു കഴിയും. എന്നാൽ, കൗമാ​ര​പ്രാ​യ​ത്തി​ലുള്ള നിങ്ങളു​ടെ മക്കളെ യഹോ​വയെ സേവി​ക്കു​ന്ന​തി​നാ​യി പരിശീ​ലി​പ്പി​ക്കാൻ ഒരു മാതാ​വോ പിതാ​വോ എന്ന നിലയിൽ നിങ്ങൾക്ക്‌ എന്ത്‌ ചെയ്യാ​നാ​കും? സ്‌നേ​ഹ​ത്തോ​ടെ​യും താഴ്‌മ​യോ​ടെ​യും ഉൾക്കാ​ഴ്‌ച​യോ​ടെ​യും ശിഷ്യ​ന്മാ​രെ യേശു പരിശീ​ലി​പ്പിച്ച വിധത്തിൽനിന്ന്‌ നിങ്ങൾക്കും പഠിക്കാ​നാ​കും.

കൗമാ​ര​പ്രാ​യ​ത്തി​ലുള്ള നിങ്ങളു​ടെ മക്കളെ സ്‌നേ​ഹി​ക്കു​ക

3. യേശു തങ്ങളുടെ സുഹൃ​ത്താ​ണെന്ന്‌ അപ്പൊ​സ്‌ത​ല​ന്മാർ മനസ്സി​ലാ​ക്കി​യത്‌ എങ്ങനെ?

³ അപ്പൊ​സ്‌ത​ല​ന്മാർക്ക്‌ യേശു ഒരു യജമാനൻ മാത്ര​മാ​യി​രു​ന്നില്ല, ഒരു സുഹൃത്ത്‌ കൂടെ​യാ​യി​രു​ന്നു. (യോഹ​ന്നാൻ 15:15 വായി​ക്കുക.) ബൈബിൾക്കാ​ല​ങ്ങ​ളിൽ സാധാ​ര​ണ​ഗ​തി​യിൽ ഒരു യജമാനൻ അടിമ​ക​ളോട്‌ അദ്ദേഹ​ത്തി​ന്റെ വിചാ​ര​ങ്ങ​ളും വികാ​ര​ങ്ങ​ളും ഒന്നും പറയാ​റി​ല്ലാ​യി​രു​ന്നു. എന്നാൽ യേശു അപ്പൊ​സ്‌ത​ല​ന്മാ​രെ അടിമ​ക​ളെ​പ്പോ​ലെയല്ല കണ്ടത്‌. യേശു അവരെ സ്‌നേ​ഹി​ച്ചു; അവരോ​ടൊ​പ്പം സമയം ചെലവ​ഴി​ച്ചു. അവന്റെ വികാ​ര​വി​ചാ​രങ്ങൾ അവരോട്‌ പറയാൻ അവന്‌ ഇഷ്ടമാ​യി​രു​ന്നു. അവരുടെ ചിന്തക​ളും വികാ​ര​ങ്ങ​ളും അവർ പ്രകടി​പ്പി​ക്കു​മ്പോൾ അവൻ അത്‌ നന്നായി ശ്രദ്ധി​ക്കു​ക​യും ചെയ്യു​മാ​യി​രു​ന്നു. (മർക്കോ. 6:30-32) യേശു​വി​നും അപ്പൊ​സ്‌ത​ല​ന്മാർക്കും ഇടയി​ലു​ണ്ടാ​യി​രുന്ന ഇത്തരത്തി​ലുള്ള ആശയവി​നി​മയം അവരെ അടുത്ത സുഹൃ​ത്തു​ക്ക​ളാ​ക്കി മാറ്റി. ഭാവി​യിൽ ചെയ്യേ​ണ്ടി​യി​രുന്ന വേലയ്‌ക്കാ​യി അത്‌ അപ്പൊ​സ്‌ത​ല​ന്മാ​രെ ഒരുക്കു​ക​യും ചെയ്‌തു.

4. മാതാ​പി​താ​ക്കളേ, നിങ്ങൾക്ക്‌ എങ്ങനെ മക്കളുടെ സുഹൃ​ത്തു​ക്ക​ളാ​കാൻ കഴിയും? (ലേഖനാ​രം​ഭ​ത്തി​ലെ ചിത്രം കാണുക.)

⁴ മക്കളുടെ മേൽ നിങ്ങൾക്ക്‌ അധികാ​ര​മു​ണ്ടെ​ങ്കി​ലും നിങ്ങൾക്ക്‌ അവരുടെ സുഹൃ​ത്താ​യി​രി​ക്കാ​നും കഴിയും. സുഹൃ​ത്തു​ക്കൾ ഒരുമിച്ച്‌ സമയം ചെലവ​ഴി​ക്കും. മക്കളോ​ടൊ​പ്പം കൂടുതൽ സമയം ചെലവ​ഴി​ക്കാ​നാ​യി ഒരുപക്ഷേ നിങ്ങൾക്ക്‌ ജോലി​ക്കും മറ്റ്‌ കാര്യ​ങ്ങൾക്കും വേണ്ടി ഉപയോ​ഗി​ക്കുന്ന സമയം കുറയ്‌ക്കാ​നാ​കും. ഇക്കാര്യ​ത്തെ​ക്കു​റിച്ച്‌ നിങ്ങൾ പ്രാർഥി​ക്കു​ക​യും ഗൗരവ​മാ​യി ചിന്തി​ക്കു​ക​യും വേണം. സുഹൃ​ത്തു​ക്കൾ സാധാ​ര​ണ​ഗ​തി​യിൽ സമാന​സ്വ​ഭാ​വ​മുള്ള കാര്യ​ങ്ങ​ളാണ്‌ ആസ്വദി​ക്കാറ്‌. അതു​കൊണ്ട്‌, നിങ്ങളു​ടെ മക്കളുടെ ഇഷ്ടങ്ങൾ മനസ്സി​ലാ​ക്കുക. ഇഷ്ടപ്പെട്ട സംഗീതം, ചലച്ചി​ത്രങ്ങൾ, കളികൾ എന്നിവ​യൊ​ക്കെ. എന്നിട്ട്‌ അത്‌ ആസ്വദി​ക്കാൻ ശ്രമി​ക്കുക. ഇറ്റലി​യി​ലുള്ള ഇലാരിയ പറയു​ന്നത്‌ ഇങ്ങനെ​യാണ്‌: “എന്റെ മാതാ​പി​താ​ക്കൾ ഞാൻ കേൾക്കുന്ന പാട്ടു​ക​ളോട്‌ ഇഷ്ടം കാണിച്ചു. സത്യത്തിൽ ഡാഡി എന്റെ അടുത്ത സുഹൃ​ത്താ​യി മാറി. ചെറിയ കാര്യ​ങ്ങ​ളെ​ക്കു​റി​ച്ചു​പോ​ലും ഡാഡി​യോട്‌ പറയാൻ എനിക്ക്‌ ഒരു മടിയും തോന്നി​യില്ല.” മക്കളുടെ സുഹൃ​ത്താ​യി​രു​ന്നു​കൊണ്ട്‌ അവരെ യഹോ​വ​യു​ടെ സുഹൃ​ത്തു​ക്ക​ളാ​കാൻ സഹായി​ക്കു​മ്പോൾ നിങ്ങൾ ഒരിക്ക​ലും മാതാ​വോ പിതാ​വോ എന്ന നിലയി​ലുള്ള നിങ്ങളു​ടെ അധികാ​രം നഷ്ടപ്പെ​ടു​ത്തു​കയല്ല. (സങ്കീ. 25:14) നിങ്ങൾ മക്കളെ സ്‌നേ​ഹി​ക്കു​ന്നു​ണ്ടെ​ന്നും അവരെ മാനി​ക്കു​ന്നു​ണ്ടെ​ന്നും അവർ തിരി​ച്ച​റി​യും. അങ്ങനെ​യാ​കു​മ്പോൾ ഏതൊരു കാര്യ​ത്തെ​ക്കു​റി​ച്ചും നിങ്ങ​ളോട്‌ മടികൂ​ടാ​തെ സംസാ​രി​ക്കാൻ അവർക്ക്‌ എളുപ്പ​മാ​യി​രി​ക്കും.

5. ദൈവ​സേ​വ​ന​ത്തിൽ തിര​ക്കോ​ടെ ഏർപ്പെ​ടു​ന്ന​തി​ന്റെ സന്തോഷം ആസ്വദി​ക്കാൻ യേശു ശിഷ്യ​ന്മാ​രെ സഹായി​ച്ചത്‌ എങ്ങനെ?

⁵ താൻ സ്‌നേ​ഹിച്ച തന്റെ ശിഷ്യ​ന്മാ​രും സുഹൃ​ത്തു​ക്ക​ളും യഹോ​വയെ സേവി​ക്കുന്ന കാര്യ​ത്തിൽ തീക്ഷ്‌ണ​ത​യു​ള്ള​വ​രും പ്രസം​ഗ​പ്ര​വർത്ത​ന​ത്തിൽ തിരക്കു​ള്ള​വ​രും ആണെങ്കിൽ അവർ യഥാർഥ​ത്തിൽ സന്തുഷ്ട​രാ​യി​രി​ക്കു​മെന്ന്‌ യേശു​വിന്‌ അറിയാ​മാ​യി​രു​ന്നു. അതു​കൊണ്ട്‌ അവൻ പ്രസം​ഗ​പ്ര​വർത്ത​ന​ത്തിൽ കഠിനാ​ധ്വാ​നം ചെയ്യാൻ അവരെ പ്രോ​ത്സാ​ഹി​പ്പി​ച്ചു. കൂടാതെ അവരെ സഹായി​ക്കു​മെന്ന്‌ സ്‌നേ​ഹ​പൂർവം ഉറപ്പ്‌ കൊടു​ക്കു​ക​യും ചെയ്‌തു.—മത്താ. 28:19, 20.

6, 7. യഹോ​വയെ സേവി​ക്കു​ന്ന​തിൽ ഒരു ക്രമമായ പട്ടിക​യു​ണ്ടാ​യി​രി​ക്കാൻ മക്കളെ പഠിപ്പി​ക്കു​മ്പോൾ നിങ്ങൾ അവരോട്‌ സ്‌നേഹം കാണി​ക്കു​ന്നത്‌ എങ്ങനെ?

⁶ മക്കൾക്ക്‌ യഹോ​വ​യു​മാ​യി ഒരു അടുത്ത ബന്ധമു​ണ്ടാ​യി​രി​ക്കാൻ നിങ്ങൾ ആഗ്രഹി​ക്കു​ന്നു. നിങ്ങൾ മക്കളെ പരിശീ​ലി​പ്പി​ക്കാ​നും അവർക്ക്‌ ആവശ്യ​മായ ശിക്ഷണം നൽകാ​നും യഹോവ ആഗ്രഹി​ക്കു​ന്നു. അതിനുള്ള അധികാ​രം അവൻ നിങ്ങൾക്ക്‌ തന്നിട്ടു​മുണ്ട്‌. (എഫെ. 6:4) അതു​കൊണ്ട്‌ നിങ്ങളു​ടെ മക്കൾക്ക്‌ പതിവാ​യി ആ പരിശീ​ലനം ലഭിക്കു​ന്നു​ണ്ടെന്ന്‌ ഉറപ്പു​വ​രു​ത്തുക. ഇതെക്കു​റി​ച്ചൊന്ന്‌ ചിന്തിക്കൂ: കുട്ടികൾ സ്‌കൂ​ളിൽ പോകു​ന്നു​ണ്ടെന്ന്‌ നിങ്ങൾ ഉറപ്പു​വ​രു​ത്തു​ന്നു. കാരണം വിദ്യാ​ഭ്യാ​സം നേടുക എന്നത്‌ വളരെ പ്രധാ​ന​മാ​ണെന്ന്‌ നിങ്ങൾക്ക്‌ അറിയാം. അവർ പുതി​യ​പു​തിയ കാര്യങ്ങൾ പഠിക്ക​ണ​മെ​ന്നും നിങ്ങൾ ആഗ്രഹി​ക്കു​ന്നു. സമാന​മാ​യി, യഹോ​വ​യിൽനി​ന്നു ലഭിക്കുന്ന വിദ്യാ​ഭ്യാ​സം അവരുടെ ജീവൻ രക്ഷിക്കും എന്ന്‌ അറിയാ​വു​ന്ന​തു​കൊണ്ട്‌ സഭാ​യോ​ഗങ്ങൾ, സമ്മേള​നങ്ങൾ, കുടും​ബാ​രാ​ധന എന്നിവ​യൊ​ന്നും അവർ മുടക്കു​ന്നി​ല്ലെന്ന്‌ നിങ്ങൾ ഉറപ്പു​വ​രു​ത്തും. അതു​കൊണ്ട്‌ യഹോ​വ​യെ​ക്കു​റിച്ച്‌ പഠിക്കു​ന്നത്‌ ആസ്വദി​ക്കാൻ അവരെ സഹായി​ക്കുക. അതു​പോ​ലെ യഥാർഥ ജ്ഞാനം നേടാൻ യഹോ​വ​യ്‌ക്ക്‌ അവരെ സഹായി​ക്കാ​നാ​കു​മെന്ന്‌ മനസ്സി​ലാ​ക്കാ​നും മക്കളെ സഹായി​ക്കുക. (സദൃ. 24:14) ക്രമമാ​യി വയൽസേ​വ​ന​ത്തിന്‌ പോകാ​നും മക്കളെ പരിശീ​ലി​പ്പി​ക്കുക. യേശു​വി​നെ അനുക​രി​ച്ചു​കൊണ്ട്‌ ആളുകളെ ദൈവ​വ​ചനം പഠിപ്പി​ക്കു​ന്ന​തി​ന്റെ സന്തോഷം ആസ്വദി​ക്കാൻ അവരെ സഹായി​ക്കുക.

⁷ യഹോ​വയെ സേവി​ക്കു​ന്ന​തിന്‌ പഠനം, സഭാ​യോ​ഗങ്ങൾ, വയൽശു​ശ്രൂഷ എന്നിവ​യ്‌ക്കാ​യി ഒരു പട്ടിക​യു​ണ്ടാ​യി​രി​ക്കു​ന്നത്‌ കൗമാ​ര​പ്രാ​യ​ക്കാ​രെ എങ്ങനെ സഹായി​ക്കും? സൗത്ത്‌ ആഫ്രി​ക്ക​യിൽ താമസി​ക്കുന്ന എറിൻ പറയുന്നു: “ബൈബിൾപ​ഠനം, സഭാ​യോ​ഗങ്ങൾ, വയൽശു​ശ്രൂഷ എന്നിവ​യെ​ക്കു​റിച്ച്‌ ചെറു​പ്പ​ത്തിൽ ഞങ്ങൾ മിക്ക​പ്പോ​ഴും പരാതി​പ്പെ​ടു​മാ​യി​രു​ന്നു. ചില സാഹച​ര്യ​ങ്ങ​ളിൽ ഞങ്ങൾ മനഃപൂർവം കുടും​ബാ​രാ​ധന അലങ്കോ​ല​പ്പെ​ടു​ത്താ​നും അതിൽനിന്ന്‌ തലയൂ​രാ​നും ശ്രമി​ക്കു​മാ​യി​രു​ന്നു. പക്ഷേ മാതാ​പി​താ​ക്കൾ ശ്രമം ഉപേക്ഷി​ച്ചില്ല.” ഇക്കാര്യ​ങ്ങൾ എത്ര പ്രധാ​ന​മാ​ണെന്ന്‌ മനസ്സി​ലാ​ക്കാൻ സഹായിച്ച മാതാ​പി​താ​ക്ക​ളോട്‌ ഇന്ന്‌ അവൾ വളരെ നന്ദിയു​ള്ള​വ​ളാണ്‌. ഇപ്പോൾ ഒരു സഭാ​യോ​ഗ​ത്തി​നോ വയൽശു​ശ്രൂ​ഷ​യ്‌ക്കോ പോകാൻ പറ്റാ​തെ​വ​ന്നാൽ കഴിയു​ന്നത്ര വേഗം ഈ പ്രവർത്ത​ന​ങ്ങ​ളിൽ വീണ്ടും ഏർപ്പെ​ടാൻ അവൾ പരമാ​വധി ശ്രമി​ക്കു​ന്നു.

താഴ്‌മ​യു​ള്ള​വ​രാ​യി​രി​ക്കുക

8. (എ) താഴ്‌മ​യു​ള്ള​വ​നാ​ണെന്ന്‌ യേശു എങ്ങനെ കാണിച്ചു? (ബി) യേശു​വി​ന്റെ താഴ്‌മ അവന്റെ ശിഷ്യ​ന്മാ​രെ സഹായി​ച്ചത്‌ എങ്ങനെ?

⁸ പൂർണ​നാ​യി​രു​ന്നെ​ങ്കി​ലും യേശു താഴ്‌മ പ്രകട​മാ​ക്കി. യഹോ​വ​യു​ടെ സഹായം തനിക്ക്‌ ആവശ്യ​മാ​ണെന്ന്‌ അവൻ ശിഷ്യ​ന്മാ​രോട്‌ പറഞ്ഞു. (യോഹ​ന്നാൻ 5:19 വായി​ക്കുക.) ഇത്‌ യേശു​വി​നോ​ടുള്ള ശിഷ്യ​ന്മാ​രു​ടെ ആദരവ്‌ കുറച്ചു​ക​ള​ഞ്ഞോ? ഇല്ല. യേശു യഹോ​വ​യിൽ എത്ര​ത്തോ​ളം ആശ്രയി​ക്കു​ന്ന​താ​യി​ക്ക​ണ്ടോ അത്ര​ത്തോ​ളം അവർക്ക്‌ അവനി​ലുള്ള വിശ്വാ​സം ശക്തമാ​യി​ത്തീർന്നു. പിന്നീ​ട​ങ്ങോട്ട്‌ അവർ യേശു​വി​ന്റെ താഴ്‌മ അനുക​രി​ച്ചു.—പ്രവൃ. 3:12, 13, 16.

9. തെറ്റുകൾ സമ്മതിച്ച്‌ നിങ്ങൾ അതിന്‌ ക്ഷമ ചോദി​ക്കു​ന്നത്‌ കൗമാ​ര​പ്രാ​യ​ത്തി​ലുള്ള നിങ്ങളു​ടെ മക്കളെ സഹായി​ക്കു​ന്നത്‌ എങ്ങനെ?

⁹ യേശു​വിൽനിന്ന്‌ വ്യത്യ​സ്‌ത​മാ​യി നമ്മൾ അപൂർണ​രും തെറ്റുകൾ ചെയ്യു​ന്ന​വ​രു​മാണ്‌. അതു​കൊണ്ട്‌ താഴ്‌മ​യു​ള്ള​വ​രാ​യി​രി​ക്കുക. നിങ്ങൾക്ക്‌ ചെയ്യാൻ കഴിയാത്ത ധാരാളം കാര്യ​ങ്ങ​ളു​ണ്ടെന്ന്‌ മനസ്സി​ലാ​ക്കു​ക​യും തെറ്റുകൾ സമ്മതി​ക്കു​ക​യും ചെയ്യുക. (1 യോഹ. 1:8) അങ്ങനെ​യാ​കു​മ്പോൾ, കൗമാ​ര​ത്തി​ലുള്ള നിങ്ങളു​ടെ മക്കൾ അവർക്ക്‌ പറ്റുന്ന തെറ്റുകൾ അംഗീ​ക​രി​ക്കാൻ പഠിക്കും. അവർ നിങ്ങളെ മുമ്പ​ത്തേ​തി​ലും ആദരി​ക്കും. ഇങ്ങനെ ഒന്നു ചിന്തി​ക്കുക, താൻ ചെയ്‌ത തെറ്റ്‌ അംഗീ​ക​രി​ക്കുന്ന ഒരു മേലു​ദ്യോ​ഗ​സ്ഥ​നെ​യാ​ണോ അതോ ഒരിക്ക​ലും ക്ഷമാപണം നടത്താത്ത ഒരു മേലു​ദ്യോ​ഗ​സ്ഥ​നെ​യാ​ണോ നിങ്ങൾ കൂടുതൽ ആദരി​ക്കുക? തെറ്റുകൾ വരുത്തു​മ്പോൾ അത്‌ സമ്മതി​ക്കാൻ താനും ഭർത്താ​വും തയ്യാറാ​യി​രു​ന്നെന്ന്‌ മൂന്നു മക്കളുടെ അമ്മയായ റോസ്‌ മേരി പറയുന്നു. അവൾ വിശദീ​ക​രി​ക്കു​ന്നു: “ഇങ്ങനെ ചെയ്‌തത്‌, ഒരു പ്രശ്‌ന​മു​ണ്ടാ​കു​മ്പോൾ ഞങ്ങളോട്‌ അതെക്കു​റിച്ച്‌ തുറന്നു​പ​റ​യാൻ മക്കളെ പ്രേരി​പ്പി​ച്ചു.” അവൾ തുടരു​ന്നു: “അവരുടെ പ്രശ്‌ന​ങ്ങൾക്ക്‌ ഏറ്റവും നല്ല പരിഹാ​രം എവി​ടെ​നിന്ന്‌ കിട്ടു​മെന്ന്‌ ഞങ്ങൾ അവരെ പഠിപ്പി​ച്ചി​രു​ന്നു. അവർക്ക്‌ സഹായം ആവശ്യ​മാ​യി​രു​ന്ന​പ്പോൾ ഞങ്ങൾ അവരോട്‌ എല്ലായ്‌പോ​ഴും ബൈബിൾപ്ര​സി​ദ്ധീ​ക​ര​ണ​ങ്ങ​ളിൽ അതെക്കു​റിച്ച്‌ തിരയാൻ പറയു​മാ​യി​രു​ന്നു. അതു​പോ​ലെ അവരോ​ടൊ​പ്പ​മി​രുന്ന്‌ പ്രാർഥി​ക്കു​ക​യും ചെയ്യു​മാ​യി​രു​ന്നു.”

10. എന്തു ചെയ്യണ​മെന്ന്‌ ശിഷ്യ​ന്മാ​രോട്‌ പറയുന്ന സാഹച​ര്യ​ങ്ങ​ളിൽപ്പോ​ലും യേശു താഴ്‌മ കാണി​ച്ചത്‌ എങ്ങനെ?

¹⁰ ശിഷ്യ​ന്മാ​രോട്‌ അവർ എന്ത്‌ ചെയ്യണ​മെന്ന്‌ പറയാ​നുള്ള അധികാ​രം യേശു​വി​നു​ണ്ടാ​യി​രു​ന്നു. എന്നാൽ താഴ്‌മ​യു​ള്ള​വ​നാ​യി​രു​ന്ന​തു​കൊണ്ട്‌ അവർ അങ്ങനെ ചെയ്യേ​ണ്ടത്‌ എന്തു​കൊ​ണ്ടാ​ണെ​ന്നും അവൻ മിക്ക സാഹച​ര്യ​ങ്ങ​ളി​ലും വിശദീ​ക​രി​ച്ചി​രു​ന്നു. ഉദാഹ​ര​ണ​ത്തിന്‌, മുമ്പേ അവന്റെ രാജ്യ​വും നീതി​യും അന്വേ​ഷി​ക്കുക എന്നു മാത്രമല്ല “അതോ​ടു​കൂ​ടെ ഈവക കാര്യ​ങ്ങ​ളൊ​ക്കെ​യും നിങ്ങൾക്കു നൽക​പ്പെ​ടും” എന്നും അവൻ പറഞ്ഞു. വിധി​ക്കു​ന്നത്‌ നിറു​ത്താൻ പറഞ്ഞ​പ്പോൾ അവൻ ഇങ്ങനെ വിശദീ​ക​രി​ച്ചു: “നിങ്ങൾ വിധി​ക്ക​പ്പെ​ടാ​തി​രി​ക്കേ​ണ്ട​തിന്‌ വിധി​ക്കാ​തി​രി​ക്കുക; എന്തെന്നാൽ നിങ്ങൾ വിധി​ക്കുന്ന വിധി​യാൽത്തന്നെ നിങ്ങളും വിധി​ക്ക​പ്പെ​ടും.”—മത്താ. 6:31–7:2.

11. നിങ്ങൾ ഒരു നിയമം വെച്ചതോ തീരു​മാ​നം എടുത്ത​തോ എന്തു​കൊ​ണ്ടാ​ണെന്ന്‌ വിശദീ​ക​രി​ക്കു​ന്നത്‌ കൗമാ​ര​പ്രാ​യ​ത്തി​ലുള്ള മക്കൾക്ക്‌ സഹായം ആയിരി​ക്കു​ന്നത്‌ എങ്ങനെ?

¹¹ എന്തു​കൊ​ണ്ടാണ്‌ നിങ്ങൾ ഒരു നിയമം വെച്ചി​രി​ക്കു​ന്നത്‌ അല്ലെങ്കിൽ ഒരു തീരു​മാ​ന​മെ​ടു​ത്തി​രി​ക്കു​ന്നത്‌ എന്ന്‌ നിങ്ങളു​ടെ കൗമാ​ര​പ്രാ​യ​ത്തി​ലുള്ള മക്കൾക്ക്‌ വിശദീ​ക​രി​ച്ചു​കൊ​ടു​ക്കാൻ ഉചിത​മായ സമയം കണ്ടെത്തുക. അങ്ങനെ, കാരണം മനസ്സി​ലാ​ക്കു​മ്പോൾ അവർ അത്‌ അനുസ​രി​ക്കാൻ ആഗ്രഹി​ച്ചേ​ക്കാം. നാലു കുട്ടി​ക​ളു​ടെ പിതാ​വായ ബാരി ഇങ്ങനെ പറയുന്നു: “കാരണങ്ങൾ വിശദീ​ക​രി​ക്കു​ന്നത്‌ നിങ്ങളിൽ വിശ്വാ​സ​മർപ്പി​ക്കാൻ നിങ്ങളു​ടെ കൗമാ​ര​പ്രാ​യ​ക്കാ​രായ മക്കളെ സഹായി​ക്കും.” നിങ്ങൾ ഒരു നിയമം വെക്കു​ന്നത്‌ അല്ലെങ്കിൽ ഒരു തീരു​മാ​ന​മെ​ടു​ക്കു​ന്നത്‌ നിങ്ങൾക്ക്‌ അധികാ​ര​മു​ള്ള​തു​കൊ​ണ്ടു മാത്രമല്ല, പകരം ഒരു നല്ല കാരണ​മു​ള്ള​തു​കൊ​ണ്ടു​മാ​ണെന്ന്‌ നിങ്ങളു​ടെ കൗമാ​ര​ത്തി​ലുള്ള മക്കൾ മനസ്സി​ലാ​ക്കും. അവർ ഇനി വെറും കുട്ടി​ക​ള​ല്ലെന്ന്‌ മനസ്സിൽപ്പി​ടി​ക്കുക. സ്വയം എങ്ങനെ ചിന്തി​ക്കാ​മെ​ന്നും തീരു​മാ​ന​ങ്ങ​ളെ​ടു​ക്കാ​മെ​ന്നും അവർ പഠിച്ചു​കൊ​ണ്ടി​രി​ക്കു​ക​യാണ്‌. (റോമ. 12:1) ബാരി പറയുന്നു: “വികാ​ര​ങ്ങ​ളു​ടെ അടിസ്ഥാ​ന​ത്തി​ലല്ല വസ്‌തു​ത​ക​ളു​ടെ അടിസ്ഥാ​ന​ത്തിൽ ജ്ഞാനപൂർവ​മായ തീരു​മാ​ന​ങ്ങ​ളെ​ടു​ക്കാൻ കൗമാ​ര​പ്രാ​യ​ത്തി​ലു​ള്ളവർ പഠിക്കണം.” (സങ്കീ. 119:34) അതു​കൊണ്ട്‌, നിങ്ങൾ ഒരു തീരു​മാ​ന​മെ​ടു​ക്കു​ന്ന​തി​ന്റെ കാരണം താഴ്‌മ​യോ​ടെ അവർക്ക്‌ വിശദീ​ക​രി​ച്ചു​കൊ​ടു​ക്കുക. അങ്ങനെ, സ്വന്തമാ​യി തീരു​മാ​ന​ങ്ങ​ളെ​ടു​ക്കാൻ അവർ പഠിക്കും. നിങ്ങൾ അവരെ ആദരി​ക്കു​ന്നു​ണ്ടെന്ന്‌ അവർ മനസ്സി​ലാ​ക്കും. അവർ പക്വത​യി​ലേക്ക്‌ വളരു​ക​യാ​ണെന്ന കാര്യം നിങ്ങൾ അംഗീ​ക​രി​ക്കു​ന്നു​ണ്ടെ​ന്നും അവർ തിരി​ച്ച​റി​യും.

ഉൾക്കാ​ഴ്‌ച​യു​ള്ള​വ​രാ​യി​രി​ക്കുക

12. ഉൾക്കാഴ്‌ച ഉണ്ടായി​രു​ന്ന​തു​കൊണ്ട്‌ യേശു പത്രോ​സി​നെ എങ്ങനെ സഹായി​ച്ചു?

¹² യേശു​വിന്‌ ഉൾക്കാ​ഴ്‌ച​യു​ണ്ടാ​യി​രു​ന്നു. ശിഷ്യ​ന്മാർക്ക്‌ എന്ത്‌ സഹായ​മാണ്‌ ആവശ്യ​മു​ള്ള​തെന്ന്‌ അവൻ മനസ്സി​ലാ​ക്കി. ഉദാഹ​ര​ണ​ത്തിന്‌, താൻ കൊല്ല​പ്പെ​ടു​മെന്ന്‌ യേശു തന്റെ ശിഷ്യ​ന്മാ​രോട്‌ പറഞ്ഞ​പ്പോൾ പത്രോസ്‌ അവനോട്‌, കർത്താവേ നിനക്ക്‌ അങ്ങനെ ഭവിക്ക​രു​തേ എന്ന്‌ പറഞ്ഞു. പത്രോസ്‌ തന്നെ അതിയാ​യി സ്‌നേ​ഹി​ച്ചി​രു​ന്നെന്ന്‌ യേശു​വിന്‌ അറിയാ​മാ​യി​രു​ന്നു. എന്നാൽ അവൻ ചിന്തിച്ച വിധം തെറ്റി​പ്പോ​യെന്ന്‌ യേശു മനസ്സി​ലാ​ക്കി. യേശു എങ്ങനെ​യാണ്‌ പത്രോ​സി​നെ​യും മറ്റ്‌ ശിഷ്യ​ന്മാ​രെ​യും സഹായി​ച്ചത്‌? ആദ്യം അവൻ പത്രോ​സി​നെ തിരുത്തി. തുടർന്ന്‌, ദൈ​വേഷ്ടം ചെയ്യാൻ ബുദ്ധി​മു​ട്ടാ​യി​രി​ക്കുന്ന സാഹച​ര്യ​ങ്ങ​ളിൽ അത്‌ ചെയ്യാ​ത്ത​വർക്ക്‌ എന്ത്‌ സംഭവി​ക്കു​മെന്ന്‌ യേശു വിശദീ​ക​രി​ച്ചു. സ്വാർഥ​ര​ല്ലാ​ത്ത​വരെ യഹോവ അനു​ഗ്ര​ഹി​ക്കു​മെ​ന്നും യേശു പറഞ്ഞു. (മത്താ. 16:21-27) അങ്ങനെ പത്രോസ്‌ അതിൽനിന്ന്‌ പാഠം ഉൾക്കൊ​ണ്ടു.—1 പത്രോ. 2:20, 21.

13, 14. (എ) കൗമാ​ര​ത്തി​ലുള്ള നിങ്ങളു​ടെ മക്കൾ വിശ്വാ​സം ശക്തമാ​ക്കേ​ണ്ടത്‌ ആവശ്യ​മാ​ണെന്ന്‌ എന്ത്‌ സൂചി​പ്പി​ച്ചേ​ക്കാം? (ബി) നിങ്ങളു​ടെ മകനോ മകൾക്കോ യഥാർഥ​ത്തിൽ എന്ത്‌ സഹായ​മാണ്‌ ആവശ്യ​മെന്ന്‌ നിങ്ങൾക്ക്‌ എങ്ങനെ കണ്ടെത്താം?

¹³ നിങ്ങളു​ടെ കൗമാ​ര​പ്രാ​യ​ത്തി​ലുള്ള മക്കൾക്ക്‌ എന്ത്‌ സഹായ​മാണ്‌ ആവശ്യ​മാ​യി​രി​ക്കു​ന്ന​തെന്ന്‌ മനസ്സി​ലാ​ക്കാ​നുള്ള ഉൾക്കാ​ഴ്‌ച​യ്‌ക്കാ​യി പ്രാർഥി​ക്കുക. (സങ്കീ. 32:8) ചില​പ്പോ​ഴൊ​ക്കെ സാധാ​ര​ണ​യിൽനിന്ന്‌ വ്യത്യ​സ്‌ത​മാ​യി അവർ സന്തോ​ഷ​മി​ല്ലാ​തെ​യി​രി​ക്കു​ന്നത്‌ നിങ്ങൾ കണ്ടേക്കാം. അല്ലെങ്കിൽ, സഹോ​ദ​ര​ങ്ങ​ളെ​ക്കു​റിച്ച്‌ മോശ​മാ​യി സംസാ​രി​ക്കു​ന്നത്‌ നിങ്ങൾ കേട്ടേ​ക്കാം. അപ്പോൾ നിങ്ങ​ളോട്‌ പറയാതെ എന്തോ അവർ ഒളിപ്പി​ച്ചു​വെ​ക്കു​ന്ന​താ​യി നിങ്ങൾക്ക്‌ തോന്നാ​നി​ട​യുണ്ട്‌. മക്കൾ രഹസ്യ​മാ​യി ഏതോ മോശ​മായ കാര്യങ്ങൾ ചെയ്യു​ന്നു​ണ്ടെന്ന്‌ പെട്ടെന്ന്‌ നിങ്ങൾ നിഗമനം ചെയ്യരുത്‌.a എന്നാൽ അതങ്ങ്‌ വിട്ടു​ക​ള​യു​ക​യോ തന്നെ നേരെ​യാ​കു​മെന്ന്‌ വിചാ​രി​ക്കു​ക​യോ ചെയ്യരുത്‌. അവരുടെ വിശ്വാ​സം ശക്തമാ​ക്കാൻ നിങ്ങൾ സഹായി​ക്കു​ക​യാണ്‌ വേണ്ടത്‌.

¹⁴ കൗമാ​ര​പ്രാ​യ​ത്തി​ലുള്ള നിങ്ങളു​ടെ മക്കളെ എങ്ങനെ സഹായി​ക്കാൻ കഴിയു​മെന്ന്‌ മനസ്സി​ലാ​ക്കു​ന്ന​തിന്‌ അവരോട്‌ ദയയോ​ടും ആദര​വോ​ടും കൂടെ ചോദ്യ​ങ്ങൾ ചോദി​ക്കുക. ഇത്‌ കിണറ്റിൽനിന്ന്‌ വെള്ളം കോരു​ന്ന​തു​പോ​ലെ​യാണ്‌. വളരെ വേഗത്തി​ലാണ്‌ കോരു​ന്ന​തെ​ങ്കിൽ നിങ്ങൾക്ക്‌ ആവശ്യ​മായ വെള്ളം മുകളിൽ എത്തില്ല. സമാന​മാ​യി, ചോദ്യ​ങ്ങൾ ചോദി​ക്കു​മ്പോൾ നിങ്ങൾ അക്ഷമരാ​കു​ക​യോ കൗമാ​ര​പ്രാ​യ​ക്കാ​രായ മക്കളെ​ക്കൊണ്ട്‌ നിർബ​ന്ധിച്ച്‌ സംസാ​രി​പ്പി​ക്കു​ക​യോ ചെയ്യു​ക​യാ​ണെ​ങ്കിൽ അവന്റെ​യോ അവളു​ടെ​യോ വികാ​ര​വി​ചാ​രങ്ങൾ എന്താ​ണെന്ന്‌ മനസ്സി​ലാ​ക്കാൻ നിങ്ങൾക്ക്‌ കഴിയില്ല. (സദൃശ​വാ​ക്യ​ങ്ങൾ 20:5 വായി​ക്കുക.) കൗമാ​ര​ത്തി​ലാ​യി​രു​ന്ന​പ്പോൾ സഹപാ​ഠി​ക​ളു​മൊത്ത്‌ ധാരാളം സമയം ചെലവ​ഴി​ക്കാൻ ആഗ്രഹി​ച്ചി​രു​ന്ന​താ​യി ഇലാരിയ ഓർക്കു​ന്നു. അത്‌ തെറ്റാ​ണെന്ന്‌ അവൾക്ക്‌ അറിയാ​മാ​യി​രു​ന്നു. അവൾ എന്തി​നെ​യോ കുറിച്ച്‌ ഉത്‌ക​ണ്‌ഠ​പ്പെ​ട്ടി​രി​ക്കു​ക​യാ​ണെന്ന്‌ മാതാ​പി​താ​ക്കൾക്ക്‌ മനസ്സി​ലാ​യി. ഇലാരിയ പറയുന്നു: “ഞാൻ എന്തിനാണ്‌ ഇങ്ങനെ സങ്കട​പ്പെ​ട്ടി​രി​ക്കു​ന്ന​തെന്ന്‌ ഒരു ദിവസം വൈകു​ന്നേരം അവർ എന്നോട്‌ ചോദി​ച്ചു. കുറച്ചു ദിവസ​മാ​യി അവർ എന്നെ ശ്രദ്ധി​ക്കു​ന്നു​ണ്ടാ​യി​രു​ന്നെ​ന്നും പറഞ്ഞു. അത്‌ കേട്ടതും ഞാൻ പൊട്ടി​ക്ക​ര​യാൻ തുടങ്ങി. പിന്നെ ഞാൻ അവരോട്‌ കാര്യം പറഞ്ഞിട്ട്‌ എന്നെ സഹായി​ക്കാ​മോ എന്നു ചോദി​ച്ചു. അവർ എന്നെ കെട്ടി​പ്പി​ടി​ക്കു​ക​യും, എന്റെ വികാ​രങ്ങൾ അവർക്ക്‌ മനസ്സി​ലാ​യി എന്നു പറയു​ക​യും എന്നെ സഹായി​ക്കാം എന്ന്‌ ഉറപ്പ്‌ തരിക​യും ചെയ്‌തു.” അധികം വൈകാ​തെ, സഭയിൽനി​ന്നു നല്ല കൂട്ടു​കാ​രെ കണ്ടുപി​ടി​ക്കാൻ ഇലാരി​യ​യു​ടെ മാതാ​പി​താ​ക്കൾ അവളെ സഹായി​ച്ചു.

15. യേശു ഉൾക്കാഴ്‌ച കാണിച്ച മറ്റൊരു വിധം ഏതായി​രു​ന്നു?

¹⁵ ശിഷ്യ​ന്മാ​രു​ടെ നല്ല ഗുണങ്ങൾ ശ്രദ്ധി​ച്ച​പ്പോ​ഴും യേശു ഉൾക്കാഴ്‌ച കാണിച്ചു. ഉദാഹ​ര​ണ​ത്തിന്‌, യേശു നസറെ​ത്തിൽനി​ന്നു​ള്ള​വ​നാ​ണെന്ന്‌ കേട്ട​പ്പോൾ, “നസറെ​ത്തിൽനി​ന്നു വല്ല നന്മയും വരുമോ?” എന്നാണ്‌ നഥനയേൽ ചോദി​ച്ചത്‌. (യോഹ. 1:46) നിങ്ങൾ അവി​ടെ​യു​ണ്ടാ​യി​രു​ന്നെ​ങ്കിൽ നഥനയേൽ ശുഭചി​ന്ത​യി​ല്ലാത്ത ആളാ​ണെ​ന്നോ മുൻവി​ധി​യു​ള്ള​വ​നാ​ണെ​ന്നോ വിശ്വാ​സ​മി​ല്ലാ​ത്ത​വ​നാ​ണെ​ന്നോ ഒക്കെ ചിന്തി​ക്കു​മാ​യി​രു​ന്നോ? എന്നാൽ യേശു അങ്ങനെ​യൊ​ന്നു​മല്ല ചിന്തി​ച്ചത്‌. അവന്‌ ഉൾക്കാ​ഴ്‌ച​യു​ണ്ടാ​യി​രു​ന്നു. നഥനയേൽ സത്യസ​ന്ധ​നാ​ണെന്ന്‌ അവന്‌ അറിയാ​മാ​യി​രു​ന്നു. അതു​കൊണ്ട്‌ അവൻ ഇങ്ങനെ അഭി​പ്രാ​യ​പ്പെട്ടു: “ഇതാ, സാക്ഷാൽ ഇസ്രാ​യേ​ല്യൻ; ഇവനിൽ ഒരു കാപട്യ​വും ഇല്ല.” (യോഹ. 1:47) യേശു​വിന്‌ ആളുക​ളു​ടെ ഹൃദയങ്ങൾ വായി​ക്കാൻ കഴിയു​മാ​യി​രു​ന്നു. അവൻ ആ കഴിവ്‌ ആളുക​ളി​ലെ നല്ല ഗുണങ്ങൾ കണ്ടെത്താൻ ഉപയോ​ഗി​ച്ചു.

16. കൗമാ​ര​പ്രാ​യ​ത്തി​ലുള്ള മക്കളെ പുരോ​ഗതി പ്രാപി​ക്കാൻ നിങ്ങൾക്ക്‌ എങ്ങനെ പ്രോ​ത്സാ​ഹി​പ്പി​ക്കാം?

¹⁶ യേശു​വി​നെ​പ്പോ​ലെ മറ്റുള്ള​വ​രു​ടെ ഹൃദയങ്ങൾ വായി​ക്കാൻ നിങ്ങൾക്ക്‌ കഴിയി​ല്ലെ​ങ്കി​ലും ഉൾക്കാ​ഴ്‌ച​യു​ള്ള​വ​രാ​യി​രി​ക്കാൻ നിങ്ങൾക്കാ​കും. നിങ്ങളു​ടെ കൗമാ​ര​പ്രാ​യ​ക്കാ​രായ മക്കളുടെ നല്ല ഗുണങ്ങൾ കണ്ടെത്താൻ യഹോ​വ​യ്‌ക്ക്‌ നിങ്ങളെ സഹായി​ക്കാ​നാ​കും. മക്കൾ നിങ്ങളെ വിഷമി​പ്പി​ച്ചാൽപ്പോ​ലും അവനോ അവളോ ഒരു ചീത്ത വ്യക്തി​യാ​ണെ​ന്നോ പ്രശ്‌ന​ക്കാ​ര​നാ​ണെ​ന്നോ പറയരുത്‌. അത്തരത്തിൽ അവരെ​ക്കു​റിച്ച്‌ ചിന്തി​ക്കാ​നും പാടില്ല. പകരം, അവരുടെ നല്ല ഗുണങ്ങൾ കാണാ​നാ​കു​ന്നു​ണ്ടെ​ന്നും ശരിയാ​യത്‌ ചെയ്യാ​നാണ്‌ അവർ ആഗ്രഹി​ക്കു​ന്ന​തെന്ന കാര്യം നിങ്ങൾക്ക്‌ ഉറപ്പാ​ണെ​ന്നും അവരോട്‌ പറയുക. പുരോ​ഗ​തി​വ​രു​ത്താൻ അവർ ചെയ്യുന്ന ശ്രമങ്ങൾ നിരീ​ക്ഷി​ക്കു​ക​യും അതിന്‌ അവരെ അഭിന​ന്ദി​ക്കു​ക​യും ചെയ്യുക. സാധ്യ​മാ​കു​മ്പോ​ഴെ​ല്ലാം കൂടുതൽ ഉത്തരവാ​ദി​ത്വ​ങ്ങൾ നൽകി​ക്കൊണ്ട്‌ ഇപ്പോൾത്തന്നെ അവർക്കുള്ള നല്ല ഗുണങ്ങൾ മെച്ച​പ്പെ​ടു​ത്താൻ സഹായി​ക്കുക. ശിഷ്യ​ന്മാ​രു​ടെ കാര്യ​ത്തിൽ യേശു ഇങ്ങനെ​യാണ്‌ ചെയ്‌തത്‌. നഥന​യേ​ലി​നെ (ബർത്തൊ​ലൊ​മാ​യി എന്നും അറിയ​പ്പെ​ടു​ന്നു.) കണ്ട്‌ ഒന്നര വർഷം കഴിഞ്ഞ​പ്പോൾ യേശു അവന്‌ ഒരു പ്രധാ​ന​പ്പെട്ട ഉത്തരവാ​ദി​ത്വം കൊടു​ത്തു. അവൻ നഥന​യേ​ലി​നെ ഒരു അപ്പൊ​സ്‌ത​ല​നാ​യി നിയമി​ച്ചു. നഥനയേൽ ആ ഉത്തരവാ​ദി​ത്വം വിശ്വ​സ്‌ത​ത​യോ​ടെ നിർവ​ഹി​ക്കു​ക​യും ചെയ്‌തു. (ലൂക്കോ. 6:13, 14; പ്രവൃ. 1:13, 14) കൗമാ​ര​പ്രാ​യ​ത്തി​ലുള്ള നിങ്ങളു​ടെ മക്കൾ ചെയ്യുന്ന ഒരു കാര്യ​വും ശരിയാ​കു​ന്നി​ല്ലെന്ന തോന്നൽ അവരിൽ ഉളവാ​ക്കു​ന്ന​തി​നു പകരം അവരെ അഭിന​ന്ദി​ക്കു​ക​യും പ്രോ​ത്സാ​ഹി​പ്പി​ക്കു​യും ചെയ്യുക. അവർക്ക്‌ നിങ്ങ​ളെ​യും യഹോ​വ​യെ​യും സന്തോ​ഷി​പ്പി​ക്കാ​നാ​കു​മെ​ന്നും അവരുടെ കഴിവു​കൾ ഉപയോ​ഗിച്ച്‌ യഹോ​വയെ സേവി​ക്കാൻ കഴിയു​മെ​ന്നും ഉള്ള തോന്നൽ അവരിൽ ഉളവാ​ക്കുക.

മക്കളെ പരിശീ​ലി​പ്പി​ക്കു​ന്നത്‌ നിങ്ങൾക്ക്‌ അതിയായ സന്തോഷം കൈവ​രു​ത്തും

17, 18. യഹോ​വയെ സേവി​ക്കു​ന്ന​തി​നാ​യി നിങ്ങളു​ടെ കൗമാ​ര​പ്രാ​യ​ത്തി​ലുള്ള മക്കളെ പരിശീ​ലി​പ്പി​ക്കു​ക​യാ​ണെ​ങ്കിൽ ഫലം എന്തായി​രി​ക്കും?

¹⁷ നിങ്ങൾക്ക്‌ അപ്പൊ​സ്‌ത​ല​നായ പൗലോ​സി​നെ​പ്പോ​ലെ തോന്നി​യേ​ക്കാം. തനിക്ക്‌ മക്കളെ​പ്പോ​ലെ​യാ​യി​രു​ന്ന​വ​രെക്കു​റിച്ച്‌ അവൻ ഒരുപാട്‌ ഉത്‌ക​ണ്‌ഠ​പ്പെട്ടു. യഹോ​വ​യെ​ക്കു​റിച്ച്‌ പഠിക്കാൻ അവൻ സഹായി​ച്ചത്‌ ഇവരെ​യാണ്‌. അവൻ അവരെ അതിയാ​യി സ്‌നേ​ഹി​ച്ചി​രു​ന്നു. അതു​കൊ​ണ്ടു​തന്നെ അവരിൽ ചിലർ യഹോ​വയെ സേവി​ക്കു​ന്നത്‌ നിറു​ത്തി​ക്ക​ള​ഞ്ഞേ​ക്കാ​മെന്ന്‌ ചിന്തി​ക്കാൻപോ​ലും അവന്‌ കഴിയി​ല്ലാ​യി​രു​ന്നു. (1 കൊരി. 4:15; 2 കൊരി. 2:4) മൂന്നു മക്കളെ വളർത്തിയ വിക്‌ടർ പറയുന്നു: “അവരുടെ കൗമാ​ര​പ്രാ​യം അത്ര എളുപ്പ​മ​ല്ലാ​യി​രു​ന്നു. എന്നിരു​ന്നാ​ലും ഞങ്ങൾ നേരിട്ട വെല്ലു​വി​ളി​കളെ കടത്തി​വെ​ട്ടു​ന്ന​താ​യി​രു​ന്നു ഞങ്ങൾക്കു​ണ്ടായ സന്തോഷം. യഹോ​വ​യു​ടെ സഹായ​ത്താൽ ഞങ്ങൾക്ക്‌ മക്കളു​മാ​യി ഒരു നല്ല സുഹൃ​ദ്‌ബന്ധം ആസ്വദി​ക്കാൻ കഴിഞ്ഞു.”

¹⁸ മാതാ​പി​താ​ക്കളേ, നിങ്ങൾ മക്കളെ അതിയാ​യി സ്‌നേ​ഹി​ക്കു​ന്ന​തു​കൊണ്ട്‌ അവരെ പരിശീ​ലി​പ്പി​ക്കാൻ നിങ്ങൾ ഇപ്പോൾത്തന്നെ കഠിനാ​ധ്വാ​നം ചെയ്യു​ന്നുണ്ട്‌. മടുത്ത്‌ പിന്മാ​റ​രുത്‌. നിങ്ങളു​ടെ മക്കൾ യഹോ​വയെ സേവി​ക്കാൻ തീരു​മാ​നി​ക്കു​ക​യും അവനെ വിശ്വ​സ്‌ത​ത​യോ​ടെ സേവി​ക്കു​ന്ന​തിൽ തുടരു​ക​യും ചെയ്യു​മ്പോൾ നിങ്ങൾക്കു​ണ്ടാ​കുന്ന സന്തോഷം എത്രയാ​യി​രി​ക്കു​മെന്ന്‌ ചിന്തി​ച്ചു​നോ​ക്കൂ!—3 യോഹ. 4.