എല്ലായ്‌പോ​ഴും ധാരാളം ചെയ്യാ​നുണ്ട്‌

¹ യഹോ​വ​യു​ടെ ജനം തിരക്കു​ളള ജനമാണ്‌. നമ്മുടെ കുടും​ബ​ത്തോ​ടും തൊഴി​ലി​നോ​ടും സ്‌കൂ​ളി​നോ​ടു​മു​ളള ബന്ധത്തിൽ നമുക്കു പല ഉത്തരവാ​ദി​ത്വ​ങ്ങ​ളും ഉണ്ട്‌. അതി​ലെ​ല്ലാ​മു​പ​രി​യാ​യി “കർത്താ​വി​ന്റെ വേലയിൽ എല്ലായ്‌പോ​ഴും ധാരാളം ചെയ്യാനു”ണ്ട്‌. (1 കൊരി. 15:58, NW) വാരം​തോ​റു​മു​ളള സഭാ​യോ​ഗ​ങ്ങൾക്കു തയ്യാറാ​കു​ക​യും പങ്കുപ​റ​റു​ക​യും ചെയ്യേ​ണ്ട​തുണ്ട്‌. വയൽസേ​വ​ന​ത്തിൽ എന്തെങ്കി​ലും ഒരു പങ്കില്ലാ​തെ ഒരു വാരവും കടന്നു​പോ​കാൻ അനുവ​ദി​ക്കാ​തി​രി​ക്കാൻ നമ്മെ പ്രോ​ത്സാ​ഹി​പ്പി​ക്കു​ന്നു. വ്യക്തി​പ​ര​വും കുടും​ബ​പ​ര​വു​മായ ബൈബി​ള​ധ്യ​യ​ന​ത്തി​നു​വേണ്ടി വേണ്ടത്ര സമയം ക്രമമാ​യി നീക്കി​വെ​ക്കേ​ണ്ട​തുണ്ട്‌. മൂപ്പൻമാർക്കും ശുശ്രൂ​ഷാ​ദാ​സൻമാർക്കും സഭാപ​ര​മായ പല നിയമ​ന​ങ്ങ​ളും ഉണ്ട്‌. സഹായം ആവശ്യ​മു​ള​ള​വരെ സഹായി​ക്കാൻ ചില​പ്പോൾ നമ്മോട്‌ ആവശ്യ​പ്പെ​ടാ​റുണ്ട്‌.

² ചില​പ്പോ​ഴൊ​ക്കെ, വളരെ​യേ​റെ​ക്കാ​ര്യ​ങ്ങൾ ചെയ്യാ​നു​ള​ള​തി​നാൽ നമ്മിൽ പലരും അസ്വസ്ഥ​രാ​യേ​ക്കാം. എന്നിരു​ന്നാ​ലും, സമനി​ല​യും ഉചിത​മായ ഗ്രാഹ്യ​വും നിലനിർത്തു​ന്നു​വെ​ങ്കിൽ ഏററവും തിരക്കു​ള​ള​വർക്ക്‌ ഏററവും സന്തുഷ്ട​രാ​യി​രി​ക്കാൻ കഴിയും.—സഭാ. 3:12, 13.

³ ധാരാളം ചെയ്യാ​നു​ണ്ടാ​യി​രുന്ന ഒരുവ​നാ​യി​രു​ന്നു അപ്പോ​സ്‌ത​ല​നായ പൗലോസ്‌. ലൗകിക തൊഴി​ലായ കൂടാ​ര​പ്പണി ചെയ്‌തു​കൊണ്ട്‌ തന്റെ വ്യക്തി​പ​ര​മായ ആവശ്യ​ങ്ങൾക്കു​വേണ്ടി കരുതു​മ്പോൾതന്നെ, മററ്‌ അപ്പോ​സ്‌ത​ലൻമാ​രെ​ക്കാ​ള​ധി​ക​മാ​യി അവൻ അധ്വാ​നി​ച്ചു. പരസ്യ​മാ​യും വീടു​തോ​റും പ്രസം​ഗി​ച്ചു​കൊണ്ട്‌ ഒരു സുവി​ശേ​ഷ​ക​നെ​ന്ന​നി​ല​യിൽ അവൻ അക്ഷീണം പ്രവർത്തി​ച്ചു. അതേസ​മയം ആട്ടിൻകൂ​ട്ട​ത്തി​ന്റെ ഇടയ​നെ​ന്ന​നി​ല​യി​ലു​ളള തന്റെ ഉത്തരവാ​ദി​ത്വ​ങ്ങളെ അവൻ അവഗണി​ച്ച​തു​മില്ല. (പ്രവൃ. 20:20, 21, 31, 34, 35) തിര​ക്കേ​റിയ ഒരു പട്ടിക ഉണ്ടായി​രു​ന്നി​ട്ടും യഹോ​വ​യു​ടെ സേവന​ത്തിൽ ധാരാളം ചെയ്യു​ന്ന​തി​നു പൗലോസ്‌ ഉത്സാഹ​മു​ള​ള​വ​നാ​യി​രു​ന്നു.—താരത​മ്യം ചെയ്യുക: റോമർ 1:13-15.

⁴ ശക്തിക്കാ​യി യഹോ​വ​യിൽ ആശ്രയി​ച്ചു​കൊണ്ട്‌ പൗലോസ്‌ സമനി​ല​യും ഒരു സന്തുഷ്ട ഹൃദയ​വും നിലനിർത്തി. തന്റെ ശുശ്രൂഷ പ്രതി​ഫ​ല​ദാ​യ​ക​വും സംതൃ​പ്‌തി​ദാ​യ​ക​വു​മാ​ണെന്ന്‌ അവൻ കണ്ടെത്തി. (ഫിലി. 4:13) തന്റെ വേല ദൈവം മറന്നു​ക​ള​യു​ക​യി​ല്ലെന്ന്‌ അവന്‌ അറിയാ​മാ​യി​രു​ന്നു. (എബ്രാ. 6:10) യഹോ​വയെ അറിയാൻ മററു​ള​ള​വരെ സഹായി​ക്കു​ന്ന​തി​ലു​ളള സന്തോഷം കൂടുതൽ ചെയ്യാൻ അവനെ പ്രചോ​ദി​പ്പി​ച്ചു. (1 തെസ്സ. 2:19, 20) തന്റെ ബൈബി​ള​ധി​ഷ്‌ഠിത പ്രത്യാശ സംബന്ധിച്ച ഉറപ്പ്‌ പ്രയത്‌ന​ശീ​ല​നാ​യി തുടരാൻ അവനെ പ്രേരി​പ്പി​ച്ചു.—എബ്രാ. 6:11.

⁵ നമ്മുടെ വേലയു​ടെ സൽഫല​ങ്ങ​ളും നാം പരിഗ​ണി​ക്കേ​ണ്ട​തുണ്ട്‌. വാരം​തോ​റു​മു​ളള യോഗ​ങ്ങൾക്കു നാം ഹാജരാ​കു​ന്ന​തും പങ്കുപ​റ​റു​ന്ന​തും മററു​ള​ള​വരെ കെട്ടു​പ​ണി​ചെ​യ്യു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുന്നു. (എബ്രാ. 10:24, 25) സുവാർത്ത എല്ലാവ​രി​ലും എത്തിക്കു​ന്ന​തി​നു​ളള നമ്മുടെ ആത്മാർഥ ശ്രമം താത്‌പ​ര്യം നട്ടുവ​ളർത്തു​ന്ന​തി​നും പുതി​യവർ നമ്മോ​ടൊ​ത്തു സഹവസി​ക്കു​ന്ന​തി​നും ഇടയാ​ക്കു​ന്നു. അങ്ങനെ സഭയുടെ പുരോ​ഗ​തിക്ക്‌ അതു സംഭാ​വ​ന​ചെ​യ്യു​ന്നു. (യോഹ. 15:8) സഹായം ആവശ്യ​മു​ള​ള​വർക്ക്‌ അതു നൽകു​ന്നത്‌ സഭയിൽ ഒരു ഉററ, കുടും​ബ​സ​മാന ആത്മാവു​ണ്ടാ​യി​രി​ക്കാൻ സഹായി​ക്കു​ന്നു. (യാക്കോ. 1:27) കൂടാതെ, പൗലോ​സി​നെ​പ്പോ​ലെ, പ്രയോ​ജ​ന​ക​ര​മായ കാര്യ​ങ്ങ​ളിൽ തിരക്കു​ള​ള​വ​രാ​യി​രി​ക്കു​ന്നതു യഹോ​വ​യാം ദൈവത്തെ അത്യധി​കം സന്തുഷ്ട​നാ​ക്കു​ന്നു​വെന്ന്‌ നാം ഒരിക്ക​ലും മറക്കരുത്‌. അവനെ സേവി​ക്കു​ന്നത്‌ ഒരു മഹത്തായ പദവി​യാ​യി നാം കരുതു​ന്നു. നമ്മെ സംബന്ധി​ച്ചി​ട​ത്തോ​ളം ഇതി​നെ​ക്കാൾ മെച്ചമായ ഒരു ജീവി​ത​രീ​തി​യില്ല!

⁶ ധാരാളം ചെയ്യാ​നു​ണ്ടാ​യി​രി​ക്കു​ന്ന​തിൽ കൂടു​ത​ലായ മറെറാ​രു പ്രയോ​ജ​നം​കൂ​ടി​യുണ്ട്‌. ആരോ​ഗ്യാ​വ​ഹ​മായ ആത്മീയ ദിനചര്യ പിൻപ​റ​റു​ന്ന​തിൽ നാം തിരക്കു​ള​ള​വ​രാ​യി​രി​ക്കു​മ്പോൾ സമയം പെട്ടെന്നു കടന്നു​പോ​കു​ന്ന​താ​യി തോന്നു​ന്നു. കടന്നു​പോ​കുന്ന ഓരോ ദിവസ​വും നമ്മെ പുതി​യ​ലോ​ക​ത്തോ​ടു കൂടുതൽ അടുപ്പി​ക്കു​ന്നു എന്നു തിരി​ച്ച​റി​യു​ന്ന​തി​നാൽ, ഇപ്പോൾ ആസ്വദി​ക്കുന്ന തിര​ക്കേ​റി​യ​തും ഉദ്ദേശ്യ​പൂർണ​വു​മായ ജീവിതം നാം സന്തോ​ഷ​പൂർവം സ്വീക​രി​ക്കു​ന്നു. വ്യർഥ​മായ ലൗകിക അനുധാ​വ​ന​ങ്ങൾക്കു നമുക്ക്‌ ഏറെ സമയം ഉണ്ടായി​രി​ക്കാ​ത്ത​തി​നാൽ തിരക്കു​ള​ള​വ​രാ​യി​രി​ക്കു​ന്ന​തി​ന്റെ ജ്ഞാനവും നാം തിരി​ച്ച​റി​യു​ന്നു.—എഫെ. 5:15, 16.

⁷ തീർച്ച​യാ​യും കർത്താ​വി​ന്റെ വേലയിൽ ധാരാളം ചെയ്യാ​നുണ്ട്‌. എന്നാൽ നമ്മുടെ സേവനത്തെ നവോൻമേ​ഷ​പ്ര​ദ​വും പ്രതി​ഫ​ല​ദാ​യ​ക​വും ആക്കുന്ന യഹോ​വ​യാം ദൈവ​ത്തി​ലും യേശു​ക്രി​സ്‌തു​വി​ലും ആശ്രയി​ക്കു​ന്ന​തിൽ തുടരു​ന്നെ​ങ്കിൽ നമുക്കു സന്തുഷ്ട​രാ​യി നിലനിൽക്കാൻ കഴിയും.—മത്താ. 11:28-30; 1 യോഹ. 5:3.