നിങ്ങളു​ടെ സമയം നന്നായി പ്രയോ​ജ​ന​പ്പെ​ടു​ത്തുക

¹ യഹോവ സമയ​ത്തെ​പ്പറ്റി ബോധ​മു​ള്ള​വ​നാണ്‌. നാമും സമയ​ത്തെ​പ്പറ്റി ബോധ​മു​ള്ള​വ​രാ​യി​രി​ക്കാൻ അവൻ ആഗ്രഹി​ക്കു​ന്നു. സമയ ബോധ​മു​ള്ള​വ​രാ​യി​രി​ക്കാൻ തന്റെ സ്ഥാപന​ത്തി​ലൂ​ടെ അവൻ നമ്മെ സഹായി​ക്കു​ന്നു. “കർത്താ​വി​ന്റെ വേലയിൽ എപ്പോ​ഴും ധാരാളം ചെയ്യാ​നു​ള്ളവ”രായി​രി​ക്കാൻ നാം പ്രേരി​ത​രാ​ക്ക​പ്പെ​ട്ടി​രി​ക്കു​ന്നു. (1 കൊരി. 15:58, NW) ഈ വിധത്തിൽ നമുക്ക്‌ യഹോ​വ​യു​ടെ സേവന​ത്തിൽ കൂടുതൽ ഫലപ്ര​ദ​രാ​യി​രി​ക്കാൻ കഴിയും.

² നമു​ക്കോ​രോ​രു​ത്തർക്കും ആഴ്‌ച​യിൽ തുല്യ സമയമാ​ണു​ള്ളത്‌—168 മണിക്കൂർ. നാം നമ്മുടെ സമയത്തെ എത്ര നന്നായി ഉപയോ​ഗി​ക്കു​ന്നു? യഹോ​വ​യു​ടെ നിലപാ​ടിൽനി​ന്നു നോക്കു​മ്പോൾ നാം ഏതു സമയത്താ​ണു ജീവി​ക്കു​ന്ന​തെന്നു നമുക്കു നന്നായി അറിയാ​മെന്നു നാം പ്രകടി​പ്പി​ക്കു​ന്നു​ണ്ടോ? അത്ര അത്യാ​വ​ശ്യ​മൊ​ന്നു​മി​ല്ലാത്ത പ്രവർത്ത​ന​ങ്ങ​ളാൽ നാം ശ്രദ്ധാ​ശൈ​ഥി​ല്യം ഉള്ളവരാ​യി​ത്തീ​രു​ന്നു​ണ്ടോ?

³ നാം സുസം​ഘ​ടി​ത​രാ​യി​രി​ക്കേ​ണ്ടതു പ്രധാ​ന​മാണ്‌. അനേക​രും ഒരു മുൻഗ​ണനാ പട്ടിക ഉണ്ടായി​രി​ക്കാൻ ശ്രമി​ക്കു​ന്നു. ഓരോ കാര്യ​ങ്ങൾക്കും അതി​ന്റേ​തായ പ്രാധാ​ന്യ​മ​നു​സ​രിച്ച്‌ പട്ടിക​യിൽ സ്ഥാനം നൽകുന്നു. അതെങ്ങനെ നിർണ​യി​ക്കാ​നാ​വും? “ഏതു മനുഷ്യ​നും . . . സകല​പ്ര​യ​ത്‌നം കൊണ്ടും സുഖം അനുഭ​വിക്ക”ണമെന്നു ബൈബിൾ പറയുന്നു. (സഭാ. 3:13) ചില വേലകൾ മറ്റുചി​ല​തി​നെ​ക്കാൾ നല്ല ഫലങ്ങൾ കൈവ​രു​ത്തു​ന്നു. അവ ഓരോ​ന്നും കൈവ​രു​ത്തുന്ന ഫലങ്ങൾ പരിചി​ന്തി​ക്കുക. ഒരു വേല ചെയ്‌തു​തീർക്കു​ന്നതു ശ്രദ്ധേ​യ​മായ പ്രയോ​ജനം കൈവ​രു​ത്തു​മോ? നിങ്ങളു​ടെ വേലയു​ടെ “സുഖം” നിങ്ങൾ അനുഭ​വി​ച്ച​റി​യു​മോ? ഇല്ലാ​യെ​ങ്കിൽ അത്‌ അത്ര മുൻതൂ​ക്ക​മുള്ള കാര്യ​മാ​യി​രി​ക്കില്ല.

⁴ നമ്മുടെ ശുശ്രൂ​ഷ​യിൽ: വയൽസേവന യോഗ​ങ്ങ​ളിൽ മറ്റുള്ളവർ കൃത്യ​സ​മ​യത്തു വന്നെത്തു​ക​യും അവിടെ നൽക​പ്പെ​ടുന്ന നിർദേ​ശങ്ങൾ ശ്രദ്ധിച്ചു കേൾക്കു​ക​യും യഥാസ​മയം പ്രദേ​ശ​ത്തേക്കു പുറ​പ്പെ​ടു​ക​യും ചെയ്യു​ന്നതു നാം വിലമ​തി​ക്കു​ന്നു. മറ്റുള്ള​വർക്കു​വേണ്ടി കാത്തു​നിൽക്കു​ന്ന​തി​നു പകരം നമുക്കു പ്രസം​ഗ​വേ​ല​യിൽ തിരക്കു​ള്ള​വ​രാ​യി​രി​ക്കാൻ കഴിയും. “സകലവും ഉചിത​മാ​യും ക്രമമാ​യും നടക്കട്ടെ” എന്നു പൗലോസ്‌ എഴുതി​യ​പ്പോൾ നല്ല ക്രമത്തി​ന്റെ ആവശ്യ​ക​ത​യെ​പ്പറ്റി അവനു നല്ല ബോധ്യം ഉണ്ടായി​രു​ന്നു​വെ​ന്നതു സ്‌പഷ്ട​മാണ്‌.—1 കൊരി. 14:40.

⁵ നാം വയൽസേ​വ​ന​ത്തി​ലാ​യി​രി​ക്കു​മ്പോൾ ലഘുഭ​ക്ഷ​ണ​ത്തി​നും വിശ്ര​മ​ത്തി​നു​മാ​യി നമ്മുടെ വില​യേ​റിയ സമയം നഷ്ടപ്പെ​ടു​ത്തി​യേ​ക്കാം. എന്നിരു​ന്നാ​ലും, കാലാവസ്ഥ തീരെ മോശ​മാ​ണെ​ങ്കിൽ അൽപ്പ സമയം വിശ്ര​മി​ക്കു​ന്നതു വേല തുടരു​ന്ന​തി​നു നമുക്കു സഹായ​ക​മാ​കും. എന്നുവ​രി​കി​ലും, ശുശ്രൂ​ഷ​ക്കാ​യി മാറ്റി​വ​ച്ചി​രി​ക്കുന്ന സമയത്ത്‌ ചായകു​ടി​ച്ചു​കൊ​ണ്ടു സഹോ​ദ​ര​ങ്ങ​ളു​മാ​യി സല്ലപി​ക്കു​ന്ന​തി​നു പകരം അനേകം സഹോ​ദ​രങ്ങൾ ആളുകൾക്കു സാക്ഷ്യം നൽകു​ന്ന​തിൽ തിരക്കു​ള്ള​വ​രാ​യി​രി​ക്കാൻ താത്‌പ​ര്യ​പ്പെ​ടു​ന്നു. സമചി​ത്ത​ത​യു​ടെ ആവശ്യ​മുണ്ട്‌.

⁶ “പെരു​ഞാറ” ദേശാ​ട​ന​ത്തി​നുള്ള “തന്റെ കാലം അറിയു​ന്നു,” ഉറുമ്പ്‌ ശൈത്യ​കാ​ല​ത്തേ​ക്കുള്ള തയ്യാ​റെ​ടു​പ്പി​ന്റെ ഭാഗമാ​യി “വേനൽക്കാ​ലത്തു തന്റെ ആഹാരം ഒരുക്കു​ന്നു” എന്നു ബൈബിൾ പറയുന്നു. (യിരെ. 8:7; സദൃ. 6:6-8) സമയം നന്നായി പ്രയോ​ജ​ന​പ്പെ​ടു​ത്തു​ന്ന​തി​ന്റെ രഹസ്യ​മ​താണ്‌. ‘നമ്മുടെ കാലപ​രി​ധി’ സംബന്ധി​ച്ചു നാമും ബോധ​മു​ള്ള​വ​രാ​യി​രി​ക്കണം. തീരെ വഴക്കമി​ല്ലാ​ത്ത​വ​രാ​യി​രി​ക്കാ​തെ നാം സമയ ബോധ​മു​ള്ള​വ​രാ​യി​രി​ക്കണം. എന്തു ചെയ്യണ​മെന്നു മാത്രമല്ല എപ്പോൾ ചെയ്യണ​മെ​ന്നും നാം അറിഞ്ഞി​രി​ക്കണം. കാര്യങ്ങൾ മുൻകൂ​ട്ടി ആസൂ​ത്രണം ചെയ്യു​ക​യും സാധ്യ​ത​യുള്ള കാലതാ​മ​സ്സ​ങ്ങൾക്കു സമയം മാറ്റി​വെ​ക്കു​ക​യും ചെയ്യുന്ന സ്വഭാവം നമുക്കു​ണ്ടാ​യി​രി​ക്കണം. യോഗ​ങ്ങൾക്കു തയ്യാറാ​കൽ, വയൽസേ​വനം, മറ്റു ദിവ്യാ​ധി​പത്യ പ്രവർത്ത​നങ്ങൾ എന്നിങ്ങനെ കൂടുതൽ പ്രാധാ​ന്യ​മുള്ള കാര്യ​ങ്ങൾക്കാ​യി സമയം കണ്ടെത്താൻ ചില സംഗതി​കൾ വെട്ടി​ച്ചു​രു​ക്കു​ന്ന​തി​നു നാം മനസ്സൊ​രു​ക്ക​മു​ള്ള​വ​രാ​യി​രി​ക്കണം.

⁷ “എല്ലാറ്റി​ന്നും ഒരു സമയമു​ണ്ടു” എന്നു പഠിപ്പി​ക്കുന്ന നമ്മുടെ സ്വർഗീയ പിതാ​വി​നെ​പ്പോ​ലെ​യാ​യി​രി​ക്കാൻ നാം ആഗ്രഹി​ക്കു​ന്നു. (സഭാ. 3:1) നമ്മുടെ സമയം നന്നായി പ്രയോ​ജ​ന​പ്പെ​ടു​ത്തി​ക്കൊണ്ട്‌ നമുക്ക്‌ ‘നമ്മുടെ ശുശ്രൂഷ നിറപ​ടി​യാ​യി നിവർത്തി​ക്കാ’നാകും.—2 തിമൊ. 4:5.