യഹോ​വ​യ്‌ക്കു കൊടു​ക്കേ​ണ്ടത്‌ എന്തു​കൊണ്ട്‌?

ഒരു കൊച്ചു സീദോ​ന്യ പട്ടണമായ സാരെ​ഫാ​ത്തിൽ ചുട്ടു​പൊ​ള്ളുന്ന വെയി​ലത്ത്‌ ഒരു വിധവ വിറകു പെറു​ക്കു​വാൻ കുനിഞ്ഞു. തുച്ഛമായ—ഒരുപക്ഷേ അവൾക്കും മകനും കഴിക്കാ​നു​ണ്ടാ​യി​രുന്ന അവസാ​നത്തെ—ആഹാരം തയ്യാറാ​ക്കു​ന്ന​തി​നു തീ കത്തിക്ക​ണ​മാ​യി​രു​ന്നു. ദീർഘ​കാ​ലത്തെ വരൾച്ച​യി​ലും ക്ഷാമത്തി​ലും തന്റെയും മകന്റെ​യും ജീവൻ നിലനിർത്താൻ അവൾ കിണഞ്ഞു പരി​ശ്ര​മി​ച്ചി​രു​ന്നു. ഒടുവി​ലതു പരിതാ​പ​ക​ര​മായ ഈ നിലയിൽ കൊ​ണ്ടെ​ത്തി​ച്ചു. അവർ വിശന്നു വലയു​ക​യാ​യി​രു​ന്നു.

ഏലിയാവ്‌ എന്നു പേരുള്ള ഒരു മനുഷ്യൻ അവളെ സമീപി​ച്ചു. അവൻ യഹോ​വ​യു​ടെ പ്രവാ​ച​ക​നാ​ണെന്ന്‌ ആ വിധവ ഉടനടി തിരി​ച്ച​റി​ഞ്ഞു. അവൾ ആ ദൈവ​ത്തെ​ക്കു​റി​ച്ചു കേട്ടി​രു​ന്ന​താ​യി തോന്നു​ന്നു. അവളുടെ ദേശമായ സീദോ​നിൽ, ക്രൂര​വും വികട​വു​മായ ആരാധന വ്യാപ​ക​മാ​യി അർപ്പി​ക്ക​പ്പെ​ട്ടി​രുന്ന ബാലിൽനി​ന്നു വ്യത്യ​സ്‌ത​നാ​യി​രു​ന്നു യഹോവ. അതു​കൊണ്ട്‌, ഏലിയാവ്‌ കുടി​ക്കാൻ വെള്ളം ചോദി​ച്ച​പ്പോൾ സഹായി​ക്കാൻ അവൾക്കു തിടു​ക്ക​മാ​യി​രു​ന്നു. അങ്ങനെ ചെയ്യു​ന്നതു യഹോ​വ​യു​ടെ പ്രീതി ലഭിക്കാൻ ഉതകു​മെന്ന്‌ അവൾ വിചാ​രി​ച്ചി​രി​ക്കാം. (മത്തായി 10:41, 42) എന്നാൽ ഏലിയാവ്‌ അതില​ധി​കം ആവശ്യ​പ്പെട്ടു—അൽപ്പം ഭക്ഷണം. ഒടുവി​ലത്തെ ഭക്ഷണത്തി​നു​ള്ളതു മാത്രമേ തന്റെ പക്കലുള്ളൂ എന്ന്‌ ആ സ്‌ത്രീ വിശദീ​ക​രി​ച്ചു. എങ്കിലും, വരൾച്ച മാറു​ന്ന​തു​വരെ യഹോവ അവൾക്ക്‌ അത്ഭുത​ക​ര​മാ​യി ഭക്ഷണം പ്രദാനം ചെയ്യു​മെന്ന്‌ ഉറപ്പേ​കി​ക്കൊണ്ട്‌ ഏലിയാവ്‌ നിർബ​ന്ധി​ച്ചു. അവൾ എന്താണു ചെയ്‌തത്‌? “അവൾ ചെന്നു ഏലീയാ​വു പറഞ്ഞതു​പോ​ലെ ചെയ്‌തു” എന്നു ബൈബിൾ പറയുന്നു. (1 രാജാ​ക്ക​ന്മാർ 17:10-15) ലളിത​മായ ആ വാക്കുകൾ ആഴമേ​റിയ വിശ്വാ​സത്തെ വർണി​ക്കു​ന്നു. വാസ്‌ത​വ​ത്തിൽ, ഏതാണ്ട്‌ ആയിരം വർഷത്തി​നു​ശേഷം യേശു​ക്രി​സ്‌തു ആ വിധവയെ പുകഴ്‌ത്തി​പ്പ​റ​യത്തക്ക ആഴമേ​റിയ വിശ്വാ​സ​മാ​യി​രു​ന്നു അത്‌!—ലൂക്കൊസ്‌ 4:25, 26.

എങ്കിലും, വളരെ ദരി​ദ്ര​യാ​യി​രുന്ന ഒരു വിധവ​യിൽനി​ന്നു യഹോവ അത്രയ​ധി​കം ആവശ്യ​പ്പെ​ടു​മെ​ന്നതു വിചി​ത്ര​മാ​യി തോന്നി​യേ​ക്കാം. വളരെ പ്രമു​ഖ​നായ ഒരു വ്യക്തി ഒരിക്കൽ അർപ്പിച്ച പ്രാർഥ​ന​യെ​ക്കു​റി​ച്ചു പരിചി​ന്തി​ക്കു​മ്പോൾ പ്രത്യേ​കി​ച്ചും. ദാവീദ്‌ രാജാവ്‌ തന്റെ മകനായ ശലോ​മോന്‌ ആലയ നിർമാ​ണ​ത്തിന്‌ ഉപയോ​ഗി​ക്കാൻ സമാഹ​രിച്ച സംഭാവന വളരെ​യ​ധി​കം ഉദാര​ത​യ്‌ക്കു വഴി​യൊ​രു​ക്കി. ആധുനിക കണക്കനു​സ​രിച്ച്‌, സംഭാ​വ​ന​ചെ​യ്യ​പ്പെട്ട ദാനങ്ങൾ ശതകോ​ടി​ക്ക​ണ​ക്കി​നു ഡോളർ വിലയു​ള്ള​താ​യി​രു​ന്നു! എങ്കിലും, യഹോ​വ​യോ​ടുള്ള പ്രാർഥ​ന​യിൽ ദാവീദ്‌ ഇങ്ങനെ പറഞ്ഞു: “ഞങ്ങൾ ഇങ്ങനെ ഇത്ര മനഃപൂർവ​മാ​യി ദാനം ചെയ്യേ​ണ്ട​തി​ന്നു പ്രാപ്‌ത​രാ​കു​വാൻ ഞാൻ ആർ? എന്റെ ജനവും എന്തുള്ളൂ? സകലവും നിങ്കൽനി​ന്ന​ല്ലോ വരുന്നതു; നിന്റെ കയ്യിൽനി​ന്നു വാങ്ങി ഞങ്ങൾ നിനക്കു തന്നതേ​യു​ള്ളൂ.” (1 ദിനവൃ​ത്താ​ന്തം 29:14) ദാവീദ്‌ പറഞ്ഞതു​പോ​ലെ, സകലവും യഹോ​വ​യു​ടേ​താണ്‌. തന്മൂലം, നിർമ​ലാ​രാ​ധ​ന​യു​ടെ ഉന്നമന​ത്തി​നാ​യി സംഭാവന ചെയ്യു​മ്പോ​ഴൊ​ക്കെ നാം യഹോ​വ​യു​ടേത്‌ അവനു നൽകുക മാത്ര​മാണ്‌. (സങ്കീർത്തനം 50:10) അങ്ങനെ ആദ്യം​തന്നെ, നാം നൽകാൻ യഹോവ ആഗ്രഹി​ക്കു​ന്നത്‌ എന്തു​കൊ​ണ്ടാണ്‌ എന്ന ചോദ്യം ഉദിക്കു​ന്നു.

സത്യാ​രാ​ധ​ന​യു​ടെ മർമ​പ്ര​ധാ​ന​മായ ഒരു ഭാഗം

മുൻകാ​ല​ങ്ങൾമു​തൽ യഹോവ, കൊടു​ക്ക​ലി​നെ നിർമ​ലാ​രാ​ധ​ന​യു​ടെ ഒരു മുഖ്യ ഭാഗമാ​യി മാറ്റി​യി​രു​ന്നു എന്നതാണ്‌ ഏറ്റവും ലളിത​മായ ഉത്തരം. വിശ്വ​സ്‌ത​നാ​യി​രുന്ന ഹാബേൽ തന്റെ വില​യേ​റിയ ആടുമാ​ടു​ക​ളിൽ ചിലതു യഹോ​വ​യ്‌ക്കു ബലിയർപ്പി​ച്ചു. ഗോ​ത്ര​പി​താ​ക്ക​ന്മാ​രാ​യി​രുന്ന നോഹ, അബ്രഹാം, ഇസ്‌ഹാക്ക്‌, യാക്കോബ്‌, ഇയ്യോബ്‌ എന്നിവർ സമാന​മായ ബലികൾ അർപ്പിച്ചു.—ഉല്‌പത്തി 4:4; 8:20; 12:7; 26:25; 31:54; ഇയ്യോബ്‌ 1:5.

യഹോ​വ​യ്‌ക്കു സംഭാവന കൊടു​ക്കു​വാൻ മോ​ശൈക ന്യായ​പ്ര​മാ​ണം കൽപ്പി​ക്കുക മാത്രമല്ല അതിനെ നിയ​ന്ത്രി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, ദശാംശം കൊടു​ക്കു​ന്ന​തിന്‌ അല്ലെങ്കിൽ ദേശത്തെ ഉത്‌പ​ന്ന​ങ്ങ​ളു​ടെ​യും പെരു​കി​വ​രുന്ന ആടുമാ​ടു​ക​ളു​ടെ​യും പത്തി​ലൊ​ന്നു സംഭാവന ചെയ്യു​ന്ന​തി​നു മുഴു ഇസ്രാ​യേ​ല്യ​രോ​ടും കൽപ്പി​ച്ചി​രു​ന്നു. (സംഖ്യാ​പു​സ്‌തകം 18:25-28) മറ്റു സംഭാ​വ​നകൾ അത്രമാ​ത്രം കർശന​മാ​യി നിയ​ന്ത്രി​ക്ക​പ്പെ​ട്ടി​രു​ന്നില്ല. ദൃഷ്ടാ​ന്ത​ത്തിന്‌, ആടുമാ​ടു​ക​ളി​ലും വിളവു​ക​ളി​ലും ആദ്യഫലം യഹോ​വ​യ്‌ക്കു നൽകാൻ ഓരോ ഇസ്രാ​യേ​ല്യ​നോ​ടും നിഷ്‌കർഷി​ച്ചി​രു​ന്നു. (പുറപ്പാ​ടു 22:29, 30; 23:19) എങ്കിലും, ഉത്തമ ഫലം നൽകു​മ്പോൾതന്നെ ആദ്യഫ​ല​ത്തിൽ എത്ര​ത്തോ​ളം നൽകണ​മെ​ന്നതു തീരു​മാ​നി​ക്കാൻ ഓരോ വ്യക്തി​ക്കും അനുവാ​ദ​മു​ണ്ടാ​യി​രു​ന്നു. സ്‌തോ​ത്ര​യാ​ഗ​വും നേർച്ച​യും അർപ്പി​ക്കു​ന്ന​തി​നു ന്യായ​പ്ര​മാ​ണ​ത്തിൻകീ​ഴിൽ വ്യവസ്ഥ​യു​ണ്ടാ​യി​രു​ന്നെ​ങ്കി​ലും അതു തികച്ചും സ്വേച്ഛാ​നു​സൃ​ത​മാ​യി​രു​ന്നു. (ലേവ്യ​പു​സ്‌തകം 7:15, 16) യഹോവ തന്നിട്ടുള്ള അനു​ഗ്ര​ഹ​ത്തി​നു തക്കവണ്ണം താന്താന്റെ പ്രാപ്‌തി​പോ​ലെ നൽകു​വാൻ അവൻ ജനത്തിനു പ്രോ​ത്സാ​ഹ​ന​മേകി. (ആവർത്ത​ന​പു​സ്‌തകം 16:17) സമാഗമന കൂടാ​ര​ത്തി​ന്റെ​യും പിന്നീട്‌ ആലയത്തി​ന്റെ​യും നിർമാ​ണ​ത്തി​ന്റെ കാര്യ​ത്തി​ലെ​ന്ന​പോ​ലെ ഓരോ​രു​ത്ത​നും ഹൃദയ​ത്തിൽ തോന്നി​യ​തു​പോ​ലെ സംഭാവന നൽകി. (പുറപ്പാ​ടു 35:21; 1 ദിനവൃ​ത്താ​ന്തം 29:9) അത്തരം സ്വമേ​ധയാ സംഭാ​വ​നകൾ യഹോ​വയെ അത്യന്തം സന്തോ​ഷി​പ്പി​ച്ചു​വെ​ന്നതു തീർച്ച​യാണ്‌!

“ക്രിസ്‌തു​വി​ന്റെ നിയമ”ത്തിൻ കീഴിൽ എല്ലാ കൊടു​ക്ക​ലും സ്വേച്ഛാ​നു​സൃ​തം ആയിരി​ക്ക​ണ​മാ​യി​രു​ന്നു. (ഗലാത്യർ 6:2, പി.ഒ.സി. ബൈ.; 2 കൊരി​ന്ത്യർ 9:7) ക്രിസ്‌തു​വി​ന്റെ അനുഗാ​മി​കൾ കൊടു​ക്കൽ നിർത്തി​യെ​ന്നോ കുറച്ചാ​ണു കൊടു​ത്ത​തെ​ന്നോ അത്‌ അർഥമാ​ക്കു​ന്നില്ല. നേരേ​മ​റി​ച്ചാ​യി​രു​ന്നു! യേശു​വും അപ്പോ​സ്‌ത​ല​ന്മാ​രും ഇസ്രാ​യേ​ലിൽ പ്രസം​ഗി​ക്കവേ ഒരു കൂട്ടം സ്‌ത്രീ​കൾ അവരെ പിന്തു​ട​രു​ക​യും തങ്ങളുടെ വസ്‌തു​വ​ക​കൊണ്ട്‌ അവരെ ശുശ്രൂ​ഷി​ക്കു​ക​യും ചെയ്‌തു. (ലൂക്കൊസ്‌ 8:1-3) അതു​പോ​ലെ​തന്നെ, പൗലോസ്‌ അപ്പോ​സ്‌ത​ല​നും തന്റെ മിഷനറി വേലയ്‌ക്കു പിന്തു​ണ​യേ​കിയ ദാനങ്ങൾ കൈപ്പറ്റി. ക്രമത്തിൽ അവൻ, ആവശ്യ​മു​ള്ള​പ്പോൾ മറ്റുള്ള​വർക്കു തുക നൽകാൻ ചില സഭകളെ പ്രോ​ത്സാ​ഹി​പ്പി​ക്കു​ക​യും ചെയ്‌തു. (2 കൊരി​ന്ത്യർ 8:14; ഫിലി​പ്പി​യർ 1:3-5) സംഭാ​വ​ന​യാ​യി ലഭിച്ച വിഭവങ്ങൾ മുട്ടു​ള്ള​വർക്കു വിതരണം ചെയ്യു​ന്നു​വെന്ന്‌ ഉറപ്പു​വ​രു​ത്താൻ യെരു​ശ​ലേ​മി​ലെ ഭരണസം​ഘം ഉത്തരവാ​ദി​ത്ത​പ്പെ​ട്ട​വരെ നിയോ​ഗി​ച്ചു. (പ്രവൃ​ത്തി​കൾ 6:2-4) വ്യക്തമാ​യും, നിർമ​ലാ​രാ​ധ​നയെ ആ രീതി​യിൽ പിന്തു​ണ​യ്‌ക്കു​ന്നത്‌ ഒരു പദവി​യാ​യി ആദിമ ക്രിസ്‌ത്യാ​നി​കൾ കരുതി.

എന്നുവ​രി​കി​ലും, കൊടു​ക്കൽ യഹോവ തന്റെ ആരാധ​ന​യു​ടെ ഭാഗമാ​ക്കു​ന്നത്‌ എന്തു​കൊ​ണ്ടാ​ണെന്നു നാം ചിന്തി​ച്ചേ​ക്കാം. നാലു കാരണങ്ങൾ പരിചി​ന്തി​ക്കുക.

നാം കൊടു​ക്കു​ന്ന​തി​ന്റെ കാരണം

ഒന്നാമ​താ​യി, കൊടു​ക്കു​ന്നതു നമുക്കു നല്ലതാണ്‌ എന്നതു​കൊണ്ട്‌ യഹോവ അതിനെ സത്യാ​രാ​ധ​ന​യു​ടെ ഭാഗമാ​ക്കു​ന്നു. ദൈവ​ത്തി​ന്റെ നന്മയെ​പ്ര​തി​യുള്ള നമ്മുടെ വിലമ​തി​പ്പി​നെ അതു സ്‌പഷ്ട​മാ​ക്കു​ന്നു. ഉദാഹ​ര​ണ​ത്തിന്‌, ഒരു കുട്ടി മാതാ​വിന്‌ അല്ലെങ്കിൽ പിതാ​വിന്‌ സമ്മാനം കൊടു​ക്കു​മ്പോൾ എന്തു​കൊ​ണ്ടാ​ണു മാതാവ്‌ അല്ലെങ്കിൽ പിതാവ്‌ സന്തോ​ഷ​പൂർവം മന്ദഹസി​ക്കു​ന്നത്‌? ആ സമ്മാനം മാതാ​വി​നോ പിതാ​വി​നോ മറ്റൊ​രു​വി​ധ​ത്തി​ലും നിവർത്തി​ക്കാ​നാ​വാഞ്ഞ ആവശ്യത്തെ നിവർത്തി​ക്കു​ന്നു​വോ? മിക്കവാ​റും ഇല്ല. മറിച്ച്‌, കുട്ടി വിലമ​തി​പ്പുള്ള കൊടു​ക്കൽ മനോ​ഭാ​വം വളർത്തി​യെ​ടു​ക്കു​ന്നതു കാണു​മ്പോൾ മാതാ​വിന്‌ അല്ലെങ്കിൽ പിതാ​വി​നു സന്തോഷം തോന്നു​ന്നു. സമാന​മായ കാരണ​ങ്ങ​ളാൽ കൊടു​ക്കു​ന്ന​തി​നു യഹോവ നമ്മെ പ്രോ​ത്സാ​ഹി​പ്പി​ക്കു​ന്നു​വെന്നു മാത്രമല്ല നാം അങ്ങനെ ചെയ്യു​മ്പോൾ അവനു സന്തോ​ഷ​വും തോന്നു​ന്നു. നമ്മോ​ടുള്ള അവന്റെ അതിരറ്റ ദയയും ഉദാര​ത​യും നാം വാസ്‌ത​വ​മാ​യും വിലമ​തി​ക്കു​ന്നു​വെന്നു കാട്ടു​ന്നത്‌ ഇങ്ങനെ​യാണ്‌. ‘എല്ലാ നല്ല ദാനത്തി​ന്റെ​യും തികഞ്ഞ വരത്തി​ന്റെ​യും’ ദാതാ​വാണ്‌ അവൻ. അതു​കൊണ്ട്‌, അവനു നന്ദി പറയാൻ നമുക്കു കാരണങ്ങൾ ഇല്ലാതെ വരില്ല. (യാക്കോബ്‌ 1:17) സർവോ​പരി, നാം നിത്യ​ജീ​വൻ പ്രാപി​ക്കേ​ണ്ട​തി​നു യഹോവ തന്റെ പ്രിയ​പു​ത്രനെ നമുക്കു നൽകി​ക്കൊണ്ട്‌ അവനെ മരിക്കാൻ അനുവ​ദി​ച്ചു. (യോഹ​ന്നാൻ 3:16) നമുക്ക്‌ എന്നെങ്കി​ലും മതിയാ​കു​വോ​ളം അവനു നന്ദി പറയാ​നാ​കു​മോ?

രണ്ടാമ​താ​യി, കൊടു​ക്കു​ന്നത്‌ ഒരു ശീലമാ​ക്കു​ന്ന​പക്ഷം നാം ഏറ്റവും പ്രധാ​ന​മായ ഒരു വിധത്തിൽ യഹോ​വ​യെ​യും അവന്റെ പുത്ര​നായ യേശു​ക്രി​സ്‌തു​വി​നെ​യും അനുക​രി​ക്കാൻ പഠിക്കു​ന്നു. യഹോവ സ്ഥിരമാ​യി, സതതം ഉദാരത കാട്ടുന്നു. ബൈബിൾ പറയു​ന്ന​പ്ര​കാ​രം, അവൻ നമുക്കു “ജീവനും ശ്വാസ​വും സകലവും” പ്രദാനം ചെയ്യുന്നു. (പ്രവൃ​ത്തി​കൾ 17:25) നമ്മുടെ ഓരോ ശ്വാസ​ത്തി​നും നാം ആസ്വദി​ക്കുന്ന ഓരോ ഭക്ഷണത്തി​നും ജീവി​ത​ത്തി​ലെ സന്തുഷ്ട​വും തൃപ്‌തി​ക​ര​വു​മായ ഓരോ നിമി​ഷ​ത്തി​നും നാം അവനു നന്ദി പറയു​ന്നത്‌ ഉചിത​മാ​യി​രി​ക്കും. (പ്രവൃ​ത്തി​കൾ 14:17) തന്റെ പിതാ​വി​നെ​പ്പോ​ലെ യേശു കൊടു​ക്കൽ മനോ​ഭാ​വം പ്രകട​മാ​ക്കി. അവൻ നിർലോ​ഭം തന്നെത്തന്നെ നൽകി. യേശു അത്ഭുതങ്ങൾ ചെയ്‌തതു സ്വന്തം നഷ്ടം സഹിച്ചാ​യി​രു​ന്നു​വെന്നു നിങ്ങൾക്ക​റി​യാ​മോ? രോഗി​കളെ സൗഖ്യ​മാ​ക്കി​യ​പ്പോൾ അവനിൽനി​ന്നു “ശക്തി പുറപ്പെട്ട”തായി ഒന്നില​ധി​കം പ്രാവ​ശ്യം തിരു​വെ​ഴു​ത്തു നമ്മോടു പറയുന്നു. (ലൂക്കൊസ്‌ 6:19; 8:45, 46) സ്വന്തം ദേഹിയെ, ജീവനെ, മരണ​ത്തോ​ളം ഒഴുക്ക​ത്ത​ക്ക​വണ്ണം ഉദാര​മ​ന​സ്‌ക​നാ​യി​രു​ന്നു യേശു.—യെശയ്യാ​വു 53:12.

അതു​കൊണ്ട്‌, നാം നമ്മുടെ സമയമോ ഊർജ​മോ സ്വത്തു​ക്ക​ളോ എന്തുതന്നെ നൽകി​യാ​ലും നാം യഹോ​വയെ അനുക​രി​ക്കു​ക​യും അവന്റെ ഹൃദയത്തെ സന്തോ​ഷി​പ്പി​ക്കു​ക​യു​മാണ്‌. (സദൃശ​വാ​ക്യ​ങ്ങൾ 27:11; എഫെസ്യർ 5:1) നാം യേശു​ക്രി​സ്‌തു നമുക്കു നൽകി​യി​ട്ടു​പോയ പൂർണ മാതൃക പിൻപ​റ്റു​ക​യു​മാണ്‌.—1 പത്രൊസ്‌ 2:21.

മൂന്നാ​മ​താ​യി, കൊടു​ക്കൽ യഥാർഥ, പ്രധാന ആവശ്യ​ങ്ങളെ നിവർത്തി​ക്കു​ന്നു. നമ്മുടെ സഹായം കൂടാതെ രാജ്യ താത്‌പ​ര്യ​ങ്ങൾ നിവർത്തി​ക്കാൻ യഹോ​വ​യ്‌ക്കു നിഷ്‌പ്ര​യാ​സം സാധി​ക്കു​മെ​ന്ന​തി​നു യാതൊ​രു സംശയ​വു​മില്ല. വചനം പ്രസം​ഗി​ക്കാൻ നമ്മെ ഉപയോ​ഗി​ക്കു​ന്ന​തി​നു പകരം ആർത്തു​വി​ളി​ക്കു​ന്ന​തി​നു കല്ലുകളെ ഉപയോ​ഗി​ക്കാൻ അവനു കഴിയു​ന്ന​തു​പോ​ലെ​യാ​ണത്‌. (ലൂക്കൊസ്‌ 19:40) എന്നാൽ ആ പദവികൾ നമുക്കു നൽകി നമ്മെ ആദരി​ക്കാൻ അവൻ തീരു​മാ​നി​ച്ചു. തന്മൂലം, രാജ്യ താത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി നമ്മുടെ വിഭവങ്ങൾ കൊടു​ക്കു​മ്പോൾ ലോക​ത്തിൽ ഇന്നു നടക്കുന്ന സുപ്ര​ധാന വേലയിൽ നാം ഒരു യഥാർഥ പങ്കുവ​ഹി​ക്കു​ന്നു​വെന്ന്‌ അറിയു​ന്ന​തി​ലെ അതിയായ സംതൃ​പ്‌തി നമുക്കുണ്ട്‌.—മത്തായി 24:14.

യഹോ​വ​യു​ടെ സാക്ഷി​ക​ളു​ടെ ലോക​വ്യാ​പക വേലയു​ടെ നടത്തി​പ്പി​നു പണം ആവശ്യ​മാ​ണെന്ന്‌ എടുത്തു പറയേ​ണ്ട​തില്ല. 1995 സേവന വർഷം, പ്രത്യേക പയനി​യർമാർ, മിഷന​റി​മാർ, സഞ്ചാര മേൽവി​ചാ​ര​ക​ന്മാർ എന്നിവ​രു​ടെ വയൽസേവന നിയമ​ന​ങ്ങൾക്കാ​യി മാത്രം സൊ​സൈറ്റി 6 കോടി ഡോള​റോ​ളം ചെലവ​ഴി​ച്ചു. എന്നാൽ, ലോക​വ്യാ​പ​ക​മാ​യി ബ്രാഞ്ച്‌ ഓഫീ​സു​ക​ളു​ടെ​യും അച്ചടി സൗകര്യ​ങ്ങ​ളു​ടെ​യും നിർമാ​ണ​വും പ്രവർത്ത​ന​വു​മാ​യി തട്ടിച്ചു​നോ​ക്കു​മ്പോൾ അത്‌ താരത​മ്യേന ചെറിയ ഒരു ചെലവാണ്‌. എങ്കിലും, ഇതെല്ലാം സ്വമേ​ധയാ സംഭാ​വ​ന​ക​ളി​ലൂ​ടെ​യാ​ണു സാധ്യ​മാ​കു​ന്നത്‌!

സാധാ​ര​ണ​ഗ​തി​യിൽ, തങ്ങൾ സമ്പന്നര​ല്ലാത്ത സ്ഥിതിക്കു മറ്റുള്ളവർ ചുമടു വഹിക്കട്ടെ എന്നു യഹോ​വ​യു​ടെ ജനം വിചാ​രി​ക്കു​ന്നില്ല. അത്തരം മനോ​ഭാ​വം നമ്മുടെ ആരാധ​ന​യു​ടെ ഈ വശം കൈവി​ട്ടു​പോ​കു​ന്ന​തി​ലേക്കു നമ്മെ നയിക്കാൻ ഇടയുണ്ട്‌. പൗലോസ്‌ അപ്പോ​സ്‌തലൻ പറയു​ന്ന​ത​നു​സ​രിച്ച്‌, മക്കെ​ദോ​ന്യ​യി​ലെ ക്രിസ്‌ത്യാ​നി​കൾ “മഹാദാ​രി​ദ്ര്യ”ത്തിൽ ആയിരു​ന്നു. എന്നിട്ടും കൊടു​ക്കാ​നുള്ള പദവി​ക്കാ​യി അവർ യാചിച്ചു. അവർ കൊടു​ത്തത്‌ അവരുടെ “പ്രാപ്‌തി​ക്കു മീതെ” ആയിരു​ന്നു​വെന്നു പൗലോസ്‌ സാക്ഷ്യ​പ്പെ​ടു​ത്തി!—2 കൊരി​ന്ത്യർ 8:1-4.

നാലാ​മ​താ​യി, യഹോവ കൊടു​ക്ക​ലി​നെ സത്യാ​രാ​ധ​ന​യു​ടെ ഒരു ഭാഗമാ​ക്കി​യ​തി​നു കാരണം കൊടു​ക്കൽ സന്തോ​ഷ​മു​ള്ള​വ​രാ​യി​രി​ക്കാൻ നമ്മെ സഹായി​ക്കു​ന്നു എന്നതാണ്‌. യേശു​ത​ന്നെ​യും ഇങ്ങനെ പറഞ്ഞു: “സ്വീക​രി​ക്കു​ന്ന​തിൽ ഉള്ളതി​നെ​ക്കാൾ സന്തോഷം കൊടു​ക്കു​ന്ന​തി​ലുണ്ട്‌.” (പ്രവൃ​ത്തി​കൾ 20:35, NW) അങ്ങനെ​യാ​ണു യഹോവ നമ്മെ സൃഷ്ടി​ച്ച​തും. നാം എത്രതന്നെ അവനു കൊടു​ത്താ​ലും അത്‌ ഹൃദയ​ത്തിൽ നമുക്ക്‌ അവനോ​ടുള്ള വിലമ​തി​പ്പി​നു തുല്യ​മാ​വു​ക​യി​ല്ലെന്നു നമുക്കു തോന്നാ​നി​ട​യാ​ക്കുന്ന മറ്റൊരു കാരണ​മാണ്‌ അത്‌. സന്തോ​ഷ​ക​ര​മെന്നു പറയട്ടെ, നമ്മളാൽ കഴിയു​ന്ന​തി​ല​ധി​കം കൊടു​ക്കാൻ യഹോവ നമ്മിൽനി​ന്നു പ്രതീ​ക്ഷി​ക്കു​ന്നില്ല. നമ്മളാൽ കഴിയു​ന്നതു സന്തോ​ഷ​പൂർവം കൊടു​ക്കു​മ്പോൾ അവൻ അതിൽ സന്തുഷ്ട​നാ​ണെന്നു നമുക്ക്‌ ഉറപ്പു​ണ്ടാ​യി​രി​ക്കാം!—2 കൊരി​ന്ത്യർ 8:12; 9:7.

കൊടു​ക്കൽ മനോ​ഭാ​വം കാട്ടു​ന്നത്‌ അനു​ഗ്ര​ഹ​ങ്ങ​ളിൽ കലാശി​ക്കു​ന്നു

നേരത്തെ സൂചി​പ്പിച്ച ദൃഷ്ടാ​ന്ത​ത്തി​ലേക്കു മടങ്ങി​പ്പോ​കാം. ഏലിയാ​വി​ന്റെ ഭക്ഷണാ​വ​ശ്യം മറ്റാർക്കെ​ങ്കി​ലും ഏറ്റെടു​ക്കാ​നാ​കു​മെന്നു സാരെ​ഫാ​ത്തി​ലെ വിധവ ന്യായ​വാ​ദം ചെയ്‌ത​താ​യി വിഭാവന ചെയ്യുക. എന്തൊരു അനു​ഗ്ര​ഹ​മാ​യി​രു​ന്നു അവൾക്കു കൈവി​ട്ടു​പോ​കു​മാ​യി​രു​ന്നത്‌!

കൊടു​ക്കൽ മനോ​ഭാ​വം കാട്ടു​ന്ന​വരെ യഹോവ അനു​ഗ്ര​ഹി​ക്കു​മെ​ന്ന​തിൽ ഒരു സംശയ​വു​മില്ല. (സദൃശ​വാ​ക്യ​ങ്ങൾ 11:25) തന്റെ ഒടുവി​ലത്തെ ആഹാര​മെന്നു സാരെ​ഫാ​ത്തി​ലെ വിധവ വിചാ​രി​ച്ചതു കൊടു​ത്തതു നിമിത്തം അവൾക്കു കഷ്ടപ്പെ​ടേണ്ടി വന്നില്ല. ഒരു അത്ഭുത​ത്തി​ലൂ​ടെ യഹോവ അവൾക്കു പ്രതി​ഫലം നൽകി. ഏലിയാ​വു വാഗ്‌ദാ​നം ചെയ്‌ത​പ്ര​കാ​രം, വരൾച്ച മാറു​ന്ന​തു​വരെ അവളുടെ മാവു തീർന്നു​പോ​യില്ല, എണ്ണ കുറഞ്ഞു​പോ​യ​തു​മില്ല. എന്നാൽ അവൾക്ക്‌ അതിലും വലിയ പ്രതി​ഫലം ലഭിച്ചു. അവളുടെ മകൻ രോഗം ബാധിച്ചു മരിച്ച​പ്പോൾ ദൈവ​പു​രു​ഷ​നായ ഏലിയാവ്‌ അവനെ ജീവനി​ലേക്കു വരുത്തി അവളെ തിരി​ച്ചേൽപ്പി​ച്ചു. അത്‌ അവളെ ആത്മീയ​മാ​യി എത്രമാ​ത്രം കെട്ടു​പണി ചെയ്‌തി​രി​ക്കണം!—1 രാജാ​ക്ക​ന്മാർ 17:16-24.

അത്ഭുത​ങ്ങ​ളാൽ അനുഗൃ​ഹീ​ത​രാ​കു​ന്ന​തി​നു നാം ഇന്നു പ്രതീ​ക്ഷി​ക്കു​ന്നില്ല. (1 കൊരി​ന്ത്യർ 13:8) എന്നാൽ മുഴു ദേഹി​യോ​ടെ തന്നെ സേവി​ക്കു​ന്ന​വരെ താൻ പരിപാ​ലി​ക്കു​മെന്നു യഹോവ നമുക്ക്‌ ഉറപ്പേ​കു​ന്നു. (മത്തായി 6:33) അക്കാര്യ​ത്തിൽ, യഹോവ നമ്മെ പരിപാ​ലി​ക്കും എന്ന ഉറപ്പോ​ടെ ഉദാര​മാ​യി നൽകി​ക്കൊ​ണ്ടു നമുക്കു സാരെ​ഫാ​ത്തി​ലെ വിധവ​യെ​പ്പോ​ലെ​യാ​യി​രി​ക്കാം. അതു​പോ​ലെ നമുക്കു വലിയ ആത്മീയ പ്രതി​ഫ​ലങ്ങൾ ആസ്വദി​ക്കാൻ കഴിയും. നമ്മു​ടേത്‌ വിരള​മായ, നൈമി​ഷിക തോന്ന​ലി​നാ​ലുള്ള കൊടു​ക്കൽ ആയിരി​ക്കു​ന്ന​തി​നു പകരം, ക്രമമായ ദിനച​ര്യ​യു​ടെ ഭാഗമാ​ണെ​ങ്കിൽ നമ്മുടെ കണ്ണു ലഘുവാ​യി സൂക്ഷി​ക്കു​ന്ന​തി​നും യേശു കൽപ്പി​ച്ച​തു​പോ​ലെ രാജ്യ താത്‌പ​ര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കു​ന്ന​തി​നും നമുക്കു കഴിയും. (ലൂക്കൊസ്‌ 11:34; 1 കൊരി​ന്ത്യർ 16:1, 2 താരത​മ്യം ചെയ്യുക.) കൂട്ടു​വേ​ല​ക്കാർ എന്നനി​ല​യിൽ യഹോ​വ​യോ​ടും യേശു​വി​നോ​ടും അടുക്കു​വാ​നും അതു നമ്മെ സഹായി​ക്കും. (1 കൊരി​ന്ത്യർ 3:9) അത്‌, ഇപ്പോൾതന്നെ ലോക​വ്യാ​പ​ക​മാ​യി യഹോ​വ​യു​ടെ ആരാധ​കരെ തിരി​ച്ച​റി​യി​ക്കുന്ന ഉദാര​മായ കൊടു​ക്കൽ മനോ​ഭാ​വ​ത്തിന്‌ ആക്കംകൂ​ട്ടും.

[31-ാം പേജിലെ ചതുരം]

ചിലർ കൊടു​ക്കു​വാൻ തിര​ഞ്ഞെ​ടു​ക്കുന്ന വിധങ്ങൾ

ലോകവ്യാപകവേലക്കുള്ള സംഭാ​വ​ന​കൾ

“സൊ​സൈ​റ്റി​യു​ടെ ലോക​വ്യാ​പ​ക​വേ​ല​ക്കുള്ള സംഭാ​വ​നകൾ—മത്തായി 24:14” എന്ന ലേബലുള്ള സംഭാ​വ​ന​പ്പെ​ട്ടി​ക​ളിൽ ഇടുന്ന​തിന്‌ അനേകർ ഒരു തുക നീക്കി​വെ​ക്കു​ന്നു അഥവാ ബജറ്റിൽ ഉൾപ്പെ​ടു​ത്തു​ന്നു. ഓരോ മാസവും സഭകൾ ഈ തുക ന്യൂ​യോർക്കി​ലെ ബ്രൂക്ലി​നി​ലുള്ള ഹെഡ്‌ക്വാർട്ടേ​ഴ്‌സി​ലേ​ക്കോ പ്രാ​ദേ​ശിക ബ്രാഞ്ച്‌ ഓഫീ​സി​ലേ​ക്കോ അയയ്‌ക്കു​ന്നു.

സ്വമേ​ധ​യാ​ദാ​ന​മാ​യുള്ള പണം Watch Tower Bible and Tract Society of India, H-58, Old Khandala Road, Lonavla, 410 401, Mah.,-ലേക്കോ നിങ്ങളു​ടെ രാജ്യത്തു പ്രവർത്തി​ക്കുന്ന സൊ​സൈ​റ്റി​യു​ടെ ഓഫീ​സി​ലേ​ക്കോ നേരിട്ട്‌ അയയ്‌ക്കാ​വു​ന്ന​താണ്‌. കൂടാതെ ആഭരണ​ങ്ങ​ളോ വില​യേ​റിയ മറ്റു വസ്‌തു​ക്ക​ളോ സംഭാവന ചെയ്യാ​വു​ന്ന​താണ്‌. ഈ സംഭാ​വ​ന​ക​ളോ​ടൊ​പ്പം അവ നിരു​പാ​ധി​ക​മായ ഒരു ദാനമാ​ണെന്നു ചുരു​ക്ക​മാ​യി പ്രസ്‌താ​വി​ക്കുന്ന ഒരു കത്തും ഉണ്ടായി​രി​ക്കണം.

സോപാധിക സംഭാ​വനാ ക്രമീ​ക​രണം:

വ്യക്തി​പ​ര​മായ ആവശ്യം വരുന്ന​പക്ഷം തിരി​ച്ചു​ത​ര​ണ​മെ​ന്നുള്ള വ്യവസ്ഥ​യിൽ, ദാതാ​വി​ന്റെ മരണം​വരെ പണം ഒരു ട്രസ്റ്റായി സൂക്ഷി​ക്കാൻ വാച്ച്‌ ടവർ സൊ​സൈ​റ്റി​യെ ഏൽപ്പി​ക്കാ​വു​ന്ന​താണ്‌. കൂടുതൽ വിവര​ങ്ങൾക്ക്‌ മേൽപ്പറഞ്ഞ വിലാ​സ​ത്തിൽ സൊ​സൈ​റ്റി​യു​മാ​യി ബന്ധപ്പെ​ടുക.

ആസൂത്രിത കൊടു​ക്കൽ

നിരു​പാ​ധിക ദാനവും സോപാ​ധിക സംഭാ​വ​ന​യു​മാ​യി പണം നൽകു​ന്ന​തി​നു പുറമേ, ലോക​വ്യാ​പക രാജ്യ​സേ​വ​ന​ത്തി​ന്റെ പ്രയോ​ജ​ന​ത്തി​നാ​യി കൊടു​ക്കുന്ന വേറെ​യും രീതി​ക​ളുണ്ട്‌. പിൻവ​രു​ന്നവ അതിൽ ഉൾപ്പെ​ടു​ന്നു:

ഇൻഷ്വ​റൻസ്‌: ഇൻഷ്വ​റൻസ്‌ പോളി​സി​യു​ടെ​യോ റിട്ടയർമെൻറ്‌⁄പെൻഷൻ പദ്ധതി​യു​ടെ​യോ അവകാ​ശി​യാ​യി വാച്ച്‌ ടവർ സൊ​സൈ​റ്റി​യു​ടെ പേർ വയ്‌ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ്റി​യെ അറിയി​ച്ചി​രി​ക്കണം.

ബാങ്ക്‌ അക്കൗണ്ടു​കൾ: പ്രാ​ദേ​ശിക ബാങ്കു​നി​യ​മ​ങ്ങൾക്കു ചേർച്ച​യിൽ, ബാങ്ക്‌ അക്കൗണ്ടു​കൾ, നിക്ഷേ​പ​സർട്ടി​ഫി​ക്ക​റ്റു​കൾ, അല്ലെങ്കിൽ വ്യക്തി​പ​ര​മായ പെൻഷൻ അക്കൗണ്ടു​കൾ എന്നിവ വാച്ച്‌ ടവർ സൊ​സൈ​റ്റി​യിൽ ട്രസ്റ്റായി അല്ലെങ്കിൽ മരണത്തി​ങ്കൽ ലഭിക്കാ​വു​ന്ന​താ​യി ഏൽപ്പി​ക്കാ​വു​ന്ന​താണ്‌. അങ്ങനെ​യുള്ള ഏതു ക്രമീ​ക​ര​ണ​വും സൊ​സൈ​റ്റി​യെ അറിയി​ച്ചി​രി​ക്കണം.

സ്‌റ്റോ​ക്കു​ക​ളും ബോണ്ടു​ക​ളും: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ വരുമാ​നം തുടർന്നും ദാതാ​വി​നു ലഭിക്കുന്ന ക്രമീ​ക​ര​ണ​ത്തിൻകീ​ഴി​ലോ സ്‌റ്റോ​ക്കു​ക​ളും ബോണ്ടു​ക​ളും വാച്ച്‌ ടവർ സൊ​സൈ​റ്റി​ക്കു ദാനമാ​യി നൽകാ​വു​ന്ന​താണ്‌.

സ്ഥാവര​വ​സ്‌തു: ഒരു നിരു​പാ​ധിക ദാനമാ​യി​ട്ടോ അല്ലെങ്കിൽ ദാതാ​വിന്‌ ആയുഷ്‌കാ​ലാ​വ​കാ​ശം നിലനിർത്തി​ക്കൊ​ണ്ടോ, വിൽക്കാ​വുന്ന സ്ഥാവര​വ​സ്‌തു വാച്ച്‌ ടവർ സൊ​സൈ​റ്റി​ക്കു ദാനം ചെയ്യാ​വു​ന്ന​താണ്‌, ദാതാ​വി​ന്റെ ആയുഷ്‌പ​ര്യ​ന്തം അയാൾക്ക്‌ അവിടെ താമസി​ക്കാം. ഏതെങ്കി​ലും സ്ഥാവര​വ​സ്‌തു സൊ​സൈ​റ്റിക്ക്‌ ആധാരം ചെയ്യു​ന്ന​തി​നു​മു​മ്പാ​യി സൊ​സൈ​റ്റി​യു​മാ​യി സമ്പർക്കം പുലർത്തണം.

വിൽപ്പ​ത്ര​ങ്ങ​ളും ട്രസ്‌റ​റു​ക​ളും: നിയമ​പ​ര​മാ​യി തയ്യാറാ​ക്കിയ വിൽപ്പ​ത്രം മുഖാ​ന്തരം വസ്‌തു​വോ പണമോ വാച്ച്‌ ടവർ ബൈബിൾ ആൻഡ്‌ ട്രാക്‌റ്റ്‌ സൊ​സൈ​റ്റിക്ക്‌ ഒസ്യത്താ​യി നൽകാ​വു​ന്ന​താണ്‌. അല്ലെങ്കിൽ ഒരു ട്രസ്റ്റ്‌ ക്രമീ​ക​ര​ണ​ത്തി​ന്റെ പ്രയോ​ക്താ​വാ​യി സൊ​സൈ​റ്റി​യു​ടെ പേർ കൊടു​ക്കാ​വു​ന്ന​താണ്‌. ഒരു മതസ്ഥാ​പ​ന​ത്തി​നു പ്രയോ​ജ​കീ​ഭ​വി​ക്കുന്ന ട്രസ്റ്റ്‌ ചില നികു​തി​യി​ള​വു​കൾ പ്രദാനം ചെയ്‌തേ​ക്കാം. വിൽപ്പ​ത്ര​ത്തി​ന്റെ അല്ലെങ്കിൽ ട്രസ്റ്റ്‌ കരാറി​ന്റെ ഒരു പകർപ്പു സൊ​സൈ​റ്റിക്ക്‌ അയച്ചു​കൊ​ടു​ക്കേ​ണ്ട​താണ്‌.

ഇങ്ങനെ​യുള്ള ഏതെങ്കി​ലു​മൊ​രു ആസൂ​ത്രിത കൊടു​ക്കൽ കാര്യങ്ങൾ സംബന്ധി​ച്ചു കൂടുതൽ വിവര​ത്തിന്‌, മുകളിൽ പട്ടിക​പ്പെ​ടു​ത്തി​യി​രി​ക്കുന്ന സൊ​സൈ​റ്റി​യു​ടെ വിലാ​സ​ത്തി​ലോ നിങ്ങളു​ടെ രാജ്യ​ത്തുള്ള സൊ​സൈ​റ്റി​യു​ടെ ഓഫീ​സു​മാ​യോ ബന്ധപ്പെ​ടണം. അങ്ങനെ​യുള്ള ഏതൊരു ക്രമീ​ക​ര​ണ​വു​മാ​യി ബന്ധപ്പെ​ട്ടി​രി​ക്കുന്ന പ്രമാ​ണ​ങ്ങ​ളു​ടെ ഒരു പ്രതി സൊ​സൈ​റ്റി​ക്കു ലഭിച്ചി​രി​ക്കണം.

ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല.

ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല.

ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല.

ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല.

ഇന്ത്യയിൽ ബാധക​മ​ല്ലാ​ത്ത​തി​നാൽ പരിഭാ​ഷ​പ്പെ​ടു​ത്തി​യി​ട്ടില്ല.