ദൈവത്തെ ആരാധി​ക്കാൻ മററ​ള്ള​വരെ സഹായി​ക്കു​ക

“ഏതെങ്കി​ലും അവിശ്വാ​സി​യോ സാധാ​ര​ണ​ക്കാ​ര​നോ അകത്തു വരുന്നു​വെ​ങ്കിൽ, . . . അവന്റെ ഹൃദയ​ര​ഹ​സ്യ​ങ്ങൾ പ്രത്യ​ക്ഷ​മാ​കു​ന്നു, തൻനി​മി​ത്തം അവൻ കവിണ്ണു​വീണ്‌ ദൈവത്തെ ആരാധി​ക്കും.”—1 കൊരി​ന്ത്യർ 14:24, 25.

1-3. കൊരി​ന്തി​ലെ അനേകർ ദൈവാം​ഗീ​കാ​രം നേടാൻ സഹായി​ക്ക​പ്പെ​ട്ട​തെ​ങ്ങനെ?

അപ്പോ​സ്‌ത​ല​നായ പൗലോസ്‌ തന്റെ രണ്ടാമത്തെ മിഷനറി പര്യട​ന​ത്തിൽ ഒന്നര വർഷം കൊരിന്ത്‌ നഗരത്തിൽ പാർത്തു. അവിടെ അവൻ “വചന സാക്ഷീ​ക​ര​ണ​ത്തിൽ തീവ്ര​മാ​യി വ്യാപൃ​ത​നാ​യി​രു​ന്നു.” ഫലമെ​ന്താ​യി​രു​ന്നു? “കേട്ട കൊരി​ന്ത്യ​രിൽ അനേകർ വിശ്വ​സി​ക്കാ​നും സ്‌നാ​പ​ന​മേൽക്കാ​നും തുടങ്ങി.” (പ്രവൃ​ത്തി​കൾ 18:5-11) അവർ “വിശു​ദ്ധീ​ക​രി​ക്ക​പ്പെ​ട്ട​വ​രും  . . . , വിശു​ദ്ധ​രാ​യി​രി​ക്കാൻ വിളി​ക്ക​പ്പെ​ട്ട​വ​രും” ആയിത്തീർന്നു.—1 കൊരി​ന്ത്യർ 1:2.

² പിന്നീട്‌ അപ്പല്ലോസ്‌ കൊരിന്ത്‌ സന്ദർശി​ച്ചു. നേരത്തെ പ്രിസ്‌കി​ല്ലാ​യും അക്വി​ലാ​യും സ്‌നാ​പ​ന​ത്തി​ന്റെ സംഗതി ഉൾപ്പെടെ “ദൈവ​ത്തി​ന്റെ വഴി കൂടുതൽ കൃത്യ​മാ​യി” മനസ്സി​ലാ​ക്കാൻ അവനെ സഹായി​ച്ചി​രു​ന്നു. അവൻ അങ്ങനെ ദൈവ​ത്തി​ന്റെ സൻമന​സ്സോ അംഗീ​കാ​ര​മോ ഉണ്ടായി​രുന്ന ഒരു ക്രിസ്‌ത്യാ​നി​യാ​യി​ത്തീർന്നു. (പ്രവൃ​ത്തി​കൾ 18:24-19:7) ക്രമത്തിൽ അപ്പല്ലോസ്‌ ഒരിക്കൽ ‘ഊമവി​ഗ്ര​ഹ​ങ്ങ​ളു​ടെ അടുക്ക​ലേക്ക്‌ നയിക്ക​പ്പെ​ട്ടി​രുന്ന’ കൊരി​ന്ത്യ​രെ സഹായി​ച്ചു. (1 കൊരി​ന്ത്യർ 12:2) ഈ ആളുകൾക്ക്‌ അവരുടെ ഭവനങ്ങ​ളിൽ ബൈബിൾ പ്രബോ​ധ​ന​ങ്ങളെ കൊടു​ക്ക​പ്പെ​ട്ടി​രി​ക്കാൻ ഇടയുണ്ട്‌; ക്രിസ്‌തീയ യോഗ​ങ്ങ​ളിൽ ഹാജരാ​കു​ന്ന​തി​നാ​ലും അവർക്ക്‌ പഠിക്കാൻ കഴിയു​മാ​യി​രു​ന്നു.—പ്രവൃ​ത്തി​കൾ 20:20; 1 കൊരി​ന്ത്യർ 14:22-24.

³ അനേകം മുൻ ‘അവിശ്വാ​സി​ക​ളും സാധാ​ര​ണ​ക്കാ​രും’ സത്യാ​രാ​ധ​ന​യി​ലേക്ക്‌ ആകർഷി​ക്ക​പ്പെട്ടു എന്നതാ​യി​രു​ന്നു അത്തരം പഠിപ്പി​ക്ക​ലി​ന്റെ ഫലം. സ്‌ത്രീ​പു​രു​ഷൻമാർ സ്‌നാ​പ​ന​ത്തി​ലേ​ക്കും ദൈവാം​ഗീ​കാ​ര​ത്തി​ലേ​ക്കും പുരോ​ഗ​മി​ക്കു​ന്നത്‌ കാണു​ന്നത്‌ എത്ര സംതൃ​പ്‌തി​ദാ​യ​ക​മാ​യി​രു​ന്നിരി​ക്കണം! അത്‌ ഇപ്പോ​ഴും സംതൃ​പ്‌തി​ദാ​യ​ക​മാണ്‌.

‘അവിശ്വാ​സി​ക​ളെ​യും സാധാ​ര​ണ​ക്കാ​രെ​യും’ സഹായി​ക്കൽ

4. ഇന്ന്‌ അനേകർ കൊരി​ന്തി​ലു​ണ്ടാ​യി​രു​ന്ന​വ​രെ​പ്പോ​ലെ സഹായി​ക്ക​പ്പെ​ട്ടു​കൊ​ണ്ടി​രി​ക്കു​ന്ന​തെ​ങ്ങനെ?

⁴ ഇന്നത്തെ യഹോ​വ​യു​ടെ സാക്ഷി​ക​ളും “സകല ജാതി​ക​ളി​ലെ​യും ജനങ്ങളെ സ്‌നാ​പ​ന​പ്പെ​ടു​ത്തി ശിഷ്യ​രാ​ക്കാ”നുള്ള യേശു​വി​ന്റെ കൽപ്പന അനുസ​രി​ക്കു​ന്നു. (മത്തായി 28:19, 20) സത്യത്തി​ന്റെ വിത്ത്‌ സ്വീകാ​ര്യ​ക്ഷ​മ​മായ ഹൃദയ​ങ്ങ​ളിൽ നട്ടശേഷം അവർ മടങ്ങി​ച്ചെ​ല്ലു​ക​യും അവയെ നനക്കു​ക​യും ചെയ്യുന്നു. (1 കൊരി​ന്ത്യർ 3:5-9; മത്തായി 13:19, 23) ആളുകൾക്ക്‌ ചോദ്യ​ങ്ങൾക്ക്‌ ഉത്തരം ലഭിക്കാ​നും ബൈബിൾ സത്യങ്ങൾ പഠിക്കാ​നും കഴിയ​ത്ത​ക്ക​വണ്ണം സാക്ഷികൾ പ്രതി​വാര സൗജന്യ ഭവന​ബൈ​ബി​ള​ദ്ധ്യ​യ​നങ്ങൾ നടത്തുന്നു. അങ്ങനെ​യുള്ള വ്യക്തികൾ യഹോ​വ​യു​ടെ സാക്ഷി​ക​ളു​ടെ സ്ഥലത്തെ യോഗ​ങ്ങൾക്ക്‌ ഹാജരാ​കാ​നും ക്ഷണിക്ക​പ്പെ​ടു​ന്നു, ഒന്നാം നൂററാ​ണ്ടി​ലെ “അവിശ്വാ​സി​കൾ” കൊരി​ന്തിൽ ഹാജരാ​യ​തു​പോ​ലെ തന്നെ. എന്നാൽ ബൈബിൾ പഠിക്കു​ക​യും യോഗ​ങ്ങൾക്ക്‌ വരുക​യും ചെയ്യുന്ന ആളുകളെ യഹോ​വ​യു​ടെ സാക്ഷികൾ എങ്ങനെ വീക്ഷി​ക്കണം?

5. ചില വ്യക്തി​ക​ളു​മാ​യി ഇടപെ​ടു​ന്ന​തിൽ ജാഗ്ര​ത​പു​ലർത്തു​ന്ന​തിന്‌ എന്ത്‌ തിരു​വെ​ഴുത്ത്‌ അടിസ്ഥാ​ന​മുണ്ട്‌?

⁵ അവർ ദൈവത്തെ സമീപി​ക്കു​ന്ന​തു​കാ​ണു​ന്ന​തിൽ നാം സന്തോ​ഷി​ക്കു​ന്നു. എന്നാലും, അവർ അപ്പോ​ഴും സ്‌നാ​പ​ന​മേററ വിശ്വാ​സി​ക​ളാ​യി​ത്തീർന്നി​ട്ടി​ല്ലെന്ന്‌ നാം മനസ്സിൽ പിടി​ക്കു​ന്നു. മുൻലേ​ഖ​നത്തെ അടിസ്ഥാ​ന​പ്പെ​ടു​ത്തി​യുള്ള രണ്ട്‌ പാഠങ്ങ​ളും മനസ്സിൽ കരുതുക. (1) ദൈവ​ജ​ന​ങ്ങ​ളോ​ടു​കൂ​ടെ കഴിയു​ക​യും ചില നിയമങ്ങൾ അനുസ​രി​ക്ക​യും ചെയ്‌തി​രു​ന്നെ​ങ്കി​ലും പരിച്‌ഛേ​ദ​ന​യേററ മതാനു​സാ​രി​ക​ളാ​യി ആരാധ​ന​യി​ലെ സഹോ​ദ​രൻമാർ ആകാതി​രുന്ന വിദേ​ശീയ കുടി​പാർപ്പു​കാ​രു​ടെ നേരെ യിസ്രാ​യേ​ല്യർ ജാഗ്രത പുലർത്തി​യി​രു​ന്നു. (2) ‘അവിശ്വാ​സി​ക​ളോ​ടും സാധാ​ര​ണ​ക്കാ​രോ​ടും’ ഇടപെ​ട്ടി​രുന്ന കൊരി​ന്ത്യ ക്രിസ്‌ത്യാ​നി​കൾ പൗലോ​സി​ന്റെ ഈ വാക്കുകൾ നിമിത്തം ജാഗ്ര​ത​യു​ള്ള​വ​രാ​യി​രു​ന്നു: “അവിശ്വാ​സി​ക​ളു​മാ​യി ഇണയല്ലാ​ത്ത​വി​ധം അമിക്ക​പ്പെ​ട​രുത്‌. എന്തെന്നാൽ നീതി​ക്കും അധർമ്മ​ത്തി​നും തമ്മിൽ എന്ത്‌ കൂട്ടാ​യ്‌മ​യാ​ണു​ള്ളത്‌?”—2 കൊരി​ന്ത്യർ 6:14.

6. “അവിശ്വാ​സി​കൾക്ക്‌” യോഗ​ങ്ങ​ളാൽ എങ്ങനെ “ശാസി​ക്ക​പ്പെ​ടാൻ” കഴിയും? അങ്ങനെ​യുള്ള ശാസന​യു​ടെ സ്വഭാ​വ​മെ​ന്താണ്‌?

⁶ അതു​കൊണ്ട്‌ നാം ‘അവിശ്വാ​സി​ക​ളെ​യും സാധാ​ര​ണ​ക്കാ​രെ​യും’ സ്വാഗതം ചെയ്യു​ന്നു​വെ​ന്നി​രി​ക്കെ അവർ അപ്പോ​ഴും ദൈവ​ത്തി​ന്റെ പ്രമാ​ണങ്ങൾ പാലി​ക്കു​ന്നി​ല്ലെന്ന്‌ നമുക്ക​റി​യാം. 1 കൊരി​ന്ത്യർ 14:24, 25-ൽ ബൈബിൾ സൂചി​പ്പി​ക്കു​ന്ന​തു​പോ​ലെ അവർ പഠിക്കുന്ന കാര്യ​ങ്ങ​ളാൽ “സൂക്ഷ്‌മ​മാ​യി പരി​ശോ​ധി​ക്ക​പ്പെ​ടു​ക​യും” “ശാസി​ക്ക​പ്പെ​ടു​ക​യും” പോലും ചെയ്യേ​ണ്ട​തു​ണ്ടാ​യി​രി​ക്കാം. അങ്ങനെ​യുള്ള ശാസന നീതി​ന്യാ​യ​പ​ര​മായ തരത്തി​ലു​ള്ളതല്ല. അവർ അപ്പോ​ഴും സഭയുടെ സ്‌നാ​പ​ന​മേററ അംഗങ്ങ​ള​ല്ലാ​ത്ത​തു​കൊണ്ട്‌ അവർ സഭയിലെ നീതി​ന്യാ​യ​ക്ക​മ്മി​റ​റി​യു​ടെ മുമ്പാകെ വിളി​ച്ചു​വ​രു​ത്ത​പ്പെ​ടു​ന്നില്ല. എന്നാൽ ഈ പുതി​യവർ പഠിക്കുന്ന കാര്യ​ങ്ങ​ളു​ടെ ഒരു ഫലമെന്ന നിലയിൽ, സ്വാർത്ഥ​പ​ര​വും അധാർമ്മി​ക​വു​മായ ഏതു വഴിക​ളെ​യും ദൈവം കുററം വിധി​ക്കു​ന്നു​വെന്ന്‌ അവർക്ക്‌ ബോദ്ധ്യ​പ്പെ​ടു​ന്നു.

7. അനേകം അദ്ധ്യേ​താ​ക്കൾ കൂടു​ത​ലാ​യി എന്ത്‌ പുരോ​ഗതി നേടാൻ ആഗ്രഹി​ക്കും, എന്തു​കൊണ്ട്‌?

⁷ സ്‌നാ​പ​ന​മേൽക്കാത്ത അനേകർ, കാല​ക്ര​മ​ത്തിൽ, താൽപ്പ​ര്യ​മുള്ള പഠിതാ​ക്കൾ എന്ന നിലയിൽ യോഗ​ങ്ങൾക്ക്‌ കേവലം ഹാജരാ​കു​ന്ന​തിൽപ​ര​മാ​യി മുന്നോട്ട്‌ പോകാൻ ആഗ്രഹി​ച്ചേ​ക്കാം. യേശു​വി​ന്റെ ഈ വാക്കുകൾ എന്തു​കൊ​ണ്ടെന്ന്‌ പ്രകട​മാ​ക്കു​ന്നു. “ഒരു ശിഷ്യൻ അവന്റെ ഗുരു​വി​നു മീതെയല്ല, എന്നാൽ പൂർണ്ണ​മാ​യി പഠിപ്പി​ക്ക​പ്പെ​ടുന്ന ഏതൊ​രു​വ​നും അവന്റെ ഗുരു​വി​നെ​പ്പോ​ലെ​യാ​യി​രി​ക്കും.” (ലൂക്കോസ്‌ 6:40) തന്റെ ഗുരു വയൽശു​ശ്രൂ​ഷയെ മർമ്മ​പ്ര​ധാ​ന​മെന്ന്‌ വീക്ഷി​ക്കു​ന്ന​താ​യും അതിൽനിന്ന്‌ സന്തോഷം അനുഭ​വി​ക്കു​ന്ന​താ​യും ബൈബി​ള​ദ്ധ്യേ​താ​വിന്‌ കാണാൻ കഴിയും. (മത്തായി 24:14) അതു​കൊണ്ട്‌, ബൈബിൾ സത്യങ്ങൾ പഠിക്ക​യും യോഗ​ങ്ങൾക്ക്‌ ഹാജരാ​ക​യും ചെയ്‌തു​കൊ​ണ്ടി​രുന്ന ഒരാൾ വിശ്വാ​സം വളരു​ന്ന​തോ​ടെ ഈ വാക്കുകൾ കാര്യ​മാ​യി എടു​ത്തേ​ക്കാം: “സുവാർത്ത കൊണ്ടു​വ​രു​ന്ന​വന്റെ, സമാധാ​നം പ്രസി​ദ്ധ​മാ​ക്കു​ന്ന​വന്റെ, മെച്ചപ്പെട്ട ഒന്നി​നെ​ക്കു​റി​ച്ചുള്ള സുവാർത്ത കൊണ്ടു​വ​രു​ന്ന​വന്റെ, രക്ഷ പ്രസി​ദ്ധ​മാ​ക്കു​ന്ന​വന്റെ, പാദങ്ങൾ പർവ്വത​ങ്ങ​ളിൻമേൽ എത്ര മനോ​ഹ​ര​മാ​കു​ന്നു.” (യെശയ്യാ 52:7; റോമർ 10:13-15) സ്‌നാ​പ​ന​മേ​റ​റി​ല്ലെ​ങ്കി​ലും യഹോ​വ​യു​ടെ സാക്ഷി​ക​ളു​ടെ സഭയോട്‌ പററി​നി​ന്നു​കൊണ്ട്‌ ഒരു രാജ്യ​പ്ര​ഘോ​ഷ​ക​നാ​കാൻ അയാൾ ആഗ്രഹി​ച്ചേ​ക്കാം.

8, 9. (എ) ഒരു ബൈബി​ള​ദ്ധ്യേ​താവ്‌ പരസ്യ​ശു​ശ്രൂ​ഷ​യിൽ ഏർപ്പെ​ടാൻ ആഗ്രഹി​ക്കു​മ്പോൾ എന്തു ചെയ്യണം? (ബി) രണ്ട്‌ മൂപ്പൻമാർ ഒരു ഭാവി പ്രസാ​ധ​ക​നും അയാളെ പഠിപ്പി​ക്കുന്ന ആളുമാ​യി കൂടി​വ​രു​മ്പോൾ അവർ എന്ത്‌ ചെയ്യും? (സി) ഒരു പുതിയ പ്രസാ​ധകൻ എന്ത്‌ ഉത്തരവാ​ദി​ത്ത​മാണ്‌ കയ്യേൽക്കു​ന്നത്‌?

⁸ ബൈബി​ള​ദ്ധ്യ​യനം നടത്തുന്ന സാക്ഷി, ബൈബി​ള​ദ്ധ്യേ​താവ്‌ വയൽസേ​വ​ന​ത്തിൽ പങ്കെടു​ക്കാൻ ആഗ്രഹി​ക്കു​ന്ന​താ​യി കാണു​മ്പോൾ അയാൾക്ക്‌ അദ്ധ്യക്ഷ​മേൽവി​ചാ​ര​ക​നു​മാ​യി കാര്യങ്ങൾ ചർച്ച​ചെ​യ്യാൻ കഴിയും. അദ്ദേഹം, ആ ബൈബി​ള​ദ്ധ്യേ​താ​വും അയാളെ പഠിപ്പി​ക്കുന്ന ആളുമാ​യി കൂടി​വ​രു​ന്ന​തിന്‌ രണ്ട്‌ മൂപ്പൻമാ​രെ ക്രമീ​ക​രി​ക്കാം. പുതിയ ഒരാൾ ദൈവത്തെ സേവി​ക്കാൻ ആഗ്രഹി​ക്കു​മ്പോൾ മൂപ്പൻമാർക്ക്‌ സന്തോ​ഷ​മുണ്ട്‌. പുതിയ ആൾക്ക്‌ സ്‌നാ​പ​ന​മേ​റ​റ​വ​രും സത്യത്തിൽ കൂടുതൽ പുരോ​ഗ​മി​ച്ച​വ​രും ആയവരു​ടെ അതേ തോതി​ലുള്ള അറിവ്‌ ഉണ്ടായി​രി​ക്കാൻ അവർ പ്രതീ​ക്ഷി​ക്ക​യില്ല. സ്‌നാ​പ​ന​മേ​റ​റ​വ​രിൽനിന്ന്‌ കൂടുതൽ ആവശ്യ​പ്പെ​ടു​ന്നു. എന്നാലും പുതി​യവർ സഭയോ​ടൊത്ത്‌ വയൽ ശുശ്രൂ​ഷ​യിൽ പങ്കെടു​ക്കു​ന്ന​തി​നു​മുമ്പ്‌ പുതിയ ആളിന്‌ ബൈബി​ളു​പ​ദേ​ശങ്ങൾ സംബന്ധിച്ച്‌ കുറെ പരിജ്ഞാ​ന​മു​ണ്ടെ​ന്നും അയാൾ തന്റെ ജീവി​തത്തെ ദൈവ​ത്തി​ന്റെ തത്വങ്ങ​ളോട്‌ പൊരു​ത്ത​പ്പെ​ടു​ത്തി​യി​രി​ക്കു​ന്നു​വെ​ന്നും കാണാൻ മൂപ്പൻമാർ ആഗ്രഹി​ക്കും. അങ്ങനെ ഭാവി പ്രസാ​ധ​ക​നും അദ്ധ്യയനം നടത്തുന്ന സാക്ഷി​യു​മാ​യി രണ്ട്‌ മൂപ്പൻമാർ കൂടി​വ​രു​ന്നത്‌ നല്ലകാ​ര​ണ​ങ്ങ​ളാ​ലാണ്‌.a

⁹ അദ്ധ്യേ​താവ്‌ വയൽശു​ശ്രൂ​ഷക്ക്‌ യോഗ്യത പ്രാപി​ക്ക​യും അതിൽ പങ്കെടു​ക്ക​യും ചെയ്യു​മ്പോൾ അയാൾക്ക്‌ വയൽസേ​വ​ന​റി​പ്പോർട്ട്‌ കൊടു​ക്കാ​വു​ന്ന​താ​ണെ​ന്നും അയാളു​ടെ പേരിൽ ഒരു സഭാ​പ്ര​സാ​ധ​ക​രേ​ഖാ​കാർഡ്‌ ഉണ്ടാക്കു​ന്ന​താ​ണെ​ന്നും ആ രണ്ട്‌ മൂപ്പൻമാർ അയാളെ അറിയി​ക്കും. ഇത്‌ യഹോ​വ​യു​ടെ സാക്ഷി​ക​ളു​ടെ ദിവ്യാ​ധി​പത്യ സ്ഥാപന​ത്തോ​ടുള്ള അയാളു​ടെ ബന്ധത്തെ​യും അതി​നോ​ടുള്ള അയാളു​ടെ കീഴ്‌പ്പെ​ട​ലി​നെ​യും പ്രകട​മാ​ക്കും. (വയൽസേവന റിപ്പോർട്ട്‌ കൊടു​ക്കുന്ന മറെറ​ല്ലാ​വരെ സംബന്ധി​ച്ചും ഇത്‌ സത്യമാ​യി​രി​ക്കും.) ഈ ചർച്ചയിൽ നമ്മുടെ ശുശ്രൂഷ നിർവ്വ​ഹി​ക്കാൻ സംഘടി​തർ എന്ന പുസ്‌ത​ക​ത്തി​ന്റെ 98-ഉം 99-ഉം പേജു​ക​ളിൽ വിവരി​ച്ചി​രി​ക്കുന്ന ബൈബിൾ ബുദ്ധി​യു​പ​ദേ​ശ​ത്തെ​യും ഉൾപ്പെ​ടു​ത്തേ​ണ്ട​താണ്‌.b അതു​കൊണ്ട്‌ അദ്ധ്യേ​താ​വിന്‌ ആ പുസ്‌ത​ക​ത്തി​ന്റെ ഒരു വ്യക്തി​പ​ര​മായ പ്രതി വാങ്ങാ​നുള്ള ഉചിത​മായ സമയവും ഇതായി​രി​ക്കും.

10. (എ) സ്‌നാ​പ​ന​മേൽക്കാത്ത ഒരു പ്രസാ​ധ​കന്‌ എങ്ങനെ തുടർന്ന്‌ പുരോ​ഗ​മി​ക്കാൻ കഴിയും, ഏത്‌ ലക്ഷ്യ​ത്തോ​ടെ? (ബി) “അംഗീ​കൃത സഹകാരി” എന്ന പദം സംബന്ധിച്ച്‌ ഒരു പൊരു​ത്ത​പ്പെ​ടു​ത്തൽ വരുത്തു​ന്ന​തെ​ന്തു​കൊണ്ട്‌? (അടിക്കു​റിപ്പ്‌ കാണുക.)

¹⁰ സ്‌നാ​പ​ന​മേൽക്കാത്ത ഒരു സുവാർത്താ പ്രസാ​ധ​ക​നാ​യി യോഗ്യത പ്രാപി​ച്ചി​രി​ക്കുന്ന ഒരു വ്യക്തി ‘സൻമന​സ്സുള്ള ഒരാൾ’ ആയിത്തീ​രു​ന്ന​തി​ലേ​ക്കുള്ള ദിശയിൽ നീങ്ങി​യി​രി​ക്കു​ന്നു.c (ലൂക്കോസ്‌ 2:14) അയാൾ സമർപ്പി​ത​നും സ്‌നാ​പ​ന​മേ​റ​റ​വ​നും അല്ലെങ്കി​ലും ഇപ്പോൾ അയാൾക്ക്‌ “ദൈവ​വ​ച​നത്തെ ഘോഷി​ക്കുന്ന”വരായി ഭൂവ്യാ​പ​ക​മാ​യുള്ള ദശലക്ഷ​ക്ക​ണ​ക്കിന്‌ പ്രവർത്തന നിരത​രോട്‌ ചേർന്ന്‌ തന്റെ സാക്ഷ്യ​പ്ര​വർത്തനം ഇപ്പോൾ റിപ്പോർട്ട്‌ ചെയ്യാൻ കഴിയും. (പ്രവൃ​ത്തി​കൾ 13:5; 17:3; 26:22, 23) അയാൾ സ്‌നാ​പ​ന​മേൽക്കാത്ത ഒരു പുതിയ പ്രസാ​ധ​ക​നാ​ണെന്ന്‌ സഭയിൽ ഒരു പ്രഖ്യാ​പനം നടത്താൻ കഴിയും. അയാൾ ബൈബിൾ പഠിക്കു​ന്ന​തി​ലും യോഗ​ങ്ങ​ളിൽ പങ്കെടു​ക്കു​ന്ന​തി​ലും താൻ പഠിക്കു​ന്നത്‌ ബാധക​മാ​ക്കു​ന്ന​തി​ലും അത്‌ മററു​ള്ള​വർക്ക്‌ പങ്കു​വെ​ക്കു​ന്ന​തി​ലും തുടരണം. അധികം താമസി​യാ​തെ അയാൾ ക്രിസ്‌തീയ സ്‌നാ​പ​ന​ത്തി​ന്റെ പടി സ്വീക​രി​ക്കാൻ ആഗ്രഹി​ക്കും, അങ്ങനെ ദൈവ​ത്താൽ അംഗീ​ക​രി​ക്ക​പ്പെ​ട്ട​വ​നും രക്ഷക്ക്‌ ‘അടയാ​ള​മി​ട​പ്പെട്ട’വനുമാ​യി​ത്തീ​രും.—യെഹെ​സ്‌ക്കേൽ 9:4-6.

തെററ​ചെ​യ്യു​ന്ന​വന്‌ സഹായം

11. സ്‌നാ​പ​ന​മേററ ദുഷ്‌പ്ര​വൃ​ത്തി​ക്കാ​രോട്‌ സഭ എങ്ങനെ ഇടപെ​ടു​ന്നു?

¹¹ മുൻലേ​ഖ​ന​ത്തിൽ ഗുരു​ത​ര​മായ പാപം ചെയ്യുന്ന, സ്‌നാ​പ​ന​മേററ ഏത്‌ ക്രിസ്‌ത്യാ​നി​ക്കും സഹായം കൊടു​ക്കു​ന്ന​തി​നുള്ള സഭയുടെ കരുത​ലു​ക​ളെ​ക്കു​റിച്ച്‌ നാം ചർച്ച​ചെ​യ്‌തു. (എബ്രായർ 12:9-13) സ്‌നാ​പ​ന​മേററ ഒരു ദുഷ്‌പ്ര​വൃ​ത്തി​ക്കാ​രന്‌ അനുതാ​പ​മി​ല്ലെ​ങ്കിൽ സഭ അയാളെ പുറത്താ​ക്കു​ക​യും അനന്തരം അയാളു​മാ​യുള്ള ഏത്‌ സഹവാ​സ​വും ഒഴിവാ​ക്കു​ക​യും ചെയ്യേ​ണ്ടി​വ​ന്നേ​ക്കാ​മെന്ന്‌ ബൈബി​ളിൽ നിന്ന്‌ നാം കണ്ടു. (1 കൊരി​ന്ത്യർ 5:11-13; 2 യോഹ​ന്നാൻ 9-11; 2 തെസ്സ​ലോ​നി​ക്യർ 2:11, 12) എന്നാൽ സ്‌നാ​പ​ന​മേൽക്കാത്ത ഒരു പ്രസാ​ധകൻ ഗൗരവ​മായ തെററ്‌ ചെയ്യു​ക​യോ പാപം ചെയ്യു​ക​യോ ചെയ്യു​ന്നു​വെ​ങ്കിൽ എന്ത്‌ നടപടി​കൾ സ്വീക​രി​ക്കാൻ കഴിയും?

12. (എ) പാപം ചെയ്യുന്ന സ്‌നാ​പ​ന​മേൽക്കാത്ത പ്രസാ​ധ​കർക്കും കരുണാ​പൂർവ്വ​ക​മായ സഹായം ലഭ്യമാ​യി​രി​ക്കു​ന്ന​തെ​ന്തു​കൊണ്ട്‌? (ബി) ലൂക്കോസ്‌ 12:48-ലെ തത്വത്തിന്‌ ദുഷ്‌പ്ര​വൃ​ത്തി സംബന്ധിച്ച ഉത്തരവാ​ദി​ത്വ​ത്തോട്‌ ബന്ധമു​ണ്ടാ​യി​രി​ക്കാ​വു​ന്ന​തെ​ങ്ങനെ?

¹² സംശയങ്ങൾ വളർത്തി​യ​വ​രോ ജഡത്തിന്റെ പാപങ്ങ​ളിൽ വീണു​പോ​യ​വ​രോ ആയ ക്രിസ്‌ത്യാ​നി​കൾക്ക്‌ അനുതാ​പ​മു​ണ്ടെ​ങ്കിൽ അവരോട്‌ കരുണ​കാ​ണി​ക്ക​ണ​മെന്ന്‌ യൂദാ ശക്തമായി ഉപദേ​ശി​ച്ചു. (യൂദാ 22, 23; 2 കൊരി​ന്ത്യർ 7:10 കൂടെ കാണുക.) ആ സ്ഥിതിക്ക്‌ തെററു ചെയ്‌ത സ്‌നാ​പ​ന​മേൽക്കാത്ത ഒരാൾ അനുതാ​പം പ്രകടി​പ്പി​ക്കു​ന്നു​വെ​ങ്കിൽ കരുണ കാണി​ക്കു​ന്നത്‌ അതിലു​മേറെ ഉചിത​മാ​യി​രി​ക്ക​യി​ല്ലേ? (പ്രവൃ​ത്തി​കൾ 3:19) ഉവ്വ്‌, എന്തു​കൊ​ണ്ടെ​ന്നാൽ അയാളു​ടെ ആത്മീയ അടിത്തറ അത്ര ബലിഷ്‌ഠമല്ല, ക്രിസ്‌തീയ ജീവി​ത​ത്തിൽ അയാളു​ടെ പരിചയം കൂടുതൽ പരിമി​ത​മാണ്‌. അയാൾ ചില കാര്യങ്ങൾ സംബന്ധിച്ച്‌ ദൈവ​ത്തി​ന്റെ ചിന്ത മനസ്സി​ലാ​ക്കി​യി​ട്ടി​ല്ലാ​യി​രി​ക്കാം. അയാൾ മൂപ്പൻമാ​രു​മാ​യുള്ള സ്‌നാ​പ​ന​ത്തി​നു മുമ്പത്തെ ബൈബിൾ ചർച്ചക​ളു​ടെ പരമ്പര​യിൽ പങ്കുപ​റ​റ​യി​ട്ടില്ല, അയാൾ ജലനി​മ​ജ്ജ​ന​ത്തി​ന്റെ ഗൗരവ​മുള്ള നടപടിക്ക്‌ വിധേ​യ​നാ​യി​ട്ടു​മില്ല. മാത്ര​വു​മല്ല “അധികം കൊടു​ക്ക​പ്പെ​ട്ട​വ​നോട്‌ അധികം ആവശ്യ​പ്പെ​ടും” എന്ന്‌ യേശു പറഞ്ഞു. (ലൂക്കോസ്‌ 12:48) അതു​കൊണ്ട്‌ സ്‌നാ​പ​ന​മേ​റ​റ​വ​രിൽനിന്ന്‌ ഏറെ പ്രതീ​ക്ഷി​ക്ക​പ്പെ​ടു​ന്നു. അവർക്ക്‌ വർദ്ധിച്ച അറിവും അനു​ഗ്ര​ഹ​ങ്ങ​ളും ഉള്ളതി​നാൽ പ്രത്യേക ഉത്തരവാ​ദി​ത്വ​മുണ്ട്‌.—യാക്കോബ്‌ 4:17; ലൂക്കോസ്‌ 15:1-7; 1 കൊരി​ന്ത്യർ 13:11.

13. സ്‌നാ​പ​ന​മേൽക്കാത്ത ഒരു പ്രസാ​ധകൻ ഒരു തെററു ചെയ്യു​ന്നെ​ങ്കിൽ മൂപ്പൻമാർ സഹായി​ക്കു​ന്ന​തി​നു​വേണ്ടി എന്തു ചെയ്യും?

¹³ പൗലോ​സി​ന്റെ ബുദ്ധ്യു​പ​ദേ​ശ​ത്തോട്‌ ചേർച്ച​യിൽ, അറിയാ​തെ ഏതെങ്കി​ലും തെററായ നടപടി സ്വീക​രി​ക്കുന്ന സ്‌നാ​പ​ന​മേൽക്കാത്ത ഏത്‌ പ്രസാ​ധ​ക​നെ​യും സഹായി​ക്കാൻ ആത്മീയ യോഗ്യ​ത​യുള്ള സഹോ​ദ​രൻമാർ ആഗ്രഹി​ക്കു​ന്നു. (ഗലാത്യർ 6:1 താരത​മ്യ​പ്പെ​ടു​ത്തുക.) തങ്ങളിൽപ്പെട്ട രണ്ട്‌ മൂപ്പൻമാ​രോട്‌ (ഒരുപക്ഷേ അയാളു​മാ​യി നേരത്തെ കൂടി​വ​ന്നവർ) അയാളെ പുന:സ്ഥിതീ​ക​രി​ക്കാൻ ശ്രമി​ക്കു​ന്ന​തിന്‌ മൂപ്പൻമാർക്ക്‌ ആവശ്യ​പ്പെ​ടാൻ കഴിയും, അയാൾ സഹായി​ക്ക​പ്പെ​ടാൻ ആഗ്രഹി​ക്കു​ന്നു​വെ​ങ്കിൽ. കഠിന​മാ​യി ശാസി​ക്കാ​നുള്ള ആഗ്രഹ​ത്തിൽനി​ന്നല്ല, കരുണാ​പൂർവ്വ​ക​മായ ഒരുവി​ധ​ത്തി​ലും സൗമ്യ​ത​യു​ടെ ഒരാത്മാ​വി​ലും അവർ ഇത്‌ ചെയ്യും. (സങ്കീർത്തനം 130:3) മിക്ക സന്ദർഭ​ങ്ങ​ളി​ലും അനുതാ​പം ഉളവാ​ക്കു​ന്ന​തി​നും അയാളെ ശരിയായ പാതയിൽ ആക്കുന്ന​തി​നും തിരു​വെ​ഴുത്ത്‌ പ്രബോ​ധ​ന​വും പ്രാ​യോ​ഗി​ക​നിർദ്ദേ​ശ​ങ്ങ​ളും മതിയാ​കും.

14, 15. (എ) ദുഷ്‌പ്ര​വൃ​ത്തി​ക്കാ​രന്‌ യഥാർത്ഥ അനുതാ​പം ഉണ്ടെങ്കിൽ എന്തു ചെയ്യാ​വു​ന്ന​താണ്‌? (ബി) ചില കേസു​ക​ളിൽ, വിശദീ​ക​ര​ണ​മാ​യി ഏത്‌ പരിമിത പ്രസ്‌താ​വന ചെയ്യാ​വു​ന്ന​താണ്‌?

¹⁴ ഈ രണ്ട്‌ മൂപ്പൻമാർ സ്‌നാ​പ​ന​മേൽക്കാത്ത ദുഷ്‌പ്ര​വൃ​ത്തി​ക്കാ​രന്റെ സാഹച​ര്യ​ത്തിന്‌ ചേരുന്ന മാർഗ്ഗ​നിർദ്ദേ​ശങ്ങൾ കൊടു​ക്കും. ചില കേസു​ക​ളിൽ, തെററ്‌ ചെയ്‌ത ആൾ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പങ്കെടു​ക്കാ​തി​രി​ക്കാൻ അവർ ക്രമീ​ക​രി​ച്ചേ​ക്കാം. അല്ലെങ്കിൽ മീററിം​ഗു​ക​ളിൽ ഉത്തരം പറയാൻ അനുവ​ദി​ക്ക​പ്പെ​ടാ​തി​രി​ക്കാം. അതല്ലെ​ങ്കിൽ അയാൾ കൂടുതൽ ആത്മീയ പുരോ​ഗതി നേടു​ന്ന​തു​വരെ സഭയോ​ടു​കൂ​ടെ പരസ്യ​ശു​ശ്രൂ​ഷ​യിൽ പങ്കെടു​ക്കാ​തി​രി​ക്കാൻ അവർ അയാളെ ഉപദേ​ശി​ച്ചേ​ക്കാം. പിന്നീട്‌ അയാൾക്ക്‌ വീണ്ടും വയൽ ശുശ്രൂ​ഷ​യിൽ പങ്കെടു​ക്കാ​വു​ന്ന​താ​ണെന്ന്‌ അവർക്ക്‌ അയാ​ളോട്‌ പറയാ​വു​ന്ന​താണ്‌. ദുഷ്‌പ്ര​വൃ​ത്തി കുപ്ര​സി​ദ്ധി വരുത്തി​ക്കൂ​ട്ടാ​തെ​യും ആട്ടിൻകൂ​ട്ട​ത്തി​ന്റെ ശുദ്ധിക്ക്‌ അപകടകരമായിത്തീരാതെയുമിരിക്കുന്നുവെങ്കിൽ ഏതെങ്കി​ലും അറിയി​പ്പി​നാൽ സഭയെ ജാഗരൂ​ക​രാ​ക്കേണ്ട ആവശ്യ​മില്ല.

¹⁵ എന്നിരു​ന്നാ​ലും ആ വ്യക്തിക്ക്‌ യഥാർത്ഥ അനുതാ​പ​മു​ണ്ടെ​ന്നും, എന്നാൽ ദുഷ്‌പ്ര​വൃ​ത്തി വിപു​ല​മാ​യി അറിയ​പ്പെ​ടു​ന്നു​ണ്ടെ​ന്നും രണ്ട്‌ മൂപ്പൻമാർ കണ്ടെത്തു​ന്നു​വെ​ങ്കിൽ എന്ത്‌? അല്ലെങ്കിൽ ദുഷ്‌പ്ര​വൃ​ത്തി പിന്നീട്‌ വിപു​ല​മാ​യി അറിയ​പ്പെ​ടു​ന്നു​വെ​ങ്കി​ലെന്ത്‌? രണ്ട്‌ സംഗതി​ക​ളി​ലും അവർക്ക്‌ സഭാ​സേ​വ​ന​ക്ക​മ്മി​റ​റി​യെ വിവര​മ​റി​യി​ക്കാൻ കഴിയും. അവർ പിൻവ​രുന്ന പ്രകാരം ഒരു ലളിത​മായ അറിയിപ്പ്‌ നൽകാൻ ക്രമീ​ക​രി​ക്കും: “ . . . ഉൾപ്പെ​ടുന്ന ഒരു സംഗതി കൈകാ​ര്യം ചെയ്യ​പ്പെട്ടു. അയാൾ [അവൾ] സ്‌നാ​പ​ന​മേൽക്കാത്ത ഒരു പ്രസാ​ധ​ക​നാ​യി സഭയോ​ടൊത്ത്‌ സേവി​ക്കു​ന്ന​തിൽ തുടരു​ന്നു.” അങ്ങനെ​യുള്ള എല്ലാ കാര്യ​ങ്ങ​ളി​ലും എന്നപോ​ലെ മൂപ്പൻമാ​രു​ടെ സംഘത്തിന്‌ ഉൾപ്പെ​ട്ടി​രി​ക്കു​ന്ന​തരം ദുഷ്‌പ്ര​വൃ​ത്തി​യെ​ക്കു​റി​ച്ചുള്ള ബുദ്ധ്യു​പ​ദേശം സഹിതം ഒരു തിരു​വെ​ഴു​ത്തു പ്രസംഗം ഭാവി​യിൽ ഒരു ഘട്ടത്തിൽ നടത്തു​ന്നത്‌ ബുദ്ധി​പൂർവ്വ​ക​മാ​യി​രി​ക്കു​മോ എന്ന്‌ മൂപ്പൻമാ​രു​ടെ സംഘത്തിന്‌ തീരു​മാ​നി​ക്കാ​വു​ന്ന​താണ്‌.

16, 17. (എ) ഏത്‌ രണ്ട്‌ സാഹച​ര്യ​ങ്ങൾ ഒരു വ്യത്യസ്‌ത പ്രഖ്യാ​പനം നടത്തു​ന്ന​തി​നുള്ള അടിസ്ഥാ​ന​മാ​യി​രി​ക്കാം? (ബി) ഈ പ്രഖ്യാ​പ​ന​ത്തി​ന്റെ സ്വഭാ​വ​മെ​ന്താണ്‌?

¹⁶ ചില​പ്പോ​ഴൊ​ക്കെ ഒരു ദുഷ്‌പ്ര​വൃ​ത്തി​ക്കാ​ര​നാ​യി​രി​ക്കുന്ന സ്‌നാ​പ​ന​മേൽക്കാത്ത ഒരു പ്രസാ​ധകൻ സ്‌നേ​ഹ​പു​ര​സ്സ​ര​മായ സഹായ​ത്തോട്‌ പ്രതി​ക​രി​ക്കു​ക​യില്ല. അല്ലെങ്കിൽ സ്‌നാ​പ​ന​മേൽക്കാത്ത ഒരു പ്രസാ​ധകൻ താൻ സ്‌നാ​പ​ന​ത്തി​ലേക്ക്‌ പുരോ​ഗ​മി​ക്കു​ന്ന​തിൽ തുടരാ​നാ​ഗ്ര​ഹി​ക്കു​ന്നി​ല്ലെന്ന്‌ തീരു​മാ​നി​ച്ചേ​ക്കാം. താൻ ഒരു പ്രസാ​ധ​ക​നാ​യി തിരി​ച്ച​റി​യ​പ്പെ​ടാൻ ആഗ്രഹി​ക്കു​ന്നി​ല്ലെന്ന്‌ അയാൾ മൂപ്പൻമാ​രെ അറിയി​ക്കു​ന്നു. എന്തു ചെയ്യണം? യഥാർത്ഥ​ത്തിൽ ദൈവ​ത്താൽ അംഗീ​ക​രി​ക്ക​പ്പെ​ട്ട​വ​രാ​യി തീർന്നി​ട്ടി​ല്ലാത്ത അങ്ങനെ​യു​ള്ള​വ​രു​ടെ കാര്യ​ത്തിൽ പുറത്താ​ക്കൽ നടപടി സ്വീക​രി​ക്കു​ന്നില്ല. അനുതാ​പ​മി​ല്ലാത്ത ദുഷ്‌പ്ര​വൃ​ത്തി​ക്കാ​രു​ടെ പുറത്താ​ക്ക​ലി​ന്റെ ക്രമീ​ക​രണം ‘സഹോ​ദ​രൻമാർ എന്ന്‌ വിളി​ക്ക​പ്പെട്ട’ സ്‌നാ​പ​ന​മേ​റ​റ​വർക്കാണ്‌ ബാധക​മാ​കു​ന്നത്‌. (1 കൊരി​ന്ത്യർ 5:11) എന്നിരു​ന്നാ​ലും, ദുഷ്‌പ്ര​വൃ​ത്തി അവഗണി​ക്ക​പ്പെ​ടു​ന്നു എന്ന്‌ ഇതിനർത്ഥ​മു​ണ്ടോ? ഇല്ല.

¹⁷ മൂപ്പൻമാർ ‘തങ്ങളുടെ പരിപാ​ല​ന​ത്തി​ലുള്ള ദൈവ​ത്തി​ന്റെ ആട്ടിൻകൂ​ട്ടത്തെ മേയി​ക്കാൻ’ ഉത്തരവാ​ദി​ത്വ​മു​ള്ള​വ​രാണ്‌. (1 പത്രോസ്‌ 5:2) സഹായം കൊടു​ക്കുന്ന രണ്ട്‌ മൂപ്പൻമാർ സ്‌നാ​പ​ന​മേൽക്കാത്ത ദുഷ്‌പ്ര​വൃ​ത്തി​ക്കാ​രന്‌ അനുതാ​പ​മി​ല്ലെ​ന്നും ഒരു പ്രസാ​ധ​ക​നാ​യി​രി​ക്കാൻ അയോ​ഗ്യ​നാ​ണെ​ന്നും തീരു​മാ​നി​ക്കു​ന്നു​വെ​ങ്കിൽ അവർ ആ വ്യക്തിയെ അറിയി​ക്കും.d അല്ലെങ്കിൽ സ്‌നാ​പ​ന​മേൽക്കാത്ത ഏതെങ്കി​ലും ഒരാൾ താൻ മേലാൽ ഒരു പ്രസാ​ധ​ക​നാ​യി അംഗീ​ക​രി​ക്ക​പ്പെ​ടാ​നാ​ഗ്ര​ഹി​ക്കു​ന്നി​ല്ലെന്ന്‌ മൂപ്പൻമാ​രോട്‌ പറയു​ന്നു​വെ​ങ്കിൽ അവർ അയാളു​ടെ തീരു​മാ​നത്തെ അംഗീ​ക​രി​ക്കും. രണ്ട്‌ സംഗതി​യി​ലും “ . . . മേലാൽ സുവാർത്ത​യു​ടെ ഒരു പ്രസാ​ധ​ക​നാ​യി​രി​ക്കു​ന്നില്ല” എന്ന്‌ സമുചി​ത​മായ ഒരു സമയത്ത്‌ സഭാ സേവന​ക​മ്മി​ററി ഒരു ലളിത​മായ അറിയിപ്പ്‌ കൊടു​ക്കു​ന്നത്‌ ഉചിത​മാണ്‌.

18. (എ) അങ്ങനെ​യുള്ള ഒരു പ്രഖ്യാ​പ​ന​ത്തി​നു​ശേഷം എങ്ങനെ പ്രവർത്തി​ക്ക​ണ​മെന്ന്‌ വ്യക്തി​പ​ര​മാ​യി തീരു​മാ​നി​ക്കു​മ്പോൾ ക്രിസ്‌ത്യാ​നി​കൾ എന്ത്‌ മനസ്സിൽ പിടി​ക്കും? (ബി) കഴിഞ്ഞ​കാ​ലത്ത്‌ ദുഷ്‌പ്ര​വൃ​ത്തിക്ക്‌ കുററ​ക്കാ​രാ​യി​രി​ക്കുന്ന സ്‌നാ​പ​ന​മേൽക്കാ​ത്ത​വരെ പൂർണ്ണ​മാ​യും ഒഴിവാ​ക്കേ​ണ്ട​താ​വ​ശ്യ​മാ​ണോ?

¹⁸ സാക്ഷികൾ അയാളെ പിന്നീട്‌ എങ്ങനെ വീക്ഷി​ക്കും? ശരി, നേരത്തെ ഒരു ഘട്ടത്തിൽ അയാൾ യോഗ​ങ്ങൾക്ക്‌ ഹാജരാ​യി​രുന്ന ഒരു ‘അവിശ്വാ​സി’ ആയിരു​ന്നു. പിന്നീട്‌ അയാൾ സുവാർത്ത​യു​ടെ ഒരു പ്രസാ​ധ​ക​നാ​കാൻ ആഗ്രഹി​ക്കു​ക​യും യോഗ്യ​ത​പ്രാ​പി​ക്കു​ക​യും ചെയ്‌തു. മേലാൽ ഇത്‌ വാസ്‌ത​വ​മാ​യി​രി​ക്കു​ന്നില്ല. അയാൾ അതു​കൊണ്ട്‌ വീണ്ടും ലോക​ത്തി​ലെ ഒരു ആൾ ആണ്‌. സാക്ഷികൾ അയാ​ളോട്‌ സംസാ​രി​ക്കു​ന്ന​തൊ​ഴി​വാ​ക്ക​ണ​മെന്ന്‌ ബൈബിൾ ആവശ്യ​പ്പെ​ടു​ന്നില്ല, എന്തു​കൊ​ണ്ടെ​ന്നാൽ അയാൾ പുറത്താ​ക്ക​പ്പെ​ടു​ന്നില്ല.e അപ്പോ​ഴും, യഹോ​വയെ ആരാധി​ക്കാത്ത ലോക​ത്തി​ലെ അത്തര​മൊ​രു ആളിന്റെ കാര്യ​ത്തിൽ ക്രിസ്‌ത്യാ​നി​കൾ ജാഗ്രത പാലി​ക്കും. യിസ്രാ​യേ​ല്യർ പരിച്‌ഛേ​ദ​ന​യേൽക്കാത്ത വിദേ​ശീയ കൂടി​പാർപ്പു​കാ​രോട്‌ ചെയ്‌ത​തു​പോ​ലെ​തന്നെ. ഈ ജാഗ്രത ഏത്‌ “അൽപ്പം പുളി​മാ​വി”ൽനിന്നും അഥവാ ദുഷി​പ്പി​ക്കുന്ന ഘടകത്തിൽ നിന്നും സഭയെ സംരക്ഷി​ക്കാൻ സഹായി​ക്കു​ന്നു. (1 കൊരി​ന്ത്യർ 5:6) പിന്നീട്‌ ഏതെങ്കി​ലും ഒരു സമയത്ത്‌ അയാ​ളോ​ടൊത്ത്‌ ഒരു ബൈബി​ള​ദ്ധ്യ​യനം നടത്തണ​മെന്ന്‌ അയാൾ യഥാർത്ഥ​മായ ആഗ്രഹം പ്രകടി​പ്പി​ക്കു​ന്നു​വെ​ങ്കിൽ, മൂപ്പൻമാർക്ക്‌ അത്‌ ക്രമത്തി​ലാ​ണെന്ന്‌ തോന്നു​ക​യും ചെയ്യു​ന്നു​വെ​ങ്കിൽ, ഒരുപക്ഷേ അത്‌ യഹോ​വയെ അവന്റെ ജനത്തോ​ടൊത്ത്‌ ആരാധി​ക്കു​ന്നത്‌ എന്തോരു പദവി​യാ​ണെന്ന്‌ വിലമ​തി​ക്കാൻ അയാളെ സഹായി​ക്കും.—സങ്കീർത്തനം 100.

19.മൂപ്പൻമാർക്ക്‌ ചില കേസു​ക​ളിൽ സ്വകാ​ര്യ​മാ​യി കൂടുതൽ സഹായം കൊടു​ക്കാ​വു​ന്ന​തെ​ങ്ങനെ?

¹⁹ ഇത്തര​മൊ​രാൾ ആട്ടിൻകൂ​ട്ട​ത്തിന്‌ ഒരു അസാധാ​രണ ഭീഷണി​യാ​ണെന്ന്‌ മൂപ്പൻമാർ കാണു​ന്നു​വെ​ങ്കിൽ അവർക്ക്‌ അപകട​ത്തി​ലാ​യ​വർക്ക്‌ സ്വകാ​ര്യ​മാ​യി മുന്നറി​യിപ്പ്‌ കൊടു​ക്കാ​വു​ന്ന​താണ്‌. ദൃഷ്ടാ​ന്ത​ത്തിന്‌, മുൻപ്ര​സാ​ധകൻ അമിത​മ​ദ്യ​പാ​ന​ത്തി​നോ ദുർമ്മാർഗ്ഗ​ത്തി​നോ വിധേ​യ​മായ ഒരു യുവാ​വാ​യി​രു​ന്നേ​ക്കാം. അയാൾ മേലാൽ സ്‌നാ​പ​ന​മേററ ഒരു പ്രസാ​ധ​ക​ന​ല്ലെ​ന്നുള്ള അറിയിപ്പ്‌ ഗണ്യമാ​ക്കാ​തെ അയാൾ സഭയിലെ യുവാ​ക്ക​ളോട്‌ സാമൂഹ്യ സഹവാസം പുലർത്താൻ ശ്രമി​ച്ചേ​ക്കാം. ആ സാഹച​ര്യ​ത്തിൽ മൂപ്പൻമാർ അപകട​ത്തി​ലാ​യ​വ​രു​ടെ മാതാ​പി​താ​ക്ക​ളോ​ടും ഒരുപക്ഷേ ആ യുവാ​ക്ക​ളോ​ടു തന്നെയും സ്വകാ​ര്യ​മാ​യി സംസാ​രി​ക്കും. (എബ്രായർ 12:15, 16; പ്രവൃ​ത്തി​കൾ 20:28-30) ശിഥി​ലീ​ക​ര​ണ​പ്ര​വ​ണ​ത​യു​ള്ള​വ​നോ അക്രമാ​സക്ത അപകട​കാ​രി​യോ, ആയ ഒരാളു​ടെ അപൂർവ്വ സംഗതി​യിൽ, അയാൾക്ക്‌ യോഗ​ങ്ങ​ളിൽ സ്വാഗ​ത​മി​ല്ലെ​ന്നും യോഗ​ത്തി​ലേക്ക്‌ പ്രവേ​ശി​ക്കാ​നുള്ള ഏത്‌ ശ്രമവും അതിലം​ഘ​ന​മാ​യി കരുത​പ്പെ​ടു​മെ​ന്നും അയാ​ളോട്‌ പറയാൻ കഴിയും.

ദൈവത്തെ സേവി​ക്കാൻ പ്രായ പൂർത്തി​യാ​കാ​ത്ത​വരെ സഹായി​ക്കൽ

20. ക്രിസ്‌തീയ മാതാ​പി​താ​ക്കൾ തങ്ങളുടെ മക്കൾക്ക്‌ എന്ത്‌ സഹായം കൊടു​ക്കു​ന്നു, എന്ത്‌ ഫലത്തോ​ടെ?

²⁰ തങ്ങളുടെ മക്കളെ ദിവ്യ​സ​ത്യ​ത്തി​ന്റെ മാർഗ്ഗ​ത്തിൽ പ്രബോ​ധി​പ്പി​ക്കു​ന്ന​തി​നുള്ള ഉത്തരവാ​ദി​ത്വം മാതാ​പി​താ​ക്കൻമാർക്ക്‌ ബൈബിൾ നൽകു​ന്നുണ്ട്‌. (ആവർത്തനം 6:4-9; 31:12, 13) അങ്ങനെ, യഹോ​വ​യു​ടെ സാക്ഷികൾ വാരം​തോ​റു​മുള്ള ഒരു ബൈബി​ള​ദ്ധ്യ​യനം നടത്താൻ ക്രിസ്‌തീയ കുടും​ബ​ങ്ങളെ ദീർഘ​നാൾ പ്രോൽസാ​ഹി​പ്പി​ച്ചി​രി​ക്കു​ന്നു. തങ്ങളുടെ കുഞ്ഞുങ്ങൾ സമർപ്പ​ണ​ത്തി​ലേ​ക്കും സ്‌നാ​പ​ന​ത്തി​ലേ​ക്കും​പു​രോ​ഗ​മി​ക്കാ​നും അങ്ങനെ ദൈവാം​ഗീ​കാ​രം നേടാ​നും ക്രിസ്‌തീയ മാതാ​പി​താ​ക്കൾ അവരെ പ്രോൽസാ​ഹി​പ്പി​ക്കേ​ണ്ട​താണ്‌. (സദൃശ​വാ​ക്യ​ങ്ങൾ 4:1-7) നാം സഭകളിൽ സന്തോ​ഷ​ക​ര​മായ ഫലങ്ങൾ കാണുന്നു—യഹോ​വയെ സ്‌നേ​ഹി​ക്കു​ന്ന​വ​രും അവനെ എന്നേക്കും ആരാധി​ക്കാൻ ആഗ്രഹി​ക്കു​ന്ന​വ​രു​മായ മാതൃ​കാ​യോ​ഗ്യ​രായ കുട്ടികൾ ശതസഹ​സ്ര​ക്ക​ണ​ക്കി​നുണ്ട്‌.

21-23. (എ) മുഖ്യ​മാ​യി, ഒരു പ്രായ​പൂർത്തി​യാ​കാ​ത്ത​യാ​ളി​ന്റെ ദുഷ്‌പ്ര​വൃ​ത്തി കൈകാ​ര്യം ചെയ്യു​ന്ന​തെ​ങ്ങനെ? (ബി) അങ്ങനെ​യുള്ള സാഹച​ര്യ​ങ്ങ​ളിൽ സഭാമൂ​പ്പൻമാർ എന്ത്‌ ധർമ്മം നിറ​വേ​റ​റു​ന്നു?

²¹ ആവശ്യ​മെന്ന്‌ തോന്നുന്ന സ്‌നേ​ഹ​പൂർവ്വ​ക​മായ ഏത്‌ ശിക്ഷക​ളും അല്ലെങ്കിൽ നിയ​ന്ത്ര​ണ​ങ്ങ​ളും ഏർപ്പെ​ടു​ത്തി​ക്കൊണ്ട്‌ തങ്ങളുടെ കുട്ടി​കൾക്ക്‌ ശിക്ഷണ​വും ശാസന​യും കൊടു​ക്കാ​നുള്ള മുഖ്യ ഉത്തരവാ​ദി​ത്വ​വും ക്രിസ്‌തീയ മാതാ​പി​താ​ക്കൾക്കുണ്ട്‌. (എഫേസ്യർ 6:4; എബ്രായർ 12:8, 9; സദൃശ​വാ​ക്യ​ങ്ങൾ 3:11, 12; 22:15) എന്നാൽ സ്‌നാ​പ​ന​മേൽക്കാത്ത ഒരു പ്രസാ​ധ​ക​നെ​ന്ന​നി​ല​യിൽ സഹവസി​ച്ചു​കൊ​ണ്ടി​രുന്ന പ്രായ​പൂർത്തി​യാ​കാത്ത ഒരു കുട്ടി ഗുരു​ത​ര​മായ ഒരു ദുഷ്‌പ്ര​വൃ​ത്തി​യിൽ ഉൾപ്പെ​ടു​ന്നു​വെ​ങ്കിൽ അത്‌ ആട്ടിൻകൂ​ട്ട​ത്തി​ന്റെ ‘ദേഹി​കളെ കാവൽ ചെയ്യുന്ന’ മൂപ്പൻമാർക്ക്‌ ഉൽക്കണ്‌ഠാ​ജ​ന​ക​മാണ്‌.—എബ്രായർ 13:17.

²² അടിസ്ഥാ​ന​പ​ര​മാ​യി, അങ്ങനെ​യുള്ള ദുഷ്‌പ്ര​വൃ​ത്തി ഈ ലേഖന​ത്തിൽ നേരത്തെ വിവരി​ച്ച​തു​പോ​ലെ കൈകാ​ര്യം ചെയ്യ​പ്പെ​ടണം. സംഗതി പരി​ശോ​ധി​ക്കു​ന്ന​തിന്‌ രണ്ട്‌ മൂപ്പൻമാർ നിയോ​ഗി​ക്ക​പ്പെ​ടാൻ കഴിയും. അവർക്ക്‌ ആദ്യം, സംഭവി​ച്ച​തെ​ന്തെന്ന്‌ മാതാ​പി​താ​ക്കൻമാ​രു​മാ​യി (അല്ലെങ്കിൽ അവരിൽ ഒരാളു​മാ​യി) ചർച്ച​ചെ​യ്യാ​വു​ന്ന​താണ്‌. കുട്ടി​യു​ടെ മനോ​ഭാ​വം എന്തെന്നും ഏത്‌ തിരുത്തൽ നടപടി സ്വീക​രി​ച്ചെ​ന്നും​കൂ​ടെ ചർച്ച​ചെ​യ്യാം. (ആവർത്തനം 21:18-21 താരത​മ്യ​പ്പെ​ടു​ത്തുക.) ക്രിസ്‌തീയ മാതാ​പി​താ​ക്കൾ സാഹച​ര്യ​ത്തെ നിയ​ന്ത്ര​ണാ​ത്മ​ക​മാ​ക്കി​യി​രി​ക്കു​ന്നു​വെ​ങ്കിൽ, മൂപ്പൻമാർക്ക്‌ സഹായ​ക​മായ ബുദ്ധ്യു​പ​ദേ​ശ​വും നിർദ്ദേ​ശ​ങ്ങ​ളും സ്‌നേ​ഹ​പൂർവ്വ​ക​മായ പ്രോൽസാ​ഹ​ന​വും കൊടു​ക്കു​ന്ന​തിന്‌ മാതാ​പി​താ​ക്കൻമാ​രോട്‌ ചില​പ്പോ​ഴൊ​ക്കെ കാര്യം തിരക്കാൻ കഴിയും.

²³ ചില സമയങ്ങ​ളിൽ വഴിപി​ഴച്ച കുട്ടി​യും മാതാ​പി​താ​ക്കൻമാ​രു​മാ​യി മൂപ്പൻമാർ കൂടി​വ​രു​ന്നത്‌ ഏററവും നല്ലതാ​ണന്ന്‌ മാതാ​പി​താ​ക്കൻമാ​രു​മാ​യുള്ള ചർച്ച പ്രകട​മാ​ക്കു​ന്നു. കുട്ടി​ക​ളു​ടെ പരിമി​തി​ക​ളും ചായ്‌വു​ക​ളും മനസ്സിൽ പിടി​ച്ചു​കൊണ്ട്‌ മേൽവി​ചാ​ര​കൻമാർ പ്രായ​ക്കു​റ​വുള്ള സ്‌നാ​പ​ന​മേൽക്കാത്ത പ്രസാ​ധ​കനെ സൗമ്യ​ത​യോ​ടെ പ്രബോ​ധി​പ്പി​ക്കാൻ ശ്രമി​ക്കും. (2 തിമൊ​ഥെ​യോസ്‌ 2:22-26) ചില കേസു​ക​ളിൽ കുട്ടി മേലാൽ ഒരു പ്രസാ​ധ​ക​നാ​യി​രി​ക്കാൻ യോഗ്യ​ന​ല്ലെ​ന്നും സമുചി​ത​മായ ഒരു പ്രഖ്യാ​പനം നടത്തേ​ണ്ട​താ​ണെ​ന്നും വ്യക്തമാ​യേ​ക്കാം.

24. (എ) ഒരു പ്രായ​പൂർത്തി​യാ​കാ​ത്ത​യാൾ ഗൗരവ​മായ ദുഷ്‌പ്ര​വൃ​ത്തി​യിൽ ഏർപ്പെ​ട്ടി​രി​ക്കു​ന്നു​വെ​ങ്കിൽപോ​ലും മാതാ​പി​താ​ക്കൻമാർ എന്ത്‌ ചെയ്യു​ന്നത്‌ ഉചിത​മാണ്‌, അവർക്ക്‌ ഇത്‌ എങ്ങനെ സാധി​ക്കാം? (ബി) പുറത്താ​ക്ക​പ്പെ​ട്ടി​രി​ക്കുന്ന ഒരു പ്രായ​പൂർത്തി​യാ​കാ​ത്ത​യാ​ളിന്‌ ഇത്‌ എങ്ങനെ ബാധക​മാ​കും?

²⁴ അതിനു​ശേഷം, തെററു​ചെ​യ്യുന്ന തങ്ങളുടെ പ്രായ​പൂർത്തി​യാ​കാത്ത കുട്ടി​ക്കു​വേണ്ടി മാതാ​പി​താ​ക്കൾ എന്ത്‌ ചെയ്യും? അവർ അപ്പോ​ഴും കുട്ടി​യോട്‌ ഉത്തരവാ​ദി​ത്വ​മു​ള്ള​വ​രാണ്‌, സ്‌നാ​പ​ന​മേൽക്കാത്ത ഒരു പ്രസാ​ധ​ക​നാ​യി​രി​ക്കാൻ അവൻ അയോ​ഗ്യ​നോ സ്‌നാ​പ​ന​ത്തി​നു​ശേഷം ദുഷ്‌പ്ര​വൃ​ത്തി നിമിത്തം പുറത്താ​ക്ക​പ്പെ​ട്ടി​രി​ക്കു​ന്ന​വൻപോലു​മോ ആയാലും ഇത്‌ സത്യമാണ്‌. അവർ അവന്‌ ആഹാര​വും വസ്‌ത്ര​വും അഭയവും കൊടു​ക്കു​ന്ന​തിൽ തുടരു​ന്ന​തു​പോ​ലെ അവർ ദൈവ​വ​ച​ന​ത്തി​നു ചേർച്ച​യാ​യി അവന്‌ പ്രബോ​ധ​ന​വും ശിക്ഷണ​വും കൊടു​ക്കേണ്ട ആവശ്യ​മുണ്ട്‌. (സദൃശ​വാ​ക്യ​ങ്ങൾ 6:20-22; 29:17) അങ്ങനെ സ്‌നേ​ഹ​മുള്ള മാതാ​പി​താ​ക്കൻമാർക്ക്‌ അവരു​മാ​യി ഒരു ഭവന​ബൈ​ബി​ള​ദ്ധ്യ​യനം നടത്താൻ ക്രമീ​ക​രി​ക്കാ​വു​ന്ന​താണ്‌, അവൻ പുറത്താ​ക്ക​പ്പെ​ട്ടി​രി​ക്കു​ന്നു​വെ​ങ്കിൽ പോലും.f ഒരുപക്ഷേ, അവർ അവനു​മാ​യി അദ്ധ്യയനം നടത്തു​ന്ന​തിൽനിന്ന്‌ അവന്‌ ഏററവും അധികം തിരുത്തൽ പ്രയോ​ജനം ലഭിക്കും. അല്ലെങ്കിൽ കുടുംബ അദ്ധ്യയന ക്രമീ​ക​ര​ണ​ത്തിൽ പങ്കുപ​റ​റു​ന്ന​തിൽ അവന്‌ തുടരാൻ കഴിയു​മെന്ന്‌ അവർക്ക്‌ തീരു​മാ​നി​ക്കാ​വു​ന്ന​താണ്‌. അവൻ വഴി​തെ​റ​റി​പ്പോ​യി​രി​ക്കു​ന്നു​വെ​ങ്കി​ലും യേശു​വി​ന്റെ ദൃഷ്ടാ​ന്ത​ത്തി​ലെ മുടി​യ​നായ പുത്ര​നെ​പ്പോ​ലെ യഹോ​വ​യി​ങ്ക​ലേക്ക്‌ മടങ്ങി വരുന്നത്‌ കാണാൻ അവർ ആഗ്രഹി​ക്കു​ന്നു.—ലൂക്കോസ്‌ 11:11-24.

25. ഇന്ന്‌ “അവിശ്വാ​സി​കളി”ലേക്ക്‌ സ്‌നേ​ഹ​പു​ര​സ്സ​ര​മായ താൽപ​ര്യ​വും സഹായ​വും തിരി​ച്ചു​വി​ട​പ്പെ​ടു​ന്ന​തെ​ന്തു​കൊണ്ട്‌?

²⁵ നമ്മൾ പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്യു​ന്ന​തി​ന്റെ ലക്ഷ്യം, സത്യ​ദൈ​വ​ത്തി​ന്റെ സന്തുഷ്‌ട ആരാധ​ക​രാ​യി​ത്തീ​രാൻ മററു​ള്ള​വരെ സഹായി​ക്കുക എന്നതാണ്‌. കൊരി​ന്തി​ലെ ‘അവിശ്വാ​സി​ക​ളും സാധാ​ര​ണ​ക്കാ​രും’ ‘“ദൈവം നിങ്ങളു​ടെ​യി​ട​യിൽ യഥാർത്ഥ​ത്തി​ലുണ്ട്‌” എന്നു പ്രഖ്യാ​പി​ച്ചു​കൊണ്ട്‌ കവിണ്ണു​വീണ്‌ ദൈവത്തെ ആരാധി​ക്കാൻ’ പ്രേരി​ത​രാ​യി. (1 കൊരി​ന്ത്യർ 14:25) കൂടുതൽ കൂടുതൽ ആളുകൾ ഇക്കാലത്ത്‌ ദൈവത്തെ ആരാധി​ക്കാൻ വരുന്നത്‌ കാണു​ന്നത്‌ എന്തോരു സന്തോ​ഷ​മാണ്‌! ഇത്‌ ദൂതൻമാ​രു​ടെ പ്രഖ്യാ​പ​ന​ത്തി​ന്റെ മഹത്തായ ഒരു നിവൃ​ത്തി​യാണ്‌: “മീതെ ഉന്നതങ്ങ​ളിൽ ദൈവ​ത്തിന്‌ മഹത്വ​വും ഭൂമി​യിൽ സൻമന​സ്സുള്ള മനുഷ്യ​രു​ടെ​യി​ട​യിൽ [അല്ലെങ്കിൽ ദൈവാം​ഗീ​കാ​ര​മുള്ള മനുഷ്യ​രു​ടെ​യി​ട​യിൽ] സമാധാ​ന​വും.”—ലൂക്കോസ്‌ 2:14. (w88 11/15)

[അടിക്കു​റി​പ്പു​കൾ]

നിങ്ങൾ ഓർമ്മി​ക്കു​ന്നു​വോ?

□ യോഗ​ങ്ങ​ളിൽ ഹാജരാ​കുന്ന “അവിശ്വാ​സി​കളെ” സംബന്ധിച്ച ക്രിസ്‌ത്യാ​നി​ക​ളു​ടെ വീക്ഷണ​മെ​ന്താണ്‌?

□ ഒരു ബൈബി​ള​ദ്ധ്യേ​താവ്‌ വയൽസേ​വ​ന​ത്തിൽ പങ്കെടു​ക്കാൻ ആഗ്രഹി​ക്കു​മ്പോൾ മൂപ്പൻമാർ ഏത്‌ നടപടി​കൾ അനുസ​രി​ക്കു​ന്നു, അദ്ധ്യേ​താവ്‌ ഏത്‌ ഉത്തരവാ​ദി​ത്വം കയ്യേൽക്കു​ന്നു?

□ സ്‌നാ​പ​ന​മേൽക്കാത്ത ഒരു പ്രസാ​ധകൻ ഗുരു​ത​ര​മായ ഒരു പാപം ചെയ്യു​ന്നു​വെ​ങ്കിൽ എന്ത്‌ ചെയ്യ​പ്പെ​ടു​ന്നു?

□ വീട്ടിൽ താമസി​ക്കുന്ന മൈന​റായ കുട്ടികൾ ഗുരു​ത​ര​മാ​യി തെററു​ചെ​യ്യു​ന്നു​വെ​ങ്കിൽപോ​ലും മാതാ​പി​താ​ക്കൾക്കും മൂപ്പൻമാർക്കും അവരെ എങ്ങനെ സഹായി​ക്കാൻ കഴിയും?

[19-ാം പേജിലെ ചിത്രം]

സ്‌നാപനമേററിട്ടില്ലെങ്കിലും ഒരു പ്രസാ​ധ​ക​നാ​യി​ത്തീ​രു​ന്നത്‌ ദൈവാം​ഗീ​കാ​രം നേടു​ന്ന​തിൽ പ്രാധാ​ന്യ​വും ഉത്തരവാ​ദി​ത്വ​വു​മുള്ള ഒരു നടപടി​യാണ്‌