പുരു​ഷ​ധനം കൊടു​ക്കൽ ആഫ്രിക്കൻ സംസ്‌കാ​ര​ത്തിൽ

ബൈബിൾ കാലങ്ങ​ളി​ലെ​പ്പോ​ലെ, ഇന്നും ചില സംസ്‌കാ​ര​ങ്ങ​ളിൽ ഒരു പുരുഷൻ ഒരു സ്‌ത്രീ​യെ വിവാഹം കഴിക്ക​ണ​മെ​ങ്കിൽ പുരു​ഷ​ധനം കൊടു​ക്കണം. തന്റെ ഭാവി അമ്മായി​യ​പ്പ​നായ ലാബാ​നോ​ടു യാക്കോബ്‌ പറഞ്ഞു: “നിന്റെ ഇളയമകൾ റാഹേ​ലി​ന്നു വേണ്ടി ഞാൻ ഏഴു സംവത്സരം നിന്നെ സേവി​ക്കാം.” (ഉല്‌പത്തി 29:18) റാഹേ​ലി​നോ​ടുള്ള സ്‌നേഹം നിമിത്തം യാക്കോബ്‌ ഉയർന്ന വില കൊടു​ക്കാ​മെന്നു വാഗ്‌ദാ​നം ചെയ്‌തു—ഏഴു വർഷത്തെ വേതന​ത്തി​നു തുല്യ​മായ വില! ലാബാൻ ആ വാഗ്‌ദാ​നം സ്വീക​രി​ച്ചെ​ങ്കി​ലും അവൻ ഉപായ​ത്തിൽ യാക്കോ​ബി​നെ​ക്കൊണ്ട്‌ മൂത്ത പുത്രി ലേയയെ വിവാഹം കഴിപ്പി​ക്കു​ക​യാണ്‌ ചെയ്‌തത്‌. തുടർന്നുള്ള ഇടപെ​ട​ലു​ക​ളി​ലും ലാബാൻ യാക്കോ​ബി​നോട്‌ വക്രത കാട്ടി. (ഉല്‌പത്തി 31:41) ഭൗതിക നേട്ടത്തിൽ കണ്ണുന​ട്ടുള്ള ലാബാന്റെ പ്രവർത്ത​നങ്ങൾ അവസാനം അവനു​തന്നെ തിരി​ച്ച​ടി​യാ​യി, അവന്റെ പുത്രി​മാർക്ക്‌ അവനോ​ടു​ണ്ടാ​യി​രുന്ന ആദരവു നഷ്ടപ്പെട്ടു. അവർ ചോദി​ച്ചു: “അവൻ ഞങ്ങളെ അന്യരാ​യി​ട്ട​ല്ല​യോ വിചാ​രി​ക്കു​ന്നതു? ഞങ്ങളെ വിററു വിലയും എല്ലാം തിന്നു കളഞ്ഞു​വ​ല്ലോ.”—ഉല്‌പത്തി 31:15.

സങ്കടക​ര​മെ​ന്നു പറയട്ടെ, ഭൗതി​കത്വ ചിന്തയുള്ള ഇന്നത്തെ ലോക​ത്തിൽ, അനേകം മാതാ​പി​താ​ക്ക​ളും ലാബാനെ പോ​ലെ​യാണ്‌. ചിലരാ​ണെ​ങ്കിൽ അവനെ​ക്കാ​ളും മോശ​മാണ്‌. ഒരു ആഫ്രിക്കൻ പത്രം പറയു​ന്നത്‌ അനുസ​രിച്ച്‌, ചില വിവാഹ കൂടി​യാ​ലോ​ച​നകൾ “അത്യാ​ഗ്ര​ഹി​ക​ളായ പിതാ​ക്ക​ന്മാ​രു​ടെ ലാഭ​ക്കൊ​തി തീർക്കാൻവേണ്ടി മാത്ര​മു​ള്ള​താണ്‌.” മറ്റൊരു ഘടകം സാമ്പത്തിക സമ്മർദ​മാണ്‌, അതിനാൽ ചില മാതാ​പി​താ​ക്കൾ തങ്ങളുടെ സാമ്പത്തിക പ്രതി​സ​ന്ധി​യിൽനിന്ന്‌ എളുപ്പം തലയൂ​രാ​നുള്ള ഒരു മാർഗ​മാ​യി പുത്രി​മാ​രെ വീക്ഷി​ക്കു​ന്നു.a

ഏറ്റവും കൂടുതൽ പണം വാഗ്‌ദാ​നം ചെയ്യുന്ന ആൾ വരുന്ന​തു​വരെ പുത്രി​മാ​രു​ടെ വിവാഹം നീട്ടി​ക്കൊ​ണ്ടു​പോ​കുന്ന ചില മാതാ​പി​താ​ക്ക​ളു​മുണ്ട്‌. ഇത്‌ ഗുരു​ത​ര​മായ പ്രശ്‌നങ്ങൾ സൃഷ്ടി​ച്ചേ​ക്കാം. കിഴക്കേ ആഫ്രി​ക്ക​യിൽനി​ന്നുള്ള ഒരു വാർത്താ​ലേ​ഖകൻ എഴുതി: “നിർബ​ന്ധ​ബു​ദ്ധി​ക​ളായ പെൺവീ​ട്ടു​കാർ ആവശ്യ​പ്പെ​ടുന്ന കനത്ത പുരു​ഷ​ധനം താങ്ങാ​നാ​വാ​തെ യുവജ​നങ്ങൾ ഒളി​ച്ചോ​ടാൻ തീരു​മാ​നി​ക്കു​ന്നു.” കനത്ത പുരു​ഷ​ധനം ആവശ്യ​പ്പെ​ടു​ന്നതു നിമിത്തം ഉളവാ​കുന്ന പ്രശ്‌ന​ങ്ങ​ളി​ലൊന്ന്‌ ലൈം​ഗിക അധാർമി​കത ആണ്‌. ചില യുവാക്കൾ പണം കടംവാ​ങ്ങി ഒരു ഭാര്യയെ തരപ്പെ​ടു​ത്തു​ന്നു, പിന്നെ കടത്തിൽനി​ന്നു കരകയ​റാൻ പെടാ​പ്പാട്‌ പെടുന്നു. ഒരു ദക്ഷിണാ​ഫ്രി​ക്കൻ സാമൂഹ്യ പ്രവർത്തകൻ ഇങ്ങനെ ഉദ്‌ബോ​ധി​പ്പി​ച്ചു: “മാതാ​പി​താ​ക്കൾ ന്യായ​ബോ​ധം പ്രകട​മാ​ക്കണം. അവർ വൻതു​കകൾ ആവശ്യ​പ്പെ​ട​രുത്‌. നവദമ്പ​തി​കൾക്ക്‌ തുടർന്നും ജീവി​ക്കാ​നു​ള്ള​താണ്‌ . . . അതു​കൊ​ണ്ടു യുവാ​വി​നെ എന്തിനു പാപ്പരാ​ക്കണം?”

പുരു​ഷ​ധ​നം പറഞ്ഞു​റ​പ്പി​ക്കു​മ്പോ​ഴോ സ്വീക​രി​ക്കു​മ്പോ​ഴോ ക്രിസ്‌തീയ മാതാ​പി​താ​ക്കൾക്കു ന്യായ​ബോ​ധം പ്രകടി​പ്പി​ക്കു​ന്ന​തിൽ മാതൃക വെക്കാൻ കഴിയു​ന്ന​തെ​ങ്ങനെ? ഇത്‌ ഗൗരവ​മുള്ള സംഗതി​യാണ്‌, എന്തെന്നാൽ ബൈബിൾ കൽപ്പി​ക്കു​ന്നു: “നിങ്ങളു​ടെ ന്യായ​യു​ക്തത സകല മനുഷ്യ​രും അറിയട്ടെ.”—ഫിലി​പ്പി​യർ 4:5, NW.

ന്യായ​യു​ക്ത​മായ ബൈബിൾ തത്ത്വങ്ങൾ

ക്രിസ്‌തീയ മാതാ​പി​താ​ക്കൾ പുരു​ഷ​ധനം പറഞ്ഞു​റ​പ്പി​ക്കാൻ തീരു​മാ​നി​ക്ക​ണ​മോ വേണ്ടയോ എന്നതു വ്യക്തി​പ​ര​മാണ്‌. പറഞ്ഞു​റ​പ്പി​ക്കാൻ തീരു​മാ​നി​ക്കു​ന്ന​പക്ഷം, അത്തരം ചർച്ചകൾ ബൈബിൾ തത്ത്വങ്ങ​ളോ​ടുള്ള യോജി​പ്പിൽ നടത്ത​പ്പെ​ടണം. “നിങ്ങളു​ടെ നടപ്പു ദ്രവ്യാ​ഗ്ര​ഹ​മി​ല്ലാ​ത്ത​താ​യി​രി​ക്കട്ടെ” എന്നു ദൈവ​വ​ചനം പറയുന്നു. (എബ്രായർ 13:5) ഈ തത്ത്വം വിവാഹ ചർച്ചക​ളിൽ പ്രകട​മാ​കു​ന്നി​ല്ലെ​ങ്കിൽ, ഒരു ക്രിസ്‌തീയ പിതാവ്‌ നല്ല മാതൃ​കയല്ല വെക്കു​ന്നത്‌. ക്രിസ്‌തീയ സഭയിൽ ഉത്തരവാ​ദി​ത്വ സ്ഥാനമുള്ള പുരു​ഷ​ന്മാർ “ന്യായ​യുക്ത”രായി​രി​ക്കേ​ണ്ട​താണ്‌, ‘പണസ്‌നേഹ’മോ ‘സത്യസ​ന്ധ​മ​ല്ലാത്ത നേട്ടത്തി​നാ​യി അത്യാർത്തി’യോ പ്രകട​മാ​ക്കു​ന്നവർ ആയിരി​ക്ക​രുത്‌. (1 തിമൊ​ഥെ​യൊസ്‌ 3:3, 8, NW) അത്യാ​ഗ്ര​ഹ​ത്തോ​ടെ​യും അനുതാ​പ​ര​ഹി​ത​മാ​യും കനത്ത പുരു​ഷ​ധനം തട്ടി​യെ​ടു​ക്കുന്ന ഒരു ക്രിസ്‌ത്യാ​നി​യെ സഭയിൽനി​ന്നു പുറത്താ​ക്കുക പോലും ചെയ്യാ​വു​ന്ന​താണ്‌.—1 കൊരി​ന്ത്യർ 5:11, 13; 6:9, 10.

അത്യാ​ഗ്ര​ഹം സൃഷ്ടി​ക്കുന്ന പ്രശ്‌ന​ങ്ങ​ളെ​പ്രതി, ചില ഗവൺമെ​ന്റു​കൾ പൗരന്മാ​രെ ചൂഷണ​ത്തിൽനി​ന്നു സംരക്ഷി​ക്കു​ന്ന​തി​നു​വേണ്ടി നിയമ​നിർമാ​ണങ്ങൾ നടത്തി​യി​ട്ടുണ്ട്‌. ഉദാഹ​ര​ണ​ത്തിന്‌, ഇന്ത്യയിൽ സ്‌ത്രീ​ധ​ന​ത്തി​നു​വേണ്ടി ഏതെങ്കി​ലും തരത്തി​ലുള്ള ചർച്ചകൾ നടത്തു​ന്ന​തോ സ്‌ത്രീ​ധനം വാങ്ങു​ന്ന​തോ നിയമ​വി​രു​ദ്ധ​വും ശിക്ഷാർഹ​വു​മാണ്‌. ഇന്ത്യയിൽ സത്യ​ക്രി​സ്‌ത്യാ​നി​കൾ ഈ നിയമം അനുസ​രി​ക്കു​ന്നു. പുരു​ഷ​ധ​ന​മാ​യി “വസ്‌തു​വ​ക​ക​ളോ പണമോ, അല്ലെങ്കിൽ രണ്ടും​കൂ​ടി​യോ കൊടു​ക്കാ​വു​ന്ന​താണ്‌” എന്ന്‌ ഒരു പശ്ചിമ ആഫ്രിക്കൻ രാജ്യ​മായ റ്റോ​ഗൊ​യി​ലെ ഒരു നിയമം പ്രസ്‌താ​വി​ക്കു​ന്നു. പ്രസ്‌തുത നിയമം ഇങ്ങനെ കൂട്ടി​ച്ചേർക്കു​ന്നു: “എന്നാൽ പുരു​ഷ​ധനം യാതൊ​രു കാരണ​വ​ശാ​ലും 10,000 F CFA-യിൽ (20 അമേരി​ക്കൻ ഡോളർ) കവിയാൻ പാടില്ല.” ക്രിസ്‌ത്യാ​നി​കൾ നിയമാ​നു​സാ​രി​ക​ളായ പൗരന്മാർ ആയിരി​ക്ക​ണ​മെന്നു ബൈബിൾ ആവർത്തി​ച്ചു കൽപ്പി​ക്കു​ന്നു. (തീത്തൊസ്‌ 3:1) ഗവൺമെന്റ്‌ അത്തര​മൊ​രു നിയമം നടപ്പാ​ക്കു​ന്നി​ല്ലെ​ങ്കി​ലും, സത്യ​ക്രി​സ്‌ത്യാ​നി അത്‌ അനുസ​രി​ക്കാൻ ആഗ്രഹി​ക്കും. അങ്ങനെ അയാൾ ദൈവ​മു​മ്പാ​കെ ഒരു നല്ല മനസ്സാക്ഷി നിലനിർത്തും, മറ്റുള്ള​വരെ ഇടറി​ക്കു​ക​യു​മില്ല.—റോമർ 13:1, 5; 1 കൊരി​ന്ത്യർ 10:32, 33.

ചില സംസ്‌കാ​ര​ങ്ങ​ളിൽ, പുരു​ഷ​ധനം പറഞ്ഞു​റ​പ്പി​ക്കുന്ന വിധം മറ്റൊരു ബൈബിൾ തത്ത്വത്തെ ലംഘി​ച്ചേ​ക്കാം. ബൈബിൾ പറയു​ന്നത്‌ അനുസ​രിച്ച്‌, ഭവനത്തി​ന്റെ കാര്യ​ങ്ങൾക്കു ചുക്കാൻ പിടി​ക്കു​ന്ന​തി​നുള്ള ഉത്തരവാ​ദി​ത്വം പിതാ​വി​നാണ്‌. (1 കൊരി​ന്ത്യർ 11:3; കൊ​ലൊ​സ്സ്യർ 3:18, 20) അതു​കൊണ്ട്‌, സഭയിൽ ഉത്തരവാ​ദി​ത്വ സ്ഥാനത്തു​ള്ളവർ ‘മക്കളെ​യും സ്വന്തകു​ടും​ബ​ങ്ങ​ളെ​യും നന്നായി ഭരിക്കുന്ന’ പുരു​ഷ​ന്മാർ ആയിരി​ക്കണം.—1 തിമൊ​ഥെ​യൊസ്‌ 3:12.

എന്നിരു​ന്നാ​ലും, ചില സമുദാ​യ​ങ്ങ​ളിൽ വിവാ​ഹ​വു​മാ​യി ബന്ധപ്പെട്ട പ്രധാന ചർച്ചകൾ കുടും​ബ​നാ​ഥന്റെ ബന്ധുക്ക​ളാ​കും നിർവ​ഹി​ക്കുക. പുരു​ഷ​ധ​ന​ത്തി​ന്റെ ഒരു ഭാഗം ഈ ബന്ധുക്കൾ ആവശ്യ​പ്പെ​ടും. ഇത്‌ ക്രിസ്‌തീയ ഭവനങ്ങ​ളിൽ ഒരു പരി​ശോ​ധന വരുത്തു​ന്നു. ആചാര​ത്തി​ന്റെ പേരിൽ, ചില കുടും​ബ​നാ​ഥ​ന്മാർ വലിയ പുരു​ഷ​ധനം തട്ടി​യെ​ടു​ക്കാൻ അവിശ്വാ​സി​ക​ളായ ബന്ധുക്കളെ അനുവ​ദി​ക്കു​ന്നു. ഇത്‌ ചില​പ്പോ​ഴൊ​ക്കെ ക്രിസ്‌തീയ പെൺകു​ട്ടി ഒരു അവിശ്വാ​സി​യെ വിവാഹം ചെയ്യു​ന്ന​തി​ലേക്കു നയിച്ചി​ട്ടുണ്ട്‌. അത്‌, ക്രിസ്‌ത്യാ​നി​കൾ ‘കർത്താ​വിൽ മാത്രമേ’ വിവാഹം ആകാവൂ എന്ന ശാസന​ത്തി​നു നേർവി​പ​രീ​ത​മാണ്‌. (1 കൊരി​ന്ത്യർ 7:39) തന്റെ സ്വന്തം കുട്ടി​ക​ളു​ടെ ആത്മീയത അപകട​പ്പെ​ടു​ത്തുന്ന തീരു​മാ​നങ്ങൾ കൈ​ക്കൊ​ള്ളാൻ അവിശ്വാ​സി​ക​ളായ ബന്ധുക്കളെ അനുവ​ദി​ക്കുന്ന ഒരു കുടും​ബ​നാ​ഥനെ “സ്വന്തകു​ടും​ബത്തെ നന്നായി ഭരിക്കു​ന്ന​വനാ”യി വീക്ഷി​ക്കാ​നാ​വില്ല.—1 തിമൊ​ഥെ​യൊസ്‌ 3:4.

ദൈവ​ഭ​യ​മു​ള്ള​വ​നാ​യി​രുന്ന ഗോ​ത്ര​പി​താ​വായ അബ്രാ​ഹാ​മി​ന്റെ കാര്യ​ത്തി​ലെന്ന പോലെ, തന്റെ കുട്ടി​ക​ളിൽ ഒരാളു​ടെ വിവാഹ ചർച്ചക​ളിൽ ഒരു ക്രിസ്‌തീയ പിതാവ്‌ നേരിട്ടു പങ്കെടു​ക്കു​ന്നി​ല്ലെ​ങ്കി​ലോ? (ഉല്‌പത്തി 24:2-4) ഇതു ചെയ്യാൻ മറ്റൊ​രാ​ളെ ഏർപ്പാ​ടാ​ക്കു​ന്നെ​ങ്കിൽ, ബൈബി​ളി​ന്റെ ന്യായ​യു​ക്ത​മായ തത്ത്വങ്ങൾക്കു ചേർച്ച​യി​ലാണ്‌ അയാൾ ചർച്ചകൾ നടത്തു​ന്ന​തെന്നു ക്രിസ്‌തീയ പിതാവ്‌ ഉറപ്പു​വ​രു​ത്തണം. കൂടാതെ, പുരു​ഷ​ധനം ഉറപ്പി​ക്കു​ന്ന​തി​നുള്ള ഏതൊരു നടപടി​ക്കും മുമ്പായി, ക്രിസ്‌തീയ മാതാ​പി​താ​ക്കൾ ശ്രദ്ധാ​പൂർവം കാര്യങ്ങൾ പരി​ശോ​ധി​ക്കു​ക​യും ന്യായ​യു​ക്ത​മ​ല്ലാത്ത ആചാര​ങ്ങ​ളോ ആവശ്യ​ങ്ങ​ളോ തങ്ങളെ സ്വാധീ​നി​ക്കു​ന്നി​ല്ലെന്ന്‌ ഉറപ്പാ​ക്കു​ക​യും വേണം.—സദൃശ​വാ​ക്യ​ങ്ങൾ 22:3.

ക്രിസ്‌തീയ വിരുദ്ധ പ്രവണ​തകൾ ഒഴിവാ​ക്കൽ

ബൈബിൾ അഹന്ത​യെ​യും “ജീവന​ത്തി​ന്റെ പ്രതാപ”പ്രകട​ന​ത്തെ​യും കുറ്റം​വി​ധി​ക്കു​ന്നു. (1 യോഹ​ന്നാൻ 2:16; സദൃശ​വാ​ക്യ​ങ്ങൾ 21:4) എങ്കിലും, ക്രിസ്‌തീയ സഭയു​മാ​യി ബന്ധപ്പെട്ട ചില വ്യക്തികൾ തങ്ങളുടെ വിവാഹ ചർച്ചക​ളിൽ ഈ പ്രവണ​തകൾ പ്രകടി​പ്പി​ച്ചി​രി​ക്കു​ന്നു. ചിലർ വൻ പുരു​ഷ​ധനം കൊടു​ത്തെ​ന്നോ കിട്ടി​യെ​ന്നോ കൊട്ടി​ഘോ​ഷി​ച്ചു​കൊണ്ട്‌ ലോകത്തെ അനുക​രി​ക്കു​ന്നു. അതേസ​മയം, വാച്ച്‌ ടവർ സൊ​സൈ​റ്റി​യു​ടെ ആഫ്രി​ക്ക​യി​ലെ ഒരു ബ്രാഞ്ച്‌ ഓഫീസ്‌ ഇങ്ങനെ റിപ്പോർട്ടു ചെയ്യുന്നു: “പുരു​ഷ​ധനം ആവശ്യ​പ്പെ​ടു​ന്ന​തിൽ കുടും​ബം ന്യായ​ബോ​ധം പ്രകട​മാ​ക്കി​യ​പ്പോൾ ചില ഭർത്താ​ക്ക​ന്മാർ ആ ആദരവ്‌ കാട്ടി​യില്ല, അവർ ഭാര്യ​മാ​രെ വീക്ഷി​ച്ചത്‌ കേവലം ഒരു ‘ആടി’ന്റെ വിലയ്‌ക്കു കിട്ടി​യ​വ​രെന്ന മട്ടിലാ​യി​രു​ന്നു.”

വൻ പുരു​ഷ​ധ​ന​ത്തോ​ടുള്ള അത്യാർത്തി ചില ക്രിസ്‌ത്യാ​നി​കളെ ദുരന്ത​ത്തി​ലാ​ക്കി​യി​ട്ടുണ്ട്‌. ഉദാഹ​ര​ണ​ത്തിന്‌, വാച്ച്‌ ടവർ സൊ​സൈ​റ്റി​യു​ടെ മറ്റൊരു ബ്രാഞ്ച്‌ ഓഫീ​സിൽനി​ന്നുള്ള ഈ റിപ്പോർട്ട്‌ പരിചി​ന്തി​ക്കുക: “ഏകാകി​ക​ളായ സഹോ​ദ​ര​ന്മാർക്കു വിവാ​ഹി​ത​രാ​കാ​നോ സഹോ​ദ​രി​മാർക്ക്‌ ഇണയെ കണ്ടെത്താ​നോ പൊതു​വേ ബുദ്ധി​മു​ട്ടാണ്‌. തത്‌ഫ​ല​മാ​യി ലൈം​ഗിക അധാർമി​കത നിമി​ത്ത​മുള്ള പുറത്താ​ക്ക​ലു​ക​ളു​ടെ എണ്ണം കൂടു​ക​യാണ്‌. ചില സഹോ​ദ​ര​ന്മാർ സ്വർണ​മോ വൈര​ക്ക​ല്ലോ തേടി ഖനിക​ളിൽ പോകു​ന്നു. അതു വിറ്റ്‌ വിവാ​ഹ​ത്തി​നു വേണ്ടത്ര പണമു​ണ്ടാ​ക്കു​ക​യാണ്‌ അവരുടെ ലക്ഷ്യം. അതിന്‌ ഒന്നോ രണ്ടോ അതില​ധി​ക​മോ വർഷം വേണ്ടി​വ​ന്നേ​ക്കാം. സഹോ​ദ​ര​ങ്ങ​ളും സഭയും ആയുള്ള സഹവാസം ഇല്ലാതെ അവരിൽ മിക്കവ​രും ആത്മീയ​മാ​യി ദുർബ​ല​രാ​യി​ത്തീ​രു​ന്നു.”

അത്തരം ഭവിഷ്യ​ത്തു​കൾ ഒഴിവാ​ക്കു​ന്ന​തിൽ, ക്രിസ്‌തീയ മാതാ​പി​താ​ക്കൾ സഭയിലെ പക്വത​യു​ള്ള​വ​രു​ടെ മാതൃക പിൻപ​റ്റണം. ഒരു പിതാവ്‌ അല്ലായി​രു​ന്നി​ട്ടും, പൗലൊസ്‌ അപ്പൊ​സ്‌തലൻ സഹവി​ശ്വാ​സി​ക​ളോട്‌ ന്യായ​ബോ​ധ​ത്തോ​ടെ ഇടപെട്ടു. മറ്റുള്ള​വ​രു​ടെ​മേൽ ഭാരിച്ച ചെലവു​കൾ വരുത്താ​തി​രി​ക്കാൻ അവൻ ശ്രദ്ധി​ച്ചി​രു​ന്നു. (പ്രവൃ​ത്തി​കൾ 20:33) തീർച്ച​യാ​യും, പുരു​ഷ​ധനം പറഞ്ഞു​റ​പ്പി​ക്കു​മ്പോൾ ക്രിസ്‌തീയ മാതാ​പി​താ​ക്കൾ അവന്റെ നിസ്വാർഥ മാതൃക കണക്കി​ലെ​ടു​ക്കണം. വാസ്‌ത​വ​ത്തിൽ, പൗലൊസ്‌ ഇങ്ങനെ എഴുതാൻ ദിവ്യ​നി​ശ്വ​സ്‌ത​നാ​ക്ക​പ്പെട്ടു: “സഹോ​ദ​രൻമാ​രേ, നിങ്ങൾ എല്ലാവ​രും എന്നെ അനുക​രി​പ്പിൻ; ഞങ്ങൾ നിങ്ങൾക്കു കാണിച്ച മാതൃ​ക​പ്ര​കാ​രം നടക്കു​ന്ന​വ​രെ​യും കുറി​ക്കൊൾവിൻ.”—ഫിലി​പ്പി​യർ 3:17.

ന്യായ​യു​ക്ത​ത​യു​ടെ ദൃഷ്ടാ​ന്ത​ങ്ങൾ

വിവാഹ ചർച്ചക​ളു​ടെ കാര്യ​ത്തിൽ, ന്യായ​യു​ക്ത​ത​യു​ടെ നല്ല മാതൃ​കകൾ വെച്ചി​ട്ടുള്ള അനേകം ക്രിസ്‌തീയ മാതാ​പി​താ​ക്കൾ ഉണ്ട്‌. സോളമൻ ദ്വീപു​ക​ളി​ലൊ​ന്നിൽ പാർക്കുന്ന മുഴു​സമയ സുവി​ശേഷ പ്രവർത്ത​ക​രായ ജോസ​ഫി​ന്റെ​യും ഭാര്യ മേയു​ടെ​യും കാര്യം പരിചി​ന്തി​ക്കുക.b പുരു​ഷ​ധനം പറഞ്ഞു​റ​പ്പി​ക്കുന്ന കാര്യ​ത്തിൽ ചില​പ്പോ​ഴൊ​ക്കെ പ്രശ്‌നങ്ങൾ ഉണ്ടാകാ​റുള്ള സ്ഥലമാ​യ​തി​നാൽ അത്തരം വിഷമ​തകൾ ഒഴിവാ​ക്കു​ന്ന​തി​നാ​യി, ജോസ​ഫും മേയും തങ്ങളുടെ പുത്രി​യായ ഹെലന്റെ വിവാഹം അയൽദ്വീ​പിൽ വെച്ചു നടത്താൻ പരിപാ​ടി​യി​ട്ടു. മറ്റൊരു പുത്രി​യായ എസ്ഥേറി​ന്റെ കാര്യ​ത്തി​ലും അവർ അതുതന്നെ ചെയ്‌തു. തന്റെ മരുമ​ക​നായ പീറ്റർ ന്യായ​മാ​യ​തി​ലും കുറച്ചു പുരു​ഷ​ധനം തന്നാൽ മതി​യെ​ന്നും ജോസഫ്‌ സമ്മതിച്ചു. എന്തു​കൊ​ണ്ടാണ്‌ അങ്ങനെ ചെയ്‌ത​തെന്നു ചോദി​ച്ച​പ്പോൾ ജോസഫ്‌ വിശദ​മാ​ക്കി: “ഒരു പയനിയർ ആയ എന്റെ മരുമ​ക​ന്റെ​മേൽ ഭാരം കെട്ടി​വെ​ക്കാൻ ഞാൻ ആഗ്രഹി​ച്ചില്ല.”

ആഫ്രി​ക്ക​യി​ലെ അനേകം യഹോ​വ​യു​ടെ സാക്ഷി​ക​ളും ന്യായ​യു​ക്ത​ത​യു​ടെ നല്ല മാതൃക വെച്ചി​ട്ടുണ്ട്‌. ചില മേഖല​ക​ളിൽ, യഥാർഥ പുരു​ഷ​ധനം പറഞ്ഞു​റ​പ്പി​ക്കു​ന്ന​തി​നു മുമ്പു​തന്നെ നല്ലൊരു തുക വിസ്‌തൃത കുടും​ബ​ത്തി​ലെ അംഗങ്ങൾക്കു കൊടു​ക്കാൻ പൊതു​വേ പ്രതീ​ക്ഷി​ക്ക​പ്പെ​ടു​ന്നു. ഒരു വധുവി​നെ ലഭിക്ക​ണ​മെ​ങ്കിൽ, തന്റെ പ്രതി​ശ്രുത വധുവി​ന്റെ ഇളയ സഹോ​ദ​രന്റെ വിവാ​ഹ​സ​മ​യത്ത്‌ അവന്റെ പുരു​ഷ​ധനം കൊടു​ക്കാ​മെന്നു വാഗ്‌ദാ​നം ചെയ്യാൻ വരൻ പ്രതീ​ക്ഷി​ക്ക​പ്പെ​ടു​ന്നു.

അതിനു നേർവി​പ​രീ​ത​മാ​യി, കൊസി​യു​ടെ​യും ഭാര്യ മാറയു​ടെ​യും മാതൃക പരിചി​ന്തി​ക്കുക. അവരുടെ പുത്രി ബെബോ​ക്കോ​യു​ടെ വിവാഹം യഹോ​വ​യു​ടെ സാക്ഷി​ക​ളു​ടെ ഒരു സഞ്ചാര​മേൽവി​ചാ​ര​ക​നു​മാ​യി നടന്നത്‌ ഈയി​ടെ​യാണ്‌. വിവാ​ഹ​ത്തി​നു​മുമ്പ്‌, വൻ പുരു​ഷ​ധ​ന​ത്തിൽനി​ന്നുള്ള തങ്ങളുടെ ഓഹരി​ക്കു​വേണ്ടി ബന്ധുക്കൾ മാതാ​പി​താ​ക്ക​ളു​ടെ മേൽ വലിയ സമ്മർദം ചെലു​ത്തി​യി​രു​ന്നു. എന്നാൽ, അവർ അത്തരം ആവശ്യ​ങ്ങൾക്കു വഴങ്ങി​യില്ല. പകരം, അവർ ചെയ്‌തത്‌ ഭാവി മരുമ​ക​നു​മാ​യി കാര്യങ്ങൾ നേരിട്ടു ചർച്ച​ചെ​യ്യു​ക​യാണ്‌. അവർ ഏറ്റവും ചെറിയ തുകയേ പുരു​ഷ​ധ​ന​മാ​യി ആവശ്യ​പ്പെ​ട്ടു​ള്ളൂ, തന്നെയു​മല്ല അതിൽ പകുതി പണം വിവാ​ഹ​ദിന ഒരുക്ക​ങ്ങൾക്കു​വേണ്ടി യുവദ​മ്പ​തി​കൾക്കു തിരി​ച്ചു​കൊ​ടു​ക്കു​ക​യും ചെയ്‌തു.

അതേ രാജ്യ​ത്തു​നി​ന്നുള്ള മറ്റൊരു ഉദാഹ​രണം എടുക്കാം. ഈറ്റൊം​ഗോ എന്നു പേരായ ഒരു യുവസാ​ക്ഷി​യു​ടെ കുടും​ബം ആദ്യം പുരു​ഷ​ധ​ന​മാ​യി ആവശ്യ​പ്പെ​ട്ടത്‌ ന്യായ​യു​ക്ത​മായ ഒരു തുക ആയിരു​ന്നു. എന്നാൽ ബന്ധുക്കൾ തുക കൂട്ടണ​മെന്നു ശഠിച്ചു. ചർച്ചയു​ടെ താളം​തെ​റ്റു​ക​യും ബന്ധുക്കൾ വിചാ​രി​ച്ച​തു​പോ​ലെ കാര്യങ്ങൾ നീങ്ങു​ക​യും ചെയ്യു​മെ​ന്നാ​യ​പ്പോൾ ഈറ്റൊം​ഗോ ഇടപെട്ടു. ധൈര്യ​പ്ര​കൃ​ത​ക്കാ​രി അല്ലായി​രു​ന്നി​ട്ടും, അവൾ എഴു​ന്നേ​റ്റു​നിന്ന്‌ ആദര​വോ​ടെ തന്റെ ദൃഢനി​ശ്ചയം, അതായത്‌ സാൻസ്സി എന്ന തീക്ഷ്‌ണ​ത​യുള്ള ക്രിസ്‌ത്യാ​നി​യെ നിശ്ചയ​പ്ര​കാ​രം​തന്നെ താൻ വിവാഹം കഴിക്കാൻ പോകു​ക​യാ​ണെന്നു പറഞ്ഞു. എന്നിട്ട്‌ ധൈര്യ​സ​മേതം “മ്‌ബീ കെ” (അർഥം, “സംഗതി അത്രയേ ഉള്ളൂ”) എന്നു പറഞ്ഞിട്ട്‌ ഇരുന്നു. അവളുടെ ക്രിസ്‌ത്യാ​നി​യായ അമ്മ സമ്പെകോ അവളെ പിന്തു​ണച്ചു. അതോടെ ചർച്ച അവിടെ അവസാ​നി​ച്ചു. ആദ്യം നിശ്ചയി​ച്ചി​രു​ന്ന​തു​പോ​ലെ​തന്നെ അവർ വിവാ​ഹി​ത​രാ​കു​ക​യും ചെയ്‌തു.

സ്‌നേ​ഹ​നി​ധി​ക​ളായ ക്രിസ്‌തീയ മാതാ​പി​താ​ക്ക​ളു​ടെ താത്‌പ​ര്യം കേവലം പുരു​ഷ​ധ​നം​കൊ​ണ്ടുള്ള വ്യക്തി​പ​ര​മായ പ്രയോ​ജ​ന​ങ്ങ​ളി​ലല്ല. കാമറൂ​ണി​ലെ ഒരു ഭർത്താവ്‌ വിശദ​മാ​ക്കു​ന്നു: “എന്റെ അമ്മാവി​യമ്മ പറയു​ന്നത്‌ ഞാൻ കൊടു​ക്കാൻ ഉദ്ദേശിച്ച പുരു​ഷ​ധനം തന്റെ പുത്രി​യു​ടെ ആവശ്യങ്ങൾ നിറ​വേ​റ്റു​ന്ന​തി​നു​വേണ്ടി ഉപയോ​ഗി​ച്ചാൽ മതി​യെ​ന്നാണ്‌.” സ്‌നേ​ഹ​മുള്ള മാതാ​പി​താ​ക്കൾ മക്കളുടെ ആത്മീയ ക്ഷേമത്തി​ലും താത്‌പ​ര്യം കാണി​ക്കു​ന്നു. ഉദാഹ​ര​ണ​ത്തിന്‌, സിംബാ​ബ്‌വേ​യിൽ പാർക്കുന്ന ഫാരാ​യി​യു​ടെ​യും റൂഡോ​യു​ടെ​യും കാര്യ​മെ​ടു​ക്കുക. ദൈവ​രാ​ജ്യ സുവാർത്ത പ്രസം​ഗ​വേ​ല​യിൽ ഏറെ സമയം ചെലവ​ഴി​ക്കുന്ന ഇവർ വേതന​മി​ല്ലാ​ത്ത​വ​രെ​ങ്കി​ലും, രണ്ടു പുത്രി​മാ​രു​ടെ വിവാഹം നടത്തി​യത്‌ നടപ്പു​പ്ര​കാ​ര​മുള്ള പുരു​ഷ​ധ​ന​ത്തി​ന്റെ ഒരു ഭാഗം​മാ​ത്രം വാങ്ങി​യി​ട്ടാണ്‌. കാരണം? യഥാർഥ​ത്തിൽ യഹോ​വയെ സ്‌നേ​ഹി​ക്കുന്ന പുരു​ഷ​ന്മാ​രു​മാ​യുള്ള വിവാ​ഹ​ത്തിൽനി​ന്നു പുത്രി​മാർ പ്രയോ​ജനം അനുഭ​വി​ക്കാൻ അവർ ആഗ്രഹി​ച്ചു. “ഞങ്ങൾ കൂടുതൽ പ്രാധാ​ന്യം കൽപ്പി​ച്ചത്‌ ഞങ്ങളുടെ പുത്രി​മാ​രു​ടെ​യും മരുമ​ക്ക​ളു​ടെ​യും ആത്മീയ​ത​യ്‌ക്കാണ്‌,” അവർ വിശദ​മാ​ക്കി. എത്ര നവോ​ന്മേ​ഷ​പ്രദം! വിവാ​ഹി​ത​രായ തങ്ങളുടെ മക്കളുടെ ആത്മീയ​വും ഭൗതി​ക​വു​മായ ക്ഷേമത്തിൽ സ്‌നേ​ഹ​പു​ര​സ്സ​ര​മായ താത്‌പ​ര്യം പ്രകട​മാ​ക്കുന്ന ഭാര്യാ​ഭർതൃ ബന്ധുക്കൾ അഭിന​ന്ദ​നാർഹ​രാണ്‌.

ന്യായ​യു​ക്ത​ത​യു​ടെ പ്രയോ​ജ​ന​ങ്ങൾ

സോളമൻ ദ്വീപു​ക​ളി​ലെ ജോസ​ഫും മേയും പുത്രി​മാ​രു​ടെ വിവാ​ഹ​ത്തിൽ ഔദാ​ര്യ​വും ശ്രദ്ധയും പ്രകട​മാ​ക്കി​യ​തി​നാൽ അനുഗൃ​ഹീ​ത​രാ​യി. അങ്ങനെ, അവരുടെ മരുമക്കൾ കടത്തി​ലാ​യില്ല. പകരം, രണ്ടു ദമ്പതി​കൾക്കും അനേക വർഷങ്ങ​ളാ​യി രാജ്യ​സ​ന്ദേശം പ്രചരി​പ്പി​ക്കു​ന്ന​തിൽ മുഴു​സമയ പ്രവർത്ത​ക​രാ​യി തുടരാൻ കഴിഞ്ഞി​രി​ക്കു​ന്നു. പിന്നോ​ട്ടു നോക്കി​ക്കൊണ്ട്‌, ജോസഫ്‌ പറയുന്നു: “ഞാനും കുടും​ബ​വും എടുത്ത തീരു​മാ​നങ്ങൾ സമൃദ്ധ​മായ അനു​ഗ്ര​ഹ​ങ്ങ​ളിൽ കലാശി​ച്ചി​രി​ക്കു​ന്നു. ഇതു മനസ്സി​ലാ​ക്കാ​ത്ത​വ​രിൽനിന്ന്‌ ചില​പ്പോ​ഴൊ​ക്കെ ഏറെ സമ്മർദം നേരിട്ടു എന്നതു സത്യം​തന്നെ, എന്നാൽ എനിക്കു നല്ല മനസ്സാ​ക്ഷി​യുണ്ട്‌, എന്റെ മക്കൾ യഹോ​വ​യു​ടെ സേവന​ത്തിൽ തിര​ക്കോ​ടെ ഏർപ്പെ​ട്ടി​രി​ക്കു​ന്ന​തും ബലിഷ്‌ഠ​രാ​യി​രി​ക്കു​ന്ന​തും കാണു​മ്പോൾ സംതൃ​പ്‌തി​യു​മുണ്ട്‌. അവരും സന്തുഷ്ട​രാണ്‌, ഞാനും ഭാര്യ​യും എന്നത്തെ​ക്കാ​ളും സന്തുഷ്ട​രാണ്‌.”

മറ്റൊരു പ്രയോ​ജനം ഭാര്യാ​ഭർതൃ ബന്ധുക്കൾക്കി​ട​യി​ലെ നല്ല ബന്ധമാണ്‌. ഉദാഹ​ര​ണ​ത്തിന്‌, വാച്ച്‌ ടവർ സൊ​സൈ​റ്റി​യു​ടെ സിംബാ​ബ്‌വേ ബ്രാഞ്ചിൽ സ്വമേ​ധയാ സേവക​രായ സ്സോൻഡി​യു​ടെ​യും സിബൂ​സീ​സോ​യു​ടെ​യും കാര്യം. രണ്ടു​പേ​രു​ടെ​യും ഭാര്യ​മാർ ജഡിക സഹോ​ദ​രി​മാ​രാണ്‌. അവരുടെ അമ്മായി​യ​പ്പ​നായ ദക്കരി ഒരു മുഴു​സമയ സുവി​ശേഷ പ്രവർത്ത​ക​നാണ്‌, വേതനം പറ്റുന്ന​യാൾ അല്ല. പുരു​ഷ​ധനം പറഞ്ഞു​റ​പ്പി​ക്കുന്ന വേളയിൽ, അവരെ​ക്കൊ​ണ്ടാ​കു​ന്നത്‌ തന്നാൽ മതി​യെന്ന്‌ അദ്ദേഹം പറഞ്ഞു. സ്സോൻഡി​യും സിബൂ​സീ​സോ​യും പറയുന്നു: “ഞങ്ങൾക്കു ഞങ്ങളുടെ അമ്മായി​യ​പ്പനെ വല്യ ഇഷ്ടമാണ്‌, അദ്ദേഹ​ത്തിന്‌ എന്ത്‌ ആവശ്യം​വ​ന്നാ​ലും ഞങ്ങളെ​ക്കൊ​ണ്ടാ​കുന്ന വിധം ഞങ്ങൾ സഹായി​ക്കും.”

അതേ, പുരു​ഷധന ചർച്ചാ​വേ​ള​യിൽ ന്യായ​യു​ക്തത പ്രകട​മാ​ക്കു​ന്നത്‌ കുടും​ബ​സ​ന്തു​ഷ്ടി പരിപു​ഷ്ടി​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, അത്‌ നവദമ്പ​തി​കളെ കടത്തി​ലാ​ക്കില്ല, അത്‌ അവരെ വിവാഹ ജീവി​ത​ത്തോട്‌ എളുപ്പം പൊരു​ത്ത​പ്പെ​ടാൻ സഹായി​ക്കു​ന്നു. ഇത്‌ അനേകം യുവദ​മ്പ​തി​കളെ പ്രസംഗ, ശിഷ്യ​രാ​ക്കൽ പോലുള്ള അടിയ​ന്തിര വേലക​ളിൽ മുഴു​സമയ സേവക​രാ​യി പ്രവർത്തി​ക്കാ​നും അങ്ങനെ ആത്മീയ അനു​ഗ്ര​ഹങ്ങൾ ആസ്വദി​ക്കാ​നും പ്രാപ്‌ത​രാ​ക്കി​യി​രി​ക്കു​ന്നു. മാത്ര​മോ, ഇത്‌ വിവാ​ഹ​ത്തി​ന്റെ സ്‌നേ​ഹ​നി​ധി​യായ കാരണ​ഭൂ​ത​നായ യഹോ​വ​യാം ദൈവ​ത്തി​നു മഹത്ത്വ​വും കരേറ്റു​ന്നു.—മത്തായി 24:14; 28:19, 20.

[അടിക്കു​റി​പ്പു​കൾ]

[27-ാം പേജിലെ ചതുരം]

അവർ പുരു​ഷ​ധനം തിരി​ച്ചു​നൽകി

ചില സമുദാ​യ​ങ്ങ​ളിൽ, പുരു​ഷ​ധനം കുറഞ്ഞു​പോ​യാൽ, വധുവും അവളുടെ മാതാ​പി​താ​ക്ക​ളും ആദര​വോ​ടെ വീക്ഷി​ക്ക​പ്പെ​ടു​ന്നില്ല. അങ്ങനെ, അഹങ്കാ​ര​വും കുടുംബ പ്രതാപം പ്രകടി​പ്പി​ക്കാ​നുള്ള ആഗ്രഹ​വും വലിയ തുക ആവശ്യ​പ്പെ​ടാൻ കാരണ​മാ​കു​ന്നു. നൈജീ​രി​യ​യി​ലെ, ലാഗൊ​സി​ലെ ഒരു കുടും​ബം ഇതിനു നേർവി​പ​രീ​ത​മാ​യി, നവോ​ന്മേ​ഷ​പ്ര​ദ​മായ ഒരു മാതൃക വെക്കുന്നു. അവരുടെ മരുമകൻ ഡെലെ വിശദ​മാ​ക്കു​ന്നു:

“പരമ്പരാ​ഗ​ത​മായ പുരു​ഷധന ചടങ്ങു​മാ​യി ബന്ധപ്പെട്ട, ചെല​വേ​റിയ വസ്‌ത്രം​മാ​റൽ ചടങ്ങു​കൾപോ​ലുള്ള പലവിധ ചെലവു​കൾ എന്റെ ഭാര്യാ​വീ​ട്ടു​കാർ എനിക്ക്‌ ഒഴിവാ​ക്കി​ത്തന്നു. എന്റെ കുടും​ബം പുരു​ഷ​ധനം കൊടു​ത്ത​പ്പോൾപ്പോ​ലും, അവരുടെ വക്താവ്‌ ചോദി​ച്ചു: ‘നിങ്ങൾ ഈ പെൺകു​ട്ടി​യെ സ്വീക​രി​ക്കാൻ ആഗ്രഹി​ക്കു​ന്നത്‌ ആരായി​ട്ടാണ്‌, ഭാര്യ​യാ​യി​ട്ടോ പുത്രി​യാ​യി​ട്ടോ?’ എന്റെ കുടും​ബം ഒന്നടങ്കം മറുപടി പറഞ്ഞു: ‘ഞങ്ങൾ ഇവളെ പുത്രി​യാ​യിട്ട്‌ എടുക്കാ​നാണ്‌ ആഗ്രഹി​ക്കു​ന്നത്‌.’ അപ്പോൾ, കൊടുത്ത പുരു​ഷ​ധനം അതേ കവറിൽത്തന്നെ ഞങ്ങൾക്കു തിരി​ച്ചു​ത​രി​ക​യാ​ണു​ണ്ടാ​യത്‌.

“എന്റെ ഭാര്യ​വീ​ട്ടു​കാർ ഞങ്ങളുടെ വിവാഹം നടത്തിയ വിധത്തെ കുറിച്ച്‌ ഓർക്കു​മ്പോൾ എനിക്ക്‌ ഇപ്പോ​ഴും വിലമ​തി​പ്പു തോന്നു​ന്നു. അതു​കൊ​ണ്ടു​തന്നെ എനിക്ക്‌ അവരോ​ടു വലിയ ആദരവാണ്‌. അവർ ശ്രേഷ്‌ഠ​മായ ആത്മീയ വീക്ഷണം പ്രകട​മാ​ക്കി​യ​തി​നാൽ എനിക്ക്‌ അവർ എന്റെ ഏറ്റവും അടുത്ത ബന്ധുക്ക​ളെ​പ്പോ​ലെ​യാണ്‌. ഞാൻ എന്റെ ഭാര്യയെ വീക്ഷി​ക്കുന്ന വിധ​ത്തെ​യും അത്‌ ആഴമായി സ്വാധീ​നി​ച്ചി​രി​ക്കു​ന്നു. അവളുടെ കുടും​ബം എന്നോട്‌ ഇടപെട്ട വിധം നിമിത്തം എനിക്ക്‌ അവളോ​ടു വലിയ വിലമ​തി​പ്പാണ്‌. ഞങ്ങൾക്കി​ട​യിൽ എന്തെങ്കി​ലും വിയോ​ജി​പ്പു​കൾ ഉണ്ടാകു​മ്പോൾ, ഞാൻ അതൊരു പ്രശ്‌ന​മാ​യി​ത്തീ​രാൻ അനുവ​ദി​ക്കാ​റില്ല. അവളുടെ കുടും​ബത്തെ ഓർക്കു​ന്ന​തോ​ടെ, വിയോ​ജി​പ്പി​ന്റെ വീര്യം കുറഞ്ഞു​വ​രും.

“എന്റെയും അവളു​ടെ​യും കുടും​ബങ്ങൾ സൗഹൃദ ബന്ധത്തിൽ സുദൃ​ഢ​മാ​യി​ത്തീർന്നി​രി​ക്കു​ന്നു. ഞങ്ങളുടെ വിവാഹം കഴിഞ്ഞിട്ട്‌ ഇപ്പോൾ രണ്ടുവർഷ​മാ​യി. ഇപ്പോ​ഴും എന്റെ പിതാവ്‌ എന്റെ ഭാര്യ​വീ​ട്ടി​ലേക്കു സമ്മാന​ങ്ങ​ളും ഭക്ഷ്യവ​സ്‌തു​ക്ക​ളും അയച്ചു​കൊ​ടു​ക്കു​ന്നു.”