യോഗ​ങ്ങ​ളിൽ നിന്ന്‌ കൂടുതൽ സന്തോഷം ആർജി​ക്കാ​വുന്ന വിധം

¹ നമ്മുടെ ആത്മീയ ക്ഷേമത്തിന്‌ അത്യന്താ​പേ​ക്ഷി​ത​മാ​ണു യോഗങ്ങൾ. നമുക്ക്‌ അവയിൽനി​ന്നു ലഭിക്കുന്ന സന്തോഷം, യോഗ​ങ്ങൾക്കു മുമ്പും അവ നടക്കുന്ന സമയത്തും അവയ്‌ക്കു ശേഷവും നാം ചെയ്യുന്ന കാര്യ​ങ്ങ​ളോ​ടു നേരിട്ടു ബന്ധപ്പെ​ട്ടി​രി​ക്കു​ന്നു. യോഗ​ങ്ങ​ളിൽ സംബന്ധി​ക്കു​ന്ന​തി​ന്റെ സന്തോഷം ഉയർന്ന അളവിൽ നിലനിർത്താൻ നമ്മെത്ത​ന്നെ​യും മറ്റുള്ള​വ​രെ​യും നമുക്ക്‌ എങ്ങനെ സഹായി​ക്കാ​നാ​കും?

² യോഗ​ങ്ങൾക്കു മുമ്പ്‌: തയ്യാറാ​കൽ യോഗ​ങ്ങ​ളിൽനി​ന്നു നമുക്കു ലഭിക്കുന്ന ആസ്വാ​ദ​നത്തെ നേരിട്ടു ബാധി​ക്കു​ന്നു. നന്നായി തയ്യാറാ​യി വരു​മ്പോൾ, ശ്രദ്ധി​ക്കാ​നും പരിപാ​ടി​ക​ളിൽ പങ്കെടു​ക്കാ​നും നാം കൂടുതൽ ചായ്‌വു​ള്ളവർ ആയിരി​ക്കും. കൂടാതെ, യോഗ​ങ്ങ​ളിൽ നമുക്കു ലഭിക്കുന്ന ഏതൊരു നിയമ​ന​വും നന്നായി തയ്യാറാ​കണം. നിർദേ​ശ​പ്ര​കാ​രം വിവരങ്ങൾ കൃത്യ​മാ​യി അവതരി​പ്പി​ക്കു​ക​യും സദസ്യ​രു​ടെ താത്‌പ​ര്യം പിടി​ച്ചു​നിർത്തു​ക​യും ചെയ്യുക എന്ന ഉദ്ദേശ്യ​ത്തോ​ടെ വേണം അതു ചെയ്യാൻ. നാം നന്നായി പരിശീ​ലി​ക്കണം. സകലർക്കും പ്രയോ​ജ​ന​ക​ര​മായ, സജീവ​വും കെട്ടു​പണി ചെയ്യു​ന്ന​തു​മായ യോഗ​ങ്ങൾക്കു നാം സംഭാവന ചെയ്യു​മ്പോൾ നമ്മുടെ വ്യക്തി​പ​ര​മായ പുരോ​ഗതി പ്രകട​മാ​കും, നാം കൂടുതൽ സന്തോഷം അനുഭ​വി​ക്കു​ക​യും ചെയ്യും.—1 തിമൊ. 4:15, 16.

³ യോഗങ്ങൾ നടക്കു​മ്പോൾ: യോഗ​ങ്ങ​ളിൽ ഉത്തരങ്ങൾ പറയു​ന്നത്‌ അവ കൂടു​ത​ലാ​യി ആസ്വദി​ക്കാൻ നമ്മെ സഹായി​ക്കും. സദസ്യ പങ്കുപ​റ്റ​ലി​നാ​യി നിർദേ​ശി​ച്ചി​രി​ക്കുന്ന ഭാഗങ്ങൾ സഭയിലെ എല്ലാവർക്കു​മുള്ള വ്യക്തിഗത നിയമ​ന​ങ്ങ​ളാ​യി വീക്ഷി​ക്കേ​ണ്ട​താണ്‌. ഹ്രസ്വ​വും കുറിക്കു കൊള്ളു​ന്ന​തു​മായ ഉത്തരങ്ങ​ളാണ്‌ സാധാരണ ഗതിയിൽ ഏറ്റവും ഫലപ്രദം. കെട്ടു​പണി ചെയ്യുന്ന അനുഭ​വങ്ങൾ ഹ്രസ്വ​മാ​യി വിവരി​ക്കു​ന്നത്‌ വളരെ പ്രോ​ത്സാ​ഹ​ജ​ന​ക​വും ഉന്മേഷ​പ്ര​ദ​വും ആയിരു​ന്നേ​ക്കാം. ഉചിത​മാ​യി​രി​ക്കു​മ്പോ​ഴൊ​ക്കെ പരിപാ​ടി​ക​ളിൽ അവ ഉൾപ്പെ​ടു​ത്താൻ ശ്രമി​ക്കണം. (സദൃ. 15:23; പ്രവൃ. 15:3) യോഗ​ത്തിൽ ഒരു പരിപാ​ടി അവതരി​പ്പി​ക്കു​മ്പോൾ, അതിനെ രസകര​വും വാസ്‌ത​വി​ക​വും പ്രാ​യോ​ഗി​ക​വും ആക്കിത്തീർത്തു​കൊണ്ട്‌ ഉത്സാഹ​ത്തോ​ടും ബോധ്യ​ത്തോ​ടും കൂടെ നാം അതു ചെയ്യണം.

⁴ യോഗ​ങ്ങൾക്കു ശേഷം: മറ്റുള്ള​വ​രോ​ടു ദയാപു​ര​സ്സരം സംസാ​രി​ക്കു​ന്ന​തും അവരെ സൗഹൃ​ദ​പ​ര​മാ​യി അഭിവാ​ദനം ചെയ്യു​ന്ന​തും യോഗ​ങ്ങ​ളിൽ പരിചി​ന്തിച്ച മുഖ്യ​മായ ചില ആശയങ്ങൾ അവരു​മാ​യി ചർച്ച ചെയ്യു​ന്ന​തു​മെ​ല്ലാം നമു​ക്കൊ​ക്കെ പ്രയോ​ജനം ചെയ്യുന്ന കാര്യ​ങ്ങ​ളാണ്‌. ചെറു​പ്പ​ക്കാ​രും പ്രായ​മു​ള്ള​വ​രും പുതി​യ​വ​രും പങ്കെടു​ക്കു​ന്നതു കാണു​ന്ന​തി​ലെ നമ്മുടെ സന്തോഷം പ്രകടി​പ്പി​ക്കു​ന്നത്‌ സഹോ​ദ​ര​വർഗ​ത്തോ​ടുള്ള സ്‌നേ​ഹത്തെ ആഴമു​ള്ള​താ​ക്കും. യോഗ​ങ്ങൾക്കു പതിവാ​യി ഹാജരാ​കാ​ത്ത​വ​രോട്‌ വിമർശ​നാ​ത്മ​ക​മാ​യി സംസാ​രി​ക്കു​ന്ന​തി​നു പകരം, യോഗ​ങ്ങ​ളിൽ സംബന്ധി​ക്കു​ന്ന​തി​ന്റെ സന്തോഷം അവരു​മാ​യി പങ്കു​വെ​ച്ചു​കൊണ്ട്‌ അവയിൽ സംബന്ധി​ക്കാൻ അവരെ പ്രോ​ത്സാ​ഹി​പ്പി​ക്കു​ക​യാ​ണു വേണ്ടത്‌.—എബ്രാ. 10:24, 25.

⁵ പരസ്‌പര പ്രോ​ത്സാ​ഹ​ന​ത്തി​നുള്ള ഈ സുപ്ര​ധാന കരുതൽ നമുക്കു നഷ്ടപ്പെ​ടു​ത്താ​തി​രി​ക്കാം. (റോമ. 1:11, 12) മനസ്സാ​ക്ഷി​പൂർവം ആത്മാർഥ​മായ ശ്രമം ചെലു​ത്തി​ക്കൊണ്ട്‌ ക്രിസ്‌തീയ യോഗ​ങ്ങ​ളിൽ സംബന്ധി​ക്കു​ന്ന​തി​ന്റെ സന്തോഷം നമുക്കു നിലനിർത്താൻ കഴിയും.