നിങ്ങൾ അവിടെ ഉണ്ടായി​രി​ക്കു​മോ?

¹ ഒരു ദീർഘ​കാല സാക്ഷി ഒരിക്കൽ ഇങ്ങനെ പറഞ്ഞു: “കൺ​വെൻ​ഷന്റെ ആദ്യദി​വസം ഹാജരാ​കാ​തി​രി​ക്കു​ന്നത്‌ വലി​യൊ​രു നഷ്ടം തന്നെയാണ്‌!” അദ്ദേഹ​ത്തിന്‌ അങ്ങനെ തോന്നി​യത്‌ എന്തു​കൊ​ണ്ടാണ്‌? കാരണം, യഹോ​വ​യു​ടെ സംഘടന നമുക്കാ​യി ഒരുക്കി​യി​രി​ക്കുന്ന സമൃദ്ധ​മായ ആത്മീയ വിരു​ന്നി​ന്റെ ആദ്യദി​ന​മാ​ണത്‌. (യെശ. 25:6) തുടക്കം മുതൽ നാം അവിടെ സന്നിഹി​ത​രാ​യി​രു​ന്നാൽ സങ്കീർത്ത​ന​ക്കാ​രന്റെ പിൻവ​രുന്ന വികാ​ര​ങ്ങ​ളോ​ടു നാം യോജി​ക്കു​ക​യാ​യി​രി​ക്കും: “യഹോ​വ​യു​ടെ ആലയത്തി​ലേക്കു നമുക്കു പോകാം എന്നു അവർ എന്നോടു പറഞ്ഞ​പ്പോൾ ഞാൻ സന്തോ​ഷി​ച്ചു.”—സങ്കീ. 122:1.

² കഴിഞ്ഞ വർഷം, “ദൈവ​ത്തി​ന്റെ പ്രാവ​ച​നിക വചന” ഡിസ്‌ട്രി​ക്‌റ്റ്‌ കൺ​വെൻ​ഷ​നു​ക​ളിൽ ചിലതിൽ ശനിയാ​ഴ്‌ച​യെ​യും ഞായറാ​ഴ്‌ച​യെ​യും അപേക്ഷിച്ച്‌ വെള്ളി​യാഴ്‌ച ഹാജർ വളരെ കുറവാ​യി​രു​ന്നു. ഇതിന്റെ അർഥം പ്രാവ​ച​നിക വചനം സംബന്ധിച്ച്‌ മർമ​പ്ര​ധാ​ന​മായ വിവരങ്ങൾ അവതരി​പ്പിച്ച കൺ​വെൻ​ഷൻ പരിപാ​ടി​കൾ നമ്മുടെ സഹോ​ദ​ര​ങ്ങ​ളിൽ നല്ലൊരു ശതമാനം നഷ്ടമാക്കി എന്നാണ്‌. സഹവി​ശ്വാ​സി​ക​ളു​മാ​യുള്ള സന്തോ​ഷ​ക​ര​മായ സഹവാ​സ​വും അവർക്ക്‌ ആസ്വദി​ക്കാ​നാ​യില്ല.

³ ലൗകിക തൊഴിൽ ഒരു തടസ്സമാ​കാൻ അനുവ​ദി​ക്ക​രുത്‌: തൊഴിൽ നഷ്ടപ്പെ​ടു​മോ എന്ന ഭയം നിമി​ത്ത​മാ​യി​രി​ക്കാം വെള്ളി​യാഴ്‌ച ചിലർ ഹാജരാ​കാ​തി​രു​ന്നത്‌. എങ്കിലും, മുന്ന​മേ​തന്നെ അവധിക്ക്‌ അപേക്ഷി​ക്കു​ന്നെ​ങ്കിൽ തൊഴി​ലു​ട​മകൾ അത്‌ അനുവ​ദി​ക്കു​ന്ന​താ​യി അനേകം സാക്ഷി​ക​ളും കണ്ടെത്തി​യി​ട്ടുണ്ട്‌. എല്ലാ സഭാ​യോ​ഗ​ങ്ങ​ളി​ലും സമ്മേള​ന​ങ്ങ​ളി​ലും സംബന്ധി​ക്കാ​നുള്ള ഒരു പയനിയർ സഹോ​ദ​രി​യു​ടെ ഉറച്ച തീരു​മാ​ന​ത്തിൽ മതിപ്പു തോന്നിയ തൊഴി​ലു​ടമ ഒരു ദിവസത്തെ മുഴു കൺ​വെൻ​ഷൻ പരിപാ​ടി​ക​ളി​ലും സംബന്ധി​ക്കു​ക​യു​ണ്ടാ​യി.

⁴ തൊഴി​ലു​ടമ അവധി തരാൻ സാധ്യ​ത​യി​ല്ലെന്ന്‌ നിങ്ങൾതന്നെ തീരു​മാ​നി​ക്ക​രുത്‌. അല്ലെങ്കിൽ ഒരു ദിവസം കൺ​വെൻ​ഷ​നിൽ സംബന്ധി​ക്കാ​തി​രി​ക്കു​ന്ന​തു​കൊണ്ട്‌ കുഴപ്പ​മൊ​ന്നു​മില്ല എന്നു നിങ്ങൾ വിചാ​രി​ക്ക​രുത്‌. കൺ​വെൻ​ഷ​നിൽ പങ്കെടു​ക്കു​ന്നത്‌ നിങ്ങളു​ടെ ആരാധ​ന​യു​ടെ ഒരു സുപ്ര​ധാന ഭാഗമാ​ണെന്ന്‌ ആത്മാർഥ ബോധ്യ​ത്തോ​ടെ, തിരു​വെ​ഴു​ത്തു​ക​ളിൽനി​ന്നു നയപൂർവം നിങ്ങളു​ടെ തൊഴി​ലു​ട​മയെ കാണി​ച്ചു​കൊ​ടു​ക്കാൻ തയ്യാറാ​യി​രി​ക്കുക. (എബ്രാ. 10:24, 25) എന്നിട്ട്‌, നിങ്ങളു​ടെ ജീവി​ത​ത്തിൽ ആത്മീയ ആവശ്യങ്ങൾ ഒന്നാം സ്ഥാനത്തു വെക്കു​ന്നെ​ങ്കിൽ ഭൗതി​ക​മാ​യ​തെ​ല്ലാം നൽക​പ്പെ​ടു​മെന്നു തിരി​ച്ച​റി​ഞ്ഞു​കൊണ്ട്‌, യഹോ​വ​യു​ടെ വാഗ്‌ദാ​ന​ത്തിൽ പൂർണ വിശ്വാ​സം അർപ്പി​ക്കുക.—മത്താ. 6:33; എബ്രാ. 13:5, 6.

⁵ “കൂടുതൽ പ്രധാ​ന​പ്പെട്ട കാര്യങ്ങ”ളോടുള്ള വിലമ​തി​പ്പാണ്‌ ഉൾപ്പെ​ട്ടി​രി​ക്കുന്ന മുഖ്യ സംഗതി. (ഫിലി. 1:10, 11, NW; സങ്കീ. 27:4) യഹോ​വ​യിൽനി​ന്നുള്ള ഈ ജീവത്‌പ്ര​ധാന കരുത​ലിൽനി​ന്നു പൂർണ പ്രയോ​ജനം നേടാൻ ആവശ്യ​മായ ക്രമീ​ക​ര​ണങ്ങൾ ചെയ്യാൻ ആ വിലമ​തി​പ്പു നമ്മെ പ്രേരി​പ്പി​ക്കും. ഇപ്പോൾത്തന്നെ അതിനുള്ള സുനി​ശ്ചി​ത​മായ ആസൂ​ത്ര​ണങ്ങൾ ചെയ്‌തു​തു​ട​ങ്ങുക, മൂന്നു ദിവസ​വും അവിടെ ഉണ്ടായി​രി​ക്കാൻ നിങ്ങൾ ദൃഢനി​ശ്ചയം ചെയ്യുക!