ദൈവ​വ്യ​വ​സ്ഥകൾ പഠിക്കാൻ മറ്റുള്ള​വരെ സഹായി​ക്കൽ

“നിർബ്ബന്ധം എന്റെ മേൽ കിടക്കു​ന്നു. ഞാൻ സുവി​ശേഷം അറിയി​ക്കു​ന്നില്ല എങ്കിൽ എനിക്കു അയ്യോ കഷ്ടം!”—1 കൊരി​ന്ത്യർ 9:16.

1, 2. (എ) ഏതു ദ്വിമുഖ വേലയിൽ നാം പങ്കെടു​ക്കാ​നാ​ണു യഹോവ ആവശ്യ​പ്പെ​ടു​ന്നത്‌? (ബി) ദൈവ​രാ​ജ്യ​ത്തി​ന്റെ പ്രജക​ളാ​യി​ത്തീ​രാൻ ആത്മാർഥ​ഹൃ​ദയർ എന്തു പഠിക്കണം?

മനുഷ്യ​വർഗ​ത്തി​നാ​യി യഹോ​വ​യ്‌ക്കു സുവാർത്ത​യുണ്ട്‌. അവന്‌ ഒരു രാജ്യ​മുണ്ട്‌, സകലയി​ട​ത്തു​മുള്ള ആളുകൾ അതേക്കു​റി​ച്ചു കേൾക്കാൻ അവൻ ആഗ്രഹി​ക്കു​ന്നു! ആ സുവാർത്ത നാം ഒരിക്കൽ മനസ്സി​ലാ​ക്കി​യാൽപ്പി​ന്നെ, അതു മറ്റുള്ള​വ​രു​മാ​യി പങ്കു​വെ​ക്കാൻ ദൈവം ആവശ്യ​പ്പെ​ടു​ന്നു. അതൊരു ദ്വിമുഖ വേലയാണ്‌. ഒന്നാമത്‌, ദൈവ​രാ​ജ്യ​ത്തെ​ക്കു​റി​ച്ചുള്ള സുവാർത്ത നാം പ്രഘോ​ഷി​ക്കേ​ണ്ട​തുണ്ട്‌. “വ്യവസ്ഥി​തി​യു​ടെ സമാപന”ത്തെക്കു​റി​ച്ചുള്ള [NW] തന്റെ പ്രവച​ന​ത്തിൽ യേശു ഇങ്ങനെ പറഞ്ഞു: “രാജ്യ​ത്തി​ന്റെ ഈ സുവി​ശേഷം സകലജാ​തി​കൾക്കും സാക്ഷ്യ​മാ​യി ഭൂലോ​ക​ത്തിൽ ഒക്കെയും പ്രസം​ഗി​ക്ക​പ്പെ​ടും; അപ്പോൾ അവസാനം വരും.”—മത്തായി 24:3, 14.

² ഈ വേലയു​ടെ രണ്ടാമത്തെ വശത്ത്‌ ഉൾപ്പെ​ട്ടി​രി​ക്കു​ന്നത്‌ രാജ്യ​പ്ര​ഘോ​ഷ​ണ​ത്തോട്‌ അനുകൂ​ല​മാ​യി പ്രതി​ക​രി​ക്കു​ന്ന​വരെ പഠിപ്പി​ക്കു​ന്ന​താണ്‌. തന്റെ പുനരു​ത്ഥാ​ന​ത്തെ​ത്തു​ടർന്നു ശിഷ്യ​ന്മാ​രു​ടെ ഒരു വലിയ കൂട്ട​ത്തോട്‌ യേശു പറഞ്ഞു: “ആകയാൽ നിങ്ങൾ പുറ​പ്പെട്ടു, പിതാ​വി​ന്റെ​യും പുത്ര​ന്റെ​യും പരിശു​ദ്ധാ​ത്മാ​വി​ന്റെ​യും നാമത്തിൽ സ്‌നാനം കഴിപ്പി​ച്ചും ഞാൻ നിങ്ങ​ളോ​ടു കല്‌പി​ച്ചതു ഒക്കെയും പ്രമാ​ണി​പ്പാൻ തക്കവണ്ണം ഉപദേ​ശി​ച്ചും​കൊ​ണ്ടു സകലജാ​തി​ക​ളെ​യും ശിഷ്യ​രാ​ക്കി​ക്കൊൾവിൻ; ഞാനോ ലോകാ​വ​സാ​ന​ത്തോ​ളം എല്ലാനാ​ളും നിങ്ങ​ളോ​ടു​കൂ​ടെ ഉണ്ടു.” (മത്തായി 28:19, 20) ‘ക്രിസ്‌തു കല്‌പിച്ച കാര്യങ്ങൾ’ അവനിൽനിന്ന്‌ ഉരുത്തി​രി​ഞ്ഞ​താ​യി​രു​ന്നില്ല; ദൈവ​ത്തി​ന്റെ കൽപ്പനകൾ അഥവാ വ്യവസ്ഥകൾ പ്രമാ​ണി​ക്കാൻ അവൻ മറ്റുള്ള​വരെ പഠിപ്പി​ച്ചു. (യോഹ​ന്നാൻ 14:23, 24; 15:10) ‘ക്രിസ്‌തു പഠിപ്പിച്ച കാര്യങ്ങൾ പ്രമാ​ണി​ക്കാൻ’ മറ്റുള്ള​വരെ പഠിപ്പി​ക്കു​ന്ന​തിൽ, ദൈവ​വ്യ​വ​സ്ഥകൾ പഠിക്കാൻ അവരെ സഹായി​ക്കു​ന്ന​തും ഉൾപ്പെ​ടു​ന്നു. ദൈവ​രാ​ജ്യ​ത്തി​ന്റെ പ്രജക​ളാ​യി​ത്തീ​രു​ന്ന​തിന്‌ ആത്മാർഥ​ഹൃ​ദയർ അവന്റെ വ്യവസ്ഥ​ക​ളിൽ എത്തി​ച്ചേ​രേ​ണ്ട​തുണ്ട്‌.

3. എന്താണു ദൈവ​രാ​ജ്യം, രാജ്യ​സ​ന്ദേ​ശത്തെ വളരെ നല്ലൊരു സുവാർത്ത​യാ​ക്കുന്ന എന്താണ്‌ അതു നിവർത്തി​ക്കാൻ പോകു​ന്നത്‌?

³ എന്താണു ദൈവ​രാ​ജ്യം? രാജ്യ​സ​ന്ദേ​ശത്തെ വളരെ നല്ലൊരു സുവാർത്ത​യാ​ക്കുന്ന എന്താണ്‌ അതു നിവർത്തി​ക്കാൻ പോകു​ന്നത്‌? ദൈവ​രാ​ജ്യം ഒരു സ്വർഗീയ ഗവൺമെൻറാണ്‌. അതു യഹോ​വ​യു​ടെ ഹൃദയ​ത്തി​നു വളരെ പ്രിയ​ങ്ക​ര​മാണ്‌. കാരണം, അതിലൂ​ടെ​യാണ്‌ അവൻ സകല നിന്ദയും നീക്കി തന്റെ നാമം വിശു​ദ്ധീ​ക​രി​ക്കു​ന്നത്‌. ആ രാജ്യം സ്വർഗ​ത്തി​ലെ​പ്പോ​ലെ ഭൂമി​യി​ലും തന്റെ ഇഷ്ടം നടപ്പാ​ക്കാൻ യഹോവ ഉപയോ​ഗി​ക്കുന്ന ഉപാധി​യാണ്‌. അതു​കൊ​ണ്ടാ​ണു ദൈവ​രാ​ജ്യം വരുന്ന​തി​നാ​യി പ്രാർഥി​ക്കാ​നും അതിനെ നമ്മുടെ ജീവി​ത​ത്തിൽ ഒന്നാമതു വെക്കാ​നും യേശു പഠിപ്പി​ച്ചത്‌. (മത്തായി 6:9, 10, 33) യഹോ​വ​യു​ടെ രാജ്യ​ത്തെ​ക്കു​റിച്ച്‌ നാം മറ്റുള്ള​വരെ പഠിപ്പി​ക്കു​ന്നത്‌ അവനെ സംബന്ധി​ച്ചി​ട​ത്തോ​ളം ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊ​ണ്ടാ​ണെന്നു നിങ്ങൾ മനസ്സി​ലാ​ക്കു​ന്നു​ണ്ടോ?

വെല്ലു​വി​ളി, എന്നാൽ ഭാരമല്ല

4. സുവാർത്ത പ്രസം​ഗി​ക്കാ​നുള്ള നമ്മുടെ കടപ്പാട്‌ ഒരു ഭാരമ​ല്ലെന്ന്‌ എങ്ങനെ ദൃഷ്ടാ​ന്തീ​ക​രി​ക്കാൻ സാധി​ക്കും?

⁴ ഈ സുവാർത്ത പ്രസം​ഗി​ക്കു​ന്നത്‌ ഒരു ഭാരമാ​ണോ? തീർച്ച​യാ​യും അല്ല! അത്‌ ഇങ്ങനെ ദൃഷ്ടാ​ന്തീ​ക​രി​ക്കാം: പിതാ​വായ ഒരാൾക്കു തന്റെ കുടും​ബ​ത്തി​നു വേണ്ടി ഭൗതി​ക​മാ​യി കരുതാ​നുള്ള കടപ്പാ​ടുണ്ട്‌. അതു ചെയ്യു​ന്ന​തി​ലുള്ള പരാജയം ക്രിസ്‌തീയ വിശ്വാ​സം തള്ളിക്ക​ള​യു​ന്ന​തി​നു തുല്യ​മാണ്‌. പൗലൊസ്‌ അപ്പോ​സ്‌തലൻ ഇങ്ങനെ എഴുതി: “തനിക്കു​ള്ള​വർക്കും പ്രത്യേ​കം സ്വന്തകു​ടും​ബ​ക്കാർക്കും വേണ്ടി കരുതാ​ത്തവൻ വിശ്വാ​സം തള്ളിക്ക​ളഞ്ഞു അവിശ്വാ​സി​യെ​ക്കാൾ അധമനാ​യി​രി​ക്കു​ന്നു.” (1 തിമൊ​ഥെ​യൊസ്‌ 5:8) എന്നാൽ ഈ കടപ്പാട്‌ ക്രിസ്‌തീയ പുരു​ഷന്‌ ഒരു ഭാരമാ​ണോ? അയാൾ തന്റെ കുടും​ബത്തെ സ്‌നേ​ഹി​ക്കു​ന്നെ​ങ്കിൽ, അല്ല. കാരണം, ഈ സംഗതി​യിൽ അവർക്കു വേണ്ടി കരുതാൻ അയാൾ ആഗ്രഹി​ക്കു​ന്നു.

5. പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുന്ന വേല ഒരു കടപ്പാ​ടാ​ണെ​ങ്കി​ലും, അതിൽ പങ്കെടു​ക്കു​ന്ന​തിൽ നാം ആനന്ദി​ക്കേ​ണ്ടത്‌ എന്തു​കൊണ്ട്‌?

⁵ സമാന​മാ​യി, പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുന്ന വേല ഒരു കടപ്പാ​ടാണ്‌, ഒരു വ്യവസ്ഥ​യാണ്‌. അതിലാ​ണു നമ്മുടെ ജീവൻതന്നെ ആശ്രയി​ച്ചി​രി​ക്കു​ന്നത്‌. പൗലൊസ്‌ അതേക്കു​റിച്ച്‌ ഇങ്ങനെ പറഞ്ഞു: “നിർബന്ധം എന്റെ മേൽ കിടക്കു​ന്നു. ഞാൻ സുവി​ശേഷം അറിയി​ക്കു​ന്നില്ല എങ്കിൽ എനിക്കു അയ്യോ കഷ്ടം!” (1 കൊരി​ന്ത്യർ 9:16; യെഹെ​സ്‌കേൽ 33:7-9 താരത​മ്യം ചെയ്യുക.) എന്നാൽ, പ്രസം​ഗി​ക്കു​ന്ന​തി​നുള്ള നമ്മുടെ പ്രേര​ക​ഘ​ടകം സ്‌നേ​ഹ​മാണ്‌, വെറും കടമയല്ല. ഒന്നാമത്‌, നാം ദൈവത്തെ സ്‌നേ​ഹി​ക്കു​ന്നു. അതേസ​മയം നാം നമ്മുടെ അയൽക്കാ​രെ​യും സ്‌നേ​ഹി​ക്കു​ന്നു. അവർ സുവാർത്ത കേൾക്കു​ന്നത്‌ എത്ര പ്രധാ​ന​മാ​ണെന്നു നമുക്ക​റി​യാം. (മത്തായി 22:37-39) ദൈവ​രാ​ജ്യം, ഉടൻതന്നെ അനീതി​കൾ നേരെ​യാ​ക്കു​ക​യും സകലവിധ അടിച്ച​മർത്ത​ലു​ക​ളും നീക്കി​ക്ക​ള​യു​ക​യും അതിന്റെ നീതി​നി​ഷ്‌ഠ​മായ ഭരണത്തി​നു കീഴ്‌പെ​ടു​ന്ന​വർക്കു നിത്യാ​നു​ഗ്ര​ഹങ്ങൾ കൊടു​ത്തു​കൊണ്ട്‌ സമാധാ​ന​വും ഐക്യ​വും പുനഃ​സ്ഥാ​പി​ക്കു​ക​യും ചെയ്യു​മെ​ന്ന​തി​നാൽ അത്‌ അവർക്കു ഭാവി സംബന്ധിച്ച്‌ പ്രത്യാശ നൽകുന്നു. അത്തരം സുവാർത്ത മറ്റുള്ള​വ​രു​മാ​യി പങ്കു​വെ​ക്കു​ന്ന​തിൽ നാം ആനന്ദി​ക്കു​ന്നി​ല്ലേ, അതേ, പുളകം കൊള്ളു​ന്നി​ല്ലേ?—സങ്കീർത്തനം 110:3.

6. പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുന്ന വേല വെല്ലു​വി​ളി നിറഞ്ഞ​താ​യി​രി​ക്കു​ന്നത്‌ എന്തു​കൊണ്ട്‌?

⁶ അതേസ​മയം, പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുന്ന ഈ വേല യഥാർഥ വെല്ലു​വി​ളി​യും ഉയർത്തു​ന്നു. ആളുകൾ വ്യത്യസ്‌ത തരക്കാ​രാണ്‌. എല്ലാവർക്കും ഒരേ അഭിരു​ചി​ക​ളോ പ്രാപ്‌തി​ക​ളോ അല്ല ഉള്ളത്‌. ചിലർക്കു നല്ല വിദ്യാ​ഭ്യാ​സ​മുണ്ട്‌. എന്നാൽ മറ്റു ചിലർക്കാ​കട്ടെ, കാര്യ​മായ വിദ്യാ​ഭ്യാ​സ​മൊ​ന്നു​മില്ല. ഒരിക്കൽ ഇഷ്ടപ്പെട്ട ഒരു നേര​മ്പോ​ക്കാ​യി കരുതി​യി​രുന്ന വായന ദുഷ്‌ക​ര​മായ ജോലി​യാ​യി വീക്ഷി​ക്ക​പ്പെ​ടു​ന്നു. “വായി​ക്കാ​ന​റി​യാ​മെ​ങ്കി​ലും അതിൽ താത്‌പ​ര്യ​മി​ല്ലാത്ത അവസ്ഥ അല്ലെങ്കിൽ പ്രകൃതം” എന്നു നിർവ​ചി​ക്ക​പ്പെ​ട്ടി​രി​ക്കുന്ന വായനാ​വി​മു​ഖത, ഉയർന്ന സാക്ഷര​താ​നി​ര​ക്കു​ണ്ടെന്നു വീമ്പി​ള​ക്കുന്ന രാജ്യ​ങ്ങ​ളിൽപോ​ലും വർധി​ച്ചു​വ​രുന്ന ഒരു പ്രശ്‌ന​മാണ്‌. അത്തരം വിഭി​ന്ന​മായ പശ്ചാത്ത​ല​ങ്ങ​ളും അഭിരു​ചി​ക​ളു​മു​ള്ള​വരെ ദൈവം ആവശ്യ​പ്പെ​ടു​ന്ന​തെ​ന്തെന്നു പഠിക്കാൻ നമു​ക്കെ​ങ്ങനെ സഹായി​ക്കാ​നാ​കും?—1 കൊരി​ന്ത്യർ 9:20-23 താരത​മ്യം ചെയ്യുക.

മറ്റുള്ള​വരെ സഹായി​ക്കാൻ ഉചിത​മാ​യി സജ്ജരാ​ക്ക​പ്പെ​ട്ടി​രി​ക്കു​ന്നു

7. ദൈവ​വ്യ​വ​സ്ഥകൾ പഠിക്കാൻ മറ്റുള്ള​വരെ സഹായി​ക്കു​ന്ന​തിന്‌ “വിശ്വ​സ്‌ത​നും വിവേ​കി​യു​മായ അടിമ” നമ്മെ സജ്ജരാ​ക്കി​യി​രി​ക്കു​ന്നത്‌ എങ്ങനെ?

⁷ ശരിയാ​യ​ത​ര​ത്തി​ലുള്ള ഉപകര​ണ​ങ്ങ​ളു​ണ്ടെ​ങ്കിൽ ദുഷ്‌ക​ര​മായ ഒരു ജോലി ചെയ്യാ​നെ​ളു​പ്പ​മാണ്‌. ഒരു ഉപകരണം ഇന്ന്‌ ഒരു പ്രത്യേക ജോലി​ക്കു പറ്റിയ​താ​യി​രി​ക്കാം. എന്നാൽ, മാറി​വ​രുന്ന ആവശ്യ​ങ്ങൾക്ക​നു​സ​രിച്ച്‌ നാളെ അതിനു ഭേദഗതി വരുത്തു​ക​യോ അതിന്റെ സ്ഥാനത്ത്‌ മറ്റൊന്നു വരുക​യോ ചെയ്‌തേ​ക്കാം. ദൈവ​രാ​ജ്യ​ത്തെ​ക്കു​റി​ച്ചുള്ള സന്ദേശം പ്രഘോ​ഷി​ക്കാ​നുള്ള നമ്മുടെ നിയോ​ഗ​ത്തി​ന്റെ കാര്യ​ത്തി​ലും അതു സമാന​മാണ്‌. “വിശ്വ​സ്‌ത​നും വിവേ​കി​യു​മായ അടിമ” വർഷങ്ങ​ളാ​യി ശരിയായ തരത്തി​ലുള്ള ഉപകര​ണങ്ങൾ, ഭവന ബൈബി​ള​ധ്യ​യ​നങ്ങൾ നടത്തു​മ്പോൾ ഉപയോ​ഗി​ക്കു​ന്ന​തി​നു വേണ്ടി പ്രത്യേ​കം രൂപകൽപ്പന ചെയ്‌തി​ട്ടുള്ള പ്രസി​ദ്ധീ​ക​ര​ണങ്ങൾ, നൽകി​യി​ട്ടുണ്ട്‌. (മത്തായി 24:45, NW) അങ്ങനെ, ദൈവ​വ്യ​വ​സ്ഥകൾ പഠിക്കാൻ “സകല ജാതി​ക​ളി​ലും ഗോ​ത്ര​ങ്ങ​ളി​ലും . . . ഭാഷക​ളി​ലും” നിന്നുള്ള ആളുകളെ സഹായി​ക്കാൻ നാം സജ്ജരാണ്‌. (വെളി​പ്പാ​ടു 7:9) ലോക​വ​യ​ലി​ലെ മാറി​വ​രുന്ന ആവശ്യ​ങ്ങൾക്കൊത്ത്‌ കാലാ​കാ​ല​ങ്ങ​ളിൽ പുതിയ ഉപകര​ണങ്ങൾ പ്രദാനം ചെയ്‌തി​രി​ക്കു​ന്നു. ഏതാനും ഉദാഹ​ര​ണങ്ങൾ നമുക്കു പരിചി​ന്തി​ക്കാം.

8. (എ) ബൈബിൾ വിദ്യാ​ഭ്യാ​സം വർധി​പ്പി​ക്കു​ന്ന​തിൽ “ദൈവം സത്യവാൻ” എന്ന പുസ്‌തകം എന്തു പങ്കാണു വഹിച്ചത്‌? (ബി) ബൈബി​ള​ധ്യ​യന വേലയ്‌ക്കുള്ള എന്ത്‌ ഉപകര​ണ​മാണ്‌ 1968-ൽ പ്രദാനം ചെയ്‌തത്‌, അതു പ്രത്യേ​ക​മാ​യി രൂപകൽപ്പന ചെയ്‌തത്‌ എങ്ങനെ? (സി) ശിഷ്യരെ ഉളവാ​ക്കുന്ന വേലയിൽ സത്യം പുസ്‌തകം എങ്ങനെ​യാ​ണു സഹായ​ക​മാ​യി​രു​ന്നത്‌?

⁸ 1946 മുതൽ 1968 വരെ “ദൈവം സത്യവാൻ” എന്ന പുസ്‌തകം ബൈബിൾ വിദ്യാ​ഭ്യാ​സ​ത്തി​നുള്ള ശക്തമായ ഉപകര​ണ​മാ​യി ഉപയോ​ഗി​ച്ചു​പോ​ന്നു. 54 ഭാഷക​ളി​ലാ​യി ഏതാണ്ട്‌ 1,92,50,000 പ്രതികൾ പ്രസി​ദ്ധീ​ക​രി​ക്കു​ക​യു​ണ്ടാ​യി. 1968-ൽ പ്രകാ​ശനം ചെയ്‌ത നിത്യ​ജീ​വ​നി​ലേക്കു നയിക്കുന്ന സത്യം എന്ന പുസ്‌തകം അനേക വർഷങ്ങ​ളോ​ളം താത്‌പ​ര്യ​ക്കാ​രു​മൊ​ത്തു ബൈബിൾ പഠിക്കു​ന്ന​തി​നു ഫലപ്ര​ദ​മാ​യി ഉപയോ​ഗി​ക്കു​ക​യു​ണ്ടാ​യി. മുമ്പ്‌, ചിലർ സ്‌നാ​പ​ന​മേൽക്കാ​തെ യഹോ​വ​യു​ടെ സാക്ഷി​ക​ളോ​ടൊ​ത്തു വർഷങ്ങ​ളോ​ളം പഠിക്കു​ന്നതു സാധാ​ര​ണ​മാ​യി​രു​ന്നു. എന്നാൽ ഈ ഉപകരണം വിദ്യാർഥി​യെ ഉൾപ്പെ​ടു​ത്താ​നും അയാൾ പഠിച്ചു​കൊ​ണ്ടി​രി​ക്കു​ന്നതു ബാധക​മാ​ക്കാൻ പ്രോ​ത്സാ​ഹി​പ്പി​ക്കാ​നും വേണ്ടി രൂപകൽപ്പന ചെയ്‌ത​താ​യി​രു​ന്നു. ഫലമോ? യഹോ​വ​യു​ടെ സാക്ഷികൾ—ദൈവ​രാ​ജ്യ​ത്തി​ന്റെ പ്രഘോ​ഷകർ (ഇംഗ്ലീഷ്‌) എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “1968 സെപ്‌റ്റം​ബർ 1-ന്‌ തുടങ്ങി 1971 ആഗസ്റ്റ്‌ 31-ന്‌ അവസാ​നിച്ച മൂന്നു സേവന​വർഷ​ങ്ങ​ളിൽ മൊത്തം 4,34,906 വ്യക്തി​ക​ളാ​ണു സ്‌നാ​പ​ന​മേ​റ്റത്‌—അതിന്റെ തലേ മൂന്നു സേവന​വർഷ​ങ്ങ​ളി​ലാ​യി സ്‌നാ​പ​ന​മേ​റ്റ​വ​രു​ടെ എണ്ണത്തിന്റെ ഇരട്ടി​യി​ല​ധി​ക​മാ​യി​രു​ന്നു അത്‌!” സത്യം പുസ്‌തകം പ്രകാ​ശനം ചെയ്യ​പ്പെ​ട്ട​തു​മു​തൽ അതിനു വമ്പിച്ച പ്രചാരം ലഭിച്ചു—117 ഭാഷക​ളി​ലാ​യി 10,70,00,000 പ്രതികൾ.

9. എന്നേക്കും ജീവി​ക്കാൻ പുസ്‌ത​ക​ത്തിന്‌ എന്തു പ്രത്യേ​ക​ത​യാ​ണു​ള്ളത്‌, രാജ്യ​പ്ര​ഘോ​ഷ​ക​രിൽ അതിന്‌ എന്തു ഫലമാ​ണു​ണ്ടാ​യി​രു​ന്നത്‌?

⁹ 1982-ൽ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്ന പുസ്‌തകം ബൈബി​ള​ധ്യ​യ​നങ്ങൾ നടത്തു​ന്ന​തി​നുള്ള പ്രാഥ​മിക പുസ്‌ത​ക​മാ​യി​ത്തീർന്നു. ഈ ഉപകര​ണ​ത്തിൽ 150-ലധികം ദൃശ്യ​ചി​ത്ര​ങ്ങ​ളുണ്ട്‌. ചിത്ര​ങ്ങൾക്കൊണ്ട്‌ പഠിപ്പി​ക്കാൻ ഉദ്ദേശി​ക്കുന്ന ആശയം ഹ്രസ്വ​മാ​യി വിശേ​ഷ​വ​ത്‌ക​രി​ക്കുന്ന അർഥവ​ത്തായ ചിത്ര​ക്കു​റി​പ്പു​ക​ളും നൽകി​യി​രി​ക്കു​ന്നു. 1982 ഒക്ടോബർ ലക്കം നമ്മുടെ രാജ്യ ശുശ്രൂഷ (ഇംഗ്ലീഷ്‌) ഇങ്ങനെ പ്രസ്‌താ​വി​ച്ചു: “‘ദൈവം സത്യവാൻ’ നമ്മുടെ പ്രധാന പഠനപു​സ്‌ത​ക​മാ​യി​രുന്ന ഏതാണ്ട്‌ 20 വർഷം​കൊണ്ട്‌ (1946 മുതൽ 1960-കളുടെ മധ്യം വരെ) 10,00,000-ത്തിലധി​കം പുതിയ രാജ്യ​പ്ര​ഘോ​ഷകർ നമ്മുടെ അണിക​ളോ​ടു ചേർക്ക​പ്പെട്ടു. പിന്നീട്‌, 1968-ൽ നിത്യ​ജീ​വ​നി​ലേക്കു നയിക്കുന്ന സത്യം പ്രകാ​ശനം ചെയ്യ​പ്പെ​ട്ട​തി​നെ​ത്തു​ടർന്ന്‌ അതു നമ്മുടെ മുഖ്യ പഠനപു​സ്‌ത​ക​മാ​യ​പ്പോൾ വേറൊ​രു 10,00,000 പ്രസാ​ധകർ കൂടി ചേർക്ക​പ്പെട്ടു. നമ്മുടെ പുതിയ പഠനപു​സ്‌ത​ക​മായ നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും എന്നതിന്റെ ഉപയോ​ഗം​കൊ​ണ്ടു രാജ്യ​പ്ര​സാ​ധ​ക​രു​ടെ അണിക​ളിൽ സമാന​മായ വർധനവു നാം കാണു​മോ? അത്‌ യഹോ​വ​യു​ടെ ഇഷ്ടമെ​ങ്കിൽ, തീർച്ച​യാ​യും!” അത്‌ യഹോ​വ​യു​ടെ ഇഷ്ടമാ​യി​രു​ന്നു​വെന്നു സ്‌പഷ്ടം. കാരണം 1982 മുതൽ 1995 വരെ 27,00,000-ത്തിലധി​കം പേരാണു രാജ്യ​പ്ര​സാ​ധ​ക​രു​ടെ അണിക​ളി​ലേക്കു ചേർക്ക​പ്പെ​ട്ടത്‌!

10. 1995-ൽ പുതിയ എന്ത്‌ ഉപകര​ണ​മാ​ണു പ്രദാനം ചെയ്‌തത്‌, ഏറെക്കു​റെ ത്വരി​ത​ഗ​തി​യിൽ ആത്മീയ പുരോ​ഗതി കൈവ​രി​ക്കാൻ അതു ബൈബിൾ വിദ്യാർഥി​കളെ എങ്ങനെ പ്രാപ്‌ത​മാ​ക്കേ​ണ്ട​താണ്‌?

¹⁰ “കൊയ്‌ത്തു വളരെ ഉണ്ടു സത്യം, വേലക്കാ​രോ ചുരുക്കം” എന്ന്‌ യേശു പറഞ്ഞു. (മത്തായി 9:37) കൊയ്‌ത്തു തീർച്ച​യാ​യും വലുതാണ്‌. ഇനിയും ധാരാളം കാര്യങ്ങൾ ചെയ്യാ​നുണ്ട്‌. ചില ദേശങ്ങ​ളിൽ ബൈബി​ള​ധ്യ​യ​ന​ങ്ങൾക്കു വേണ്ടി ആളുകൾക്കു വെയി​റ്റിങ്‌ ലിസ്റ്റിൽ പേര്‌ നൽകേ​ണ്ടി​വ​രു​ന്നു. അതു​കൊണ്ട്‌ ദൈവ​ത്തെ​ക്കു​റി​ച്ചുള്ള പരിജ്ഞാ​നം വളരെ പെട്ടെ​ന്നു​തന്നെ വ്യാപി​പ്പി​ക്കുക എന്ന ഉദ്ദേശ്യ​ത്തോ​ടെ 1995-ൽ “വിശ്വ​സ്‌ത​നും വിവേ​കി​യു​മായ അടിമ” ഒരു പുതിയ ഉപകരണം പ്രദാനം ചെയ്‌തു—192 പേജുള്ള, നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം എന്ന ശീർഷ​ക​ത്തോ​ടു​കൂ​ടിയ പുസ്‌തകം. ഈ വില​യേ​റിയ ഉപകരണം വ്യാജ​മ​ത​പ​ഠി​പ്പി​ക്ക​ലു​ക​ളെ​ക്കു​റി​ച്ചു വിശദ​മാ​യി ചർച്ച​ചെ​യ്യു​ന്നില്ല. ക്രിയാ​ത്മ​ക​മായ ഒരു വിധത്തിൽ അതു ബൈബിൾ സത്യങ്ങൾ അവതരി​പ്പി​ക്കു​ന്നു. ഏറെക്കു​റെ ത്വരി​ത​ഗ​തി​യിൽ ആത്മീയ പുരോ​ഗതി കൈവ​രി​ക്കാൻ അതു ബൈബിൾ വിദ്യാർഥി​കളെ സഹായി​ക്കു​മെ​ന്നാ​ണു പ്രതീക്ഷ. പരിജ്ഞാ​നം പുസ്‌ത​ക​ത്തിന്‌ ഇപ്പോൾത്തന്നെ ലോക​വ​യ​ലിൽ കാര്യ​മായ പ്രഭാ​വ​മുണ്ട്‌. 125 ഭാഷക​ളി​ലാ​യി 4,55,00,000 പ്രതികൾ അച്ചടി​ച്ചു​ക​ഴി​ഞ്ഞു. കൂടാതെ 21 ഭാഷക​ളി​ലേ​ക്കുള്ള പരിഭാഷ നടന്നു​കൊ​ണ്ടി​രി​ക്കു​ന്നു.

11. നിരക്ഷ​ര​രെ​യോ നന്നായി വായി​ക്കാൻ അറിയാ​ത്ത​വ​രെ​യോ പഠിപ്പി​ക്കു​ന്ന​തി​നു ഫലപ്ര​ദ​മായ എന്ത്‌ ഉപകര​ണ​മാ​ണു പ്രദാനം ചെയ്‌തത്‌, നമ്മുടെ ആഗോള പഠിപ്പി​ക്കൽ പരിപാ​ടി​യിൽ അത്‌ ഒരു ശക്തമായ മുദ്ര പതിപ്പി​ച്ചി​രി​ക്കു​ന്നത്‌ എങ്ങനെ?

¹¹ നിർദി​ഷ്ട​മോ പരിമി​ത​മോ ആയ ആളുകളെ ഉദ്ദേശി​ച്ചുള്ള ഉപകര​ണങ്ങൾ ‘വിശ്വസ്‌ത അടിമ’ ചില​പ്പോ​ഴൊ​ക്കെ പ്രദാനം ചെയ്‌തി​ട്ടുണ്ട്‌. ഉദാഹ​ര​ണ​ത്തിന്‌, തങ്ങളുടെ സാംസ്‌കാ​രി​ക​മോ മതപര​മോ ആയ പശ്ചാത്തലം നിമിത്തം പ്രത്യേക സഹായം ആവശ്യ​മുള്ള ആളുകളെ സംബന്ധി​ച്ചെന്ത്‌? ദൈവ​വ്യ​വ​സ്ഥകൾ പഠിക്കാൻ നമുക്ക​വരെ എങ്ങനെ സഹായി​ക്കാ​നാ​കും? നമുക്ക്‌ ആവശ്യ​മു​ണ്ടാ​യി​രു​ന്നത്‌ 1982-ൽ നമുക്കു ലഭിച്ചു—32 പേജുള്ള, ഭൂമി​യിൽ എന്നേക്കും ജീവിതം ആസ്വദി​ക്കുക! എന്ന ലഘുപ​ത്രിക. നിരക്ഷ​ര​രോ നന്നായി വായി​ക്കാൻ അറിയാ​ത്ത​വ​രോ ആയ ആളുകളെ പഠിപ്പി​ക്കു​ന്ന​തിൽ ഫലപ്ര​ദ​മായ ഒരു ഉപകര​ണ​മാ​ണെന്നു തെളിഞ്ഞു ധാരാളം ചിത്ര​ങ്ങ​ളുള്ള ഈ പ്രസി​ദ്ധീ​ക​രണം. വളരെ ലളിത​വും മനസ്സി​ലാ​ക്കാൻ എളുപ്പ​വു​മായ വിധത്തിൽ അടിസ്ഥാന തിരു​വെ​ഴു​ത്തു പഠിപ്പി​ക്ക​ലു​കൾ അതിൽ കൊടു​ത്തി​രി​ക്കു​ന്നു. പ്രകാ​ശനം ചെയ്യ​പ്പെ​ട്ട​തു​മു​തൽ ഭൂമി​യിൽ ജീവിതം ലഘുപ​ത്രിക നമ്മുടെ ആഗോള പഠിപ്പി​ക്കൽ പരിപാ​ടി​യിൽ ഒരു ശക്തമായ മുദ്ര​തന്നെ പതിപ്പി​ച്ചി​രി​ക്കു​ന്നു. 239 ഭാഷക​ളി​ലാ​യി അതിന്റെ 10,51,00,000 പ്രതി​ക​ളി​ല​ധി​കം അച്ചടി​ച്ചു​ക​ഴി​ഞ്ഞു. അങ്ങനെ അത്‌ ഇന്നോളം വാച്ച്‌ ടവർ സൊ​സൈറ്റി ഉത്‌പാ​ദി​പ്പിച്ച്‌ ഏറ്റവും വ്യാപ​ക​മാ​യി പരിഭാ​ഷ​പ്പെ​ടു​ത്തി​യി​രി​ക്കുന്ന പ്രസി​ദ്ധീ​ക​ര​ണ​മാ​യി​ത്തീർന്നി​രി​ക്കു​ന്നു!

12, 13. (എ) വിദൂ​ര​വ്യാ​പ​ക​മാ​യുള്ള ആളുക​ളു​ടെ പക്കൽ എത്തി​ച്ചേ​രു​ന്ന​തിന്‌ ‘വിശ്വ​സ്‌ത​നായ അടിമ’ 1990 മുതൽ ഏതു നൂതന മാർഗം പ്രദാനം ചെയ്‌തി​രി​ക്കു​ന്നു? (ബി) സൊ​സൈ​റ്റി​യു​ടെ വീഡി​യോ​കൾ നമ്മുടെ വയൽശു​ശ്രൂ​ഷ​യിൽ എങ്ങനെ ഉപയോ​ഗി​ക്കാ​വു​ന്ന​താണ്‌? (സി) ശിഷ്യ​രാ​ക്കൽവേ​ല​യിൽ നമ്മെ സഹായി​ക്കാൻ എന്തു പുതിയ ഉപകര​ണ​മാണ്‌ അടുത്ത​കാ​ലത്തു പ്രദാനം ചെയ്‌തി​രി​ക്കു​ന്നത്‌?

¹² അച്ചടിച്ച പ്രസി​ദ്ധീ​ക​ര​ണ​ങ്ങൾക്കു പുറമേ, 1990 മുതൽ ‘വിശ്വ​സ്‌ത​നായ അടിമ’ വിദൂ​ര​വ്യാ​പ​ക​മായ ആളുക​ളു​ടെ പക്കൽ എത്തി​ച്ചേ​രു​ന്ന​തിന്‌ ഒരു പുതിയ വഴി പ്രദാനം ചെയ്യുന്ന പ്രബോ​ധ​ന​മാർഗം നമുക്കു നൽകി​യി​രി​ക്കു​ന്നു—അതാണ്‌ വീഡി​യോ കാസെ​റ്റു​കൾ. ആ വർഷം ഒക്ടോ​ബ​റിൽ, വാച്ച്‌ ടവർ സൊ​സൈറ്റി ആദ്യമാ​യി നിർമിച്ച 55 മിനി​റ്റുള്ള, യഹോ​വ​യു​ടെ സാക്ഷികൾ—ആ നാമത്തി​നു പിമ്പിലെ സ്ഥാപനം (ഇംഗ്ലീഷ്‌) എന്ന വീഡി​യോ പ്രകാ​ശനം ചെയ്‌തു. മനോ​ഹ​ര​വും വിജ്ഞാ​ന​പ്ര​ദ​വു​മായ ആ വീഡി​യോ ഏതാണ്ട്‌ 35 ഭാഷക​ളിൽ ഇപ്പോൾ ലഭ്യമാണ്‌. മുഴു ഭൂമി​യി​ലും സുവാർത്ത പ്രഘോ​ഷി​ക്കാ​നുള്ള യേശു​വി​ന്റെ കൽപ്പന നിവർത്തി​ക്കുന്ന, യഹോ​വ​യു​ടെ അർപ്പിത ജനത്തിന്റെ ലോക​വ്യാ​പക സ്ഥാപനത്തെ അതു കാട്ടി​ത്ത​രു​ന്നു. ശിഷ്യ​രാ​ക്കൽവേ​ല​യിൽ നമ്മെ സഹായി​ക്കാൻ പ്രത്യേ​ക​മാ​യി രൂപകൽപ്പന ചെയ്‌ത​താണ്‌ ആ വീഡി​യോ. വയൽശു​ശ്രൂ​ഷ​യിൽ ഈ പുതിയ ഉപകരണം ഉപയോ​ഗി​ക്കു​ന്ന​തിൽ രാജ്യ​പ്ര​സാ​ധകർ സമയം പാഴാ​ക്കി​യില്ല. താത്‌പ​ര്യ​മു​ള്ള​വരെ കാണി​ക്കാ​നോ അവർക്കു കടമായി നൽകാ​നോ സന്നദ്ധരാ​യി ചിലർ അതു തങ്ങളുടെ പുസ്‌ത​ക​ബാ​ഗിൽ കൊണ്ടു​ന​ടന്നു. അതിന്റെ പ്രകാ​ശ​ന​ത്തി​നു​ശേഷം താമസി​യാ​തെ ഒരു സഞ്ചാര​മേൽവി​ചാ​രകൻ ഇങ്ങനെ എഴുതി: “ലക്ഷക്കണ​ക്കി​നു വ്യക്തി​ക​ളു​ടെ മനസ്സി​ലും ഹൃദയ​ത്തി​ലും എത്തി​ച്ചേ​രു​ന്ന​തി​നുള്ള 21-ാം നൂറ്റാ​ണ്ടി​ന്റെ മാർഗ​മാ​യി​ത്തീർന്നി​രി​ക്കു​ന്നു വീഡി​യോ​കൾ. അതു​കൊണ്ട്‌ ലോക​വ്യാ​പക രാജ്യ​വേല ഉന്നമി​പ്പി​ക്കു​ന്ന​തി​നാ​യി സൊ​സൈറ്റി ഉപയോ​ഗി​ക്കാൻ പോകുന്ന അനേകം വീഡി​യോ​ക​ളിൽ ആദ്യ​ത്തേതു മാത്ര​മാ​യി​രി​ക്കും ഈ വീഡി​യോ എന്നാണു ഞങ്ങളുടെ പ്രത്യാശ.” തീർച്ച​യാ​യും, മൂന്നു ഭാഗങ്ങ​ളുള്ള പരമ്പര​യായ ബൈബിൾ—വസ്‌തു​ത​യു​ടെ​യും പ്രവച​ന​ത്തി​ന്റെ​യും ഒരു പുസ്‌തകം, യഹോ​വ​യു​ടെ സാക്ഷികൾ നാസി ആക്രമ​ണ​ത്തി​നെ​തി​രെ ഉറച്ചു​നിൽക്കു​ന്നു എന്നിവ ഉൾപ്പെടെ അനേകം വീഡി​യോ​കൾ സൊ​സൈറ്റി പ്രദാനം ചെയ്‌തി​ട്ടുണ്ട്‌. സൊ​സൈ​റ്റി​യു​ടെ വീഡി​യോ​കൾ നിങ്ങളു​ടെ ഭാഷയിൽ ലഭ്യമാ​ണെ​ങ്കിൽ, വയൽശു​ശ്രൂ​ഷ​യിൽ നിങ്ങളവ ഉപയോ​ഗ​പ്പെ​ടു​ത്തി​യി​ട്ടു​ണ്ടോ?a

¹³ ശിഷ്യ​രാ​ക്കൽവേ​ല​യിൽ നമ്മെ സഹായി​ക്കാൻ അടുത്ത കാലത്ത്‌ ഒരു പുതിയ ഉപകരണം, ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രിക ലഭിക്കു​ക​യു​ണ്ടാ​യി. അതു പ്രസി​ദ്ധീ​ക​രി​ച്ച​തി​ന്റെ കാരണ​മെ​ന്താ​യി​രു​ന്നു? അത്‌ എങ്ങനെ ഉപയോ​ഗി​ക്കാ​വു​ന്ന​താണ്‌?

ഒരു പുതിയ ഉപകരണം പരി​ശോ​ധി​ക്കൽ

14, 15. ആർക്കു വേണ്ടി​യാണ്‌ ആവശ്യം ലഘുപ​ത്രിക തയ്യാറാ​ക്കി​യി​രി​ക്കു​ന്നത്‌, അതിൽ എന്ത്‌ അടങ്ങി​യി​രി​ക്കു​ന്നു?

¹⁴ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന പുതിയ പ്രസി​ദ്ധീ​ക​രണം ദൈവ​ത്തിൽ വിശ്വ​സി​ക്കു​ക​യും ബൈബി​ളി​നെ ആദരി​ക്കു​ക​യും ചെയ്യുന്ന ആളുകളെ ഉദ്ദേശി​ച്ചു​കൊ​ണ്ടു​ള്ള​താണ്‌. വികസ്വ​ര​നാ​ടു​ക​ളിൽ അനേക​വർഷത്തെ അനുഭ​വ​പ​രി​ച​യ​മുള്ള സഞ്ചാര​മേൽവി​ചാ​ര​ക​ന്മാ​രും ഗിലെ​യാദ്‌ മിഷന​റി​മാ​രും ഈ ലഘുപ​ത്രിക തയ്യാറാ​ക്കു​ന്ന​തിൽ സഹായി​ച്ചി​ട്ടുണ്ട്‌. അത്‌, അടിസ്ഥാന ബൈബിൾ പഠിപ്പി​ക്ക​ലു​കൾ അടങ്ങുന്ന ഒരു സമ്പൂർണ പഠനപ​ദ്ധ​തി​യാ​യി വർത്തി​ക്കു​ന്നു. ഊഷ്‌മ​ള​വും ലളിത​വും നേരി​ട്ടു​ള്ള​തു​മായ വിധത്തി​ലാ​ണു വാക്കുകൾ കൊടു​ത്തി​രി​ക്കു​ന്നത്‌. അതേസ​മയം, പാഠഭാ​ഗത്തെ ലാഘവ​ത്തോ​ടെ അവതരി​പ്പി​ക്കു​ന്നില്ല. അതു പ്രദാനം ചെയ്യു​ന്നതു “പാല”ല്ല, പിന്നെ​യോ മിക്കയാ​ളു​കൾക്കും മനസ്സി​ലാ​കുന്ന വിധത്തിൽ ദൈവ​വ​ച​ന​ത്തിൽനി​ന്നുള്ള “കട്ടിയാ​യുള്ള ആഹാര”മാണ്‌.—എബ്രായർ 5:12-14.

¹⁵ അടുത്ത​കാ​ല​ത്താ​യി പല ദേശങ്ങ​ളി​ലു​മുള്ള രാജ്യ​പ്ര​സാ​ധകർ അത്തര​മൊ​രു പ്രസി​ദ്ധീ​ക​ര​ണ​ത്തി​നുള്ള ആവശ്യ​മു​ന്ന​യി​ച്ചി​രി​ക്കു​ക​യാണ്‌. ഉദാഹ​ര​ണ​ത്തിന്‌, പാപ്പുവാ ന്യൂഗി​നി​യി​ലുള്ള വാച്ച്‌ ടവർ സൊ​സൈ​റ്റി​യു​ടെ ബ്രാഞ്ച്‌ ഓഫീസ്‌ ഇങ്ങനെ എഴുതി: “പരസ്‌പ​ര​വി​രു​ദ്ധ​മായ മതപഠി​പ്പി​ക്ക​ലു​കൾ നിമിത്തം ആളുകൾക്ക്‌ ആശയക്കു​ഴ​പ്പ​മാണ്‌. അവർക്ക്‌ അനേകം തിരു​വെ​ഴു​ത്തു​വാ​ക്യ​ങ്ങ​ളു​ടെ പിന്തു​ണ​യുള്ള സത്യത്തി​ന്റെ സംക്ഷി​പ്‌ത​മായ പ്രസ്‌താ​വ​ന​ക​ളാണ്‌ ആവശ്യം. ആ വാക്യങ്ങൾ അവർക്കു സ്വന്തം ബൈബി​ളിൽ എടുത്തു​നോ​ക്കാൻ സാധി​ക്കും. സത്യ​ക്രി​സ്‌ത്യാ​നി​ക​ളിൽനി​ന്നു ദൈവം ആവശ്യ​പ്പെ​ടുന്ന കാര്യ​ങ്ങ​ളും അവന്‌ അസ്വീ​കാ​ര്യ​മാ​യി​രി​ക്കുന്ന ആചാരാ​നു​ഷ്‌ഠാ​ന​ങ്ങ​ളും സംബന്ധിച്ച വ്യക്തവും നിർദി​ഷ്ട​വു​മായ അവതര​ണ​മാണ്‌ അവർക്ക്‌ ആവശ്യം.” ദൈവ​വ്യ​വ​സ്ഥകൾ പഠിക്കാൻ അത്തരക്കാ​രെ നമുക്കു സഹായി​ക്കാൻ പറ്റിയ ഒന്നുത​ന്നെ​യാണ്‌ ആവശ്യം ലഘുപ​ത്രിക.

16. (എ) പുതിയ ലഘുപ​ത്രി​ക​യിൽ കൊടു​ത്തി​രി​ക്കുന്ന ലളിത​മായ വിശദീ​ക​ര​ണ​ങ്ങ​ളിൽനി​ന്നു പ്രത്യേ​കിച്ച്‌ ആർക്കു പ്രയോ​ജനം നേടാ​വു​ന്ന​താണ്‌? (ബി) നിങ്ങളു​ടെ പ്രദേ​ശ​ത്തു​ള്ളവർ ആവശ്യം ലഘുപ​ത്രി​ക​യിൽനിന്ന്‌ എങ്ങനെ പ്രയോ​ജനം നേടി​യേ​ക്കാം?

¹⁶ ഈ പുതിയ ഉപകരണം എങ്ങനെ ഉപയോ​ഗി​ക്കാ​വു​ന്ന​താണ്‌? ഒന്നാമ​താ​യി, വായി​ക്കാൻ ബുദ്ധി​മു​ട്ടു​ള്ള​വ​രോ വായി​ക്കാൻ താത്‌പ​ര്യ​മി​ല്ലാ​ത്ത​വ​രോ ആയ ആളുക​ളോ​ടൊ​ത്തു പഠിക്കാൻ ഇത്‌ ഉപയോ​ഗി​ക്കാ​വു​ന്ന​താണ്‌.b ഈ ലഘുപ​ത്രി​ക​യിൽ കൊടു​ത്തി​രി​ക്കുന്ന ലളിത​മായ വിശദീ​ക​ര​ണ​ങ്ങ​ളിൽനിന്ന്‌ അത്തരം വ്യക്തി​കൾക്കു പ്രയോ​ജനം നേടാ​നാ​കും. ഈ പ്രസി​ദ്ധീ​ക​ര​ണ​ത്തി​ന്റെ ഒരു മുൻകൂർ കോപ്പി പുനര​വ​ലോ​കനം ചെയ്‌ത​ശേഷം വാച്ച്‌ ടവർ ബ്രാഞ്ചു​കൾ പിൻവ​രു​ന്ന​പ്ര​കാ​രം എഴുതി: “ഈ രാജ്യത്ത്‌ കാര്യ​മാ​യി വായി​ക്കാൻ താത്‌പ​ര്യ​മി​ല്ലാത്ത ആളുക​ളുള്ള പല ഭാഗങ്ങ​ളി​ലും ഈ ലഘുപ​ത്രിക വളരെ ഉപയോ​ഗ​പ്ര​ദ​മാ​യി​രി​ക്കും.” (ബ്രസീൽ) “തങ്ങളുടെ പ്രാ​ദേ​ശിക ഭാഷ വായി​ക്കാ​ന​റി​യാ​ത്ത​വ​രും ഫ്രഞ്ചു വായി​ക്കു​ന്ന​തിൽ കുറെ​യൊ​ക്കെ ബുദ്ധി​മു​ട്ടു​ള്ള​വ​രു​മായ കുടി​യേ​റി​പ്പാർത്ത അനേക​രുണ്ട്‌. അത്തരക്കാ​രു​മൊ​ത്തു പഠിക്കു​ന്ന​തിൽ ഈ ലഘുപ​ത്രിക ഒരു സഹായ​മാ​യേ​ക്കും.” (ഫ്രാൻസ്‌) ആവശ്യം ലഘുപ​ത്രി​ക​യിൽനി​ന്നു പ്രയോ​ജനം നേടി​യേ​ക്കാ​വുന്ന നിങ്ങളു​ടെ പ്രദേ​ശ​ത്തു​ള്ള​വ​രെ​ക്കു​റി​ച്ചു ചിന്തി​ക്കാൻ നിങ്ങൾക്കു കഴിയു​ന്നു​ണ്ടോ?

17. പുതിയ ലഘുപ​ത്രിക അനേകം ദേശങ്ങ​ളി​ലും എങ്ങനെ ഉപയോ​ഗി​ക്കാ​വു​ന്ന​താണ്‌, എന്തു​കൊണ്ട്‌?

¹⁷ രണ്ടാമ​താ​യി, ആളുകൾ എത്ര വിദ്യാ​സ​മ്പ​ന്ന​രാ​ണെ​ങ്കി​ലും ദൈവ​ഭ​യ​മു​ള്ള​വ​രാ​ണെ​ങ്കിൽ അവരു​മാ​യി ബൈബി​ള​ധ്യ​യ​നങ്ങൾ നടത്തു​ന്ന​തി​നു പല നാടു​ക​ളി​ലും ഈ ലഘുപ​ത്രിക ഉപയോ​ഗ​പ്ര​ദ​മാ​യി​രി​ക്കാം. നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം പുസ്‌ത​ക​മു​പ​യോ​ഗിച്ച്‌ അധ്യയനം തുടങ്ങു​ന്ന​തി​നു തീർച്ച​യാ​യും ശ്രമി​ക്കേ​ണ്ട​തുണ്ട്‌. എന്നാൽ ചില കേസു​ക​ളിൽ, ഒരു ലഘുപ​ത്രിക ഉപയോ​ഗിച്ച്‌ അധ്യയനം തുടങ്ങുക കൂടുതൽ എളുപ്പ​മാ​യി​രി​ക്കാം. എന്നിട്ട്‌, ഉചിത​മായ ഒരു സമയത്ത്‌ അധ്യയനം, നമ്മുടെ പ്രാഥ​മി​ക​വും അഭില​ഷ​ണീ​യ​വു​മായ അധ്യയന സഹായി​യായ പരിജ്ഞാ​നം പുസ്‌ത​ക​ത്തി​ലേക്കു മാറ്റേ​ണ്ട​താണ്‌. ആവശ്യം ലഘുപ​ത്രി​ക​യു​ടെ ഈ ഉപയോ​ഗ​ത്തെ​ക്കു​റി​ച്ചു വാച്ച്‌ ടവർ ബ്രാഞ്ചു​കൾ എഴുതി: “ബൈബി​ള​ധ്യ​യ​നങ്ങൾ തുടങ്ങുക ബുദ്ധി​മു​ട്ടാണ്‌. പ്രസാ​ധകർ ലഘുപ​ത്രിക ഉപയോ​ഗി​ക്കു​മ്പോൾ അധ്യയനം തുടങ്ങാ​നുള്ള സാധ്യ​തകൾ കൂടുതൽ മെച്ചമാ​ണെന്നു തോന്നു​ന്നു.” (ജർമനി) “പുതിയ ബൈബി​ള​ധ്യ​യ​നങ്ങൾ തുടങ്ങു​ന്ന​തിൽ ഇതു​പോ​ലുള്ള ഒരു ലഘുപ​ത്രിക അങ്ങേയറ്റം ഫലപ്ര​ദ​മാണ്‌. എന്നിട്ട്‌ അത്‌ പരിജ്ഞാ​നം പുസ്‌തകം ഉപയോ​ഗി​ച്ചു തുടരാ​വു​ന്ന​താണ്‌.” (ഇറ്റലി) “ജപ്പാൻകാർക്ക്‌ ഉയർന്ന അളവി​ലുള്ള വിദ്യാ​ഭ്യാ​സ​മു​ണ്ടെ​ങ്കി​ലും, മിക്കവർക്കും ബൈബി​ളി​നെ​ക്കു​റി​ച്ചോ അതിന്റെ അടിസ്ഥാന പഠിപ്പി​ക്ക​ലു​ക​ളെ​ക്കു​റി​ച്ചോ വളരെ പരിമി​ത​മായ അറിവേ ഉള്ളൂ. ഈ ലഘുപ​ത്രിക പരിജ്ഞാ​നം പുസ്‌ത​ക​ത്തി​ലേ​ക്കുള്ള ഒരു നല്ല ചവിട്ടു​പ​ടി​യാ​യി​രി​ക്കണം.”—ജപ്പാൻ.

18. ദൈവ​വ്യ​വ​സ്ഥ​ക​ളിൽ എത്തി​ച്ചേ​രു​ന്നതു സംബന്ധിച്ച്‌ നാം എന്ത്‌ ഓർമി​ക്കേ​ണ്ട​താണ്‌?

¹⁸ ലോക​മെ​മ്പാ​ടു​മുള്ള സൊ​സൈ​റ്റി​യു​ടെ ബ്രാഞ്ചു​കൾ ഈ ലഘുപ​ത്രി​ക​യ്‌ക്കു വേണ്ടി അപേക്ഷി​ച്ചു. അത്‌ 221 ഭാഷക​ളി​ലേക്കു വിവർത്തനം ചെയ്യു​ന്ന​തി​നുള്ള അനുമതി നൽകി​യി​ട്ടുണ്ട്‌. യഹോ​വ​യാം ദൈവം തങ്ങളിൽനിന്ന്‌ ആവശ്യ​പ്പെ​ടു​ന്നത്‌ എന്തെന്നു പഠിക്കാൻ മറ്റുള്ള​വരെ സഹായി​ക്കു​ന്ന​തിൽ ഈ പുതിയ പ്രസി​ദ്ധീ​ക​രണം അമൂല്യ​മാ​ണെന്നു തെളി​യട്ടെ. പ്രസം​ഗി​ക്കാ​നും ശിഷ്യരെ ഉളവാ​ക്കാ​നു​മുള്ള കൽപ്പന ഉൾപ്പെടെ നാം ദൈവ​വ്യ​വ​സ്ഥ​ക​ളിൽ എത്തി​ച്ചേ​രു​ന്നത്‌, നാം യഹോ​വയെ എത്രമാ​ത്രം സ്‌നേ​ഹി​ക്കു​ന്നു​വെന്ന്‌ അവനു കാണി​ച്ചു​കൊ​ടു​ക്കാൻ വില​യേ​റിയ ഒരു അവസരം നൽകു​ന്നു​വെന്നു നമുക്ക്‌ ഓർമി​ക്കാം. അതേ, ദൈവം നമ്മിൽനിന്ന്‌ ആവശ്യ​പ്പെ​ടു​ന്നത്‌ ഭാരമു​ള്ളതല്ല. ജീവി​ക്കേണ്ട ഉത്തമമായ മാർഗ​മാ​ണത്‌!—സങ്കീർത്തനം 19:7-11.

[അടിക്കു​റി​പ്പു​കൾ]

നിങ്ങൾക്കു വിശദീ​ക​രി​ക്കാ​മോ?

◻ ഏതു ദ്വിമുഖ വേലയിൽ പങ്കെടു​ക്കാ​നാ​ണു യഹോവ തന്റെ ദാസന്മാ​രോട്‌ ആവശ്യ​പ്പെ​ടു​ന്നത്‌?

◻ പ്രസം​ഗി​ക്കാ​നും ശിഷ്യരെ ഉളവാ​ക്കാ​നു​മുള്ള നമ്മുടെ കടപ്പാട്‌ നമ്മെ സംബന്ധി​ച്ചി​ട​ത്തോ​ളം ഭാരമു​ള്ള​ത​ല്ലാ​ത്തത്‌ എന്തു​കൊണ്ട്‌?

◻ പ്രസം​ഗി​ക്കു​ക​യും ശിഷ്യരെ ഉളവാ​ക്കു​ക​യും ചെയ്യുന്ന വേലയി​ലെ നമ്മുടെ ഉപയോ​ഗ​ത്തി​നാ​യി “വിശ്വ​സ്‌ത​നും വിവേ​കി​യു​മായ അടിമ” എന്തെല്ലാം ഉപകര​ണങ്ങൾ പ്രദാനം ചെയ്‌തി​രി​ക്കു​ന്നു?

◻ ആർക്കു വേണ്ടി​യാണ്‌ ആവശ്യം ലഘുപ​ത്രിക രൂപകൽപ്പന ചെയ്‌തി​രി​ക്കു​ന്നത്‌, നമ്മുടെ ശുശ്രൂ​ഷ​യിൽ അത്‌ എങ്ങനെ ഉപയോ​ഗി​ക്കാം?

[24-ാം പേജിലെ ചിത്രം]

പ്രസംഗിക്കുകയും ശിഷ്യരെ ഉളവാ​ക്കു​ക​യും ചെയ്യുന്ന വേല ഭാരമു​ള്ള​തല്ല

[26-ാം പേജിലെ ചിത്രങ്ങൾ]

“ദൈവം സത്യവാൻ” (1946, പരിഷ്‌ക​രി​ച്ചത്‌ 1952-ൽ): 54 ഭാഷക​ളി​ലാ​യി 1,92,50,000 എണ്ണം (കാണി​ച്ചി​രി​ക്കു​ന്നത്‌ ഇംഗ്ലീഷ്‌)

“നിത്യ​ജീ​വ​നി​ലേക്കു നയിക്കുന്ന സത്യം” (1968): 117 ഭാഷക​ളി​ലാ​യി 10,70,00,000 എണ്ണം (കാണി​ച്ചി​രി​ക്കു​ന്നത്‌ ഫ്രഞ്ച്‌)

“നിങ്ങൾക്കു ഭൂമി​യി​ലെ പറുദീ​സ​യിൽ എന്നേക്കും ജീവി​ക്കാൻ കഴിയും” (1982): 130 ഭാഷക​ളി​ലാ​യി 8,09,00,000 എണ്ണം (കാണി​ച്ചി​രി​ക്കു​ന്നത്‌ റഷ്യൻ)

“നിത്യ​ജീ​വ​നി​ലേക്കു നയിക്കുന്ന പരിജ്ഞാ​നം” (1995): 125 ഭാഷക​ളി​ലാ​യി 4,55,00,000 എണ്ണം (കാണി​ച്ചി​രി​ക്കു​ന്നത്‌ ജർമൻ)