വിശുദ്ധ അരുള​പ്പാ​ടു​കൾക്ക്‌ ശ്രദ്ധ കൊടു​പ്പിൻ

¹ മനുഷ്യർ പറയുന്ന എല്ലാ കാര്യ​ങ്ങ​ളും സവിശേഷ ശ്രദ്ധ അർഹി​ക്കു​ന്നില്ല. എന്നാൽ, ദൈവം സംസാ​രി​ക്കു​മ്പോൾ ശ്രദ്ധ കൊടു​ക്കേ​ണ്ടത്‌ അടിയ​ന്തി​ര​മാണ്‌. (ആവ. 28:1, 2) സന്തോ​ഷ​ക​ര​മെന്നു പറയട്ടെ, നിശ്വസ്‌ത എഴുത്തു​കാർ ‘ദൈവ​ത്തി​ന്റെ വിശുദ്ധ അരുള​പ്പാ​ടു​കൾ’ നമ്മുടെ പ്രയോ​ജ​ന​ത്തി​നാ​യി രേഖ​പ്പെ​ടു​ത്തി വെച്ചി​രി​ക്കു​ന്നു. (റോമ. 3:2) ഈ അരുള​പ്പാ​ടു​കൾ വായിച്ച്‌ ചർച്ച ചെയ്യു​ന്നത്‌ ശ്രദ്ധി​ക്കു​ന്ന​തി​നുള്ള അമൂല്യ അവസരങ്ങൾ ഈ വരുന്ന ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ നമുക്കു ലഭിക്കും. പ്രത്യേ​കാൽ ശ്രദ്ധയു​ള്ള​വ​രാ​യി​രി​ക്കാൻ നിങ്ങൾക്ക്‌ എങ്ങനെ കഴിയും?

² ദിവസവും നേരത്തേ എത്തി​ച്ചേ​രുക: ന്യായ​പ്ര​മാ​ണം കേൾക്കാ​നാ​യി സീനായി മലയിങ്കൽ യഹോ​വ​യു​ടെ മുമ്പാകെ കൂടി​വ​രാ​നാ​യി ഇസ്രാ​യേ​ല്യ​രോ​ടു പറഞ്ഞ​പ്പോ​ഴുള്ള അവരുടെ ഉത്സാഹത്തെ കുറി​ച്ചൊന്ന്‌ ആലോ​ചി​ച്ചു​നോ​ക്കൂ! (പുറ. 19:10, 11, 16-19) ഡിസ്‌ട്രി​ക്‌റ്റ്‌ കൺ​വെൻ​ഷ​നി​ലൂ​ടെ യഹോ​വ​യു​ടെ പ്രബോ​ധനം സ്വീക​രി​ക്കു​ന്നതു സംബന്ധി​ച്ചു നിങ്ങൾക്കു സമാന​മായ ഒരു മനോ​ഭാ​വ​മു​ണ്ടെ​ങ്കിൽ, ഓരോ ദിവസ​വും നേരത്തേ എത്തി​ച്ചേ​രാ​നുള്ള ക്രമീ​ക​ര​ണങ്ങൾ നിങ്ങൾ ചെയ്യും. താമസി​ച്ചു​വ​രി​ക​യും ഇരിപ്പി​ടം തേടി നടന്നു മറ്റുള്ള​വരെ ശല്യ​പ്പെ​ടു​ത്തു​ക​യു​മാ​ണെ​ങ്കിൽ നമുക്കു മുഴു​പ​രി​പാ​ടി​ക​ളും ശ്രദ്ധി​ക്കാൻ സാധി​ക്കില്ല. കൺ​വെൻ​ഷൻ സ്ഥലത്തേക്ക്‌ രാവിലെ 8.00 മണിക്ക്‌ പ്രവേ​ശനം അനുവ​ദി​ക്കും, ഓരോ ദിവസ​വും 9.30-ന്‌ ആയിരി​ക്കും പരിപാ​ടി​കൾ തുടങ്ങുക.

³ ചിലർ നേരത്തേ വരു​മെ​ങ്കി​ലും പരിപാ​ടി തുടങ്ങു​മ്പോൾ ഇരിപ്പി​ട​ത്തിൽ കാണില്ല. എന്താണു കാരണം? അധ്യക്ഷൻ ഗീതത്തി​ന്റെ നമ്പർ പറയു​ന്ന​തു​വരെ അവർ സുഹൃ​ത്തു​ക്ക​ളു​മാ​യി സംസാ​രി​ച്ചു നിൽക്കു​ക​യും അതുക​ഴിഞ്ഞ്‌ ഇരിപ്പി​ട​ങ്ങ​ളി​ലേക്കു പോകു​ക​യും ചെയ്യുന്നു. ഓരോ സെഷനും തുടങ്ങു​ന്ന​തി​നു മുമ്പുള്ള പ്രാരംഭ ഗീതത്തിന്‌ ഏതാനും മിനി​ട്ടു​കൾക്കു മുമ്പ്‌, അതായത്‌ രാജ്യ​സം​ഗീ​തം നടന്നു​കൊ​ണ്ടി​രി​ക്കു​മ്പോൾത്തന്നെ അധ്യക്ഷൻ സ്‌റ്റേ​ജിൽ വന്നിരി​ക്കു​മെ​ന്നതു ശ്രദ്ധി​ക്കുക. ഇരിപ്പി​ട​ങ്ങ​ളിൽ വന്നിരി​ക്കാ​നുള്ള സമയമാ​യെന്ന സൂചന​യാണ്‌ അത്‌! പിന്നെ ഗീതാ​ലാ​പ​ന​ത്തി​നു ക്ഷണിക്കു​മ്പോൾ, യഹോ​വ​യ്‌ക്കു സ്‌തു​തി​ഗീ​തങ്ങൾ പാടു​ന്ന​തിൽ പങ്കു​ചേ​രാൻ നാം തയ്യാറാ​യി​രി​ക്കും.

⁴ ഏകീകൃത കുടും​ബ​മെന്ന നിലയിൽ ശ്രദ്ധി​ക്കുക: കൂടിവന്ന ഇസ്രാ​യേ​ല്യ​രെ ദൈവ​ത്തി​ന്റെ വിശുദ്ധ അരുള​പ്പാ​ടു​കൾ വായിച്ചു കേൾപ്പി​ച്ച​പ്പോൾ ‘കുട്ടികൾ’ ഉൾപ്പെടെ, മുഴു കുടും​ബാം​ഗ​ങ്ങ​ളും ശ്രദ്ധി​ക്കു​ക​യും പഠിക്കു​ക​യും ചെയ്‌തു. (ആവ. 31:12) നമ്മുടെ കൺ​വെൻ​ഷ​നു​ക​ളിൽ കുട്ടി​കളെ “തന്നിഷ്ട​ത്തി​ന്നു” വിടരുത്‌. (സദൃ. 29:15) മാതാ​പി​താ​ക്കളേ, കൗമാ​ര​പ്രാ​യ​ക്കാ​രായ നിങ്ങളു​ടെ കുട്ടികൾ ഉൾപ്പെടെ മുഴു കുടും​ബാം​ഗ​ങ്ങ​ളും ഒന്നിച്ചി​രി​ക്കാ​നുള്ള ക്രമീ​ക​രണം ചെയ്യുക. ചില മാതാ​പി​താ​ക്കൾ കുട്ടി​കളെ ടോയ്‌ലെ​റ്റിൽ കൊണ്ടു​പോ​കു​ന്ന​തിന്‌ പ്രാരംഭ ഗീതം തുടങ്ങാ​നാ​യി കാത്തി​രി​ക്കു​ന്നതു പോലെ തോന്നു​ന്നു. അങ്ങനെ ചെയ്യു​ന്നെ​ങ്കിൽ, നമ്മുടെ ആരാധ​ന​യിൽ പാട്ടി​നും പ്രാർഥ​ന​യ്‌ക്കു​മുള്ള വലിയ പ്രാധാ​ന്യ​ത്തെ​ക്കു​റിച്ച്‌ പഠിക്കാ​നുള്ള അവസരം കുട്ടി​കൾക്കു നഷ്ടമാ​കും. കഴിയു​മെ​ങ്കിൽ, പരിപാ​ടി​കൾ തുടങ്ങു​ന്ന​തി​നു മുമ്പു​തന്നെ അത്തരം കാര്യങ്ങൾ ചെയ്യുക.

⁵ രാത്രിസമയത്ത്‌ ആവശ്യ​ത്തി​നു വിശ്ര​മി​ക്കു​ന്ന​തും പകൽ സമയത്ത്‌ അമിതാ​ഹാ​രം ഒഴിവാ​ക്കു​ന്ന​തും ഏകാ​ഗ്ര​ത​യോ​ടെ ശ്രദ്ധി​ക്കാൻ നമ്മെ സഹായി​ക്കും. പ്രസം​ഗകൻ പറയുന്ന കാര്യ​ങ്ങ​ളിൽ ശ്രദ്ധ കേന്ദ്രീ​ക​രി​ക്കുക. മനസ്സ്‌ അലഞ്ഞു​തി​രി​യാൻ അനുവ​ദി​ക്കാ​തി​രി​ക്കുക. വാക്യം വായി​ക്കു​മ്പോൾ അത്‌ എടുത്തു​നോ​ക്കുക. ഹ്രസ്വ​മായ കുറി​പ്പു​ക​ളെ​ടു​ക്കുക. പ്രസംഗം നടക്കു​മ്പോൾ പ്രസം​ഗകൻ പറഞ്ഞതു സംബന്ധിച്ച്‌ വിചി​ന്തനം ചെയ്യു​ക​യും അതിലെ വിവരങ്ങൾ എങ്ങനെ ബാധക​മാ​ക്കാ​മെന്നു ചിന്തി​ക്കു​ക​യും ചെയ്യുക. ഓരോ ദിവസ​ത്തെ​യും പരിപാ​ടി​കൾക്കു​ശേഷം കുടും​ബാം​ഗങ്ങൾ ഒരുമി​ച്ചി​രുന്ന്‌ അവയെ​ക്കു​റിച്ച്‌ ചർച്ച ചെയ്യുക. ഓരോ​രു​ത്തർക്കും പ്രത്യേ​ക​മാ​യി ഇഷ്ടപ്പെട്ട ആശയങ്ങൾ എന്തൊ​ക്കെ​യാണ്‌? ഈ ആശയങ്ങൾ നല്ലവണ്ണം ഉപയോ​ഗ​പ്പെ​ടു​ത്താൻ എങ്ങനെ കഴിയും?

⁶ ദൈവവചനത്തോട്‌ ആദരവു കാണി​ക്കുക: സുഹൃ​ത്തു​ക്ക​ളോ​ടു സംസാ​രി​ക്കാ​നും കെട്ടു​പണി ചെയ്യുന്ന സഹവാസം ആസ്വദി​ക്കാ​നു​മുള്ള നല്ല അവസരം കൺ​വെൻ​ഷ​നു​ക​ളിൽ നമുക്കു ലഭിക്കു​ന്നു. നേരത്തേ വന്നാൽ, പരിപാ​ടി തുടങ്ങു​ന്ന​തി​നു മുമ്പ്‌ മറ്റുള്ള​വ​രു​മാ​യി സംസാ​രി​ക്കാ​നുള്ള സമയം നമുക്കു ലഭിക്കും. എങ്കിലും, വലി​യൊ​രു ഓഡി​റ്റോ​റി​യ​ത്തിൽ സംസാ​രി​ക്കു​ന്നത്‌ ശ്രദ്ധാ​ശൈ​ഥി​ല്യ​ത്തി​നു കാരണ​മാ​കില്ല എന്നു തെറ്റായി വിചാ​രി​ച്ചു​കൊണ്ട്‌ ചിലർ പരിപാ​ടി നടക്കുന്ന സമയത്ത്‌ അങ്ങനെ ചെയ്യാ​റുണ്ട്‌. വലി​യൊ​രു സദസ്സാ​ണെ​ങ്കിൽപ്പോ​ലും, രാജ്യ​ഹാ​ളി​ലെ യോഗ​ങ്ങ​ളിൽ എന്നപോ​ലെ ശ്രദ്ധി​ക്കാ​നുള്ള സമയമാണ്‌ അത്‌. മൊ​ബൈൽ ഫോണു​കൾ, പേജറു​കൾ, വീഡി​യോ ക്യാമ​റകൾ, ക്യാമ​റകൾ എന്നിവ പരിപാ​ടി നടക്കുന്ന സമയത്തു ശ്രദ്ധാ​ശൈ​ഥി​ല്യ​ത്തി​നു കാരണ​മാ​കാൻ അനുവ​ദി​ക്ക​രുത്‌.

⁷ യഹോവയിൽനിന്ന്‌ മോ​ശെ​യ്‌ക്ക്‌ ന്യായ​പ്ര​മാ​ണം ലഭിച്ച സമയത്ത്‌ അവൻ “ഭക്ഷണം കഴിക്കാ​തെ​യും വെള്ളം കുടി​ക്കാ​തെ​യും” ഇരുന്നു. (പുറ. 34:28) അതു കണക്കി​ലെ​ടു​ക്കു​മ്പോൾ, ആത്മീയ പരിപാ​ടി​ക​ളു​ടെ സമയത്ത്‌ തിന്നു​ന്ന​തും കുടി​ക്കു​ന്ന​തും അനുചി​ത​മാ​യി​രി​ക്കും. ഗുരു​ത​ര​മായ ആരോ​ഗ്യ​പ്ര​ശ്‌ന​മൊ​ന്നും ഇല്ലെങ്കിൽ, ഭക്ഷണത്തി​നുള്ള “നിയമിത സമയം” വരെ കാത്തി​രി​ക്കുക.—സഭാ. 3:1, NW.

⁸ ചില കൺ​വെൻ​ഷ​നു​ക​ളിൽ, പരിപാ​ടി​യു​ടെ സമയത്ത്‌ പല സഹോ​ദ​ര​ന്മാ​രും സഹോ​ദ​രി​മാ​രും കുട്ടി​കൾപോ​ലും ഇടനാ​ഴി​ക​ളി​ലൂ​ടെ ചുറ്റി​ത്തി​രി​യു​ന്ന​താ​യി പലപ്പോ​ഴും ശ്രദ്ധയിൽപ്പെ​ട്ടി​ട്ടുണ്ട്‌. ഓഡി​റ്റോ​റി​യ​ത്തിൽ കയറി​യി​രി​ക്കാൻ അങ്ങനെ​യു​ള്ള​വ​രോ​ടു പറയാൻ സേവകർക്ക്‌ നിർദേശം നൽകു​ന്ന​താ​യി​രി​ക്കും. വ്യത്യസ്‌ത ഡിപ്പാർട്ടു​മെ​ന്റു​ക​ളിൽ പ്രവർത്തി​ക്കുന്ന സ്വമേ​ധയാ സേവകർ തങ്ങളുടെ ജോലി തീർന്നാൽ ഉടൻതന്നെ സദസ്സിൽ ചെന്നി​രി​ക്കേ​ണ്ട​താണ്‌. പരിപാ​ടി​യു​ടെ സമയത്ത്‌ അത്യാ​വശ്യ ജോലിക്ക്‌ നിയമി​ത​ര​ല്ലാത്ത സ്വമേ​ധയാ സേവകർ സദസ്സി​ലി​രുന്ന്‌ പരിപാ​ടി​കൾ ശ്രദ്ധി​ക്കണം. പരിപാ​ടി നടക്കു​മ്പോൾ അവർ വ്യത്യസ്‌ത ഡിപ്പാർട്ടു​മെ​ന്റു​ക​ളിൽ ചെന്നു സംസാ​രി​ച്ചു​കൊ​ണ്ടു നിൽക്ക​രുത്‌.

⁹ ദൈവവചനം ശ്രദ്ധി​ക്കു​മ്പോൾ ‘കേൾക്കു​ന്ന​തിൽ മാന്ദ്യ​മു​ള്ള​വ​രാ​കാൻ’ നാം ഒരിക്ക​ലും ആഗ്രഹി​ക്കു​ന്നില്ല. (എബ്രാ. 5:11) അടുത്തു​വ​രുന്ന ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ യഹോ​വ​യു​ടെ വിശുദ്ധ അരുള​പ്പാ​ടു​കൾക്ക്‌ അടുത്ത ശ്രദ്ധ നൽകി​ക്കൊണ്ട്‌ അതി​നോട്‌ ആദരവു​ള്ള​വ​രാ​യി​രി​ക്കാൻ നമുക്കു ദൃഢചി​ത്ത​രാ​യി​രി​ക്കാം.