“സുവി​ശേ​ഷ​ത്തി​നു സമഗ്ര​സാ​ക്ഷ്യം” നൽകുക

1. നാം അറിയി​ക്കുന്ന സുവി​ശേ​ഷ​ത്തിൽ ഉൾപ്പെ​ട്ടി​രി​ക്കുന്ന ഏതാനും ചില കാര്യങ്ങൾ ഏവ?

¹ സുവാർത്തകൾ വിരള​മാ​യി​ക്കൊ​ണ്ടി​രി​ക്കുന്ന ഒരു ലോകത്ത്‌, “ദൈവ​കൃ​പ​യെ​ക്കു​റി​ച്ചുള്ള സുവി​ശേ​ഷ​ത്തി​നു സമഗ്ര​സാ​ക്ഷ്യം” നൽകാ​നുള്ള പദവി നമുക്കുണ്ട്‌. (പ്രവൃ. 20:24, NW) ‘അന്ത്യകാ​ലം’ പെട്ടെ​ന്നു​തന്നെ യഹോ​വ​യു​ടെ നീതി​നി​ഷ്‌ഠ​മായ പുതി​യ​ലോ​ക​ത്തി​നു വഴിമാ​റി​ക്കൊ​ടു​ക്കും എന്ന്‌ ആളുകളെ അറിയി​ക്കു​ന്നത്‌ ഇതിൽ ഉൾപ്പെ​ടു​ന്നു. (2 തിമൊ. 3:1-5) അന്നാളിൽ “എനിക്കു ദീനം എന്നു യാതൊ​രു നിവാ​സി​യും പറകയില്ല.” (യെശ. 33:24) മരിച്ചു​പോ​യവർ കല്ലറക​ളിൽനി​ന്നു പുറത്തു​വ​രി​ക​യും ബന്ധുമി​ത്രാ​ദി​ക​ളോ​ടൊ​പ്പം ചേരു​ക​യും ചെയ്യും. (യോഹ. 5:28, 29) മുഴു​ഭൂ​മി​യും ഒരു മനോ​ഹ​ര​പ​റു​ദീസ ആയിത്തീ​രും. (യെശ. 65:21-23) “പഴയ​തെ​ല്ലാം” അന്ന്‌ പൊയ്‌പ്പോ​യി​രി​ക്കും. (വെളി. 21:4, പി.ഒ.സി. ബൈബിൾ) നാം അറിയി​ക്കുന്ന സുവി​ശേ​ഷ​ത്തിൽ ഉൾപ്പെ​ട്ടി​രി​ക്കുന്ന ഏതാനും ചില കാര്യങ്ങൾ മാത്ര​മാണ്‌ ഇവ.

2. സ്‌മാ​ര​ക​കാ​ലം സുവാർത്താ​ഘോ​ഷ​ണ​ത്തിന്‌ ഏറ്റവും അനു​യോ​ജ്യ​മാ​യി​രി​ക്കു​ന്നത്‌ എന്തു​കൊണ്ട്‌?

² മാർച്ച്‌, ഏപ്രിൽ, മേയ്‌ മാസങ്ങൾ ഈ സുവി​ശേഷം ഘോഷി​ക്കു​ന്ന​തി​നുള്ള നല്ല അവസരങ്ങൾ പ്രദാനം ചെയ്യുന്നു. ഈ മാസങ്ങ​ളിൽ പകലിനു ദൈർഘ്യം ഏറു​മെ​ന്ന​തി​നാൽ ശുശ്രൂ​ഷ​യിൽ കൂടുതൽ സമയം ചെലവ​ഴി​ക്കാൻ സാധി​ക്കും. കൂടാതെ, ഏറ്റവും പ്രധാ​ന​പ്പെട്ട വാർഷി​കാ​ച​ര​ണ​മായ ക്രിസ്‌തു​വി​ന്റെ മരണത്തി​ന്റെ സ്‌മാ​രകം ലോക​മെ​മ്പാ​ടും ആചരി​ക്കു​ന്നത്‌ മാർച്ച്‌ 22 ശനിയാഴ്‌ച സൂര്യാ​സ്‌ത​മ​യ​ത്തി​നു ശേഷമാണ്‌. സ്‌മാ​ര​ക​കാ​ലത്ത്‌ ശുശ്രൂഷ വർധി​പ്പി​ക്കു​ന്ന​തി​നുള്ള തയ്യാ​റെ​ടു​പ്പു​കൾ ഇപ്പോൾത്തന്നെ ചെയ്‌തു തുടങ്ങ​രു​തോ?

3. ഒരു കുടും​ബ​മെന്ന നിലയിൽ ശുശ്രൂ​ഷ​യി​ലെ പങ്ക്‌ എങ്ങനെ വർധി​പ്പി​ക്കാം?

³ സഹായ പയനിയർ: സ്‌മാ​ര​ക​കാ​ലത്ത്‌ ഒന്നോ അതില​ധി​ക​മോ മാസം സഹായ പയനി​യ​റിങ്‌ നടത്താൻ നിങ്ങൾക്കു സാധി​ക്കു​മോ? അടുത്ത കുടും​ബാ​ധ്യ​യന വേളയിൽ ഇക്കാര്യം ചർച്ച ചെയ്യരു​തോ? നല്ല സഹകര​ണ​മു​ണ്ടെ​ങ്കിൽ ഒന്നോ അതിൽ കൂടു​ത​ലോ അംഗങ്ങൾക്കു സഹായ പയനി​യ​റിങ്‌ നടത്താൻ സാധി​ച്ചേ​ക്കും. (സദൃ. 15:22) ഇതേക്കു​റി​ച്ചു യഹോ​വ​യോ​ടു പ്രാർഥി​ക്കുക, അവൻ നിങ്ങളു​ടെ ശ്രമങ്ങളെ തീർച്ച​യാ​യും അനു​ഗ്ര​ഹി​ക്കും. (സദൃ. 16:3) ഇനി അഥവാ കുടും​ബ​ത്തി​ലെ ആർക്കും സഹായ പയനി​യ​റിങ്‌ നടത്താൻ സാധി​ക്കു​ന്നി​ല്ലെ​ങ്കിൽക്കൂ​ടി പയനി​യർമാ​രോ​ടൊ​പ്പം പ്രവർത്തി​ക്കു​ന്ന​തുൾപ്പെ​ടെ​യുള്ള ലക്ഷ്യങ്ങൾ വെച്ചു​കൊണ്ട്‌ ശുശ്രൂ​ഷ​യി​ലെ പങ്കു വർധി​പ്പി​ക്കാൻ എല്ലാവർക്കും കഴിയും.

4. സഹായ പയനി​യ​റിങ്‌ നടത്താൻ ജോലി​ക്കാർക്ക്‌ എങ്ങനെ സമയം കണ്ടെത്താം?

⁴ നന്നായി ആസൂ​ത്രണം ചെയ്‌താൽ ജോലി​ക്കാർക്കും സഹായ പയനി​യ​റിങ്‌ നടത്താൻ കഴിയും. ഉച്ചയൂ​ണി​ന്റെ സമയത്തിൽകു​റെ സാക്ഷീ​ക​ര​ണ​ത്തി​നാ​യി ഉപയോ​ഗി​ക്കാ​നാ​കു​മോ? മറ്റൊരു സാധ്യത, ജോലി​ക്കു മുമ്പോ പിമ്പോ ഒരു മണിക്കൂർ പ്രവർത്തി​ക്കാ​നാ​കും​വി​ധം നിങ്ങളു​ടെ വീടി​നോ ജോലി​സ്ഥ​ല​ത്തി​നോ അടുത്ത്‌ “വ്യക്തി​പ​ര​മായ ഒരു പ്രദേശം” സമ്പാദി​ക്കുക എന്നതാണ്‌. അത്യാ​വ​ശ്യ​മി​ല്ലാത്ത കാര്യങ്ങൾ മറ്റൊരു സമയ​ത്തേക്കു മാറ്റി​വെ​ച്ചു​കൊ​ണ്ടും വാരാ​ന്ത​ങ്ങ​ളിൽ മുഴു​ദി​വ​സ​വും സേവന​ത്തിൽ ഏർപ്പെ​ട്ടു​കൊ​ണ്ടും ശുശ്രൂ​ഷ​യ്‌ക്കാ​യി കൂടുതൽ സമയം കണ്ടെത്താ​നാ​കും. ചിലരാ​കട്ടെ ഒന്നോ രണ്ടോ ദിവസം അവധി​യെ​ടു​ത്തു ശുശ്രൂ​ഷ​യിൽ ഏർപ്പെ​ടു​ന്നു.

5. സഹായ പയനി​യ​റിങ്‌ ചെയ്യാൻ വൃദ്ധ​രെ​യും രോഗി​ക​ളെ​യും നിങ്ങൾക്ക്‌ എങ്ങനെ സഹായി​ക്കാ​നാ​കും?

⁵ വാർധ​ക്യ​മോ രോഗ​മോ മൂലമുള്ള പ്രശ്‌നങ്ങൾ നിങ്ങൾക്കു​ണ്ടെ​ങ്കിൽപ്പോ​ലും, ദിവസ​വും കുറച്ചു സമയം ശുശ്രൂ​ഷ​യിൽ ചെലവ​ഴി​ച്ചു​കൊണ്ട്‌ സഹായ പയനി​യ​റിങ്‌ നടത്താ​നാ​യേ​ക്കും. “അത്യന്ത​ശക്തി”ക്കായി യഹോ​വ​യോ​ടു അപേക്ഷി​ക്കുക. (2 കൊരി. 4:7) 106-ാമത്തെ വയസ്സി​ലും ഒരു സഹോ​ദ​രി​ക്കു സഹായ പയനി​യ​റിങ്‌ നടത്താ​നാ​യി! ബന്ധുക്ക​ളു​ടെ​യും സഭയി​ലുള്ള മറ്റുള്ള​വ​രു​ടെ​യും സഹായ​ത്താൽ, വീടു​തോ​റു​മുള്ള ശുശ്രൂഷ, മടക്കസ​ന്ദർശ​നങ്ങൾ, ബൈബി​ള​ധ്യ​യ​നങ്ങൾ എന്നിങ്ങനെ ശുശ്രൂ​ഷ​യു​ടെ വിവിധ വശങ്ങളിൽ അവർ പങ്കുപറ്റി. പത്തു ബൈബി​ള​ധ്യ​യ​നങ്ങൾ തുടങ്ങാ​നും അവർ സഹായി​ച്ചു. അവർ പറഞ്ഞു: “ഒരു സഹായ പയനി​യ​റാ​യി സേവി​ക്കാൻ ലഭിച്ച അവസര​ത്തെ​ക്കു​റിച്ച്‌ ഓർക്കു​മ്പോൾ, യഹോ​വ​യോ​ടും അവന്റെ പുത്ര​നോ​ടും അവന്റെ കരുത​ലുള്ള സംഘട​ന​യോ​ടു​മുള്ള സ്‌നേ​ഹ​ത്താ​ലും വിലമ​തി​പ്പി​നാ​ലും എന്റെ ഹൃദയം നിറഞ്ഞു​തു​ളു​മ്പു​ന്നു. യഹോ​വ​യോട്‌ എത്ര നന്ദി പറഞ്ഞാ​ലാണ്‌ മതിയാ​കുക!”

6. സ്‌നാ​ന​മേറ്റ വിദ്യാർഥി​കൾക്ക്‌ സഹായ പയനി​യ​റിങ്‌ ചെയ്യാൻ സാധി​ക്കു​ന്ന​തെ​ങ്ങനെ?

⁶ സ്‌നാ​ന​മേറ്റ സ്‌കൂൾ-കോ​ളേജ്‌ വിദ്യാർഥി​കൾക്കും സഹായ പയനി​യ​റിങ്‌ നടത്താൻ സാധി​ക്കും. ജോലി​ക്കാ​രെ​പ്പോ​ലെ നിങ്ങൾക്കും വാരാ​ന്തങ്ങൾ ശുശ്രൂ​ഷ​യ്‌ക്കാ​യി മാറ്റി​വെ​ക്കാ​വു​ന്ന​താണ്‌. ചില ദിവസ​ങ്ങ​ളിൽ സ്‌കൂൾവിട്ട ശേഷം ഒന്നോ രണ്ടോ മണിക്കൂർ സാക്ഷീ​ക​രി​ക്കാ​നാ​യേ​ക്കും. സ്‌കൂൾ അവധി ദിവസ​ങ്ങ​ളും ശുശ്രൂ​ഷ​യ്‌ക്കാ​യി പ്രയോ​ജ​ന​പ്പെ​ടു​ത്താ​നാ​കും. സഹായ പയനി​യ​റിങ്‌ നടത്താൻ ആഗ്രഹി​ക്കു​ന്നെ​ങ്കിൽ നിങ്ങളു​ടെ മാതാ​പി​താ​ക്ക​ളോട്‌ അതേക്കു​റി​ച്ചു സംസാ​രി​ക്കുക.

7. സ്‌മാ​ര​ക​കാ​ലത്ത്‌ ശുശ്രൂ​ഷ​യി​ലുള്ള ഉത്സാഹം വർധി​പ്പി​ക്കാൻ മൂപ്പന്മാർക്ക്‌ എന്തു ചെയ്യാ​നാ​കും?

⁷ ഉത്സാഹം വർധി​പ്പി​ക്കുക: ശുശ്രൂ​ഷ​യി​ലുള്ള സഭയുടെ ഉത്സാഹം വർധി​പ്പി​ക്കു​ന്ന​തിൽ മൂപ്പന്മാ​രു​ടെ മാതൃക നല്ലൊരു പങ്കുവ​ഹി​ക്കു​ന്നുണ്ട്‌. (1 പത്രൊ. 5:2, 3) അതിരാ​വി​ലെ​യോ വൈകു​ന്നേ​ര​മോ വയൽസേവന യോഗങ്ങൾ ക്രമീ​ക​രി​ക്കാൻ അവർക്കാ​യേ​ക്കും. വയൽസേവന യോഗം നടത്തു​ന്ന​തി​നു യോഗ്യ​ത​യുള്ള പ്രസാ​ധ​കരെ ചുമത​ല​പ്പെ​ടു​ത്തി​യി​ട്ടു​ണ്ടെ​ന്നും ഈ പ്രത്യേക മാസങ്ങ​ളിൽ പ്രവർത്തി​ക്കു​ന്ന​തിന്‌ ആവശ്യ​മായ പ്രദേ​ശ​വും മാസി​ക​യും സാഹി​ത്യ​വും ഉണ്ടെന്നും സേവന മേൽവി​ചാ​രകൻ ഉറപ്പു​വ​രു​ത്തണം.

8. ഒരു സഭയുടെ അനുഭവം നമ്മെ എന്തു പഠിപ്പി​ക്കു​ന്നു?

⁸ ഒരു സഭയിൽ, സഹായ പയനി​യ​റിങ്‌ നടത്താ​നുള്ള പ്രോ​ത്സാ​ഹനം മാസങ്ങൾക്കു മുമ്പു​തന്നെ മൂപ്പന്മാർ നൽകി​ത്തു​ടങ്ങി. സഹായ പയനി​യ​റിങ്‌ നടത്താൻ എത്ര പ്രസാ​ധ​ക​രു​ണ്ടെന്ന്‌ ഒരോ ആഴ്‌ച​യും അവർ സഭയെ അറിയി​ച്ചു​കൊ​ണ്ടി​രു​ന്നു. കൂടെ പ്രവർത്തി​ക്കാൻ ധാരാളം പേരു​ണ്ടെന്ന അറിവ്‌ ശുശ്രൂഷ വർധി​പ്പി​ക്കാൻ ആഗ്രഹി​ച്ചി​രു​ന്ന​വർക്ക്‌ ഉത്സാഹ​മേകി. അതിരാ​വി​ലെ​യും വൈകു​ന്നേ​ര​വും വയൽസേ​വ​യോ​ഗങ്ങൾ ക്രമീ​ക​രി​ക്കു​ക​യു​ണ്ടാ​യി. ഇതി​ന്റെ​യെ​ല്ലാം ഫലമോ? 53 പ്രസാ​ധകർ അതായത്‌ സഭയുടെ പകുതി​യോ​ളം​പേർ ഏപ്രിൽ മാസത്തിൽ സഹായ പയനി​യ​റിങ്‌ നടത്തി! ശുശ്രൂ​ഷ​യ്‌ക്ക്‌ എതിർപ്പു നേരി​ടുന്ന സ്ഥലങ്ങളിൽ, സഹോ​ദ​ര​ങ്ങൾക്കു മൂപ്പന്മാ​രിൽനി​ന്നു നല്ല പ്രോ​ത്സാ​ഹനം ആവശ്യ​മാണ്‌. കത്തുക​ളി​ലൂ​ടെ​യുള്ള സാക്ഷീ​ക​രണം, ടെലി​ഫോൺ സാക്ഷീ​ക​രണം തുടങ്ങി മറ്റുവി​ധ​ങ്ങ​ളിൽ ശുശ്രൂഷ നിർവ​ഹി​ക്കാ​നാ​കു​ന്ന​തെ​ങ്ങ​നെ​യെന്ന്‌ കാണി​ക്കുന്ന പ്രകട​നങ്ങൾ സേവന​യോ​ഗ​ത്തിൽ ഉൾപ്പെ​ടു​ത്താൻ സാധി​ക്കും.

9. യോഗ്യത പ്രാപി​ക്കു​ന്ന​വർക്കു സുവാർത്ത പ്രസം​ഗി​ച്ചു​തു​ട​ങ്ങാൻ സ്‌മാ​ര​ക​കാ​ലം ഉചിത​മാ​യി​രി​ക്കു​ന്നത്‌ എന്തു​കൊണ്ട്‌?

⁹ സാക്ഷീ​ക​രി​ക്കാൻ മറ്റുള്ള​വരെ സഹായി​ക്കുക: പുതി​യ​വ​രും ചെറു​പ്പ​ക്കാ​രും പ്രസാ​ധ​ക​രാ​കാൻ യോഗ്യത പ്രാപി​ക്കു​മ്പോൾ, അവരെ ശുശ്രൂ​ഷ​യ്‌ക്കു കൂട്ടി​ക്കൊ​ണ്ടു​പോ​കാൻ പരിച​യ​സ​മ്പ​ന്ന​രാ​യ​വർക്കു മുൻകൈ എടുക്കാ​നാ​കും. പലരും ശുശ്രൂ​ഷ​യി​ലെ തങ്ങളുടെ പങ്കു വർധി​പ്പി​ക്കാൻ ശ്രമി​ക്കു​മെ​ന്ന​തി​നാൽ സ്‌മാ​ര​ക​കാ​ലത്ത്‌ ഇതു ചെയ്യു​ന്ന​തി​നുള്ള ധാരാളം അവസര​ങ്ങ​ളുണ്ട്‌. ജീവിതം യഹോ​വ​യു​ടെ നീതി​നി​ഷ്‌ഠ​മായ നിലവാ​ര​ങ്ങൾക്കു ചേർച്ച​യിൽ കൊണ്ടു​വ​ന്നി​ട്ടുള്ള ഒരു ബൈബിൾ വിദ്യാർഥി നിങ്ങൾക്കു​ണ്ടോ? സദ്‌സ്വ​ഭാ​വി​ക​ളും ബൈബിൾ പഠനത്തിൽ പുരോ​ഗ​മി​ക്കു​ന്ന​വ​രു​മായ മക്കൾ നിങ്ങൾക്കു​ണ്ടോ? പ്രസാ​ധ​ക​രാ​കാ​നുള്ള ആഗ്രഹം അവർ പ്രകടി​പ്പി​ക്കു​ക​യും അവരതി​നു യോഗ്യ​രാ​ണെന്നു നിങ്ങൾക്കു തോന്നു​ക​യും ചെയ്യു​ന്ന​പക്ഷം അക്കാര്യം ഒരു മൂപ്പനെ അറിയി​ക്കുക. നിങ്ങളു​മാ​യും നിങ്ങളു​ടെ കുട്ടി​യു​മാ​യും (അല്ലെങ്കിൽ വിദ്യാർഥി​യു​മാ​യും) ഇക്കാര്യം ചർച്ച ചെയ്യു​ന്ന​തിന്‌ അധ്യക്ഷ​മേൽവി​ചാ​രകൻ രണ്ടു മൂപ്പന്മാ​രെ നിയോ​ഗി​ക്കും.

10. നിഷ്‌ക്രി​യ​രാ​യ​വരെ മൂപ്പന്മാർക്ക്‌ എങ്ങനെ സഹായി​ക്കാം?

¹⁰ നിഷ്‌ക്രി​യ​രാ​യ​വർക്കു വീണ്ടും സഭയോ​ടൊ​ത്തു പ്രവർത്തി​ച്ചു​തു​ട​ങ്ങാ​നും ഈ മാസങ്ങൾ തികച്ചും അനു​യോ​ജ്യ​മാണ്‌. പുസ്‌ത​കാ​ധ്യ​യന മേൽവി​ചാ​ര​ക​ന്മാ​രും മൂപ്പന്മാ​രും ഇത്തരം ആളുകളെ സന്ദർശി​ക്കാൻ ആത്മാർഥ​മാ​യി ശ്രമി​ക്കണം, ശുശ്രൂ​ഷ​യിൽ തങ്ങളോ​ടൊ​പ്പം ചേരാൻ അവരെ ഹാർദ​മാ​യി ക്ഷണിക്കു​ക​യും വേണം. അവർ നിഷ്‌ക്രി​യ​രാ​യിട്ട്‌ ദീർഘ​നാ​ളാ​യെ​ങ്കിൽ ശുശ്രൂ​ഷ​യിൽ ഏർപ്പെ​ടു​ന്ന​തി​നുള്ള യോഗ്യ​ത​യു​ണ്ടോ​യെന്ന്‌ നിശ്ചയി​ക്കു​ന്ന​തി​നു രണ്ടു മൂപ്പന്മാർ ആദ്യം അവരോ​ടു സംസാരിക്കേണ്ടതുണ്ട്‌.—km 11/00, പേജ്‌ 3.

11. “ദൈവ​കൃപ”യുടെ ഏറ്റവും വലിയ തെളിവ്‌ എന്താണ്‌?

¹¹ സ്‌മാ​ര​ക​ത്തി​നാ​യി തയ്യാറാ​കുക: “ദൈവ​കൃപ”യുടെ ഏറ്റവും വലിയ തെളി​വാണ്‌ മറുവില. (പ്രവൃ. 20:24) ലോക​മെ​മ്പാ​ടു​മുള്ള ദശലക്ഷ​ക്ക​ണ​ക്കിന്‌ ആളുകൾ മാർച്ച്‌ 22-ാം തീയതി ശനിയാഴ്‌ച സൂര്യാ​സ്‌ത​മ​യ​ശേഷം ക്രിസ്‌തു​വി​ന്റെ മരണത്തി​ന്റെ സ്‌മാ​രകം ആഘോ​ഷി​ക്കും. മനുഷ്യ​വർഗ​ത്തോ​ടുള്ള ദൈവ​ത്തി​ന്റെ കൃപയെ ഓർമ്മി​പ്പി​ക്കുന്ന ഈ സുപ്ര​ധാന ആചരണ​ത്തിൽ സംബന്ധി​ക്കാൻ ആത്മാർഥ ഹൃദയ​രായ ആളുകളെ നാം ക്ഷണിക്കുക മാത്രമല്ല വന്നെത്താൻ അവരെ സഹായി​ക്കു​ക​യും വേണം.

12. സ്‌മാ​ര​ക​ത്തിന്‌ ആരെ​യൊ​ക്കെ ക്ഷണിക്കാം?

¹² നിങ്ങൾ ക്ഷണിക്കാൻ ആഗ്രഹി​ക്കു​ന്ന​വ​രു​ടെ ഒരു ലിസ്റ്റ്‌ ഉണ്ടാക്കുക. ബൈബിൾ വിദ്യാർഥി​കൾ, ബന്ധുക്കൾ, അയൽക്കാർ, സഹപാ​ഠി​കൾ, സഹപ്ര​വർത്തകർ, മുൻ ബൈബിൾ വിദ്യാർഥി​കൾ, നിങ്ങൾ കൂടെ​ക്കൂ​ടെ സന്ദർശി​ക്കു​ന്നവർ എന്നിവ​രെ​യെ​ല്ലാം ലിസ്റ്റിൽ ഉൾപ്പെ​ടു​ത്താ​നാ​കും. സ്‌മാ​ര​ക​ത്തെ​ക്കു​റിച്ച്‌ കൂടുതൽ കാര്യങ്ങൾ അറിയാൻ ആരെങ്കി​ലും ആഗ്രഹി​ക്കു​ന്നു​ണ്ടെ​ങ്കിൽ, ബൈബിൾ പഠിപ്പി​ക്കു​ന്നു പുസ്‌ത​ക​ത്തി​ലെ 206-8 പേജു​ക​ളി​ലെ ‘കർത്താ​വി​ന്റെ സന്ധ്യാ​ഭ​ക്ഷണം’ എന്ന ഭാഗം അവരു​മാ​യി ചർച്ച​ചെ​യ്യാ​വു​ന്ന​താണ്‌. ഈ പുസ്‌ത​ക​ത്തി​ന്റെ ഉപയോ​ഗം ഒരു ബൈബി​ള​ധ്യ​യ​ന​ത്തി​ലേ​ക്കു​പോ​ലും നയി​ച്ചേ​ക്കാം.

13. സ്‌മാ​ര​ക​ത്തിന്‌ ആളുകളെ ക്ഷണിക്കാൻ ലക്ഷ്യം​വെച്ച രണ്ടു പ്രസാ​ധ​ക​രു​ടെ ശ്രമങ്ങളെ യഹോവ അനു​ഗ്ര​ഹി​ച്ചത്‌ എങ്ങനെ?

¹³ ഒരു സഹോ​ദരി 48 കുടും​ബ​ങ്ങ​ളു​ടെ ഒരു ലിസ്റ്റാണ്‌ തയ്യാറാ​ക്കി​യത്‌. ക്ഷണിച്ച​വ​രു​ടെ പേര്‌ ലിസ്റ്റിൽനി​ന്നു വെട്ടി​ക്ക​ള​ഞ്ഞിട്ട്‌ വിളിച്ച തീയതി കുറി​ച്ചു​വെച്ചു. ക്ഷണിക്ക​പ്പെ​ട്ട​വ​രിൽ 26 പേർ സ്‌മാ​ര​ക​ത്തി​നു ഹാജരാ​യ​പ്പോൾ ആ സഹോ​ദ​രിക്ക്‌ എത്ര സന്തോഷം തോന്നി​യി​രി​ക്കണം! ഒരു സഹോ​ദരൻ, തന്റെ കടയിൽ ജോലി​നോ​ക്കി​യി​രുന്ന ഒരാളെ സ്‌മാ​ര​ക​ത്തിന്‌ ക്ഷണിച്ചു. മുമ്പ്‌ ആ വ്യക്തി ഒരു വൈദി​ക​നാ​യി​രു​ന്നു. സ്‌മാ​ര​ക​ത്തിൽ സംബന്ധി​ച്ച​ശേഷം അദ്ദേഹം പറഞ്ഞു, “ഒരു കത്തോ​ലി​ക്ക​നെന്ന നിലയിൽ ബൈബി​ളി​നെ​ക്കു​റി​ച്ചു 30 വർഷം​കൊ​ണ്ടു മനസ്സി​ലാ​ക്കി​യ​തി​നെ​ക്കാൾ കൂടുതൽ കാര്യങ്ങൾ ഒരു മണിക്കൂർകൊണ്ട്‌ എനിക്കു മനസ്സി​ലാ​ക്കാ​നാ​യി.” താമസി​യാ​തെ​തന്നെ, അദ്ദേഹം ബൈബിൾ പഠിപ്പി​ക്കു​ന്നു പുസ്‌തകം ഉപയോ​ഗി​ച്ചുള്ള ഒരു ബൈബിൾ അധ്യയനം സ്വീക​രി​ച്ചു.

14. മാർച്ച്‌ 1-ന്‌ ഏത്‌ ലോക​വ്യാ​പക പ്രചാ​രണം ആരംഭി​ക്കും?

¹⁴ പ്രചാ​രണം: സ്‌മാ​ര​കാ​ച​ര​ണ​ത്തിൽ പങ്കെടു​ക്കാൻ ആളുകളെ പ്രോ​ത്സാ​ഹി​പ്പി​ച്ചു​കൊ​ണ്ടുള്ള ഒരു പ്രത്യേക ക്ഷണക്കു​റിപ്പ്‌ മാർച്ച്‌ 1 മുതൽ 22 വരെ ലോക​വ്യാ​പ​ക​മാ​യി വിതരണം ചെയ്യു​ന്ന​താ​യി​രി​ക്കും. അതിൽ ഒരു പൂർണ പങ്കുണ്ടാ​യി​രി​ക്കാൻ എല്ലാ പ്രസാ​ധ​കർക്കും ശ്രമി​ക്കാ​വു​ന്ന​താണ്‌. ക്ഷണക്കു​റിപ്പ്‌ വാതിൽക്കൽ ഇട്ടിട്ടു പോരാ​തെ വീട്ടു​കാ​രനെ നേരിട്ട്‌ ഏൽപ്പി​ക്കു​ന്ന​താണ്‌ ഉചിതം. എന്നിരു​ന്നാ​ലും പ്രദേശം വലുതാ​ണെ​ങ്കിൽ, ആളില്ലാ ഭവനങ്ങ​ളിൽ മറ്റാരു​ടെ​യും ശ്രദ്ധയാ​കർഷി​ക്കാത്ത വിധത്തിൽ നോട്ടീസ്‌ വാതിൽക്കൽ വെച്ചി​ട്ടു​പോ​രാ​മോ എന്ന കാര്യം മൂപ്പന്മാർ തീരു​മാ​നി​ക്കു​ന്ന​താ​യി​രി​ക്കും. വാരാ​ന്ത​ങ്ങ​ളിൽ നാം മാസി​ക​ക​ളും സമർപ്പി​ക്കും.

15. സ്‌മാരക ക്ഷണക്കു​റി​പ്പു കൊടു​ക്കു​മ്പോൾ നമുക്ക്‌ എന്തു പറയാ​നാ​കും?

¹⁵ ക്ഷണക്കു​റിപ്പ്‌ വിതരണം ചെയ്യു​ന്ന​തി​നുള്ള സമയം പരിമി​ത​മാ​യ​തി​നാൽ, ഹ്രസ്വ​മായ അവതര​ണ​മാണ്‌ നല്ലത്‌. സൗഹൃ​ദ​ഭാ​വ​വും ഉത്സാഹ​വു​മു​ള്ള​വ​രാ​യി​രി​ക്കുക. വീട്ടു​കാ​രനു നമ്മുടെ സന്ദേശ​ത്തിൽ താത്‌പ​ര്യ​മു​ണ്ടെന്നു കാണു​ക​യാ​ണെ​ങ്കിൽ ക്ഷണക്കു​റി​പ്പു കൊടു​ത്തു​കൊണ്ട്‌ ഒരുപക്ഷേ നിങ്ങൾക്ക്‌ ഇങ്ങനെ പറയാൻ കഴിയും: “മാർച്ച്‌ 22-ന്‌ നടക്കുന്ന ഒരു സുപ്ര​ധാന ആചരണ​ത്തിൽ സംബന്ധി​ക്കു​ന്ന​തി​നു നിങ്ങ​ളെ​യും കുടും​ബാം​ഗ​ങ്ങ​ളെ​യും ക്ഷണിക്കു​ന്ന​തി​നാ​ണു ഞങ്ങൾ വന്നിരി​ക്കു​ന്നത്‌. വിശദാം​ശങ്ങൾ ഈ ക്ഷണക്കു​റി​പ്പി​ലുണ്ട്‌.” വീട്ടു​കാ​രൻ ചില ചോദ്യ​ങ്ങൾ ചോദി​ച്ചെ​ന്നു​വ​രാം. അല്ലെങ്കിൽ ആ ക്ഷണക്കു​റി​പ്പു സ്വീക​രി​ച്ചു​കൊണ്ട്‌ വരാ​മെ​ന്നു​പോ​ലും പറഞ്ഞേ​ക്കാം. താത്‌പ​ര്യം കാണി​ക്കുന്ന വ്യക്തി​ക​ളു​ടെ പേരും മേൽവി​ലാ​സ​വും കുറി​ച്ചെ​ടു​ത്തു മടങ്ങി​ചെ​ല്ലാൻ ശ്രമി​ക്കുക.

16. സ്‌മാ​ര​ക​ത്തിന്‌ ആളുകളെ ക്ഷണിക്കു​മ്പോൾ ക്ഷണക്കു​റിപ്പ്‌ ഉപയോ​ഗി​ക്കേ​ണ്ട​തി​ന്റെ പ്രാധാ​ന്യം വ്യക്തമാ​ക്കുന്ന ഒരു അനുഭവം പറയുക?

¹⁶ കഴിഞ്ഞ വർഷം, ഒരു സൈനി​കൻ തന്റെ വീട്ടു​വാ​തിൽക്കൽ ഒരു ക്ഷണക്കു​റിപ്പ്‌ കണ്ടെത്തി. സ്‌മാ​ര​ക​ത്തിൽ സംബന്ധി​ക്കാൻ നിശ്ചയിച്ച അദ്ദേഹ​ത്തി​നു പക്ഷേ മേലധി​കാ​രി​യു​ടെ അനുവാ​ദം ആവശ്യ​മാ​യി​രു​ന്നു. ക്ഷണക്കു​റിപ്പ്‌ മേലധി​കാ​രി​യെ കാണി​ച്ച​പ്പോൾ ഒരു നിമിഷം അദ്ദേഹം നിശ്ശബ്ദ​നാ​യി. പിന്നീട്‌, തന്റെ മാതാ​പി​താ​ക്കൾ യഹോ​വ​യു​ടെ സാക്ഷി​ക​ളാ​ണെ​ന്നും അവരോ​ടൊ​പ്പം താനും യോഗ​ങ്ങൾക്കു പോയി​ട്ടു​ണ്ടെ​ന്നും അദ്ദേഹം പറഞ്ഞു. സ്‌മാ​ര​കാ​ച​ര​ണ​ത്തി​നു പോകാൻ സൈനി​കന്‌ അനുവാ​ദം നൽകി​യെന്നു മാത്രമല്ല അദ്ദേഹ​വും കൂടെ​പ്പോ​യി!

17. നമുക്കു ലഭിച്ച ദൈവ​കൃപ വ്യർഥ​മാ​യി​ത്തീ​രു​ന്നി​ല്ലെന്ന്‌ എങ്ങനെ തെളി​യി​ക്കാം?

¹⁷ കൃതജ്ഞ​ത​യു​ള്ള​വ​രാ​യി​രി​ക്കുക: 2008-ലെ സ്‌മാ​രകം അടുത്തു​വ​രവേ, യഹോവ നമ്മോടു കാണിച്ച കൃപ​യെ​ക്കു​റിച്ച്‌ നമുക്കു ചിന്തി​ക്കാം. അപ്പൊ​സ്‌ത​ല​നായ പൗലൊസ്‌ എഴുതി: “നിങ്ങൾക്കു ദൈവ​ത്തി​ന്റെ കൃപ ലഭിച്ചതു വ്യർത്ഥ​മാ​യി​ത്തീ​ര​രു​തു എന്നു ഞങ്ങൾ . . . നിങ്ങളെ പ്രബോ​ധി​പ്പി​ക്കു​ന്നു.” (2 കൊരി. 6:1) നമുക്കു ലഭിച്ച ദൈവ​കൃപ വ്യർഥ​മാ​യി​ത്തീ​രു​ന്നി​ല്ലെന്നു നമു​ക്കെ​ങ്ങനെ തെളി​യി​ക്കാം? “സകലത്തി​ലും ഞങ്ങളെ​ത്തന്നേ ദൈവ​ത്തി​ന്റെ ശുശ്രൂ​ഷ​ക​ന്മാ​രാ​യി കാണി​ക്കു​ന്നു” എന്ന്‌ പൗലൊസ്‌ തുടർന്ന്‌ എഴുതി. (2 കൊരി. 6:4) അതു​കൊണ്ട്‌, നല്ല നടപ്പി​നാ​ലും തീക്ഷ്‌ണ​ത​യോ​ടെ​യുള്ള സുവാർത്താ പ്രസം​ഗ​ത്താ​ലും യഹോ​വ​യു​ടെ ദാന​ത്തോ​ടു നമുക്കു വിലമ​തി​പ്പു പ്രകട​മാ​ക്കാം. ഈ സ്‌മാരക കാലത്ത്‌ ശുശ്രൂ​ഷ​യി​ലെ പങ്കു വർധി​പ്പി​ക്കാ​നും അങ്ങനെ സുവാർത്ത​യ്‌ക്കു സമഗ്ര​സാ​ക്ഷ്യം നൽകാ​നും നമുക്കു ശ്രമി​ക്കാം.

[7-ാം പേജിലെ ചതുരം]

ആർക്കൊക്കെ സഹായ പയനി​യ​റിങ്‌ ചെയ്യാ​നാ​കും?

◼ കുടും​ബ​ങ്ങൾക്ക്‌

◼ ജോലി​ക്കാർക്ക്‌

◼ പ്രായം​ചെ​ന്ന​വർക്കും രോഗി​കൾക്കും

◼ വിദ്യാർഥി​കൾക്ക്‌

[8-ാം പേജിലെ ചതുരം]

സ്‌മാരക ക്ഷണക്കു​റിപ്പ്‌ വിതരണം ചെയ്യു​മ്പോൾ:

◼ അവതരണം ഹ്രസ്വ​മാ​യി​രി​ക്കണം; ഉത്സാഹ​ത്തോ​ടെ സംസാ​രി​ക്കു​ക

◼ താത്‌പ​ര്യ​ക്കാ​രു​ടെ പേരും മേൽവി​ലാ​സ​വും കുറി​ച്ചെ​ടു​ക്കുക, മടങ്ങി​ച്ചെ​ല്ലു​ക

◼ വാരാ​ന്ത​ങ്ങ​ളിൽ മാസി​കകൾ സമർപ്പി​ക്കു​ക