ബൈബി​ള​ധ്യ​യ​ന​ങ്ങ​ളിൽ തിരു​വെ​ഴു​ത്തു​കൾ ഫലപ്ര​ദ​മാ​യി ഉപയോ​ഗി​ക്കു​ക

1. ബൈബി​ള​ധ്യ​യനം നടത്തു​മ്പോൾ നാം തിരു​വെ​ഴു​ത്തു​കൾക്ക്‌ ഊന്നൽ നൽകേ​ണ്ടത്‌ എന്തു​കൊണ്ട്‌?

¹ നാം ബൈബി​ള​ധ്യ​യ​നങ്ങൾ നടത്തു​ന്ന​തി​ന്റെ ഉദ്ദേശ്യം, ദൈവ​വ​ച​ന​ത്തി​ലെ പഠിപ്പി​ക്ക​ലു​കൾ മനസ്സി​ലാ​ക്കാ​നും അംഗീ​ക​രി​ക്കാ​നും അവ ജീവി​ത​ത്തിൽ പ്രാവർത്തി​ക​മാ​ക്കാ​നും ആളുകളെ സഹായി​ച്ചു​കൊണ്ട്‌ അവരെ ‘ശിഷ്യ​രാ​ക്കുക’ എന്നതാണ്‌. (മത്താ. 28:19, 20; 1 തെസ്സ. 2:13) നമ്മുടെ അധ്യയനം അതു​കൊ​ണ്ടു​തന്നെ തിരു​വെ​ഴു​ത്തു​കളെ കേന്ദ്രീ​ക​രി​ച്ചു​ള്ള​താ​യി​രി​ക്കണം. ആദ്യം​തന്നെ സ്വന്തം ബൈബി​ളിൽനിന്ന്‌ തിരു​വെ​ഴു​ത്തു​കൾ കണ്ടുപി​ടി​ക്കു​ന്നത്‌ എങ്ങനെ​യെന്ന്‌ വിദ്യാർഥി​കൾക്കു കാണി​ച്ചു​കൊ​ടു​ക്കു​ന്നത്‌ നന്നായി​രി​ക്കും.

2. ഏതൊക്കെ തിരു​വെ​ഴു​ത്തു​കൾ വായിച്ച്‌ ചർച്ച​ചെ​യ്യ​ണ​മെന്ന്‌ നാം എങ്ങനെ തീരു​മാ​നി​ക്കും?

² വായി​ക്കേണ്ട തിരു​വെ​ഴു​ത്തു​കൾ തിര​ഞ്ഞെ​ടു​ക്കുക: അധ്യയ​ന​ത്തി​നാ​യി തയ്യാറാ​കുന്ന സമയത്ത്‌, പരാമർശി​ച്ചി​രി​ക്കുന്ന തിരു​വെ​ഴു​ത്തു​കൾ ഖണ്ഡിക​യി​ലെ ആശയങ്ങ​ളു​മാ​യി എങ്ങനെ ബന്ധപ്പെ​ട്ടി​രി​ക്കു​ന്നു എന്ന്‌ നോക്കുക. എന്നിട്ട്‌ ഏതൊക്കെ തിരു​വെ​ഴു​ത്തു​കൾ അധ്യയ​ന​സ​മ​യത്ത്‌ വായിച്ച്‌ ചർച്ച​ചെ​യ്യ​ണ​മെന്ന്‌ തീരു​മാ​നി​ക്കുക. നമ്മുടെ വിശ്വാ​സ​ങ്ങൾക്ക്‌ ആധാര​മാ​യി​രി​ക്കുന്ന തിരു​വെ​ഴു​ത്തു​കൾ വായി​ക്കു​ന്നത്‌ എന്തു​കൊ​ണ്ടും നല്ലതാണ്‌. പശ്ചാത്ത​ല​വി​വ​രങ്ങൾ നൽകുന്ന തിരു​വെ​ഴു​ത്തു​കൾ വായി​ക്ക​ണ​മെന്ന്‌ നിർബ​ന്ധ​മില്ല. ഓരോ വിദ്യാർഥി​യു​ടെ​യും ആവശ്യ​ങ്ങ​ളും സാഹച​ര്യ​ങ്ങ​ളും കണക്കി​ലെ​ടു​ത്തു​കൊ​ണ്ടു വേണം ഇതെല്ലാം ചെയ്യാൻ.

3. ചോദ്യ​ങ്ങൾ ചോദി​ക്കു​ന്ന​തു​കൊ​ണ്ടുള്ള പ്രയോ​ജനം എന്ത്‌, നമുക്ക്‌ എങ്ങനെ അതു ചെയ്യാം?

³ ചോദ്യ​ങ്ങൾ ചോദി​ക്കുക: നിങ്ങൾ വിദ്യാർഥിക്ക്‌ തിരു​വെ​ഴു​ത്തു​കൾ വിശദീ​ക​രി​ച്ചു​കൊ​ടു​ക്കു​ന്ന​തി​നു​പ​കരം, അദ്ദേഹം അത്‌ നിങ്ങൾക്കു വിശദീ​ക​രി​ച്ചു​ത​രട്ടെ. ചോദ്യ​ങ്ങൾ ഫലകര​മാ​യി ഉപയോ​ഗി​ക്കു​ന്ന​തി​ലൂ​ടെ അങ്ങനെ ചെയ്യാൻ അദ്ദേഹത്തെ പ്രേരി​പ്പി​ക്കാ​നാ​കും. ഒരു തിരു​വെ​ഴു​ത്തിന്‌, ചർച്ച​ചെ​യ്യുന്ന വിഷയ​വു​മാ​യുള്ള ബന്ധം വളരെ വ്യക്തമാ​ണെ​ങ്കിൽ ഖണ്ഡിക​യി​ലെ ആശയത്തെ പ്രസ്‌തുത തിരു​വെ​ഴുത്ത്‌ എങ്ങനെ പിന്താ​ങ്ങു​ന്നു എന്നുമാ​ത്രം ചോദി​ച്ചാൽ മതിയാ​കും. ഇനിയത്‌ വ്യക്തമ​ല്ലെ​ങ്കിൽ, ശരിയായ നിഗമ​ന​ത്തി​ലെ​ത്താൻ വിദ്യാർഥി​യെ സഹായി​ക്കു​ന്ന​തിന്‌ ഒന്നോ അതില​ധി​ക​മോ ചോദ്യ​ങ്ങൾ ചോദി​ക്കേ​ണ്ടി​വ​ന്നേ​ക്കാം.

4. വായി​ക്കുന്ന തിരു​വെ​ഴു​ത്തു​കൾക്ക്‌ എത്രമാ​ത്രം വിശദീ​ക​രണം നൽകണം?

⁴ ലളിത​മാ​ക്കുക: പരിച​യ​സ​മ്പ​ന്ന​നായ ഒരു വില്ലാ​ളിക്ക്‌ താൻ ഉദ്ദേശി​ക്കുന്ന എന്തെങ്കി​ലും എയ്‌തു​വീ​ഴ്‌ത്തു​ന്ന​തിന്‌ ഒരൊറ്റ അമ്പു മതിയാ​കും. സമാന​മാ​യി, വിദഗ്‌ധ​നായ ഒരു അധ്യാ​പ​കന്‌ അധികം വിശദീ​ക​രി​ക്കാ​തെ​തന്നെ ഒരു ആശയം വിദ്യാർഥിക്ക്‌ മനസ്സി​ലാ​ക്കി​ക്കൊ​ടു​ക്കാൻ സാധി​ക്കും. ചർച്ച​ചെ​യ്യുന്ന തിരു​വെ​ഴു​ത്തു​ക​ളു​ടെ എല്ലാ വശങ്ങളും വിശദീ​ക​രി​ച്ചു​കൊ​ടു​ക്കാ​നുള്ള പ്രവണത ഒഴിവാ​ക്കുക; പഠിക്കുന്ന ആശയവു​മാ​യി ബന്ധപ്പെട്ട വശംമാ​ത്രം വിശദീ​ക​രി​ച്ചാൽ മതിയാ​കും. ചില​പ്പോൾ, ഒരു വാക്യ​ത്തി​ന്റെ അർഥം മനസ്സി​ലാ​ക്കാ​നും അത്‌ ശരിയാ​യി വിശദീ​ക​രി​ച്ചു​കൊ​ടു​ക്കാ​നും കഴി​യേ​ണ്ട​തിന്‌ നിങ്ങൾക്ക്‌ ക്രിസ്‌തീയ പ്രസി​ദ്ധീ​ക​ര​ണ​ങ്ങ​ളിൽ ഗവേഷണം ചെയ്യേണ്ടി വന്നേക്കാം.—2 തിമൊ. 2:15.

5, 6. തിരു​വെ​ഴു​ത്തു​കൾ പ്രാ​യോ​ഗി​ക​മാ​ക്കാൻ വിദ്യാർഥി​കളെ എങ്ങനെ സഹായി​ക്കാം, എന്നാൽ നാം എന്ത്‌ ഒഴിവാ​ക്കണം?

⁵ പ്രാ​യോ​ഗി​ക​വശം വ്യക്തമാ​ക്കുക: ഉചിത​മാ​യി​രി​ക്കു​മ്പോൾ, പഠിക്കുന്ന തിരു​വെ​ഴു​ത്തു​കൾ സ്വന്തം ജീവി​ത​ത്തിൽ എങ്ങനെ ബാധക​മാ​ക്കാ​മെന്നു തിരി​ച്ച​റി​യാൻ വിദ്യാർഥി​യെ സഹായി​ക്കുക. ഉദാഹ​ര​ണ​ത്തിന്‌ എബ്രായർ 10:24, 25 വായിച്ച്‌ ചർച്ച​ചെ​യ്യു​മ്പോൾ നിങ്ങൾക്ക്‌ ഒരുപക്ഷേ, ഒരു യോഗ​ത്തെ​ക്കു​റി​ച്ചു പറയാ​നും അതിന്‌ അദ്ദേഹത്തെ ക്ഷണിക്കാ​നും കഴി​ഞ്ഞേ​ക്കും. എന്നാൽ അദ്ദേഹത്തെ നിർബ​ന്ധി​ക്ക​രുത്‌. യഹോ​വയെ പ്രസാ​ദി​പ്പി​ക്കാൻ ആവശ്യ​മായ നടപടി സ്വീക​രി​ക്കു​ന്ന​തിന്‌ ദൈവ​ത്തി​ന്റെ വചനം അദ്ദേഹ​ത്തിന്‌ പ്രചോ​ദ​ന​മേ​കട്ടെ.—എബ്രാ. 4:12.

⁶ ശിഷ്യരെ ഉളവാ​ക്കാ​നുള്ള നിയോ​ഗം നിറ​വേ​റ്റവെ, തിരു​വെ​ഴു​ത്തു​കൾ ഫലകര​മാ​യി ഉപയോ​ഗി​ച്ചു​കൊണ്ട്‌ ‘വിശ്വാ​സ​ത്താൽ അനുസ​രി​ക്കാൻ’ നമുക്ക്‌ ആളുകളെ പ്രോ​ത്സാ​ഹി​പ്പി​ക്കാം.—റോമ. 16:25.