ഞായറാഴ്‌ച സാക്ഷീ​ക​രി​ക്കാൻ നിങ്ങൾ തയ്യാറാ​ണോ?

1. പൗലോ​സിൽനി​ന്നും കൂട്ടാ​ളി​ക​ളിൽനി​ന്നും നമുക്ക്‌ എന്തു പഠിക്കാം?

¹ അന്നൊരു ശബത്തു ദിവസ​മാ​യി​രു​ന്നു. ഫിലി​പ്പി​യി​ലുള്ള യഹൂദ​ന്മാ​രിൽ അധിക​വും വിശ്ര​മ​ത്തി​നാ​യി നീക്കി​വെ​ച്ചി​രുന്ന ദിവസം. പൗലോ​സും കൂട്ടരും മിഷനറി യാത്ര​യു​ടെ ഭാഗമാ​യി അവിടം സന്ദർശി​ക്കു​ക​യാണ്‌. അന്ന്‌ അവർക്കു വേണ​മെ​ങ്കിൽ വിശ്ര​മി​ക്കാ​മാ​യി​രു​ന്നു; അതിന്‌ ആരും അവരെ കുറ്റ​പ്പെ​ടു​ത്തു​മാ​യി​രു​ന്നില്ല. എന്നാൽ, പട്ടണത്തി​നു വെളി​യിൽ യഹൂദ​ന്മാർ പ്രാർഥ​ന​യ്‌ക്കാ​യി കൂടി​വ​ന്നി​രി​ക്കു​ന്നു എന്ന്‌ അറിഞ്ഞ അവർ സാക്ഷീ​ക​രി​ക്കാ​നുള്ള അവസരം പാഴാ​ക്കു​ന്നില്ല. ഫലമോ? അവർ പറഞ്ഞ​തെ​ല്ലാം ശ്രദ്ധി​ച്ചു​കേട്ട ലുദി​യ​യും ഒപ്പം അവളുടെ ഭവനത്തി​ലുള്ള എല്ലാവ​രും സ്‌നാ​ന​മേറ്റു. അപ്പോൾ പൗലോ​സി​നും കൂട്ടാ​ളി​കൾക്കും എത്രമാ​ത്രം സന്തോഷം തോന്നി​യി​രി​ക്കണം! (പ്രവൃ. 16:13-15) ഇന്ന്‌ പല ആളുക​ളും വിശ്ര​മ​ത്തി​നാ​യി നീക്കി​വെ​ച്ചി​രി​ക്കുന്ന ദിവസ​മാണ്‌ ഞായറാഴ്‌ച. അവരോ​ടു സാക്ഷീ​ക​രി​ക്കാൻ ആ ദിവസം അൽപ്പസ​മയം വിനി​യോ​ഗി​ക്കു​ന്നത്‌ നല്ലതല്ലേ?

2. ഞായറാഴ്‌ച സുഗമ​മാ​യി സാക്ഷീ​ക​രി​ക്കു​ന്ന​തി​നു​വേണ്ടി ദൈവ​ജ​ന​ത്തിന്‌ എന്തെല്ലാം പ്രതി​സ​ന്ധി​കൾ തരണം​ചെ​യ്യേ​ണ്ടി​വന്നു?

² ഞായറാഴ്‌ച സാക്ഷീ​ക​രണം—പോരാ​ടി നേടിയ വിജയം: എല്ലാ ഞായറാ​ഴ്‌ച​യും അൽപ്പസ​മയം ശുശ്രൂ​ഷ​യിൽ ചെലവി​ടാൻ 1927-ൽ യഹോ​വ​യു​ടെ ജനത്തിന്‌ പ്രോ​ത്സാ​ഹനം ലഭിക്കു​ക​യു​ണ്ടാ​യി. എതിർപ്പു​ക​ളു​ടെ പെരു​മ​ഴ​യാ​യി​രു​ന്നു പിന്നെ. ഞായറാഴ്‌ച ശബത്തു​നി​യമം ലംഘി​ക്കു​ന്നു, ജനങ്ങളു​ടെ സ്വൈ​ര്യം കെടു​ത്തു​ന്നു, ലൈസൻസി​ല്ലാ​തെ വിൽപ്പന നടത്തുന്നു എന്നിങ്ങ​നെ​യുള്ള കുറ്റങ്ങൾ ആരോ​പിച്ച്‌ ഐക്യ​നാ​ടു​ക​ളിൽ നിരവധി പേരെ അറസ്റ്റു​ചെ​യ്‌തു. പക്ഷേ സഹോ​ദ​രങ്ങൾ പിന്മാ​റി​യില്ല. 1930-കളിൽ അവർ “ഡിവി​ഷണൽ കാം​പെ​യ്‌ൻസ്‌” എന്ന പേരിൽ സാക്ഷീ​ക​രണം സംഘടി​പ്പി​ച്ചു. അതിന്റെ ഭാഗമാ​യി പല സഭകളിൽനി​ന്നുള്ള പ്രസാ​ധകർ ഒരു സ്ഥലത്ത്‌ ഒത്തുകൂ​ടി ആ പ്രദേശം പ്രവർത്തി​ച്ചു തീർക്കു​മാ​യി​രു​ന്നു. അറസ്റ്റു​ചെ​യ്യ​പ്പെ​ടു​ന്ന​വ​രു​ടെ എണ്ണം കൂടി​ക്കൂ​ടി വന്നതി​നാൽ അധികാ​രി​കൾക്ക്‌ ശ്രമം ഉപേക്ഷി​ക്കേ​ണ്ടി​വന്നു; അവർക്ക്‌ ദൈവ​ജ​നത്തെ തടയാ​നാ​യില്ല. ആ സഹോ​ദ​ര​ങ്ങ​ളു​ടെ ത്യാഗത്തെ നിങ്ങൾ വിലമ​തി​ക്കു​ന്നി​ല്ലേ? അവർ കാണിച്ച ആ തീക്ഷ്‌ണത നിങ്ങൾക്കും പ്രോ​ത്സാ​ഹ​ന​മേ​കു​ന്നി​ല്ലേ?

3. ഞായറാഴ്‌ച ദിവസം സാക്ഷീ​ക​ര​ണ​ത്തിന്‌ അനു​യോ​ജ്യ​മാ​ണെന്നു പറയു​ന്നത്‌ എന്തു​കൊണ്ട്‌?

³ സാക്ഷീ​ക​രി​ക്കാൻ അനു​യോ​ജ്യ​മായ ദിവസം: ഞായറാഴ്‌ച മിക്കവ​രും ജോലി​ക്കു പോകാ​റില്ല. സാധാ​ര​ണ​ഗ​തി​യിൽ, അവർ തിരക്കു​ക​ളിൽനി​ന്നെ​ല്ലാം ഒഴിഞ്ഞി​രി​ക്കുന്ന ദിവസ​മാ​ണത്‌. പള്ളിയിൽ പോകുന്ന പലരും അന്നേദി​വസം ദൈവി​ക​കാ​ര്യ​ങ്ങൾ സംസാ​രി​ക്കാൻ താത്‌പ​ര്യം കാണി​ക്കാ​റുണ്ട്‌. അതു​കൊണ്ട്‌ ആ ദിവസം നമുക്ക്‌ നന്നായി പ്രയോ​ജ​ന​പ്പെ​ടു​ത്താം. വയൽസേ​വ​ന​ത്തി​നു ചേരുന്ന വസ്‌ത്ര​മാ​ണ​ല്ലോ ഞായറാഴ്‌ച യോഗ​ങ്ങൾക്കു​വ​രു​മ്പോൾ നാം ധരിക്കു​ന്നത്‌. ആ സ്ഥിതിക്ക്‌ അന്ന്‌ യോഗ​ങ്ങൾക്കു മുമ്പോ ശേഷമോ വയൽസേ​വ​ന​ത്തിൽ ഏർപ്പെ​ടാ​നും​കൂ​ടി ക്രമീ​ക​രി​ക്കാ​നാ​കി​ല്ലേ? ആവശ്യ​മെ​ങ്കിൽ, കഴിക്കാൻ അൽപ്പ​മെ​ന്തെ​ങ്കി​ലും കൂടെ​ക്ക​രു​തു​ക​യു​മാ​വാം.

4. ഞായറാഴ്‌ച ശുശ്രൂ​ഷ​യിൽ ഏർപ്പെ​ടു​ന്ന​തി​ന്റെ പ്രയോ​ജ​ന​മെന്ത്‌?

⁴ ഞായറാഴ്‌ച അൽപ്പസ​മയം ശുശ്രൂ​ഷ​യിൽ ഏർപ്പെ​ട്ടാ​ലും വിശ്ര​മി​ക്കാൻ നമുക്ക്‌ അപ്പോ​ഴും സമയമു​ണ്ടാ​കും. വിശു​ദ്ധ​സേ​വനം അനുഷ്‌ഠി​ച്ച​തി​ന്റെ സംതൃ​പ്‌തി​യും നമുക്ക്‌ അനുഭ​വി​ക്കാ​നാ​കും. (സദൃ. 19:23) ഇനി, ശുശ്രൂ​ഷ​യ്‌ക്കി​ട​യിൽ ലുദി​യ​യെ​പ്പോ​ലു​ള്ള​വരെ കണ്ടെത്താൻ കഴിയു​ന്നെ​ങ്കി​ലോ? ആ സന്തോഷം ഒന്നു വേറെ​ത​ന്നെ​യാണ്‌!