അനൗപ​ചാ​രിക സാക്ഷീ​ക​രണം നടത്താം

1. (എ) അനൗപ​ചാ​രിക സാക്ഷീ​ക​രണം എന്താണ്‌? (ബി) ഈ യോഗ​ത്തി​നു ഹാജരാ​യി​രി​ക്കുന്ന എത്ര പേരാണ്‌ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ സത്യം അറിയാ​നി​ട​യാ​യത്‌?

¹ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ സത്യം അറിയാൻ ഇടയായ എത്ര പേർ നിങ്ങളു​ടെ സഭയി​ലുണ്ട്‌? അവരുടെ എണ്ണം നിങ്ങളെ അത്ഭുത​പ്പെ​ടു​ത്തി​യേ​ക്കാം. നിത്യ​ജീ​വി​ത​ത്തോ​ടു ബന്ധപ്പെട്ട പ്രവർത്ത​ന​ങ്ങൾക്കി​ട​യിൽ—യാത്ര ചെയ്യു​മ്പോൾ, ബന്ധുക്കളെ അല്ലെങ്കിൽ അയൽക്കാ​രെ സന്ദർശി​ക്കു​മ്പോൾ, മാർക്ക​റ്റി​ലാ​യി​രി​ക്കു​മ്പോൾ, സ്‌കൂ​ളി​ലോ ജോലി​സ്ഥ​ല​ത്തോ ആയിരി​ക്കു​മ്പോൾ—ആളുക​ളു​മാ​യി സുവി​ശേഷം പങ്കു​വെ​ക്കു​ന്ന​തി​നെ​യാണ്‌ അനൗപ​ചാ​രിക സാക്ഷീ​ക​രണം എന്നു പറയു​ന്നത്‌. 200-ലധികം പേരട​ങ്ങുന്ന സ്‌നാ​ന​മേറ്റ സാക്ഷി​ക​ളു​ടെ ഒരു കൂട്ടത്തിൽ 40 ശതമാനം സത്യം അറിയാൻ ഇടയാ​യത്‌ അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ ആയിരു​ന്നു! അനൗപ​ചാ​രിക സാക്ഷീ​ക​രണം വളരെ ഫലപ്ര​ദ​മായ ഒരു മാർഗ​മാ​ണെ​ന്നല്ലേ ഇതു കാണി​ക്കു​ന്നത്‌?

2. അനൗപ​ചാ​രിക സാക്ഷീ​ക​രണം നടത്തി​യി​ട്ടുള്ള ആരു​ടെ​യെ​ല്ലാം ദൃഷ്ടാ​ന്തങ്ങൾ ബൈബി​ളി​ലുണ്ട്‌?

² ഒന്നാം നൂറ്റാ​ണ്ടി​ലെ സുവി​ശേ​ഷകർ പലപ്പോ​ഴും അനൗപ​ചാ​രിക സാക്ഷീ​ക​രണം നടത്തി​യി​രു​ന്നു. ഉദാഹ​ര​ണ​ത്തിന്‌ ശമര്യ​യി​ലൂ​ടെ സഞ്ചരി​ക്കവെ, യാക്കോ​ബി​ന്റെ ഉറവി​ന​ടു​ത്തു​വെച്ച്‌ വെള്ളം കോരാ​നെ​ത്തിയ ഒരു സ്‌ത്രീ​യോട്‌ യേശു സാക്ഷീ​ക​രി​ച്ചു. (യോഹ. 4:6-26) “വായി​ക്കു​ന്നതു നീ ഗ്രഹി​ക്കു​ന്നു​വോ?” എന്ന ഒരു ചോദ്യ​ത്തി​ലൂ​ടെ ഫിലി​പ്പോസ്‌, യെശയ്യാ​പു​സ്‌ത​ക​ത്തി​ലെ ഒരു പ്രവച​ന​ഭാ​ഗം വായി​ക്കു​ക​യാ​യി​രുന്ന എത്യോ​പൻ ഷണ്ഡനു​മാ​യി ഒരു സംഭാ​ഷ​ണ​ത്തി​നു തുടക്ക​മി​ട്ടു. (പ്രവൃ. 8:26-38) ഫിലി​പ്പി​യിൽ തടവി​ലാ​യി​രി​ക്കെ പൗലോസ്‌ അപ്പൊ​സ്‌തലൻ അവിടത്തെ കാരാ​ഗൃ​ഹ​പ്ര​മാ​ണി​യോ​ടു സാക്ഷീ​ക​രി​ച്ചു. (പ്രവൃ. 16:23-34) മറ്റൊ​ര​വ​സ​ര​ത്തിൽ വീട്ടു​ത​ട​ങ്ക​ലി​ലാ​യി​രി​ക്കെ പൗലോസ്‌ “തന്റെ അടുക്കൽ വന്ന എല്ലാവ​രെ​യും ദയാപൂർവം സ്വീക​രിച്ച്‌ . . . ദൈവ​രാ​ജ്യ​ത്തെ​ക്കു​റിച്ച്‌ അവരോ​ടു പ്രസം​ഗി​ക്കു​ക​യും കർത്താ​വായ യേശു​ക്രി​സ്‌തു​വി​നെ​ക്കു​റി​ച്ചുള്ള കാര്യങ്ങൾ പഠിപ്പി​ക്കു​ക​യും ചെയ്‌തു​പോ​ന്നു.” (പ്രവൃ. 28:30, 31) നിങ്ങൾ ലജ്ജാശീ​ല​നായ ഒരാളാ​ണെ​ങ്കിൽപ്പോ​ലും നിങ്ങൾക്കും അനൗപ​ചാ​രി​ക​മാ​യി സാക്ഷീ​ക​രി​ക്കാ​നാ​കും. എങ്ങനെ?

3. ലജ്ജാശീ​ലം മറിക​ട​ക്കാൻ നമ്മെ എന്തു സഹായി​ക്കും?

³ ധൈര്യം സംഭരി​ക്കാൻ: അപരി​ചി​ത​രു​മാ​യി സംഭാ​ഷ​ണങ്ങൾ ആരംഭി​ക്കാൻ നമ്മിൽ പലർക്കും ബുദ്ധി​മു​ട്ടുണ്ട്‌. പരിച​യ​ക്കാ​രോ​ടാ​ണെ​ങ്കിൽപ്പോ​ലും നമ്മുടെ വിശ്വാ​സ​ത്തെ​ക്കു​റി​ച്ചു പറയാൻ ശ്രമി​ക്കു​ന്നത്‌ അൽപ്പം പരി​ഭ്രമം ഉളവാ​ക്കുന്ന കാര്യ​മാണ്‌. എന്നാൽ യഹോ​വ​യു​ടെ നന്മയെ​യും അവൻ തന്റെ ദാസർക്ക്‌ നൽകി​യി​രി​ക്കുന്ന ആത്മീയ സമ്പത്തി​നെ​യും ലോക​ത്തി​ലെ ആളുക​ളു​ടെ പരിതാ​പ​ക​ര​മായ അവസ്ഥ​യെ​യും കുറിച്ചു ചിന്തി​ക്കു​ന്നത്‌, സംസാ​രി​ക്കാൻവേണ്ട പ്രചോ​ദനം നമുക്ക്‌ നൽകും. (യോനാ 4:11; സങ്കീ. 40:5; മത്താ. 13:52) സംസാ​രി​ക്കാ​നുള്ള ധൈര്യം തരാൻ യഹോ​വ​യോ​ടു പ്രാർഥി​ക്കാ​നും നമുക്കു കഴിയും. (1 തെസ്സ. 2:2) ഒരു ഗിലെ​യാദ്‌ വിദ്യാർഥി ഇങ്ങനെ പറഞ്ഞു: “ആളുക​ളോ​ടു സംസാ​രി​ക്കാൻ ബുദ്ധി​മു​ട്ടു തോന്നി​യി​ട്ടുള്ള സാഹച​ര്യ​ങ്ങ​ളിൽ, പ്രാർഥന ഒരു വലിയ സഹായ​മാ​യി​രു​ന്നി​ട്ടുണ്ട്‌.” അതെ, സംസാ​രി​ക്കാൻ ബുദ്ധി​മു​ട്ടു തോന്നു​മ്പോൾ മനസ്സിൽ ഹ്രസ്വ​മാ​യി പ്രാർഥി​ക്കുക.—നെഹെ. 2:4.

4. തുടക്ക​ത്തിൽ നമുക്ക്‌ എന്തു ലക്ഷ്യം വെക്കാം, എന്തു​കൊണ്ട്‌?

⁴ അനൗപ​ചാ​രിക സാക്ഷീ​ക​രണം എന്ന പേരു​തന്നെ സൂചി​പ്പി​ക്കു​ന്നത്‌, സംഭാ​ഷണം തുടങ്ങാ​നാ​യി നാം ഔപചാ​രി​ക​മായ ഒരു മുഖവു​ര​യോ ഒരു ബൈബിൾ വാക്യ​മോ ഒന്നും ഉപയോ​ഗി​ക്കേ​ണ്ട​തില്ല എന്നാണ്‌. നേരിട്ട്‌ ഒരു സാക്ഷ്യം നൽകു​ക​യാ​ണെന്ന തോന്നൽ ഇല്ലാതെ, വെറുതെ ഒരു സംഭാ​ഷ​ണ​ത്തി​നു തുടക്ക​മി​ടുക എന്ന ലക്ഷ്യത്തിൽ സംസാ​രി​ച്ചു​തു​ട​ങ്ങു​ന്നത്‌ സഹായം ചെയ്യും. ഇത്‌, സാവധാ​നം സുവി​ശേഷം അവതരി​പ്പി​ക്കാ​നുള്ള ധൈര്യം നൽകി​യ​താ​യി നിരവധി പ്രസാ​ധകർ പറഞ്ഞി​ട്ടുണ്ട്‌. വ്യക്തിക്ക്‌ സംഭാ​ഷ​ണ​ത്തി​നു താത്‌പ​ര്യ​മി​ല്ലെന്നു കണ്ടാൽ പിന്നെ സംസാരം തുടരേണ്ട ആവശ്യം വരുന്നില്ല. വിനയ​പൂർവം സംഭാ​ഷണം അവസാ​നി​പ്പി​ക്കുക.

5. ലജ്ജാശീ​ല​യായ ഒരു സഹോ​ദരി അനൗപ​ചാ​രിക സാക്ഷീ​ക​രണം നടത്തു​ന്നത്‌ എങ്ങനെ?

⁵ ലജ്ജാശീ​ല​യായ ഒരു സഹോ​ദരി, കടയിൽ സാധനങ്ങൾ വാങ്ങു​ന്ന​തി​നി​ടെ സാക്ഷീ​ക​രി​ക്കാൻ പിൻവ​രുന്ന മാർഗം അവലം​ബി​ക്കു​ന്നു. ആദ്യം അവർ വ്യക്തി​യു​ടെ മുഖത്തു നോക്കി സൗഹാർദ​പൂർവം പുഞ്ചി​രി​ക്കും. ആ വ്യക്തി തിരിച്ചു പുഞ്ചി​രി​ച്ചാൽ സഹോ​ദരി ഹ്രസ്വ​മാ​യി എന്തെങ്കി​ലു​മൊന്ന്‌ പറയും. പ്രതി​ക​രണം അനുകൂ​ല​മാ​ണെ​ങ്കിൽ, ഒരു സംഭാ​ഷണം ആരംഭി​ക്കാൻ സഹോ​ദരി ശ്രമി​ക്കും. ആ വ്യക്തി പറയു​ന്നത്‌ അവർ ശ്രദ്ധ​വെച്ചു കേൾക്കു​ക​യും സുവി​ശേ​ഷ​ത്തി​ന്റെ ഏതു വശമാ​യി​രി​ക്കും കേൾക്കുന്ന ആൾക്ക്‌ ആകർഷ​ക​മാ​യി തോന്നുക എന്നു മനസ്സി​ലാ​ക്കാൻ ശ്രമി​ക്കു​ക​യും ചെയ്യും. ഈ രീതി​യി​ലൂ​ടെ അനേകം പ്രസി​ദ്ധീ​ക​ര​ണങ്ങൾ സമർപ്പി​ക്കാൻ അവർക്കു സാധി​ച്ചി​ട്ടുണ്ട്‌, ഒരു ബൈബി​ള​ധ്യ​യനം തുടങ്ങാ​നും.

6. അനൗപ​ചാ​രി​ക​മാ​യി സാക്ഷീ​ക​രി​ക്കാൻ എങ്ങനെ ഒരു സംഭാ​ഷ​ണ​ത്തി​നു തുടക്ക​മി​ടാം?

⁶ സംഭാ​ഷ​ണ​ത്തി​നു തുടക്ക​മി​ടാൻ: സംഭാ​ഷ​ണ​ത്തി​നു തുടക്ക​മി​ടാൻ നമുക്ക്‌ എന്തു പറയാ​നാ​കും? കിണറ്റിൻക​ര​യിൽവെച്ചു കണ്ട സ്‌ത്രീ​യോട്‌ യേശു സംഭാ​ഷ​ണ​ത്തി​നു തുടക്ക​മി​ട്ടത്‌ കുടി​ക്കാൻ അൽപ്പം വെള്ളം ചോദി​ച്ചു​കൊ​ണ്ടാണ്‌. (യോഹ. 4:7) നമുക്കും അതു​പോ​ലെ, ഒരു കുശലാ​ന്വേ​ഷ​ണ​ത്തി​ലൂ​ടെ​യോ സൗഹാർദ​പൂർവം ഒരു ചോദ്യം ചോദി​ച്ചു​കൊ​ണ്ടോ ഒക്കെ സംഭാ​ഷ​ണ​ത്തി​നു തുടക്ക​മി​ടാ​നാ​കും. സംഭാ​ഷണം ദൈവ​രാ​ജ്യം എന്ന വിഷയ​ത്തി​ലേക്കു തിരി​ച്ചു​വി​ടാ​നോ ബൈബി​ളി​ലേക്കു ശ്രദ്ധ ക്ഷണിക്കാ​നോ നാം തിടുക്കം കാണി​ക്കേ​ണ്ട​തില്ല, വിശേ​ഷി​ച്ചും നാം സംസാ​രി​ക്കുന്ന ആളിന്‌ എന്തെങ്കി​ലും തരത്തി​ലുള്ള മുൻവി​ധി​ക​ളു​ണ്ടെ​ങ്കിൽ. സംഭാ​ഷണം പുരോ​ഗ​മി​ക്കവെ ബൈബി​ള​ധി​ഷ്‌ഠി​ത​മായ ഒരു ആശയം അവതരി​പ്പി​ക്കാ​നോ സത്യത്തി​ന്റെ വിത്ത്‌ നടാനോ നമുക്ക്‌ അവസരം ലഭി​ച്ചേ​ക്കാം. (സഭാ. 11:6) ജിജ്ഞാസ ഉണർത്തുന്ന എന്തെങ്കി​ലും ഒരു കാര്യം പറയു​ന്നത്‌ ഫലപ്ര​ദ​മാ​യി ചിലർ കണ്ടിട്ടുണ്ട്‌. ഉദാഹ​ര​ണ​ത്തിന്‌ നിങ്ങൾ ഡോക്‌ടറെ കാണാൻ സന്ദർശ​ന​മു​റി​യിൽ കാത്തി​രി​ക്കു​ക​യാ​ണെന്നു വിചാ​രി​ക്കുക. “ഈ രോഗ​ങ്ങ​ളൊ​ക്കെ മാറുന്ന സമയം വരു​മ്പോൾ എന്തു സന്തോ​ഷ​മാ​യി​രി​ക്കും!” എന്നു പറഞ്ഞു​കൊണ്ട്‌ ഒരു സംഭാ​ഷണം ആരംഭി​ക്കാ​വു​ന്ന​താണ്‌.

7. കാര്യങ്ങൾ നിരീ​ക്ഷി​ക്കു​ന്നത്‌ അനൗപ​ചാ​രിക സാക്ഷീ​ക​ര​ണ​ത്തി​നു വഴി തുറന്നു​ത​ന്നേ​ക്കാ​വു​ന്നത്‌ എങ്ങനെ?

⁷ കാര്യങ്ങൾ നന്നായി നിരീ​ക്ഷി​ക്കു​ന്ന​തും ഒരു സംഭാ​ഷണം തുടങ്ങാൻ നമ്മെ സഹായി​ക്കും. ഒരു അമ്മയെ അല്ലെങ്കിൽ അച്ഛനെ അവരുടെ കുട്ടി​ക​ളോ​ടൊ​പ്പം കാണു​ക​യാ​ണെ​ന്നി​രി​ക്കട്ടെ. കുട്ടികൾ നല്ല അച്ചടക്ക​ശീ​ല​മു​ള്ള​വ​രാ​ണെന്നു നിരീ​ക്ഷി​ക്കാൻ കഴിഞ്ഞാൽ ആ അച്ഛനെ അല്ലെങ്കിൽ അമ്മയെ അഭിന​ന്ദി​ച്ചു​കൊണ്ട്‌ ചോദി​ക്കാം: “മക്കളെ ഇത്ര അച്ചടക്ക​ത്തോ​ടെ വളർത്താൻ സാധി​ക്കു​ന്നത്‌ എങ്ങനെ​യാണ്‌?” ഒരു സഹോ​ദരി ജോലി​സ്ഥ​ലത്ത്‌ സഹപ്ര​വർത്തകർ ചർച്ച ചെയ്യുന്ന വിഷയങ്ങൾ ശ്രദ്ധി​ക്കും; എന്നിട്ട്‌ അവർക്ക്‌ താത്‌പ​ര്യ​മുള്ള വിഷയ​ങ്ങളെ ആസ്‌പ​ദ​മാ​ക്കി​യുള്ള കാര്യങ്ങൾ അവരു​മാ​യി പങ്കു​വെ​ക്കും. ഉദാഹ​ര​ണ​ത്തിന്‌, ഒരു സഹപ്ര​വർത്തക വിവാ​ഹി​ത​യാ​കാൻ പോകു​ക​യാ​ണെന്നു മനസ്സി​ലാ​യ​പ്പോൾ സഹോ​ദരി അവർക്ക്‌ വിവാ​ഹ​ത്തി​നു​വേണ്ട ക്രമീ​ക​ര​ണങ്ങൾ എങ്ങനെ നടത്താം എന്ന വിഷയം പ്രതി​പാ​ദി​ച്ചി​രുന്ന ഒരു ഉണരുക! നൽകി. ഇത്‌ കൂടുതൽ ബൈബിൾ ചർച്ചകൾക്കു വഴി തുറന്നു.

8. സംഭാ​ഷ​ണ​ത്തി​നു തുടക്ക​മി​ടാൻ സാഹി​ത്യ​ങ്ങൾ നമുക്ക്‌ എങ്ങനെ ഉപയോ​ഗി​ക്കാ​നാ​കും?

⁸ മറ്റുള്ള​വർക്കു കാണാ​വുന്ന വിധത്തിൽ പ്രസി​ദ്ധീ​ക​ര​ണങ്ങൾ വായി​ക്കു​ന്നത്‌ സംഭാ​ഷ​ണ​ത്തി​നു വഴി തുറന്നു​ത​ന്നേ​ക്കാം. ഒരു സഹോ​ദരൻ ചെയ്യാ​റു​ള്ളത്‌ ഇതാണ്‌: അദ്ദേഹം വീക്ഷാ​ഗോ​പു​ര​ത്തി​ലെ​യോ ഉണരുക!-യിലെ​യോ കൗതു​ക​മു​ണർത്തുന്ന ഒരു ലേഖനം തുറന്ന്‌ വായി​ക്കാൻതു​ട​ങ്ങും. അടുത്തി​രി​ക്കുന്ന ആരെങ്കി​ലും ശ്രദ്ധി​ക്കു​ന്നു​ണ്ടെന്നു കണ്ടാൽ എന്തെങ്കി​ലും ഒരു ചോദ്യം ഉന്നയി​ക്കു​ക​യോ ലേഖന​ത്തെ​ക്കു​റിച്ച്‌ ഹ്രസ്വ​മാ​യി എന്തെങ്കി​ലും പറയു​ക​യോ ചെയ്യും. പലപ്പോ​ഴും ഇത്‌ സംഭാ​ഷണം ആരംഭി​ക്കാ​നും സാക്ഷ്യം നൽകാ​നും സഹോ​ദ​രനെ സഹായി​ച്ചി​ട്ടുണ്ട്‌. നമ്മുടെ ഏതെങ്കി​ലു​മൊ​രു പ്രസി​ദ്ധീ​ക​രണം സഹപ്ര​വർത്ത​കർക്കോ സഹപാ​ഠി​കൾക്കോ കാണാ​വു​ന്ന​വി​ധ​ത്തിൽ വെക്കു​ന്നത്‌ അവരിൽ ജിജ്ഞാസ ഉണർത്തും; അവർ കൂടുതൽ കാര്യങ്ങൾ ചോദി​ച്ച​റി​യാ​നും ഇടയാ​കും.

9, 10. (എ) അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ നമുക്ക്‌ എങ്ങനെ സൃഷ്ടി​ക്കാ​നാ​കും? (ബി) നിങ്ങൾ അതിനു ശ്രമി​ച്ചി​ട്ടു​ണ്ടോ?

⁹ അവസരങ്ങൾ സൃഷ്ടി​ക്കുക: പ്രസം​ഗ​വേ​ല​യു​ടെ അടിയ​ന്തി​രത കണക്കി​ലെ​ടു​ക്കു​മ്പോൾ, അവസരം ഒത്തുകി​ട്ടി​യാൽ സ്വീക​രി​ക്കാ​വുന്ന ഒരു രീതി​യാ​യി അനൗപ​ചാ​രിക സാക്ഷീ​ക​ര​ണത്തെ നമുക്കു വീക്ഷി​ക്കാ​നാ​വില്ല. പകരം സാക്ഷീ​ക​രി​ക്കാ​നാ​യി അവസരങ്ങൾ സൃഷ്ടി​ക്കാൻ നാം പ്രത്യേ​കം ശ്രദ്ധി​ക്കണം. കണ്ടുമു​ട്ടാൻ സാധ്യ​ത​യുള്ള ആളുക​ളെ​ക്കു​റി​ച്ചും അവരു​മാ​യി എങ്ങനെ ഒരു സൗഹൃ​ദ​സം​ഭാ​ഷണം ആരംഭി​ക്കാം എന്നതി​നെ​ക്കു​റി​ച്ചും നാം മുന്നമേ ചിന്തി​ക്കണം. ഒരു ബൈബി​ളും താത്‌പ​ര്യം കാണി​ക്കു​ന്ന​വർക്ക്‌ നൽകാൻവേണ്ട പ്രസി​ദ്ധീ​ക​ര​ണ​ങ്ങ​ളും എപ്പോ​ഴും കൂടെ​ക്ക​രു​തുക. (1 പത്രോ. 3:15) കുറേ ലഘു​ലേ​ഖകൾ കൂടെ​ക്ക​രു​തു​ന്നത്‌ പ്രാ​യോ​ഗി​ക​മാ​ണെന്ന്‌ ചില പ്രസാ​ധകർ കരുതുന്നു.—km-MY 6/07 പേ. 3.

¹⁰ സാഹച​ര്യ​ത്തി​നൊത്ത്‌ പ്രവർത്തി​ക്കാ​നുള്ള കഴിവ്‌ നേടു​ക​വഴി, അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ സൃഷ്ടി​ക്കാൻ പല പ്രസാ​ധ​കർക്കും സാധി​ച്ചി​ട്ടുണ്ട്‌. ഒരു വലിയ ഫ്‌ളാറ്റ്‌ സമുച്ച​യ​ത്തിൽ താമസി​ക്കുന്ന ഒരു സഹോ​ദരി, അവിടത്തെ താമസ​ക്കാർ വിനോ​ദ​ങ്ങൾക്കാ​യി വരാറുള്ള ‘റെക്രി​യേഷൻ ഏരിയ’യിൽ മനോ​ഹ​ര​മായ പ്രകൃ​തി​ദൃ​ശ്യ​ങ്ങൾ ദൃശ്യ​വ​ത്‌ക​രി​ക്കുന്ന ജിഗ്‌സോ പസിലു​കൾ കൊണ്ടു​വ​രും. സഹോ​ദരി ചിത്ര​ത്തി​ന്റെ ഭാഗങ്ങൾ കൂട്ടി​ച്ചേർത്തു​വെ​ക്കു​മ്പോൾ, അതുവഴി പോകു​ന്നവർ ചിത്ര​ത്തെ​ക്കു​റിച്ച്‌ എന്തെങ്കി​ലും അഭി​പ്രാ​യം പറയാ​നാ​യി അവി​ടെ​യൊ​ന്നു നിൽക്കും. സഹോ​ദരി ഉടനെ ഒരു സംഭാ​ഷ​ണ​ത്തി​നു തുടക്ക​മി​ടും; തുടർന്ന്‌ ‘പുതിയ ആകാശ​ത്തെ​യും പുതിയ ഭൂമി​യെ​യും’ കുറി​ച്ചുള്ള ബൈബി​ളി​ന്റെ വാഗ്‌ദാ​നം അവരു​മാ​യി പങ്കു​വെ​ക്കും. (വെളി. 21:1-4) അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ സൃഷ്ടി​ക്കു​ന്ന​തിന്‌ എന്തെങ്കി​ലും വഴികൾ കണ്ടെത്താൻ നിങ്ങൾക്കു കഴിയു​മോ?

11. അനൗപ​ചാ​രിക സാക്ഷീ​ക​രണം നടത്തു​മ്പോൾ നമ്മുടെ സന്ദേശ​ത്തോ​ടു താത്‌പ​ര്യം പ്രകടി​പ്പി​ക്കു​ന്ന​വ​രു​ടെ കാര്യ​ത്തിൽ എന്തു ചെയ്യണം?

¹¹ താത്‌പ​ര്യ​ത്തെ ഊട്ടി​വ​ളർത്തുക: ആരെങ്കി​ലും താത്‌പ​ര്യ​ത്തോ​ടെ നിങ്ങൾ പറയു​ന്നതു കേട്ടാൽ ആ താത്‌പ​ര്യ​ത്തെ ഊട്ടി​വ​ളർത്താൻ ശ്രദ്ധി​ക്കണം. ഉചിത​മെ​ങ്കിൽ ആ വ്യക്തി​യോട്‌ നിങ്ങൾക്ക്‌ ഇങ്ങനെ പറയാ​വു​ന്ന​താണ്‌: “താങ്കളു​മാ​യുള്ള സംഭാ​ഷണം എനിക്ക്‌ വളരെ ഇഷ്ടമായി. വീണ്ടും എനിക്ക്‌ താങ്കളു​മാ​യി സംസാ​രി​ക്കാ​നാ​കു​മോ?” താത്‌പ​ര്യം പ്രകടി​പ്പിച്ച വ്യക്തി​യു​മാ​യി വീണ്ടും ബന്ധപ്പെ​ടാൻ ശ്രമി​ക്കു​മ്പോൾ ജാഗ്രത പാലി​ക്കേ​ണ്ടത്‌ ആവശ്യ​മാണ്‌. കാരണം ചില പ്രദേ​ശ​ങ്ങ​ളിൽ, എതിരാ​ളി​കൾ നമ്മുടെ സന്ദേശ​ത്തോ​ടു താത്‌പ​ര്യ​മു​ള്ള​താ​യി നടിച്ച്‌ പ്രസാ​ധ​കരെ കുടു​ക്കി​യി​ട്ടുണ്ട്‌. താത്‌പ​ര്യം കാണിച്ച വ്യക്തി മറ്റൊരു പ്രദേ​ശത്തു താമസി​ക്കുന്ന ആളാ​ണെ​ങ്കിൽ അവി​ടെ​യുള്ള സഭയിലെ ആരെ​യെ​ങ്കി​ലും ക്രമീ​ക​രി​ക്കാ​വു​ന്ന​താണ്‌. അതിനാ​യി Please Follow Up (S-43) ഫാറം പൂരി​പ്പിച്ച്‌ നിങ്ങളു​ടെ സഭാ​സെ​ക്ര​ട്ട​റി​ക്കു നൽകുക.

12. (ഏ) അനൗപ​ചാ​രിക സാക്ഷീ​ക​ര​ണ​ത്തി​നു ചെലവി​ടുന്ന സമയം നാം രേഖ​പ്പെ​ടു​ത്തി​വെ​ക്കു​ക​യും റിപ്പോർട്ടു​ചെ​യ്യു​ക​യും ചെയ്യേ​ണ്ടത്‌ എന്തു​കൊണ്ട്‌? (ബി) അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ എന്തെല്ലാം നല്ല അനുഭ​വങ്ങൾ ഉണ്ടായി​ട്ടുണ്ട്‌? (“അനൗപ​ചാ​രിക സാക്ഷീ​ക​ര​ണ​ത്തി​ന്റെ നല്ല ഫലങ്ങൾ!” എന്ന ചതുരം കാണുക)

¹² അനൗപ​ചാ​രിക സാക്ഷീ​ക​ര​ണ​ത്തി​നാ​യി ചെലവി​ടുന്ന സമയം നാം റിപ്പോർട്ടു​ചെ​യ്യേ​ണ്ട​താണ്‌. ദിവസ​ത്തിൽ ഏതാനും മിനി​റ്റു​കൾ മാത്രമേ അതു ചെയ്യു​ന്നു​ള്ളൂ​വെ​ങ്കിൽപ്പോ​ലും നാം ആ സമയത്തി​ന്റെ രേഖ സൂക്ഷി​ക്കണം. പ്രസാ​ധകർ ഓരോ​രു​ത്ത​രും ദിവസ​ത്തിൽ വെറും അഞ്ചുമി​നിട്ട്‌ അനൗപ​ചാ​രി​ക​മാ​യി സാക്ഷീ​ക​രി​ച്ചാൽപ്പോ​ലും പ്രതി​മാ​സം മൊത്തം എത്ര മണിക്കൂർ വരു​മെന്ന്‌ അറിയാ​മോ? 1 കോടി 70 ലക്ഷത്തി​ല​ധി​കം മണിക്കൂർ!

13. അനൗപ​ചാ​രി​ക​മാ​യി സാക്ഷീ​ക​രി​ക്കാൻ നമ്മെ എന്തു പ്രചോ​ദി​പ്പി​ക്കും?

¹³ അനൗപ​ചാ​രിക സാക്ഷീ​ക​രണം നടത്താൻ മഹത്തായ രണ്ടുകാ​ര​ണ​ങ്ങ​ളാണ്‌ നമുക്കു​ള്ളത്‌: ദൈവ​ത്തോ​ടുള്ള സ്‌നേ​ഹ​വും അയൽക്കാ​ര​നോ​ടുള്ള സ്‌നേ​ഹ​വും. (മത്താ. 22:37-39) യഹോ​വ​യു​ടെ ഗുണങ്ങ​ളോ​ടും ഉദ്ദേശ്യ​ങ്ങ​ളോ​ടു​മുള്ള വിലമ​തിപ്പ്‌ ഹൃദയ​ത്തിൽ നിറഞ്ഞു​ക​വി​യു​മ്പോൾ ‘അവന്റെ രാജത്വ​ത്തി​ന്റെ തേജസ്സുള്ള മഹത്വം’ ഘോഷി​ക്കാൻ നാം പ്രേരി​ത​രാ​കും. (സങ്കീ. 145:7, 10-12) അയൽക്കാ​രു​ടെ ക്ഷേമത്തി​ലുള്ള ആത്മാർഥ​മായ താത്‌പ​ര്യം, അവശേ​ഷി​ക്കുന്ന സമയത്ത്‌ അവരു​മാ​യി സുവാർത്ത പങ്കു​വെ​ക്കാ​നുള്ള ഓരോ അവസര​വും തക്കത്തിൽ വിനി​യോ​ഗി​ക്കാൻ നമുക്കു പ്രചോ​ദനം നൽകും. (റോമ. 10:13, 14) മുൻകൂ​ട്ടി ചിന്തി​ക്കു​ക​യും തയ്യാറാ​വു​ക​യും അൽപ്പം മുൻക​രു​ത​ലോ​ടെ പ്രവർത്തി​ക്കു​ക​യും ചെയ്യു​ന്നെ​ങ്കിൽ നമു​ക്കെ​ല്ലാ​വർക്കും അനൗപ​ചാ​രി​ക​മാ​യി സാക്ഷീ​ക​രി​ക്കാൻ സാധി​ക്കും; ഒരുപക്ഷേ പരമാർഥ ഹൃദയ​മുള്ള ആരെ​യെ​ങ്കി​ലും സത്യത്തി​ന്റെ പാതയി​ലേക്കു കൊണ്ടു​വ​രാൻപോ​ലും!

[4-ാം പേജിലെ ആകർഷക വാക്യം]

വെറുതെ ആളുക​ളോട്‌ കുശലം ചോദി​ച്ചു​കൊണ്ട്‌ സംഭാ​ഷ​ണ​ത്തി​നു തുടക്ക​മി​ടു​ക

[5-ാം പേജിലെ ആകർഷക വാക്യം]

സാഹചര്യത്തിനൊത്ത്‌ പ്രവർത്തി​ക്കാ​നുള്ള കഴിവ്‌ നേടു​ക​വഴി, അനൗപ​ചാ​രി​ക​മാ​യി സാക്ഷീ​ക​രി​ക്കാ​നുള്ള അവസരങ്ങൾ സൃഷ്ടി​ക്കാൻ പല പ്രസാ​ധ​കർക്കും സാധി​ച്ചി​ട്ടുണ്ട്‌

[5-ാം പേജിലെ ചതുരം]

സംഭാഷണത്തിനു തുടക്ക​മി​ടാൻ

◼ സഹായ​ത്തി​നാ​യി പ്രാർഥി​ക്കു​ക

◼ സൗഹൃ​ദ​പ്ര​കൃ​ത​ക്കാ​രും തിരക്കി​ല്ലാ​ത്ത​വ​രു​മാ​യി കാണ​പ്പെ​ടു​ന്ന​വ​രോ​ടു സംസാ​രി​ക്കാൻ ശ്രമി​ക്കു​ക

◼ ദൃഷ്ടി​സ​മ്പർക്കം പുലർത്താ​നും പുഞ്ചി​രി​ക്കാ​നും ശ്രദ്ധി​ക്കുക; ഇരുവർക്കും താത്‌പ​ര്യ​മുള്ള ഒരു കാര്യ​ത്തെ​ക്കു​റി​ച്ചു സംസാ​രി​ക്കു​ക

◼ നല്ല ശ്രോ​താ​വാ​യി​രി​ക്കുക

[6-ാം പേജിലെ ചതുരം]

അനൗപചാരിക സാക്ഷീ​ക​ര​ണ​ത്തി​ന്റെ നല്ല ഫലങ്ങൾ!

• വർക്ക്‌ഷോ​പ്പിൽ കാർ നന്നാക്കി​ക്കി​ട്ടു​ന്ന​തും കാത്തു​നിൽക്കു​ന്ന​തി​നി​ട​യിൽ ഒരു സഹോ​ദരൻ തന്റെ അടുത്തു​നി​ന്ന​വ​രോട്‌ സംസാ​രി​ക്കു​ക​യും പരസ്യ​പ്ര​സം​ഗ​ത്തി​നു ക്ഷണിച്ചു​കൊ​ണ്ടുള്ള ഒരു ക്ഷണക്കത്ത്‌ നൽകു​ക​യും ചെയ്‌തു. ഒരു വർഷം കഴിഞ്ഞ്‌ ഒരു കൺ​വെൻ​ഷ​നിൽവെച്ച്‌ ഒരു സഹോ​ദരൻ അദ്ദേഹ​ത്തി​ന്റെ അടുക്കൽവന്ന്‌ വളരെ സ്‌നേ​ഹ​ത്തോ​ടെ അഭിവാ​ദ്യം ചെയ്‌തു. തലേവർഷം വർക്ക്‌ഷോ​പ്പിൽവെച്ച്‌ മേൽപ്പറഞ്ഞ സഹോ​ദരൻ ഹാൻഡ്‌ ബിൽ നൽകി​യ​വ​രിൽ ഒരാളാ​യി​രു​ന്നു അദ്ദേഹം! പരസ്യ​പ്ര​സം​ഗം കേൾക്കാൻ അദ്ദേഹം രാജ്യ​ഹാ​ളിൽ പോയി; ബൈബിൾ അധ്യയ​ന​ത്തി​നാ​യി അദ്ദേഹം പേർ നൽകു​ക​യും ചെയ്‌തു. ഇന്ന്‌ അദ്ദേഹ​വും ഭാര്യ​യും സ്‌നാ​ന​മേറ്റ സാക്ഷി​ക​ളാണ്‌.

• അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ സത്യം പഠിക്കാ​നി​ട​യായ ഒരു സഹോ​ദരി സാക്ഷീ​ക​രി​ക്കാൻ വളരെ രസകര​മായ ഒരു മാർഗം കണ്ടുപി​ടി​ച്ചി​രി​ക്കു​ന്നു. അവരുടെ മൂന്നു​മക്കൾ പഠിക്കുന്ന സ്‌കൂൾ അവർ ഒരു വയൽസേ​വ​ന​പ്ര​ദേ​ശ​മാ​ക്കി​യി​രി​ക്കു​ക​യാണ്‌. സ്‌കൂ​ളിൽ കണ്ടുമു​ട്ടുന്ന മറ്റു കുട്ടി​ക​ളു​ടെ മാതാ​പി​താ​ക്ക​ളോട്‌ അവർ അനൗപ​ചാ​രി​ക​മാ​യി സാക്ഷീ​ക​രി​ക്കു​ന്നു. സ്വയം പരിച​യ​പ്പെ​ടു​ത്തി​യ​ശേഷം ഈ സഹോ​ദരി തികച്ചും ലളിത​വും അതേസ​മയം വളരെ ആത്മാർഥ​വു​മായ ഒരു പരാമർശം നടത്തും, മക്കളെ വളർത്തി​ക്കൊ​ണ്ടു​വ​രു​ന്ന​തിൽ ബൈബിൾ നൽകുന്ന വില​യേ​റിയ സഹായ​ത്തെ​ക്കു​റിച്ച്‌. തുടർന്ന്‌ അവർ മറ്റേ​തെ​ങ്കി​ലും വിഷയ​ത്തി​ലേക്കു കടക്കും. ബൈബിൾ ഉപയോ​ഗിച്ച്‌ സംഭാ​ഷണം മുന്നോ​ട്ടു കൊണ്ടു​പോ​കാൻ പിന്നെ അവർക്ക്‌ ബുദ്ധി​മു​ട്ടു​ണ്ടാ​കാ​റില്ല. ഇതിനു​പു​റമേ, തന്റെ വീടിന്‌ അടുത്തു​ള്ള​വ​രോ​ടും അവർ ഈ രീതി​യിൽ സാക്ഷീ​ക​രി​ക്കാ​റുണ്ട്‌. അനൗപ​ചാ​രിക സാക്ഷീ​ക​ര​ണ​ത്തി​ലൂ​ടെ 12 പേരെ സ്‌നാ​ന​ത്തി​ന്റെ പടിയി​ലെ​ത്തി​ക്കാൻ സഹോ​ദ​രി​ക്കു കഴിഞ്ഞി​ട്ടുണ്ട്‌.

• ഒരു ഇൻഷ്വ​റൻസ്‌ ഏജന്റ്‌ ഒരു സഹോ​ദ​രി​യു​ടെ വീട്ടിൽ ചെന്ന​പ്പോൾ അവർ അത്‌ സാക്ഷ്യം നൽകാ​നുള്ള അവസര​മാ​യി വിനി​യോ​ഗി​ച്ചു. നല്ല ആരോ​ഗ്യ​വും സന്തോ​ഷ​വും നിത്യ​ജീ​വ​നും നേടാൻ ആഗ്രഹ​മു​ണ്ടോ​യെന്ന്‌ സഹോ​ദരി അദ്ദേഹ​ത്തോ​ടു ചോദി​ച്ചു. “തീർച്ച​യാ​യും,” എന്ന്‌ അദ്ദേഹം മറുപടി പറഞ്ഞു. ഏത്‌ ഇൻഷ്വ​റൻസ്‌ പോളി​സി​യു​ടെ കാര്യ​മാണ്‌ അവർ പറയു​ന്നത്‌ എന്നും അദ്ദേഹം ആരാഞ്ഞു. സഹോ​ദരി അദ്ദേഹ​ത്തിന്‌ ബൈബി​ളി​ലെ വാഗ്‌ദാ​നങ്ങൾ കാണി​ച്ചു​കൊ​ടു​ത്തു; നമ്മുടെ ഒരു പ്രസി​ദ്ധീ​ക​ര​ണ​വും നൽകി. പ്രസി​ദ്ധീ​ക​രണം അന്ന്‌ രാത്രി​തന്നെ അദ്ദേഹം വായി​ച്ചു​തീർത്തു. തുടർന്ന്‌ അദ്ദേഹം ഒരു ബൈബി​ള​ധ്യ​യനം സ്വീക​രി​ച്ചു, യോഗ​ങ്ങൾക്ക്‌ ഹാജരാ​കാൻ തുടങ്ങി, പിന്നീട്‌ സ്‌നാ​ന​മേൽക്കു​ക​യും ചെയ്‌തു.

• ഒരിക്കൽ ഒരു സഹോ​ദരി യാത്ര​യ്‌ക്കി​ട​യിൽ അടുത്തി​രുന്ന ഒരു സ്‌ത്രീ​യോട്‌ സംസാ​രി​ക്കാൻതു​ടങ്ങി. അവർക്ക്‌ ഒരു നല്ല സാക്ഷ്യം നൽകാ​നും സഹോ​ദ​രി​ക്കു കഴിഞ്ഞു. യാത്ര പറഞ്ഞ്‌ പിരി​യു​ന്ന​തി​നി​ട​യിൽ സഹോ​ദരി അവർക്ക്‌ തന്റെ മേൽവി​ലാ​സ​വും ഫോൺന​മ്പ​റും കൈമാ​റി. അടുത്ത തവണ യഹോ​വ​യു​ടെ സാക്ഷികൾ അവരെ സന്ദർശി​ക്കു​ക​യാ​ണെ​ങ്കിൽ ബൈബി​ള​ധ്യ​യനം ആവശ്യ​പ്പെ​ട​ണ​മെ​ന്നും സഹോ​ദരി അവരോ​ടു പറഞ്ഞു. പിറ്റേ​ന്നു​തന്നെ, യഹോ​വ​യു​ടെ സാക്ഷി​ക​ളായ രണ്ടുപേർ ആ സ്‌ത്രീ​യു​ടെ വീട്ടിൽ ചെല്ലാ​നി​ട​യാ​യി. ആ സ്‌ത്രീ ബൈബിൾ പഠിക്കാൻ ആരംഭി​ച്ചു; അവർ പെട്ടെ​ന്നു​തന്നെ ആത്മീയ​പു​രോ​ഗതി വരുത്തു​ക​യും സ്‌നാ​ന​മേൽക്കു​ക​യും ചെയ്‌തു. താമസി​യാ​തെ സ്വന്തമാ​യി മൂന്ന്‌ ബൈബി​ള​ധ്യ​യ​നങ്ങൾ ആരംഭി​ക്കാ​നും അവർക്കു കഴിഞ്ഞു.

• ഒരു നഴ്‌സിങ്‌ ഹോമിൽ കഴിയുന്ന 100 വയസ്സുള്ള അന്ധനായ ഒരു സഹോ​ദരൻ എപ്പോ​ഴും, “ദൈവ​രാ​ജ്യം വേഗം വരണം” എന്നു പറയു​മാ​യി​രു​ന്നു. ഇതു കേൾക്കുന്ന നഴ്‌സു​മാ​രും മറ്റു രോഗി​ക​ളും അദ്ദേഹ​ത്തോട്‌ ദൈവ​രാ​ജ്യ​ത്തെ​ക്കു​റിച്ച്‌ ആരായും; സാക്ഷ്യം നൽകാൻ അത്‌ അദ്ദേഹ​ത്തിന്‌ അവസരം നൽകും. ഒരിക്കൽ, അവിടത്തെ ഒരു ജോലി​ക്കാ​രി, പറുദീ​സ​യിൽ എന്തായി​രി​ക്കും ചെയ്യുക എന്ന്‌ സഹോ​ദ​ര​നോ​ടു ചോദി​ച്ചു. സഹോ​ദരൻ പറഞ്ഞു: “എനിക്ക്‌ കാഴ്‌ച ലഭിക്കും, വീണ്ടും പരസഹാ​യ​മി​ല്ലാ​തെ നടക്കാൻ എനിക്കു സാധി​ക്കും; അതു​കൊണ്ട്‌ ഞാൻ എന്റെ വീൽച്ചെയർ കത്തിച്ചു​ക​ള​യും.” കാഴ്‌ച​യി​ല്ലാ​ത്ത​തു​കൊണ്ട്‌ മാസി​കകൾ വായി​ച്ചു​കേൾപ്പി​ക്കാൻ സഹോ​ദരൻ ആ സ്‌ത്രീ​യോ​ടു പറയു​മാ​യി​രു​ന്നു. സഹോ​ദ​രന്റെ മകൾ അദ്ദേഹത്തെ കാണാൻ അവിടെ ചെന്ന​പ്പോൾ, മാസി​കകൾ വീട്ടിൽ കൊണ്ടു​പോ​കാൻ ആ സ്‌ത്രീ അവരോട്‌ അനുവാ​ദം ചോദി​ച്ചു. സഹോ​ദ​രന്റെ മകളോട്‌ ഒരു നഴ്‌സ്‌ ഇങ്ങനെ പറഞ്ഞു: “‘ദൈവ​രാ​ജ്യം വേഗം വരണം’ എന്നതാണ്‌ നഴ്‌സിങ്‌ ഹോമിൽ ഇപ്പോൾ എഴുതി​വെ​ച്ചി​രി​ക്കുന്ന പുതിയ ചിന്താ​വി​ഷയം.”

• ഒരിക്കൽ ഒരു സഹോ​ദരി ഒരു റസ്റ്ററന്റിൽ ക്യൂവിൽ നിൽക്കു​ക​യാ​യി​രു​ന്നു. പ്രായ​മായ ഒരുകൂ​ട്ടം ആളുകൾ രാഷ്‌ട്രീയ കാര്യങ്ങൾ സംസാ​രി​ക്കു​ന്നത്‌ സഹോ​ദരി ശ്രദ്ധി​ക്കാ​നി​ട​യാ​യി. തങ്ങളുടെ പ്രശ്‌നങ്ങൾ പരിഹ​രി​ക്കാൻ ഗവൺമെ​ന്റി​നെ​ക്കൊ​ണ്ടാ​വില്ല എന്ന്‌ അവരി​ലൊ​രാൾ പറഞ്ഞു. ‘ഇത്‌ പറ്റിയ അവസര​മാണ്‌’ എന്ന്‌ സഹോ​ദ​രി​ക്കു തോന്നി. മനസ്സിൽ ചെറി​യൊ​രു പ്രാർഥന നടത്തി​യ​ശേഷം സഹോ​ദരി അവരെ സമീപി​ച്ചു. സ്വയം പരിച​യ​പ്പെ​ടു​ത്തി​യ​ശേഷം സഹോ​ദരി മനുഷ്യ​വർഗ​ത്തി​ന്റെ പ്രശ്‌നങ്ങൾ പരിഹ​രി​ക്കാൻപോ​കുന്ന ഒരു ഗവൺമെ​ന്റി​നെ​ക്കു​റിച്ച്‌, ദൈവ​രാ​ജ്യ​ത്തെ​ക്കു​റിച്ച്‌, പറഞ്ഞു. കൈവ​ശ​മു​ണ്ടാ​യി​രുന്ന ഒരു ലഘുപ​ത്രി​ക​യും സഹോ​ദരി അവർക്കു നൽകി. പെട്ടെന്ന്‌ മാനേജർ അടു​ത്തേക്കു വരുന്നത്‌ സഹോ​ദരി കണ്ടു. തന്നോട്‌ അവി​ടെ​നി​ന്നു പോകാൻ ആവശ്യ​പ്പെ​ടാ​നാണ്‌ അദ്ദേഹം വരുന്നത്‌ എന്ന്‌ സഹോ​ദരി വിചാ​രി​ച്ചു. എന്നാൽ സംഭവി​ച്ചത്‌ മറിച്ചാ​യി​രു​ന്നു. സഹോ​ദരി പറഞ്ഞ കാര്യങ്ങൾ താൻ ശ്രദ്ധി​ക്കു​ന്നു​ണ്ടാ​യി​രു​ന്നെ​ന്നും തനിക്കും ഒരു പത്രിക വേണ​മെ​ന്നും അദ്ദേഹം പറഞ്ഞു. ഇതു കേട്ടു​കൊ​ണ്ടു​നി​ന്നി​രുന്ന അവിടത്തെ ഒരു ജോലി​ക്കാ​രി​യും പെട്ടെന്ന്‌ അവരുടെ അടു​ത്തേ​ക്കു​വന്നു; ആ സ്‌ത്രീ​യു​ടെ കവിളി​ലൂ​ടെ കണ്ണുനീർ ഒഴുകു​ന്നു​ണ്ടാ​യി​രു​ന്നു. മുമ്പ്‌ ബൈബിൾ പഠിച്ചു​കൊ​ണ്ടി​രുന്ന അവർ അത്‌ നിറു​ത്തി​ക്ക​ള​ഞ്ഞി​രു​ന്നു; എന്നാൽ ഇപ്പോൾ ബൈബി​ള​ധ്യ​യനം പുനരാ​രം​ഭി​ക്കാൻ അവർ തീരു​മാ​നി​ച്ചു.