യുവജ​ന​ങ്ങളേ, മൂല്യ​വ​ത്തായ ലക്ഷ്യങ്ങൾ വെച്ചു പ്രവർത്തി​ക്കു​ക

¹ ജീവി​ത​ത്തിൽ നിങ്ങൾക്ക്‌ എന്തു ലക്ഷ്യങ്ങ​ളാ​ണു​ള്ളത്‌? പല യുവജ​ന​ങ്ങ​ളും ആത്മീയ​ല​ക്ഷ്യ​ങ്ങൾ വെക്കു​ന്ന​തി​നെ​ക്കു​റിച്ച്‌ ചിന്തി​ക്കു​ന്നില്ല. പക്ഷേ ആത്മീയ​ലാ​ക്കു​കൾ വെച്ച്‌ അത്‌ കൈവ​രി​ക്കു​മ്പോ​ഴത്തെ സന്തോഷം അനുഭ​വി​ച്ച​റി​യാൻ നിങ്ങൾക്ക്‌ ആഗ്രഹ​മി​ല്ലേ?

² ഉന്നതവി​ദ്യാ​ഭ്യാ​സം​പോ​ലുള്ള ലൗകി​ക​ല​ക്ഷ്യ​ങ്ങൾ മുൻനി​റു​ത്തി പ്രവർത്തി​ക്കു​ന്ന​തി​ന്റെ വ്യർഥത നമ്മുടെ പല യുവ​പ്രാ​യ​ക്കാ​രും തിരി​ച്ച​റി​ഞ്ഞി​ട്ടുണ്ട്‌. പതിയി​രി​ക്കുന്ന അപകടങ്ങൾ അവഗണി​ച്ചു​കൊണ്ട്‌ അത്തരം ലാക്കു​കൾക്കാ​യി ശ്രമി​ക്കു​ന്നത്‌ ബുദ്ധി​ശൂ​ന്യ​മാ​ണെന്ന്‌ അവർ മനസ്സി​ലാ​ക്കി​യി​രി​ക്കു​ന്നു. നേരെ​മ​റിച്ച്‌, ദൈവി​ക​വി​ദ്യാ​ഭ്യാ​സ​ത്താൽ പ്രബു​ദ്ധ​രാ​യി ദിവ്യാ​ധി​പ​ത്യ​ലാ​ക്കു​കൾ കൈവ​രി​ക്കാൻ യത്‌നി​ക്കു​ന്നത്‌ ഇപ്പോൾത്തന്നെ സന്തോ​ഷ​വും ചാരി​താർഥ്യ​വും നൽകു​മെന്നു മാത്രമല്ല, ആത്യന്തി​ക​മാ​യി നമ്മുടെ നിത്യ​ര​ക്ഷ​യിൽ കലാശി​ക്കു​ക​യും ചെയ്യും.—സഭാ. 12:1, 13.

³ ദിവ്യാ​ധി​പ​ത്യ​ലാ​ക്കു​കൾ: യുവ​പ്രാ​യ​ക്കാ​രായ നിങ്ങൾ യഥാർഥ ജ്ഞാനം സമ്പാദി​ക്കാൻ ശ്രമി​ക്കു​ന്നു​ണ്ടോ? ‘ദൈവ​പ​രി​ജ്ഞാ​നം കണ്ടെത്താൻ’ സദൃശ​വാ​ക്യ​ങ്ങൾ 2:1-5 നമ്മെ ഉദ്‌ബോ​ധി​പ്പി​ക്കു​ന്നു. എന്നാൽ ദൈവ​വ​ചനം പഠിക്കാ​തെ ഈ ദൈവ​പ​രി​ജ്ഞാ​നം നേടാൻ നിങ്ങൾക്കാ​വില്ല. അതു​കൊണ്ട്‌ വ്യക്തി​പ​ര​മായ പഠനത്തി​നു​വേണ്ടി ക്രമമാ​യി സമയം നീക്കി​വെ​ക്കുക. അപ്പോൾ യഹോ​വ​യി​ലേക്ക്‌ അടുക്കാൻ നിങ്ങളെ സഹായി​ക്കുന്ന ആത്മീയ​വി​വ​രങ്ങൾ നിങ്ങളു​ടെ മനസ്സി​ലും ഹൃദയ​ത്തി​ലും ആഴത്തിൽ പതിയും. പ്രയോ​ജ​ന​പ്ര​ദ​മായ ധാരാളം കാര്യങ്ങൾ നിങ്ങൾ മനസ്സി​ലാ​ക്കും; പഠിക്കുന്ന വിവരങ്ങൾ ഓർത്തു​വെ​ക്കാൻ നിങ്ങൾക്കു സാധി​ക്കും. അപ്പോൾ, പ്രധാ​ന​പ്പെട്ട വിഷയ​ങ്ങ​ളിൽ തീരു​മാ​നങ്ങൾ എടുക്കാൻ നിങ്ങൾ സജ്ജരാ​യി​രി​ക്കും.

⁴ ഇപ്പറഞ്ഞ​തൊ​ന്നും ഒറ്റദി​വ​സം​കൊണ്ട്‌ നേടി​യെ​ടു​ക്കാ​വുന്ന കാര്യ​ങ്ങളല്ല. ആത്മീയ​പ​ക്വ​ത​യി​ലെ​ത്താൻ നല്ല സമയവും ക്ഷമയും വേണം. എന്നാൽ വ്യക്തി​ഗ​ത​ല​ക്ഷ്യ​ങ്ങൾ വെക്കു​ക​യും അവയിൽ എത്തി​ച്ചേ​രാൻ നിരന്തരം യത്‌നി​ക്കു​ക​യും ചെയ്യു​ന്നെ​ങ്കിൽ ആത്മീയ പക്വത കൈവ​രി​ക്കാൻ നിങ്ങൾക്കു സാധി​ക്കു​മെന്നു തീർച്ച!

⁵ സേവന​പ​ദ​വി​കൾ എത്തിപ്പി​ടി​ക്കാൻ നിങ്ങൾ ശ്രമി​ക്കു​ന്നു​ണ്ടോ? എല്ലാ ആഴ്‌ച​യും, വീടു​തോ​റു​മുള്ള ശുശ്രൂ​ഷ​യ്‌ക്കാ​യി ഒരു നിശ്ചി​ത​സ​മയം മാറ്റി​വെ​ക്കാൻ നിങ്ങൾ ലക്ഷ്യം വെച്ചി​ട്ടു​ണ്ടോ? മടക്കസ​ന്ദർശ​ന​ങ്ങ​ളും ബൈബി​ള​ധ്യ​യ​ന​ങ്ങ​ളും നടത്തു​മ്പോൾ ഫലകര​മാ​യി ആളുകളെ പഠിപ്പി​ക്ക​ണ​മെന്ന ലക്ഷ്യം നിങ്ങൾക്കു​ണ്ടോ? എല്ലാ വർഷവും അവധി​ക്കാ​ലത്ത്‌ ഒന്നോ രണ്ടോ മാസം സഹായ പയനി​യ​റിങ്‌ ചെയ്യാൻ സ്‌കൂ​ളിൽ പഠിക്കുന്ന ചില യുവ​പ്രാ​യ​ക്കാർ ലക്ഷ്യം വെച്ചി​രി​ക്കു​ന്നു. ആകട്ടെ, അടുത്ത വർഷ​ത്തേക്ക്‌ അല്ലെങ്കിൽ വർഷങ്ങ​ളി​ലേക്ക്‌ നിങ്ങൾക്ക്‌ എന്തു ലക്ഷ്യങ്ങ​ളാ​ണു​ള്ളത്‌? ഒരു സാധാരണ പയനി​യ​റാ​യി​ത്തീ​രുക എന്നതാ​ണോ? അതോ ബെഥേ​ലിൽ സേവി​ക്കുക എന്നതാ​ണോ? നിങ്ങൾ ഒരു സഹോ​ദ​ര​നാ​ണെ​ങ്കിൽ ശുശ്രൂ​ഷാ​ദാ​സ​നാ​യി സേവി​ക്കാ​നോ ഏകാകി​ക​ളായ സഹോ​ദ​ര​ന്മാർക്കുള്ള ബൈബിൾ സ്‌കൂ​ളിൽ സംബന്ധി​ക്കാ​നോ ഭാവി​യിൽ ഒരു മൂപ്പനാ​യി​ത്തീ​രാ​നോ ലക്ഷ്യം വെച്ചി​ട്ടു​ണ്ടോ? വ്യക്തമായ ലക്ഷ്യങ്ങൾ വെച്ച്‌ അത്‌ നേടി​യെ​ടു​ക്കാ​നാ​യി യത്‌നി​ക്കു​മ്പോൾ നിങ്ങളു​ടെ ജീവിതം കൂടുതൽ അർഥപൂർണ​മാ​കും.

⁶ കൈവ​രി​ക്കാ​നാ​കുന്ന പ്രാ​യോ​ഗിക ലക്ഷ്യങ്ങൾ വെക്കുക. ആത്മീയ​ല​ക്ഷ്യ​ങ്ങൾക്കാ​യി പ്രവർത്തി​ക്കു​ന്നത്‌ യഹോ​വയെ സന്തോ​ഷി​പ്പി​ക്കും എന്നതിൽ തെല്ലും സംശയം വേണ്ടാ. ലക്ഷ്യങ്ങൾ കൈവ​രി​ക്കാ​നാ​യി സാധി​ക്കു​ന്ന​തെ​ന്തും ചെയ്യാ​നുള്ള നിശ്ചയ​ദാർഢ്യം വേണം. നിങ്ങളു​ടെ ശ്രമങ്ങൾ ഒരിക്ക​ലും വെറു​തെ​യാ​വില്ല. ഇപ്പോ​ഴും ഭാവി​യി​ലും അത്‌ നിങ്ങൾക്ക്‌ ധാരാളം അനു​ഗ്ര​ഹങ്ങൾ കൈവ​രു​ത്തും!—ഫിലി. 4:13.