നമ്മുടെ സാഹി​ത്യ​ങ്ങൾ നിങ്ങൾ വിലമ​തി​ക്കു​ന്നു​വോ?

¹ യഹോ​വ​യെ​പ്പ​റ്റി​യും യേശു​ക്രിസ്‌തു​വി​നെ​പ്പ​റ്റി​യും ഉള്ള അറിവ്‌ വില​യേ​റി​യ​താണ്‌. ഈ ലോകത്ത്‌ നമ്മുടെ പ്രസി​ദ്ധീ​ക​ര​ണ​ങ്ങ​ളിൽ മാത്ര​മാണ്‌ ആത്മീയ സമ്പത്താ​കുന്ന ദൈവിക ജ്ഞാനം ആഴത്തിൽ വിശദീ​ക​രി​ച്ചി​ട്ടു​ള്ളത്‌. (റോമ. 11:33; ഫിലി. 3:8) നമ്മുടെ സാഹി​ത്യ​ങ്ങ​ളോട്‌ യഥാർഥ വിലമ​തിപ്പ്‌ എങ്ങനെ കാണി​ക്കാ​നാ​കും?

² “ലോക​വ്യാ​പക വേലയ്‌ക്കുള്ള സംഭാ​വ​നകൾ” എന്ന്‌ എഴുതി​യി​ട്ടുള്ള പെട്ടി​യിൽ നിക്ഷേ​പി​ക്കാ​നാ​യി അനേകം വ്യക്തി​ക​ളും കുടും​ബ​ങ്ങ​ളും ക്രമമാ​യി സംഭാവന നീക്കി​വെ​ച്ചിട്ട്‌ രാജ്യ​ഹാ​ളിൽ പോകു​മ്പോൾ അത്‌ നിക്ഷേ​പി​ക്കു​ന്നു. വയൽശു​ശ്രൂ​ഷ​യിൽ ആളുകൾക്ക്‌ അനു​യോ​ജ്യ​മായ സാഹി​ത്യം കൊടു​ക്കു​ന്ന​തും വിലമ​തിപ്പ്‌ കാണി​ക്കാ​നുള്ള മറ്റൊരു വഴിയാണ്‌. വീട്ടു​കാ​രൻ സംഭാ​ഷ​ണ​ത്തിന്‌ തയ്യാറാ​ണോ? നമ്മൾ സംസാ​രി​ക്കു​മ്പോ​ഴും ചോദ്യ​ങ്ങൾ ചോദി​ക്കു​മ്പോ​ഴും അദ്ദേഹം ശ്രദ്ധി​ക്കു​ന്നു​ണ്ടോ? ബൈബിൾ വായി​ക്കു​മ്പോൾ അദ്ദേഹം അത്‌ എടുത്തു നോക്കു​ന്നു​ണ്ടോ? അത്തരം താത്‌പ​ര്യം ഉണ്ടെങ്കിൽ അനു​യോ​ജ്യ​മായ ഒരു പ്രസി​ദ്ധീ​ക​രണം കൊടു​ക്കാൻ നമുക്ക്‌ സന്തോ​ഷമേ ഉള്ളൂ. നമ്മുടെ പ്രസി​ദ്ധീ​ക​ര​ണ​ങ്ങ​ളിൽനിന്ന്‌ യഥാർഥ പ്രയോ​ജനം ലഭിക്ക​ണ​മെ​ങ്കിൽ അത്‌ നന്നായി ഉപയോ​ഗി​ക്കണം.

³ പ്രസി​ദ്ധീ​ക​ര​ണങ്ങൾ രാജ്യ​ഹാ​ളി​ലോ നമ്മുടെ ഭവനത്തി​ലോ ഉള്ള അലമാ​ര​യിൽ കൂട്ടി​വയ്‌ക്കു​ന്ന​തു​കൊ​ണ്ടു പ്രയോ​ജ​ന​മില്ല. മാസി​കകൾ, ലഘുപ​ത്രി​കകൾ, ബയന്റിട്ട പുസ്‌ത​കങ്ങൾ, ലഘു​ലേ​ഖകൾ എന്നിവ​യു​ടെ പഴയല​ക്കങ്ങൾ നന്നായി ഉപയോ​ഗി​ക്കുക. നമുക്ക്‌ ഇപ്പോൾ ഉള്ള സാഹി​ത്യ​ങ്ങൾ നല്ല അവസ്ഥയി​ലാ​ണോ—അതായത്‌, നിറം മങ്ങിയ​തോ, കീറി​യ​തോ, മുഷി​ഞ്ഞ​തോ ഒക്കെയാ​ണോ? അങ്ങനെ​യാ​ണെ​ങ്കി​ലും വയൽശു​ശ്രൂ​ഷ​യിൽ അവ വിതരണം ചെയ്യാൻ സകല ശ്രമവും നടത്തണം. എന്നാൽ വിതരണം ചെയ്യാ​നാ​കാത്ത വിധം കീറി​പ്പോ​യ​തോ മറ്റോ ആണെങ്കിൽ സ്വന്ത ഉപയോ​ഗ​ത്തിന്‌ എടുക്കു​ക​യോ ഒഴിവാ​ക്കു​ക​യോ ആകാം. സമർപ്പ​ണ​സാ​ഹി​ത്യം കൊടു​ക്കാ​നാണ്‌ നാം ശ്രമി​ക്കു​ന്ന​തെ​ങ്കി​ലും ചില​പ്പോ​ഴൊ​ക്കെ ഇങ്ങനെ​യുള്ള പഴയ മറ്റു പ്രസി​ദ്ധീ​ക​ര​ണ​ങ്ങ​ളും കൊടു​ക്കാം.

⁴ വിതര​ണ​ത്തി​നാ​യി എത്രമാ​ത്രം പ്രസി​ദ്ധീ​ക​ര​ണ​മാണ്‌ ആവശ്യ​മാ​യി​രി​ക്കു​ന്ന​തെന്ന്‌ ശ്രദ്ധാ​പൂർവം ചിന്തി​ക്കണം.വലിയ അളവിൽ സാഹി​ത്യം കൈവശം വെക്കു​ന്നത്‌ ഒഴിവാ​ക്കുക. കാരണം, യോഗ​ങ്ങൾക്കു​മു​മ്പും അതിനു​ശേ​ഷ​വും രാജ്യ​ഹാ​ളിൽ പ്രസി​ദ്ധീ​ക​രണം ലഭ്യമാ​ണ​ല്ലോ. ആഴ്‌ച​യു​ടെ തുടക്ക​ത്തിൽ ആവശ്യ​മായ പ്രസി​ദ്ധീ​ക​ര​ണങ്ങൾ എടുക്കുക. അവ തീരുന്ന മുറയ്‌ക്ക്‌ പുതിയവ എടുക്കാ​വു​ന്ന​താണ്‌.

⁵ ലഘു​ലേ​ഖകൾ പ്രദേ​ശ​ത്തുള്ള അനേകരെ ആകർഷി​ക്കു​ക​യും അവരുടെ ചോദ്യ​ങ്ങൾക്ക്‌ ഉത്തരം നൽകു​ക​യും ചെയ്യുന്നു. ആളുകളെ സന്ദർശി​ക്കു​മ്പോ​ഴും പരസ്യ സാക്ഷീ​ക​രണം നടത്തു​മ്പോ​ഴും ലഘു​ലേ​ഖ​ക​ളും മാസി​ക​ക​ളും ലഘുപ​ത്രി​ക​ക​ളും സമർപ്പി​ക്കാൻ ശ്രദ്ധി​ക്കുക. ലഘു​ലേ​ഖ​ക​ളും ലഘുപ​ത്രി​ക​ക​ളും പ്രചരി​പ്പി​ക്കാ​നാ​യി തയ്യാറാ​ക്കി​യി​ട്ടുള്ള പ്രത്യേക പോസ്റ്റ​റു​കൾ ഉപയോ​ഗ​പ്പെ​ടു​ത്തുക. സുവാർത്താ ലഘുപ​ത്രി​ക​യോ കുടും​ബ​ജീ​വി​തം സന്തോ​ഷ​ഭ​രി​ത​മാ​ക്കൂ! എന്ന ലഘുപ​ത്രി​ക​യോ ഉപയോ​ഗിച്ച്‌ ബൈബിൾ പഠനം ആരംഭി​ക്കാൻ ശ്രമി​ക്കുക. താത്‌പ​ര്യ​മു​ണ്ടെ​ന്നും പുസ്‌തകം നന്നായി ഉപയോ​ഗി​ക്കു​മെ​ന്നും ഉറപ്പാ​യ​ശേഷം ബൈബിൾ പഠിപ്പി​ക്കു​ന്നു പുസ്‌ത​ക​മോ മറ്റ്‌ ഏതെങ്കി​ലും അനു​യോ​ജ്യ​മായ പുസ്‌ത​ക​മോ കൊടു​ക്കാ​വു​ന്ന​താണ്‌. നല്ല താത്‌പ​ര്യം കാണി​ക്കുന്ന വ്യക്തിയെ ആദ്യസ​ന്ദർശ​ന​ത്തിൽത്തന്നെ ബൈബിൾ പഠിപ്പി​ക്കു​ന്നു പുസ്‌തകം പരിച​യ​പ്പെ​ടു​ത്താം. അച്ചടിച്ച പ്രസി​ദ്ധീ​ക​ര​ണ​ങ്ങൾക്കു പകരം സാധ്യ​മാ​കു​ന്നി​ട​ത്തൊ​ക്കെ jw.org-യിലുള്ള ഇലക്‌ട്രോ​ണിക്‌ രൂപത്തി​ലുള്ള പ്രസി​ദ്ധീ​ക​ര​ണങ്ങൾ നന്നായി ഉപയോ​ഗി​ക്കാൻ പഠിക്കുക.

⁶ ലഭിച്ചി​രി​ക്കുന്ന പ്രസി​ദ്ധീ​ക​ര​ണ​ങ്ങളെ ജ്ഞാന​ത്തോ​ടും വിവേ​ക​ത്തോ​ടും​കൂ​ടി ഉപയോ​ഗി​ച്ചു​കൊണ്ട്‌ അവയെ വില​യേ​റി​യ​താ​യി കാണു​ന്നു​വെന്ന്‌ നമുക്ക്‌ പ്രകടി​പ്പി​ക്കാം.