ദൈവം പറയു​ന്നതു കേൾക്കാൻ ആളുകളെ സഹായി​ക്കു​ക

1. “അങ്ങയുടെ രാജ്യം വരേണമേ!” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ ഏതെല്ലാം ലഘുപ​ത്രി​ക​ക​ളാണ്‌ പ്രകാ​ശനം ചെയ്‌തത്‌, അവ ഫലപ്ര​ദ​മാ​യി​രി​ക്കു​ന്നത്‌ എന്തു​കൊണ്ട്‌?

¹ “അങ്ങയുടെ രാജ്യം വരേണമേ!” ഡിസ്‌ട്രി​ക്‌റ്റ്‌ കൺ​വെൻ​ഷ​നിൽ, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രി​ക​യും അതിന്റെ ലളിത​രൂ​പ​മായ ദൈവം പറയു​ന്നതു കേൾക്കു​വിൻ! എന്ന പത്രി​ക​യും പ്രകാ​ശനം ചെയ്‌തു. പാഠഭാ​ഗം കുറവാ​യ​തി​നാൽ അവ വളരെ എളുപ്പ​ത്തിൽ പരിഭാ​ഷ​പ്പെ​ടു​ത്താൻ കഴിയും. ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രിക പ്രകാ​ശനം ചെയ്യുന്ന സമയത്ത്‌ 431 ഭാഷക​ളിൽ അത്‌ പരിഭാ​ഷ​പ്പെ​ടു​ത്താൻ അനുമ​തി​യു​ണ്ടാ​യി​രു​ന്നു!

2. ഈ ലഘുപ​ത്രി​കകൾ ആരെ ഉദ്ദേശി​ച്ചാണ്‌ തയ്യാറാ​ക്കി​യി​രി​ക്കു​ന്നത്‌?

² ഈ ലഘുപ​ത്രി​കകൾ പ്രധാ​ന​മാ​യും ആരെ ഉദ്ദേശി​ച്ചാണ്‌ തയ്യാറാ​ക്കി​യി​രി​ക്കു​ന്നത്‌? രാജ്യ​ഘോ​ഷ​ക​രെന്ന നിലയിൽ നമു​ക്കെ​ല്ലാം പരിചി​ത​മായ ചില സാഹച​ര്യ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌:

• വീട്ടു​കാ​രൻ നിരക്ഷ​ര​നാ​ണെന്ന്‌ അല്ലെങ്കിൽ അദ്ദേഹ​ത്തി​നു വായന അത്ര അറിയി​ല്ലെന്ന്‌ ആദ്യസ​ന്ദർശ​ന​ത്തി​ലോ മടക്കസ​ന്ദർശ​ന​ത്തി​ലോ വെച്ച്‌ പ്രസാ​ധകൻ മനസ്സി​ലാ​ക്കു​ന്നു.

• നമ്മുടെ പ്രസി​ദ്ധീ​ക​ര​ണങ്ങൾ ലഭ്യമ​ല്ലാത്ത അല്ലെങ്കിൽ വളരെ കുറച്ചു​മാ​ത്രം ലഭ്യമായ ഏതെങ്കി​ലും ഭാഷയിൽ ഒരു പ്രസാ​ധ​കന്‌ സുവാർത്ത പ്രസം​ഗി​ക്കേ​ണ്ടി​വ​രു​ന്നു. ഇനി, ആ പ്രസാ​ധകൻ സുവാർത്ത പ്രസം​ഗി​ക്കു​ന്നി​ടത്തെ ആളുകൾക്ക്‌ ഒഴു​ക്കോ​ടെ ഒരു ഭാഷ സംസാ​രി​ക്കാൻ അറിയാം; പക്ഷേ ആ ഭാഷ വായി​ക്കാൻ അവരിൽ മിക്കവർക്കും അറിയില്ല.

• ആംഗ്യ​ഭാ​ഷ​യിൽ ഒരു പ്രസാ​ധകൻ തന്റെ പ്രദേ​ശ​ത്തുള്ള ബധിര​രോട്‌ പ്രസം​ഗി​ക്കു​ന്നു.

• വായി​ക്കാൻ പഠിച്ചി​ട്ടി​ല്ലാത്ത കുട്ടിയെ സത്യം പഠിപ്പി​ക്കാൻ മാതാ​വോ പിതാ​വോ ആഗ്രഹി​ക്കു​ന്നു.

3. ദൈവം പറയു​ന്നതു കേൾക്കു​വിൻ! എന്ന ലഘുപ​ത്രിക രൂപകൽപ്പന ചെയ്‌തി​രി​ക്കു​ന്നത്‌ എങ്ങനെ​യാണ്‌?

³ രൂപകൽപ്പന ചെയ്‌തി​രി​ക്കുന്ന വിധം: ദൈവം പറയു​ന്നതു കേൾക്കു​വിൻ! എന്ന ലഘുപ​ത്രി​ക​യിൽ വളരെ കുറച്ചു പാഠഭാ​ഗമേ ഉള്ളൂ; ഓരോ പേജി​ന്റെ​യും താഴെ​യാ​യി, പ്രധാന ആശയങ്ങൾ എടുത്തു​കാ​ണി​ക്കുന്ന ലളിത​മായ ഒരു വാചക​വും ഒരു തിരു​വെ​ഴു​ത്തു പരാമർശ​വും മാത്രം. എന്തു​കൊ​ണ്ടാണ്‌ ഈ ലഘുപ​ത്രിക ഇപ്രകാ​രം രൂപകൽപ്പന ചെയ്‌തി​രി​ക്കു​ന്നത്‌? നിങ്ങൾക്കു വായി​ക്കാൻ അറിയാത്ത ഒരു ഭാഷയിൽ, പരിച​യ​മി​ല്ലാത്ത ലിപി​ക​ളിൽ എഴുതി​യി​രി​ക്കുന്ന ഒരു പത്രിക ആരെങ്കി​ലും നിങ്ങൾക്കു തരുന്നു​വെ​ന്നി​രി​ക്കട്ടെ. അതിൽ വളരെ മനോ​ഹ​ര​മായ ചിത്ര​ങ്ങ​ളു​ണ്ടെ​ങ്കിൽപ്പോ​ലും ആ പത്രിക പ്രയോ​ജ​ന​ക​ര​മായ ഒന്നായി നിങ്ങൾക്കു തോന്നു​മോ? സാധ്യ​ത​യില്ല. സമാന​മാ​യി, വായി​ക്കാൻ അറിയാ​ത്ത​വർക്ക്‌ ധാരാളം പാഠഭാ​ഗ​മുള്ള പ്രസി​ദ്ധീ​ക​ര​ണങ്ങൾ നൽകി​യാൽ അത്‌ അവരെ നിരു​ത്സാ​ഹ​പ്പെ​ടു​ത്തി​യേ​ക്കാം. അതു​കൊ​ണ്ടാണ്‌ അധികം പാഠഭാ​ഗം നൽകാതെ, ലഘുപ​ത്രി​ക​യു​ടെ ഓരോ പേജി​ലും ചിന്തോ​ദ്ദീ​പ​ക​മായ ധാരാളം ചിത്രങ്ങൾ നൽകി​യി​രി​ക്കു​ന്നത്‌. ചർച്ച മുന്നോ​ട്ടു​കൊ​ണ്ടു​പോ​കാൻ സഹായി​ക്കു​ന്ന​വി​ധ​ത്തിൽ, ഒരു ചിത്ര​ത്തിൽനി​ന്നു മറ്റേ ചിത്ര​ത്തി​ലേക്കു നയിക്കുന്ന അസ്‌ത്ര​ചി​ഹ്ന​ങ്ങ​ളും കൊടു​ത്തി​ട്ടുണ്ട്‌.

4. ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രിക രൂപകൽപ്പന ചെയ്‌തി​രി​ക്കു​ന്നത്‌ എങ്ങനെ​യാണ്‌?

⁴ ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രിക രൂപകൽപ്പന ചെയ്‌തി​രി​ക്കു​ന്നത്‌ എങ്ങനെ​യാണ്‌? ദൈവം പറയു​ന്നതു കേൾക്കു​വിൻ! എന്ന പത്രി​ക​യി​ലെ ചിത്ര​ങ്ങൾത​ന്നെ​യാണ്‌ ഇതിലും ഉള്ളത്‌. നന്നായി വായി​ക്കാൻ അറിയി​ല്ലാത്ത അല്ലെങ്കിൽ വായി​ക്കാൻ പഠിച്ചു​കൊ​ണ്ടി​രി​ക്കുന്ന ആളുകളെ ബൈബിൾ പഠിക്കാൻ സഹായി​ക്കുക എന്ന ലക്ഷ്യത്തി​ലാണ്‌ ഇതു തയ്യാറാ​ക്കി​യി​രി​ക്കു​ന്നത്‌. ദൈവം പറയു​ന്നതു കേൾക്കു​വിൻ! എന്ന പത്രിക ഉപയോ​ഗിച്ച്‌ ബൈബി​ള​ധ്യ​യനം നടത്തു​മ്പോൾ, തങ്ങളുടെ വ്യക്തി​പ​ര​മായ കോപ്പി​യാ​യി പ്രസാ​ധ​കർക്ക്‌ ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന പത്രിക ഉപയോ​ഗി​ക്കാ​വു​ന്ന​താണ്‌. ഓരോ പാഠത്തി​ന്റെ​യും മുകളിൽ ഇടതു​വ​ശ​ത്താ​യി ഒരു ചോദ്യം കാണാം; ചോദ്യ​ത്തി​നുള്ള ഉത്തരം പാഠഭാ​ഗ​ത്തുണ്ട്‌. ചിത്ര​ങ്ങ​ളോ​ടൊ​പ്പം കുറി​പ്പു​ക​ളും തിരു​വെ​ഴു​ത്തു​ദ്ധ​ര​ണി​ക​ളും കൊടു​ത്തി​രി​ക്കു​ന്നു. പല പേജു​ക​ളു​ടെ​യും താഴെ കോണി​ലാ​യി ഒരു ചതുര​മുണ്ട്‌; കൂടു​ത​ലായ ചില ആശയങ്ങ​ളും തിരു​വെ​ഴുത്ത്‌ പരാമർശ​ങ്ങ​ളും ആണ്‌ അതിലു​ള്ളത്‌. വിദ്യാർഥി​യു​ടെ പ്രാപ്‌തി​യ​നു​സ​രിച്ച്‌ നിങ്ങൾക്ക്‌ അവ ചർച്ച ചെയ്യാ​വു​ന്ന​താണ്‌.

5. ഈ ലഘുപ​ത്രി​കകൾ എപ്പോൾ, എങ്ങനെ സമർപ്പി​ക്കാം?

⁵ ഉപയോ​ഗി​ക്കേണ്ട വിധം: സാഹി​ത്യ​സ​മർപ്പണം ലഘുപ​ത്രി​കകൾ അല്ലെങ്കിൽപ്പോ​ലും ഉചിത​മാ​യി​രി​ക്കു​മ്പോ​ഴെ​ല്ലാം വീടു​തോ​റു​മുള്ള ശുശ്രൂ​ഷ​യിൽ മേൽപ്പറഞ്ഞ ലഘുപ​ത്രി​കകൾ സമർപ്പി​ക്കാ​വു​ന്ന​താണ്‌. (“സമർപ്പി​ക്കേ​ണ്ടത്‌ എങ്ങനെ?” എന്ന ചതുരം കാണുക.) മടക്കസ​ന്ദർശ​നങ്ങൾ നടത്തു​മ്പോ​ഴും അവ നൽകാം. താത്‌പ​ര്യ​ക്കാ​ര​നോട്‌, അദ്ദേഹ​ത്തി​നു​വേണ്ടി ഒരു പ്രസി​ദ്ധീ​ക​രണം കൊണ്ടു​വ​ന്നി​ട്ടുണ്ട്‌ എന്നു പറഞ്ഞിട്ട്‌ ലഘുപ​ത്രിക കൈമാ​റാ​വു​ന്ന​താണ്‌.

6. ഈ ലഘുപ​ത്രി​കകൾ ഉപയോ​ഗിച്ച്‌ എങ്ങനെ ബൈബി​ള​ധ്യ​യനം നടത്താം?

⁶ ദൈവം പറയു​ന്നതു കേൾക്കു​വിൻ! എന്ന ലഘുപ​ത്രി​ക​യിൽ അച്ചടിച്ച ചോദ്യ​ങ്ങൾ ഇല്ല. അതിനാൽ ബൈബിൾ പഠിപ്പി​ക്കു​ന്നു പുസ്‌തകം ഉപയോ​ഗിച്ച്‌ അധ്യയ​ന​മെ​ടു​ക്കു​ന്ന​തു​പോ​ലെ ചോദ്യാ​ത്ത​ര​ച്ചർച്ച​യാ​യി​ട്ടല്ല അധ്യയനം നടത്തേ​ണ്ടത്‌. കഥ കേൾക്കാൻ എല്ലാവർക്കും ഇഷ്ടമാണ്‌. അതു​കൊണ്ട്‌ പത്രി​ക​യി​ലെ ചിത്രങ്ങൾ ഉപയോ​ഗിച്ച്‌ ബൈബി​ളി​ലുള്ള കഥകൾ വിവരി​ച്ചു​കൊ​ടു​ക്കുക. ഉത്സാഹ​ത്തോ​ടെ വേണം അവ വിശദീ​ക​രി​ക്കാൻ. ചിത്ര​ത്തെ​ക്കു​റി​ച്ചുള്ള വിദ്യാർഥി​യു​ടെ അഭി​പ്രാ​യങ്ങൾ ചോദി​ച്ച​റി​യുക. പേജിന്റെ ഏറ്റവും താഴെ കൊടു​ത്തി​രി​ക്കുന്ന തിരു​വെ​ഴു​ത്തു​കൾ വായിച്ച്‌ ചർച്ച ചെയ്യുക. വിദ്യാർഥി​യെ ചർച്ചയിൽ ഉൾപ്പെ​ടു​ത്തു​ന്ന​തി​നും പഠിക്കുന്ന കാര്യങ്ങൾ അദ്ദേഹ​ത്തി​നു മനസ്സി​ലാ​കു​ന്നു​ണ്ടെന്ന്‌ ഉറപ്പു​വ​രു​ത്തു​ന്ന​തി​നും ആയി ചോദ്യ​ങ്ങൾ ചോദി​ക്കുക. ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രി​ക​യാണ്‌ വിദ്യാർഥി ഉപയോ​ഗി​ക്കു​ന്ന​തെ​ങ്കിൽ, ചിത്രങ്ങൾ പരിചി​ന്തി​ക്കു​ന്ന​തോ​ടൊ​പ്പം നൽകി​യി​രി​ക്കുന്ന പാഠഭാ​ഗ​വും തിരു​വെ​ഴു​ത്തു​ക​ളും കൂടെ വായി​ക്കുക.

7. പുരോ​ഗ​മി​ക്കാൻ ബൈബിൾവി​ദ്യാർഥി​യെ എങ്ങനെ സഹായി​ക്കാം?

⁷ പുരോ​ഗ​മി​ക്കാൻ വിദ്യാർഥി​യെ സഹായി​ക്കുക: ദൈവം പറയു​ന്നതു കേൾക്കു​വിൻ! എന്ന ലഘുപ​ത്രി​ക​യാണ്‌ വിദ്യാർഥി​യു​മാ​യി ചർച്ച ചെയ്യു​ന്ന​തെ​ന്നി​രി​ക്കട്ടെ. നിങ്ങളു​മാ​യുള്ള ചർച്ചക​ളി​ലൂ​ടെ, യഹോ​വയെ സംബന്ധിച്ച പരിജ്ഞാ​നം സ്വയം സമ്പാദി​ക്കാ​നുള്ള ആഗ്രഹം വിദ്യാർഥി​യിൽ അങ്കുരി​ച്ചേ​ക്കാം; അതിനാ​യി, താൻ വായി​ക്കാൻ പഠി​ക്കേ​ണ്ട​തു​ണ്ടെന്ന്‌ അദ്ദേഹം മനസ്സി​ലാ​ക്കും. (മത്താ. 5:3; യോഹ. 17:3) വിദ്യാർഥി നന്നായി പുരോ​ഗ​മി​ക്കു​ന്നു​ണ്ടെ​ങ്കിൽ, അദ്ദേഹത്തെ വായി​ക്കാൻ പഠിപ്പി​ക്കാ​മെന്നു പറയുക. ക്രമേണ, ദൈവം പറയു​ന്നതു കേൾക്കു​വിൻ! എന്നേക്കും ജീവി​ക്കു​വിൻ! എന്ന ലഘുപ​ത്രിക പഠിച്ചു​തു​ട​ങ്ങാം. എന്നാൽ ഓർക്കുക: സ്‌നാ​ന​ത്തി​ന്റെ പടിയി​ലേക്കു പുരോ​ഗ​മി​ക്ക​ണ​മെ​ങ്കിൽ വിദ്യാർഥി ബൈബി​ളി​നെ​ക്കു​റിച്ച്‌ കൂടുതൽ അറിവു സമ്പാദി​ക്കണം. അതു​കൊണ്ട്‌ ലഘുപ​ത്രി​കകൾ പഠിച്ചു​തീർന്ന​തി​നു ശേഷം ബൈബിൾ പഠിപ്പി​ക്കു​ന്നു പുസ്‌ത​ക​ത്തിൽനി​ന്നോ ഉചിത​മായ മറ്റേ​തെ​ങ്കി​ലും പ്രസി​ദ്ധീ​ക​ര​ണ​ത്തിൽനി​ന്നോ അധ്യയനം ആരംഭി​ക്കണം. ഇത്‌ ബൈബി​ളി​നെ സംബന്ധിച്ച്‌ നല്ലൊരു ഗ്രാഹ്യം സമ്പാദി​ക്കാൻ വിദ്യാർഥി​യെ സഹായി​ക്കും.

8. ശുശ്രൂ​ഷ​യിൽ ഉപയോ​ഗി​ക്കാ​നാ​കുന്ന പുതിയ പ്രസി​ദ്ധീ​ക​ര​ണ​ങ്ങൾക്കാ​യി നിങ്ങൾ നന്ദിയു​ള്ള​വ​രാ​യി​രി​ക്കു​ന്നത്‌ എന്തു​കൊണ്ട്‌?

⁸ എന്നേക്കും ജീവി​ക്ക​ണ​മെ​ങ്കിൽ ആളുകൾ പ്രപഞ്ച​ത്തി​ന്റെ പരമാ​ധീ​ശ​നായ യഹോവ പറയു​ന്നതു കേൾക്കണം. (യെശ. 55:3) അക്ഷരവി​ദ്യാ​ഭ്യാ​സ​മി​ല്ലാ​ത്തവർ ഉൾപ്പെടെ “സകലതരം മനുഷ്യ​രും” താൻ പറയു​ന്നതു കേൾക്ക​ണ​മെ​ന്നാണ്‌ യഹോ​വ​യു​ടെ ആഗ്രഹം. (1 തിമൊ. 2:3, 4) ദൈവം പറയു​ന്നതു കേൾക്കേ​ണ്ടത്‌ എങ്ങനെ​യെന്ന്‌ ആളുകളെ പഠിപ്പി​ക്കാൻ നമ്മളെ സഹായി​ക്കുന്ന ഈ പുതിയ പ്രസി​ദ്ധീ​ക​ര​ണ​ങ്ങൾക്കാ​യി നാം വളരെ നന്ദിയു​ള്ള​വ​രല്ലേ?

[3-ാം പേജിലെ ചതുരം]

സമർപ്പിക്കേണ്ടത്‌ എങ്ങനെ?

2-ഉം 3-ഉം പേജുകൾ കാണി​ച്ചിട്ട്‌ വീട്ടു​കാ​ര​നോട്‌ ഇങ്ങനെ പറയുക: “ഇതു​പോ​ലൊ​രു ലോക​ത്തിൽ ജീവി​ക്കാൻ താങ്കൾക്ക്‌ ഇഷ്ടമാ​ണോ? (പ്രതി​ക​രി​ക്കാൻ അനുവ​ദി​ക്കുക.) ദൈവം പെട്ടെ​ന്നു​തന്നെ ഈ ഭൂമിയെ, സമാധാ​നം കളിയാ​ടുന്ന മനോ​ഹ​ര​മായ ഒരു ഇടമാക്കി മാറ്റു​മെ​ന്നും അവിടെ ദാരി​ദ്ര്യ​മോ രോഗ​മോ ഉണ്ടായി​രി​ക്കി​ല്ലെ​ന്നും തിരു​വെ​ഴു​ത്തു​കൾ (അല്ലെങ്കിൽ, ഈ വിശു​ദ്ധ​ഗ്രന്ഥം) ഉറപ്പു​ത​രു​ന്നു. നമ്മൾ അവിടെ ഉണ്ടായി​രി​ക്ക​ണ​മെ​ങ്കിൽ എന്തു ചെയ്യണ​മെന്നു ശ്രദ്ധി​ക്കുക. (3-ാം പേജിന്റെ മുകളിൽ പരാമർശി​ച്ചി​ട്ടുള്ള യെശയ്യാ​വു 55:3 വായി​ക്കുക.) ദൈവ​ത്തി​ന്റെ ‘അടുക്കൽ വരാനും’ അവൻ പറയു​ന്നതു കേൾക്കാ​നും ഇവിടെ ആവശ്യ​പ്പെ​ട്ടി​രി​ക്കു​ന്നു. പക്ഷേ ദൈവം പറയു​ന്നതു കേൾക്കാൻ നമുക്ക്‌ എങ്ങനെ കഴിയും?” 4, 5 പേജുകൾ തുറന്ന്‌ ഉത്തരം ചർച്ച ചെയ്യുക. അദ്ദേഹ​ത്തി​നു തിരക്കാ​ണെ​ങ്കിൽ ലഘുപ​ത്രിക നൽകി​യിട്ട്‌, ഉത്തരം ചർച്ച ചെയ്യാ​നാ​യി മടങ്ങി​ച്ചെ​ല്ലാൻ ക്രമീ​ക​രണം ചെയ്യുക.