യഹോ​വ​യു​ടെ ധാർമി​ക​നി​ല​വാ​രങ്ങൾ ഉയർത്തി​പ്പി​ടി​ക്കുക

മനുഷ്യ​രു​ടെ പ്രയോ​ജ​ന​ത്തി​നാ​യി യഹോവ ചില ധാർമി​ക​നി​ല​വാ​രങ്ങൾ വെച്ചി​രി​ക്കു​ന്നു. ഉദാഹ​ര​ണ​ത്തിന്‌ വിവാഹം എന്നുപ​റ​ഞ്ഞാൽ ഒരു പുരു​ഷ​നും സ്‌ത്രീ​യും തമ്മിലുള്ള ആജീവ​നാന്ത ബന്ധമാ​ണെന്ന്‌ യഹോവ പറഞ്ഞു. (മത്ത 19:4-6, 9) എല്ലാ തരത്തി​ലു​മുള്ള ലൈം​ഗിക അധാർമി​ക​തയെ ദൈവം കുറ്റം​വി​ധി​ക്കു​ന്നു. (1കൊ 6:9, 10) തന്റെ ജനത്തെ വ്യത്യ​സ്‌ത​രാ​ക്കി​നി​റു​ത്താൻ വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും കാര്യ​ത്തിൽപ്പോ​ലും ദൈവം തത്ത്വങ്ങൾ നൽകി​യി​രി​ക്കു​ന്നു.—ആവ 22:5; 1തിമ 2:9, 10.

ഇന്നത്തെ ലോക​ത്തി​ലെ ഭൂരി​പക്ഷം ആളുക​ളും യഹോ​വ​യു​ടെ നിലവാ​ര​ങ്ങളെ കാറ്റിൽപ്പ​റ​ത്തു​ന്നു. (റോമ 1:18-32) പൊതു​സ​മൂ​ഹ​ത്തി​ന്റെ അഭി​പ്രാ​യ​ങ്ങ​ളാണ്‌ അവരുടെ വസ്‌ത്ര​ധാ​ര​ണ​ത്തി​ന്റെ​യും ചമയത്തി​ന്റെ​യും പെരു​മാ​റ്റ​ത്തി​ന്റെ​യും ഒക്കെ മാനദണ്ഡം. ഇന്നു പലരും തങ്ങൾ ചെയ്‌ത കൊടും​പാ​പ​ങ്ങ​ളെ​ക്കു​റിച്ച്‌ വീമ്പി​ള​ക്കു​ന്നു. അവരിൽനിന്ന്‌ വ്യത്യ​സ്‌ത​മാ​യി ഉയർന്ന നിലവാ​ര​ത്തോ​ടെ ജീവി​ക്കു​ന്ന​വരെ അവർ വിമർശി​ക്കു​ക​യും ചെയ്യുന്നു.—1പത്ര 4:3, 4.

യഹോ​വ​യു​ടെ സാക്ഷി​ക​ളായ നമ്മൾ ദൈവ​ത്തി​ന്റെ ഉയർന്ന ധാർമി​ക​നി​ല​വാ​രങ്ങൾ ധൈര്യ​ത്തോ​ടെ മുറു​കെ​പ്പി​ടി​ക്കണം. (റോമ 12:9) എങ്ങനെ? ദൈവം അംഗീ​ക​രി​ക്കു​ന്നത്‌ എന്താ​ണെന്ന്‌ നമ്മൾ നയപൂർവം മറ്റുള്ള​വർക്കു പറഞ്ഞു​കൊ​ടു​ക്കണം. എന്നാൽ അതുമാ​ത്രം പോരാ, നമ്മുടെ ജീവി​ത​ത്തി​ലും ആ ഉയർന്ന നിലവാ​രങ്ങൾ പാലി​ക്കണം. ഉദാഹ​ര​ണ​ത്തിന്‌, നമ്മൾ വസ്‌ത്ര​വും ചമയവും ഒക്കെ തിര​ഞ്ഞെ​ടു​ക്കു​മ്പോൾ സ്വയം ചോദി​ക്കുക: ‘എന്റെ തിര​ഞ്ഞെ​ടു​പ്പു​കൾ യഹോ​വ​യു​ടെ നിലവാ​ര​ങ്ങ​ളെ​യാ​ണോ അതോ ലോക​ത്തി​ന്റെ നിലവാ​ര​ങ്ങ​ളെ​യാ​ണോ എടുത്തു​കാ​ണി​ക്കു​ന്നത്‌? എന്റെ വസ്‌ത്ര​ധാ​ര​ണ​വും ചമയവും ദൈവ​ഭ​യ​മുള്ള ഒരു ക്രിസ്‌ത്യാ​നി​യാ​യി എന്നെ തിരി​ച്ച​റി​യി​ക്കു​മോ?’ ഇനി, നിങ്ങൾ ഒരു സിനി​മ​യോ മറ്റെ​ന്തെ​ങ്കി​ലും പരിപാ​ടി​യോ കാണാൻ തീരു​മാ​നി​ച്ചെന്നു കരുതുക. അപ്പോൾ നിങ്ങ​ളോ​ടു​തന്നെ ഇങ്ങനെ ചോദി​ക്കുക: ‘ഈ പരിപാ​ടി യഹോ​വ​യ്‌ക്ക്‌ ഇഷ്ടമാ​കു​മോ? ആരുടെ ധാർമി​ക​നി​ല​വാ​ര​ങ്ങ​ളാണ്‌ ഇതിലു​ള്ളത്‌? എന്റെ ധാർമി​ക​പോ​രാ​ട്ടത്തെ ദുർബ​ല​പ്പെ​ടു​ത്തു​ന്ന​താ​ണോ ഞാൻ തിര​ഞ്ഞെ​ടു​ക്കുന്ന വിനോ​ദം? (സങ്ക 101:3) ഇത്‌ എന്റെ കുടും​ബാം​ഗ​ങ്ങ​ളെ​യും മറ്റുള്ള​വ​രെ​യും ഇടറി​വീ​ഴി​ക്കു​മോ?’—1കൊ 10:31-33.

യഹോ​വ​യു​ടെ ധാർമി​ക​നി​ല​വാ​രങ്ങൾ നമ്മൾ മുറു​കെ​പ്പി​ടി​ക്കേ​ണ്ടത്‌ ഇത്ര പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌? ക്രിസ്‌തു​യേശു ജനതക​ളെ​യും ദുഷ്ടത​യു​ടെ കണിക​ക​ളെ​യും പെട്ടെന്നു തുടച്ചു​നീ​ക്കും. (യഹ 9:4-7) ദൈവ​ത്തി​ന്റെ ഇഷ്ടം ചെയ്യു​ന്നവർ മാത്രമേ ശേഷിക്കൂ. (1യോഹ 2:15-17) അതു​കൊണ്ട്‌ യഹോ​വ​യു​ടെ ധാർമി​ക​നി​ല​വാ​രങ്ങൾ എപ്പോ​ഴും ഉയർത്തി​പ്പി​ടി​ക്കുക. അങ്ങനെ​യാ​കു​മ്പോൾ നമ്മുടെ നല്ല പെരു​മാ​റ്റം കാണുന്ന വ്യക്തികൾ ദൈവത്തെ മഹത്ത്വ​പ്പെ​ടു​ത്തും.—1പത്ര 2:11, 12.

യഹോ​വ​യു​ടെ കൂട്ടു​കാ​രാ​കാം—ഒരു പുരുഷൻ, ഒരു സ്‌ത്രീ എന്ന വീഡി​യോ കാണുക. തുടർന്ന്‌ പിൻവ​രുന്ന ചോദ്യ​ങ്ങൾ പരി​ശോ​ധി​ക്കുക:

• യഹോ​വ​യു​ടെ നിലവാ​രങ്ങൾ അനുസ​രിച്ച്‌ ജീവി​ക്കു​ന്നതു ബുദ്ധി​യാ​യി​രി​ക്കു​ന്നത്‌ എന്തു​കൊണ്ട്‌?

• കുട്ടി​കളെ നന്നേ ചെറു​പ്പം​മു​തലേ യഹോ​വ​യു​ടെ ധാർമി​ക​നി​ല​വാ​ര​ങ്ങ​ളെ​ക്കു​റിച്ച്‌ മാതാ​പി​താ​ക്കൾ പഠിപ്പി​ക്കേ​ണ്ടത്‌ എന്തു​കൊണ്ട്‌?

• ദൈവ​ത്തി​ന്റെ നന്മയിൽനിന്ന്‌ പ്രയോ​ജനം നേടാൻ ചെറു​പ്പ​ക്കാർക്കും പ്രായ​മാ​യ​വർക്കും എങ്ങനെ മറ്റുള്ള​വരെ സഹായി​ക്കാൻ കഴിയും?