ദൈവ​വ​ച​ന​ത്തിൽനി​ന്നു പഠിക്കുക

ദിവ്യ​നി​യ​മങ്ങൾ നമുക്ക്‌ പ്രയോ​ജനം ചെയ്യു​ന്നത്‌ എങ്ങനെ?

നിങ്ങൾ ചോദി​ച്ചി​രി​ക്കാൻ സാധ്യ​ത​യുള്ള ചില ചോദ്യ​ങ്ങ​ളാണ്‌ താഴെ കൊടു​ത്തി​രി​ക്കു​ന്നത്‌. അവയ്‌ക്കുള്ള ഉത്തരങ്ങൾ നിങ്ങളു​ടെ ബൈബി​ളിൽ എവിടെ കണ്ടെത്താ​മെ​ന്നും ഈ ലേഖന​ത്തിൽ പറയു​ന്നുണ്ട്‌. ഈ വിവരങ്ങൾ നിങ്ങളു​മാ​യി ചർച്ച​ചെ​യ്യാൻ യഹോ​വ​യു​ടെ സാക്ഷി​ക​ളായ ഞങ്ങൾ താത്‌പ​ര്യ​പ്പെ​ടു​ന്നു.

1. നാം ദൈവത്തെ അനുസ​രി​ക്കേ​ണ്ടത്‌ എന്തു​കൊണ്ട്‌?

നാം ദൈവത്തെ അനുസ​രി​ക്കേ​ണ്ട​താണ്‌; കാരണം അവനാണ്‌ നമ്മെ സൃഷ്ടി​ച്ചത്‌. യേശു​പോ​ലും ദൈവത്തെ എല്ലായ്‌പോ​ഴും അനുസ​രി​ച്ചു. (യോഹ​ന്നാൻ 6:38; വെളി​പാട്‌ 4:11) ദൈവ​ത്തി​ന്റെ നിയമങ്ങൾ അനുസ​രി​ക്കു​ന്നത്‌ അവനെ സ്‌നേ​ഹി​ക്കു​ന്നു​വെന്ന്‌ തെളി​യി​ക്കാ​നുള്ള ഒരു മാർഗ​മാണ്‌.—1 യോഹ​ന്നാൻ 5:3 വായി​ക്കുക.

യഹോ​വ​യാം​ദൈവം വെച്ചി​രി​ക്കുന്ന നിയമ​ങ്ങ​ളെ​ല്ലാം നമ്മുടെ പ്രയോ​ജ​ന​ത്തി​നു​വേ​ണ്ടി​യു​ള്ള​താണ്‌. ഇപ്പോൾത്തന്നെ ഏറ്റവും മെച്ചമായ വിധത്തിൽ എങ്ങനെ ജീവി​ക്കാ​മെന്ന്‌ അത്‌ നമ്മെ പഠിപ്പി​ക്കു​ന്നു. ഭാവി​യിൽ നിത്യാ​നു​ഗ്ര​ഹങ്ങൾ നേടാൻ എങ്ങനെ കഴിയു​മെ​ന്നും അതു കാണി​ച്ചു​ത​രു​ന്നു.—സങ്കീർത്തനം 19:7, 11; യെശയ്യാ​വു 48:17, 18 വായി​ക്കുക.

2. ആരോ​ഗ്യ​ത്തോ​ടെ ജീവി​ക്കാൻ ദൈവി​ക​നി​യ​മങ്ങൾ നമ്മെ സഹായി​ക്കു​ന്നത്‌ എങ്ങനെ?

അമിത​മാ​യി മദ്യപി​ക്ക​രുത്‌ എന്ന ദൈവ​നി​യമം മാരക​മായ പല രോഗ​ങ്ങ​ളിൽനി​ന്നും അപകട​ങ്ങ​ളിൽനി​ന്നും നമ്മെ സംരക്ഷി​ക്കു​ന്നു. മദ്യത്തി​ന്റെ അമിത​മായ ഉപയോ​ഗം നമ്മെ അതിന്‌ അടിമ​യാ​ക്കു​ക​യും ചിന്താ​ശൂ​ന്യ​മായ പെരു​മാ​റ്റ​ത്തി​ലേക്കു നയിക്കു​ക​യും ചെയ്യും. (സദൃശ​വാ​ക്യ​ങ്ങൾ 23:20, 29, 30) മദ്യം ഉപയോ​ഗി​ക്കാൻ യഹോവ അനുവ​ദി​ക്കു​ന്നുണ്ട്‌; പക്ഷേ അത്‌ മിതമായ അളവി​ലാ​യി​രി​ക്കണം എന്നുമാ​ത്രം.—സങ്കീർത്തനം 104:15; 1 കൊരി​ന്ത്യർ 6:10 വായി​ക്കുക.

അസൂയ, അനിയ​ന്ത്രി​ത​മായ കോപം, ആപത്‌ക​ര​മായ മറ്റു സ്വഭാ​വ​രീ​തി​കൾ എന്നിവ​യ്‌ക്കെ​തി​രെ​യും യഹോവ മുന്നറി​യി​പ്പു നൽകുന്നു. എത്ര​ത്തോ​ളം നാം അവന്റെ നിർദേ​ശങ്ങൾ അനുസ​രി​ക്കു​ന്നു​വോ നമ്മുടെ ആരോ​ഗ്യം അത്രകണ്ട്‌ മെച്ച​പ്പെ​ടും.—സദൃശ​വാ​ക്യ​ങ്ങൾ 14:30; 22:24, 25 വായി​ക്കുക.

3. ദൈവ​നി​യമം നമ്മെ സംരക്ഷി​ക്കു​ന്നത്‌ എങ്ങനെ?

വിവാ​ഹ​ത്തി​നു പുറത്തുള്ള ലൈം​ഗി​ക​ബ​ന്ധത്തെ ദൈവ​നി​യമം വിലക്കു​ന്നു. (എബ്രായർ 13:4) ദമ്പതികൾ ദൈവ​നി​യമം അനുസ​രി​ക്കു​മ്പോൾ അവർക്ക്‌ കൂടുതൽ സുരക്ഷി​ത​ത്വം അനുഭ​വ​പ്പെ​ടും. കൂടാതെ, നല്ലൊരു ചുറ്റു​പാ​ടിൽ മക്കളെ വളർത്തി​ക്കൊ​ണ്ടു​വ​രാ​നും അവർക്കു കഴിയും. നേരെ​മ​റിച്ച്‌, വിവാ​ഹേതര ബന്ധങ്ങൾ മിക്ക​പ്പോ​ഴും രോഗ​ങ്ങൾക്കും വിവാ​ഹ​മോ​ച​ന​ത്തി​നും അക്രമ​ത്തി​നും വൈകാ​രി​ക​വ്യ​ഥ​കൾക്കും ഒക്കെ വഴി​തെ​ളി​ക്കും. ഒറ്റയ്‌ക്ക്‌ മക്കളെ വളർത്തേണ്ട ഗതി​കേ​ടും അതുമൂ​ലം ഉണ്ടാ​യേ​ക്കാം.—സദൃശ​വാ​ക്യ​ങ്ങൾ 5:1-9 വായി​ക്കുക.

വിവാ​ഹേ​തര ലൈം​ഗി​ക​ബ​ന്ധ​ത്തിൽ ഏർപ്പെ​ടാൻ ഇടയാ​ക്കി​യേ​ക്കാ​വുന്ന സാഹച​ര്യ​ങ്ങൾ ഒഴിവാ​ക്കു​ന്ന​തി​ലൂ​ടെ ദൈവ​വു​മാ​യുള്ള നമ്മുടെ സൗഹൃദം നമുക്ക്‌ കാത്തു​സൂ​ക്ഷി​ക്കാ​നാ​കും. മറ്റുള്ള​വരെ വേദനി​പ്പി​ക്കാ​തി​രി​ക്കാ​നും നമുക്കു കഴിയും.—1 തെസ്സ​ലോ​നി​ക്യർ 4:3-6 വായി​ക്കുക.

4. ജീവ​നോ​ടുള്ള ആദരവ്‌ നമുക്കു പ്രയോ​ജനം ചെയ്യു​ന്നത്‌ എങ്ങനെ?

ജീവൻ ഒരു ദിവ്യ​ദാ​ന​മാണ്‌. പുകവ​ലി​യും മാരക​മായ മറ്റു ദുശ്ശീ​ല​ങ്ങ​ളും ഒഴിവാ​ക്കി​ക്കൊണ്ട്‌ ജീവനെ ആദരി​ക്കു​ന്ന​വർക്ക്‌ സാധാ​ര​ണ​ഗ​തി​യിൽ നല്ല ആരോ​ഗ്യ​മു​ണ്ടാ​യി​രി​ക്കും. (2 കൊരി​ന്ത്യർ 7:1) ഗർഭസ്ഥ​ശി​ശു​വി​ന്റെ ജീവൻപോ​ലും ദൈവ​ത്തിന്‌ വില​പ്പെ​ട്ട​താ​ണെന്ന്‌ പുറപ്പാ​ടു 21:22, 23-ന്റെ മൂലപാ​ഠം കാണി​ക്കു​ന്നു. അതു​കൊണ്ട്‌ മനഃപൂർവം ഒരു അജാത​ശി​ശു​വി​നെ കൊല്ലു​ന്നത്‌ തെറ്റാണ്‌. ദൈവം വീക്ഷി​ക്കു​ന്ന​തു​പോ​ലെ ജീവനെ വില​യേ​റി​യ​താ​യി കാണു​ന്നവർ ജോലി​സ്ഥ​ല​ത്തും വീട്ടി​ലും വാഹനങ്ങൾ ഓടി​ക്കു​മ്പോ​ഴും സുരക്ഷ​യ്‌ക്ക്‌ പ്രാധാ​ന്യം നൽകും. (ആവർത്ത​ന​പു​സ്‌തകം 22:8) ജീവൻ അപകട​പ്പെ​ടു​ത്തി​ക്കൊ​ണ്ടുള്ള കായി​ക​വി​നോ​ദ​ങ്ങ​ളി​ലും അവർ ഏർപ്പെ​ടു​ക​യില്ല; കാരണം ജീവൻ ദൈവ​ത്തിൽനി​ന്നുള്ള സമ്മാന​മാണ്‌.—സങ്കീർത്തനം 36:9 വായി​ക്കുക.

5. രക്തത്തെ പവി​ത്ര​മാ​യി വീക്ഷി​ക്കു​ന്നത്‌ നമുക്ക്‌ പ്രയോ​ജനം ചെയ്യു​ന്നത്‌ എങ്ങനെ?

രക്തം പവി​ത്ര​മാണ്‌; കാരണം ഒരു ജീവി​യു​ടെ പ്രാണൻ അഥവാ ജീവനാണ്‌ അതെന്ന്‌ ദൈവം പറയുന്നു. (ഉല്‌പത്തി 9:3, 4) ദൈവ​ത്തി​ന്റെ നിയമം അനുസ​രിച്ച്‌ രക്തത്തിന്റെ മൂല്യം ജീവനു തുല്യ​മാണ്‌. ആ നിയമ​ത്തി​ന്റെ അടിസ്ഥാ​ന​ത്തി​ലാണ്‌ നമ്മുടെ പാപങ്ങ​ളു​ടെ മോചനം അവൻ സാധ്യ​മാ​ക്കി​യി​രി​ക്കു​ന്നത്‌.—ലേവ്യ​പു​സ്‌തകം 17:11-13; എബ്രായർ 9:22 വായി​ക്കുക.

എങ്ങനെ​യാണ്‌ ദൈവം അതു ചെയ്‌തി​രി​ക്കു​ന്നത്‌? തന്റെ പുത്രന്റെ രക്തത്തി​ലൂ​ടെ നമ്മെ പാപത്തിൽനി​ന്നു വിടു​വി​ക്കാൻ ദൈവം അവനെ ഭൂമി​യി​ലേക്ക്‌ അയച്ചു. യേശു പൂർണ​നാ​യി​രു​ന്ന​തി​നാൽ അവന്റെ ചൊരി​യ​പ്പെട്ട രക്തം അമൂല്യ​മാ​യി​രു​ന്നു. തന്റെ ജീവൻ പ്രതി​നി​ധാ​നം ചെയ്യുന്ന രക്തം യേശു ദൈവ​ത്തി​ന്റെ മുമ്പാകെ സമർപ്പി​ച്ചു. (എബ്രായർ 9:12) അവൻ ചൊരിഞ്ഞ ആ രക്തമാണ്‌ നമുക്ക്‌ നിത്യ​ജീ​വൻ സാധ്യ​മാ​ക്കി​ത്ത​രു​ന്നത്‌.—മത്തായി 26:28; യോഹ​ന്നാൻ 3:16 വായി​ക്കുക. (w11-E 11/01)

കൂടുതൽ വിവര​ങ്ങൾക്ക്‌, യഹോ​വ​യു​ടെ സാക്ഷികൾ പ്രസി​ദ്ധീ​ക​രിച്ച ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്റെ 12-ഉം 13-ഉം അധ്യാ​യങ്ങൾ കാണുക.