ദാമ്പത്യ​ബ​ന്ധ​ത്തെ ശക്തി​പ്പെ​ടു​ത്തി സംരക്ഷി​ക്കാൻ യഹോ​വ​യെ അനുവ​ദി​ക്കു​ക

1, 2. (എ) ഇസ്രാ​യേ​ല്യ​രിൽ 24,000 പേർക്ക്‌ മഹത്തായ അനു​ഗ്ര​ഹ​ങ്ങൾ നഷ്ടപ്പെ​ട്ടത്‌ എന്തു​കൊണ്ട്‌? (ബി) ആ പുരാ​ത​ന​വൃ​ത്താ​ന്തം നമുക്ക്‌ പ്രസക്ത​മാ​യി​രി​ക്കു​ന്നത്‌ എന്തു​കൊണ്ട്‌?

വാഗ്‌ദ​ത്ത​ദേ​ശ​ത്തി​ന്റെ പടിവാ​തിൽക്കൽ എത്തിനിൽക്കു​ക​യാ​യി​രു​ന്നു ഇസ്രാ​യേൽ ജനത. പക്ഷേ അവർ ‘പടിക്കൽക്കൊ​ണ്ടു​വന്ന്‌ കലമു​ട​ച്ചു!’ അവരിൽ ആയിര​ക്ക​ണ​ക്കിന്‌ പുരു​ഷ​ന്മാർ അവി​ടെ​വെച്ച്‌ “മോവാ​ബ്യസ്‌ത്രീ​ക​ളു​മാ​യി പരസംഗം” ചെയ്‌തു. ഫലമോ? യഹോ​വ​യു​ടെ കൈയാൽ അന്ന്‌ 24,000 പേർ വീണു. ഒന്നു ചിന്തിച്ചു നോക്കൂ! നീണ്ട കാലത്തെ കാത്തി​രി​പ്പി​നു ശേഷം അവർ തങ്ങളുടെ അവകാ​ശ​ഭൂ​മി​യി​ലേക്ക്‌ കാലെ​ടു​ത്തു​വെ​ക്കാൻ പോകു​ക​യാ​യി​രു​ന്നു. പക്ഷേ പ്രലോ​ഭ​ന​ത്തിന്‌ വശംവ​ദ​രാ​യ​തു​നി​മി​ത്തം അവർ സർവവും കളഞ്ഞു​കു​ളി​ച്ചു.—സംഖ്യാ. 25:1-5, 9.

² ചരി​ത്ര​ത്തി​ലെ ആ ദുരന്ത​വൃ​ത്താ​ന്തം വ്യവസ്ഥി​തി​യു​ടെ “അവസാ​ന​ത്തി​ങ്കൽ വന്നെത്തി​യി​രി​ക്കു​ന്ന നമുക്ക്‌ മുന്നറി​യി​പ്പി​നാ​യി” എഴുത​പ്പെ​ട്ടി​രി​ക്കു​ന്നു. (1 കൊരി. 10:6-11) ഇന്ന്‌, “അന്ത്യകാ​ല​ത്തി​ന്റെ” അവസാ​ന​യാ​മ​ങ്ങ​ളിൽ ജീവി​ക്കു​ന്ന ദൈവ​ദാ​സർ നീതി വസിക്കുന്ന പുതി​യ​ലോ​ക​ത്തി​ന്റെ പടിവാ​തിൽക്കൽ എത്തിനിൽക്കു​ക​യാണ്‌. (2 തിമൊ. 3:1; 2 പത്രോ. 3:13) സങ്കടക​ര​മെ​ന്നു പറയട്ടെ, യഹോ​വ​യു​ടെ ആരാധ​ക​രിൽ ചിലർ ജാഗ്രത കൈവി​ട്ടി​രി​ക്കു​ന്നു. അധാർമി​ക​ത​യു​ടെ കെണി​യിൽ അകപ്പെട്ട്‌ അവർ അഴിഞ്ഞ നടത്തയു​ടെ കൈ​പ്പേ​റി​യ അനന്തര​ഫ​ല​ങ്ങൾ കൊയ്‌തി​രി​ക്കു​ന്നു. നാശത്തി​ന്റെ വക്കിലൂ​ടെ​യാണ്‌ അത്തരക്കാർ സഞ്ചരി​ക്കു​ന്നത്‌. സുബോ​ധം വീണ്ടെ​ടു​ക്കാ​ത്ത​പ​ക്ഷം അവർ നിത്യാ​നു​ഗ്ര​ങ്ങൾ നഷ്ടപ്പെ​ടു​ത്തി​യേ​ക്കാം.

3. ഭാര്യാ​ഭർത്താ​ക്ക​ന്മാർക്ക്‌ യഹോ​വ​യു​ടെ മാർഗ​നിർദേ​ശ​വും സംരക്ഷ​ണ​വും അത്യന്താ​പേ​ക്ഷി​ത​മാ​യി​രി​ക്കു​ന്നത്‌ എന്തു​കൊണ്ട്‌? (ലേഖനാ​രം​ഭ​ത്തി​ലെ ചിത്രം കാണുക.)

³ ഒരു പകർച്ച​വ്യാ​ധി​പോ​ലെ അധാർമി​കത പടർന്നു പിടി​ച്ചി​രി​ക്കു​ന്ന ഇക്കാലത്ത്‌, വിവാ​ഹ​ബ​ന്ധ​ത്തെ കാത്തു​പ​രി​പാ​ലി​ക്കാ​നുള്ള ഭാര്യാ​ഭർത്താ​ക്ക​ന്മാ​രു​ടെ ശ്രമങ്ങൾ വൃഥാ​വാ​യി​പ്പോ​കാ​തി​രി​ക്ക​ണ​മെ​ങ്കിൽ അവർക്ക്‌ യഹോ​വ​യു​ടെ മാർഗ​നിർദേ​ശ​വും സംരക്ഷ​ണ​വും കൂടിയേ തീരൂ. (സങ്കീർത്ത​നം 127:1 വായി​ക്കു​ക.) ദമ്പതി​കൾക്ക്‌ തങ്ങളുടെ ദാമ്പത്യ​ത്തെ എങ്ങനെ ശക്തി​പ്പെ​ടു​ത്താം എന്ന്‌ ഈ ലേഖന​ത്തിൽ നാം ചർച്ച ചെയ്യും. അവർ (1) തങ്ങളുടെ ഹൃദയത്തെ കാത്തു​കൊ​ള്ളു​ക​യും (2) ദൈവ​ത്തോട്‌ അടുത്ത്‌ ചെല്ലു​ക​യും (3) പുതിയ വ്യക്തി​ത്വം ധരിക്കു​ക​യും (4) അർഥവ​ത്താ​യ ആശയവി​നി​മ​യം നടത്തു​ക​യും (5) ദാമ്പത്യ​ധർമം നിറ​വേ​റ്റു​ക​യും വേണം.

ഹൃദയത്തെ കാത്തു​കൊ​ള്ളു​ക

4. ചില ക്രിസ്‌ത്യാ​നി​ക​ളെ തെറ്റി​ലേക്ക്‌ നയിച്ചി​ട്ടു​ള്ളത്‌ എന്തൊ​ക്കെ​യാണ്‌?

⁴ അധാർമി​ക​ന​ട​ത്ത​യി​ലേക്ക്‌ ഒരു ക്രിസ്‌ത്യാ​നി വഴുതി​വീ​ണേ​ക്കാ​വു​ന്നത്‌ എങ്ങനെ​യാണ്‌? അധാർമി​ക​ത​യി​ലേ​ക്കുള്ള വഴിവിട്ട നടത്ത ആരംഭി​ക്കു​ന്നത്‌ പലപ്പോ​ഴും കണ്ണുക​ളിൽനി​ന്നാണ്‌. “ഒരു സ്‌ത്രീ​യോ​ടു മോഹം തോന്ന​ത്ത​ക്ക​വി​ധം അവളെ നോക്കി​ക്കൊ​ണ്ടി​രി​ക്കു​ന്നവൻ തന്റെ ഹൃദയ​ത്തിൽ അവളു​മാ​യി വ്യഭി​ചാ​രം ചെയ്‌തു​ക​ഴി​ഞ്ഞു” എന്ന്‌ യേശു പറയു​ക​യു​ണ്ടാ​യി. (മത്താ. 5:27, 28; 2 പത്രോ. 2:14) തെറ്റിൽ അകപ്പെ​ട്ടി​രി​ക്കു​ന്ന പല ക്രിസ്‌ത്യാ​നി​ക​ളും അശ്ലീലം വീക്ഷി​ച്ചും കാമോ​ദ്ദീ​പ​ക​മാ​യ സാഹി​ത്യ​ങ്ങൾ വായി​ച്ചും നീലച്ചി​ത്ര​ങ്ങ​ളും വിവര​ങ്ങ​ളും അടങ്ങിയ ഇന്റർനെറ്റ്‌ സൈറ്റു​കൾ സന്ദർശി​ച്ചും കൊണ്ട്‌, ധാർമി​ക​ശു​ദ്ധി നിലനി​റു​ത്താ​നു​ള്ള തങ്ങളുടെ ആന്തരി​ക​ക​രുത്ത്‌ ക്ഷയിപ്പി​ച്ചു​ക​ള​ഞ്ഞി​രി​ക്കു​ന്നു. മറ്റുചി​ലർ ലൈം​ഗി​കത പച്ചയായി വർണി​ക്കു​ന്ന സിനി​മ​ക​ളോ സ്റ്റേജ്‌ പരിപാ​ടി​ക​ളോ ടെലി​വി​ഷൻ പരിപാ​ടി​ക​ളോ കണ്ട്‌ രസിച്ചി​ട്ടുണ്ട്‌. വേറെ ചിലർ നിശാ​ക്ല​ബ്ബു​ക​ളി​ലോ നഗ്നനൃ​ത്ത​മാ​ടു​ന്ന പരിപാ​ടി​കൾക്കോ പോയി​ട്ടുണ്ട്‌. ഇനിയും ചിലർ ലൈം​ഗി​ക സുഖാ​നു​ഭൂ​തി തേടി​ക്കൊണ്ട്‌ മസാജ്‌ സെന്ററു​കൾ സന്ദർശി​ച്ചി​രി​ക്കു​ന്നു.

5. നമ്മൾ ഹൃദയത്തെ കാത്തു​കൊ​ള്ളേ​ണ്ടത്‌ എന്തു​കൊണ്ട്‌?

⁵ അൽപം ശ്രദ്ധയ്‌ക്കും സ്‌നേ​ഹ​ത്തി​നും​വേ​ണ്ടി ഇണയല്ലാത്ത വ്യക്തി​ക​ളി​ലേക്ക്‌ തിരി​യു​ന്ന​തു നിമി​ത്ത​മാണ്‌ ചിലർ പ്രലോ​ഭ​ന​ത്തിന്‌ വഴി​പ്പെ​ടു​ന്നത്‌. ആത്മനി​യ​ന്ത്ര​ണ​ത്തി​ന്റെ കടിഞ്ഞാൺ നഷ്ടപ്പെട്ട്‌ സകലവിധ അസാന്മാർഗി​ക​ത​യി​ലും ആറാടി​നിൽക്കു​ന്ന ഈ ലോക​ത്തിൽ, സ്വന്തം ഇണയല്ലാത്ത ആരോ​ടെ​ങ്കി​ലും കാമവി​കാ​ര​ങ്ങൾ വളർത്തി​യെ​ടു​ക്കാൻ കുടി​ല​വും വഞ്ചകവും ആയ ഹൃദയ​ത്തിന്‌ വളരെ എളുപ്പം സാധി​ക്കും. (യിരെ​മ്യാ​വു 17:9, 10 വായി​ക്കു​ക.) ‘ദുശ്ചിന്ത, കൊല​പാ​ത​കം, വ്യഭി​ചാ​രം, പരസംഗം, എന്നിവ പുറ​പ്പെ​ടു​ന്നത്‌ ഹൃദയ​ത്തിൽനി​ന്നാ​ണെന്ന്‌’ യേശു വ്യക്തമാ​ക്കി.—മത്താ. 15:19.

6, 7. (എ) ഹൃദയ​ത്തിൽ വേണ്ടാത്ത മോഹങ്ങൾ വേരു​പി​ടി​ക്കു​ന്നെ​ങ്കിൽ നമുക്ക്‌ എന്തു സംഭവി​ച്ചേ​ക്കാം? (ബി) ദാരു​ണ​മാ​യ ഒരു ധാർമി​ക​ദു​ര​ന്തം നമുക്ക്‌ എങ്ങനെ ഒഴിവാ​ക്കാ​നാ​കും?

⁶ അന്യോ​ന്യം ആകൃഷ്ട​രാ​കു​ന്ന രണ്ട്‌ വ്യക്തി​ക​ളു​ടെ വഞ്ചകമായ ഹൃദയ​ങ്ങ​ളിൽ വേണ്ടാത്ത മോഹങ്ങൾ വേരു​പി​ടി​ച്ചു​ക​ഴി​ഞ്ഞാൽപ്പി​ന്നെ, സ്വന്തം ഇണയോ​ടു മാത്രം പങ്കു​വെ​ക്കേണ്ട കാര്യങ്ങൾ അവർ പരസ്‌പ​രം ചർച്ച​ചെയ്‌തു തുടങ്ങു​ന്നു. പിന്നെ, ഒരുമി​ച്ചു​കാ​ണാൻ കൂടു​തൽക്കൂ​ടു​തൽ അവസരങ്ങൾ തേടു​ക​യാ​യി. നിഷ്‌ക​പ​ട​വും യാദൃ​ച്ഛി​ക​വും എന്ന്‌ അവർ പേരു​വി​ളി​ക്കു​ന്ന കൂടി​ക്കാഴ്‌ച​ക​ളു​ടെ എണ്ണം അങ്ങനെ പെരു​കു​ന്നു. വികാ​ര​ങ്ങൾ അടിക്കടി തീവ്ര​മാ​കു​മ്പോൾ അവരുടെ ആന്തരി​ക​ക​രുത്ത്‌ അയഞ്ഞു​തു​ട​ങ്ങു​ന്നു. പാപത്തി​ന്റെ വഴുവ​ഴു​പ്പിൽ തെന്നി​നീ​ങ്ങു​ന്തോ​റും—തെറ്റാണ്‌ ചെയ്യു​ന്ന​തെന്ന്‌ അറിയാ​മെ​ങ്കി​ലും—പിന്തി​രി​യു​ക കൂടു​തൽക്കൂ​ടു​തൽ ദുഷ്‌ക​ര​മാ​യി​ത്തീ​രു​ന്നു.—സദൃ. 7:21, 22.

⁷ അനുചി​ത​മാ​യ മോഹ​ങ്ങ​ളും സല്ലാപ​ങ്ങ​ളും, കരം​ഗ്ര​ഹി​ക്കു​ന്ന​തി​ലേ​ക്കും ചുംബി​ക്കു​ന്ന​തി​ലേ​ക്കും തലോ​ടു​ന്ന​തി​ലേ​ക്കും വികാ​ര​ങ്ങ​ളെ ഉണർത്തും​വി​ധം തഴുകു​ന്ന​തി​ലേ​ക്കും മറ്റു കാമ​കേ​ളി​ക​ളി​ലേ​ക്കും നയിക്കു​മ്പോൾ ആത്മീയ​പ്ര​തി​രോ​ധ​ങ്ങൾ ഒരു ചീട്ടു​കൊ​ട്ടാ​രം​പോ​ലെ നിലം​പ​തി​ക്കു​ന്നു. വാസ്‌ത​വ​ത്തിൽ, സ്വന്തം ഇണയിൽ മാത്രം ഒതുങ്ങേണ്ട കാര്യ​ങ്ങ​ളാണ്‌ ഇവയെ​ല്ലാം എന്ന്‌ അവർ മറക്കുന്നു. അവർ ‘സ്വന്ത​മോ​ഹ​ത്താൽ ആകർഷി​ത​രാ​യി വശീക​രി​ക്ക​പ്പെ​ടു​ന്നു.’ ഒടുവിൽ, “മോഹം ഗർഭം​ധ​രിച്ച്‌” ലൈം​ഗി​ക അധാർമി​ക​ത​യു​ടെ രൂപത്തിൽ “പാപത്തെ പ്രസവി​ക്കു​ന്നു.” (യാക്കോ. 1:14, 15) എത്ര ദാരുണം! സ്വന്തം വിവാ​ഹ​ത്തി​ന്റെ പവി​ത്ര​ത​യോ​ടു​ള്ള തങ്ങളുടെ ആദരവി​നെ ശക്തി​പ്പെ​ടു​ത്താൻ രണ്ടു​പേ​രും യഹോ​വ​യെ അനുവ​ദി​ച്ചി​രു​ന്നെ​ങ്കിൽ പരിതാ​പ​ക​ര​മാ​യ ഈ ധാർമി​ക​ദു​ര​ന്തം ഒഴിവാ​ക്കാ​നാ​കു​മാ​യി​രു​ന്നു. എന്നാൽ എങ്ങനെ?

യഹോ​വ​യോട്‌ അധിക​മ​ധി​കം അടുത്തു​ചെ​ല്ലു​ക

8. യഹോ​വ​യു​മാ​യു​ള്ള സൗഹൃദം ധാർമിക സംരക്ഷണം നൽകു​ന്നത്‌ എങ്ങനെ?

⁸ സങ്കീർത്ത​നം 97:10 വായി​ക്കു​ക. യഹോ​വ​യു​മാ​യു​ള്ള സൗഹൃ​ദ​മാണ്‌ അധാർമി​ക​ത​യിൽ വീഴാതെ നമ്മെ കാത്തു സംരക്ഷി​ക്കു​ന്ന മുഖ്യ​സം​ഗ​തി. ദൈവ​ത്തി​ന്റെ ഹൃദ്യ​മാ​യ ഗുണങ്ങ​ളെ​ക്കു​റിച്ച്‌ പഠിക്കു​ക​യും “പ്രിയ​മ​ക്ക​ളാ​യി ദൈവത്തെ അനുകരി”ച്ചുകൊണ്ട്‌ “സ്‌നേ​ഹ​ത്തിൽ ജീവിക്കു”കയും ചെയ്യു​മ്പോൾ “പരസംഗ”വും എല്ലാത്തരം “അശുദ്ധി”യും ഒഴിവാ​ക്കാൻ നാം ശക്തരും സജ്ജരും ആയിത്തീ​രും. (എഫെ. 5:1-4) “പരസം​ഗി​ക​ളെ​യും വ്യഭി​ചാ​രി​ക​ളെ​യും ദൈവം ന്യായം​വി​ധി​ക്കു”മെന്ന്‌ തിരി​ച്ച​റി​ഞ്ഞു​കൊണ്ട്‌ ഭാര്യാ​ഭർത്താ​ക്ക​ന്മാർ തങ്ങളുടെ ദാമ്പത്യം ആദരണീ​യ​വും നിർമ​ല​വും ആയിരി​ക്കാൻ കഠിന​ശ്ര​മം ചെയ്യുന്നു.—എബ്രാ. 13:4.

9. (എ) യോ​സേഫ്‌ എങ്ങനെ​യാണ്‌ അധാർമി​ക പ്രലോ​ഭ​ന​ത്തെ ചെറുത്തു നിന്നത്‌? (ബി) യോ​സേ​ഫി​ന്റെ മാതൃ​ക​യിൽനിന്ന്‌ നമുക്ക്‌ എന്തെല്ലാം പഠിക്കാ​നാ​കും?

⁹ സാക്ഷി​ക​ള​ല്ലാ​ത്ത സഹജോ​ലി​ക്കാ​രു​മാ​യി ജോലി​ക്കു​ശേ​ഷം സഹവസി​ച്ചു​കൊണ്ട്‌ ദൈവ​ത്തി​ന്റെ ചില വിശ്വസ്‌ത​സേ​വ​കർ തങ്ങളുടെ ധാർമിക പ്രതി​രോ​ധ​ശേ​ഷി​യെ ദുർബ​ല​മാ​ക്കി​യി​ട്ടുണ്ട്‌. ജോലി സമയത്തു​പോ​ലും പ്രലോ​ഭ​ന​ങ്ങൾ ഉണ്ടാ​യേ​ക്കാം. യോ​സേഫ്‌ എന്നു പേരുള്ള സുമു​ഖ​നാ​യ ഒരു ചെറു​പ്പ​ക്കാ​രന്‌ ജോലി​സ്ഥ​ല​ത്തു​വെ​ച്ചാണ്‌ പ്രലോ​ഭ​ന​മു​ണ്ടാ​യത്‌. അവന്റെ ബോസി​ന്റെ ഭാര്യ അവനിൽ മോഹ​പ​ര​വ​ശ​യാ​യി. കുറെ ദിവസം അവൾ യോ​സേ​ഫി​നെ വശീക​രി​ക്കാൻ ശ്രമി​ച്ചു​കൊ​ണ്ടി​രു​ന്നു. ഒടുവിൽ ഒരു ദിവസം, “അവൾ അവന്റെ വസ്‌ത്രം പിടിച്ചു: എന്നോടു കൂടെ ശയിക്ക എന്നു പറഞ്ഞു.” പക്ഷേ യോ​സേഫ്‌ അവളുടെ കൈയിൽനിന്ന്‌ കുതറി​മാ​റി അവി​ടെ​നിന്ന്‌ ഓടി​പ്പോ​യി. അത്തരം പ്രലോ​ഭ​ന​ക​ര​മാ​യ സാഹച​ര്യ​ത്തിൽ തന്റെ ആത്മീയ പ്രതി​രോ​ധം ശക്തമായി നിലനി​റു​ത്താൻ യോ​സേ​ഫി​നെ സഹായി​ച്ചത്‌ എന്താണ്‌? ധാർമി​ക​നിഷ്‌ക​ള​ങ്ക​ത​യും നിർമ​ല​ത​യും കാത്തു​കൊ​ള്ളാൻ തന്നെ സഹായി​ച്ചി​രു​ന്ന ദൈവ​വു​മാ​യു​ള്ള തന്റെ ബന്ധം ഒരിക്ക​ലും തകരരുത്‌ എന്നുള്ള അവന്റെ ദൃഢനി​ശ്ച​യ​മാ​യി​രു​ന്നു അത്‌. അവന്റെ ഉറച്ച നിലപാ​ടു നിമിത്തം അവന്‌ തന്റെ ജോലി നഷ്ടപ്പെ​ടു​ക​യും അന്യാ​യ​മാ​യി അവൻ തുറു​ങ്കി​ല​ടയ്‌ക്ക​പ്പെ​ടു​ക​യും ചെയ്‌തെ​ങ്കി​ലും യഹോവ അവനെ അനു​ഗ്ര​ഹി​ച്ചു. (ഉല്‌പ. 39:1-12; 41:38-43) ജോലി​സ്ഥ​ല​ത്താ​യാ​ലും സ്വകാ​ര്യ​സ്ഥ​ല​ത്താ​യാ​ലും സ്വന്തം ഇണയല്ലാത്ത ആരോ​ടെ​ങ്കി​ലു​മൊ​പ്പം പ്രലോ​ഭ​ന​ക​ര​മാ​യ സാഹച​ര്യ​ങ്ങ​ളിൽ ഒറ്റയ്‌ക്കാ​യി​രി​ക്കു​ന്നത്‌ ക്രിസ്‌ത്യാ​നി​കൾ ഒഴിവാ​ക്ക​ണം.

പുതിയ വ്യക്തി​ത്വം ധരിക്കുക

10. പുതിയ വ്യക്തി​ത്വം എന്തു ധാർമി​ക​സം​ര​ക്ഷ​ണം പ്രദാനം ചെയ്യുന്നു?

¹⁰ ദമ്പതി​ക​ളു​ടെ ആത്മീയ പ്രതി​രോ​ധ​സം​വി​ധാ​ന​ത്തി​ന്റെ മർമ​പ്ര​ധാ​ന ഭാഗമാണ്‌ പുതിയ വ്യക്തി​ത്വം. കാരണം, “ശരിയായ നീതി​യി​ലും വിശ്വസ്‌ത​ത​യി​ലും ദൈവ​ഹി​ത​പ്ര​കാ​രം സൃഷ്ടി​ക്ക​പ്പെട്ട”താണ്‌ അത്‌. (എഫെ. 4:24) ഈ പുതിയ വ്യക്തി​ത്വം ധരിക്കു​ന്ന​വർ, “പരസംഗം, അശുദ്ധി, ഭോഗ​തൃഷ്‌ണ, ദുരാ​സ​ക്തി, വിഗ്ര​ഹാ​രാ​ധ​ന​യാ​യ അത്യാ​ഗ്ര​ഹം എന്നിവ സംബന്ധ​മാ​യി” തങ്ങളുടെ ഭൗമി​കാ​വ​യ​വ​ങ്ങ​ളെ “നിഗ്ര​ഹി​ക്കു”ന്നു. (കൊ​ലോ​സ്യർ 3:5, 6 വായി​ക്കു​ക.) ‘നിഗ്ര​ഹി​ക്കു​ക’ എന്ന പദം സൂചി​പ്പി​ക്കു​ന്നത്‌ അധാർമി​ക​മാ​യ ജഡിക​ചി​ന്ത​ക​ളോ​ടു പോരാ​ടാൻ നാം ശക്തമായ നടപടി​കൾ എടുക്കണം എന്നാണ്‌. സ്വന്തം ഇണയല്ലാത്ത ആരോ​ടെ​ങ്കി​ലും ലൈം​ഗി​ക മോഹം ഉണർത്തി​യേ​ക്കാ​വു​ന്ന എന്തും നാം ഒഴിവാ​ക്കും. (ഇയ്യോ. 31:1) നമ്മുടെ ജീവിതം ദൈവ​ഹി​ത​ത്തി​നു ചേർച്ച​യിൽ നാം അനുരൂ​പ​പ്പെ​ടു​ത്തു​മ്പോൾ, “ദോഷത്തെ വെറുത്ത്‌ നല്ലതി​നോ​ടു പറ്റിനിൽ”ക്കാൻ നാം പഠിക്കു​ന്നു.—റോമ. 12:2, 9.

11. പുതിയ വ്യക്തി​ത്വം ധരിക്കു​ന്നത്‌ ദാമ്പത്യ​ബ​ന്ധ​ത്തെ ശക്തി​പ്പെ​ടു​ത്തു​ന്നത്‌ എങ്ങനെ?

¹¹ പുതിയ വ്യക്തി​ത്വം “അതിനെ സൃഷ്ടി​ച്ച​വ​ന്റെ” അഥവാ യഹോ​വ​യു​ടെ “പ്രതി​രൂ​പം” പ്രതി​ഫ​ലി​പ്പി​ക്കു​ന്നു. (കൊലോ. 3:10) “മനസ്സലിവ്‌, ദയ, താഴ്‌മ, സൗമ്യത, ദീർഘക്ഷമ എന്നിവ ധരിച്ചു​കൊ”ണ്ട്‌ ഭാര്യാ​ഭർത്താ​ക്ക​ന്മാർ തങ്ങളുടെ ധാർമിക പ്രതി​രോ​ധം ശക്തി​പ്പെ​ടു​ത്തു​മ്പോൾ കെട്ടു​റ​പ്പു​ള്ള ഒരു വിവാ​ഹ​ബ​ന്ധം അവർ ആസ്വദി​ക്കും! (കൊലോ. 3:12) “ക്രിസ്‌തു​വി​ന്റെ സമാധാ​നം (തങ്ങളുടെ) ഹൃദയ​ങ്ങ​ളിൽ” വാഴാൻ അനുവ​ദി​ക്കു​മ്പോൾ ദാമ്പത്യ​ബ​ന്ധ​ത്തിൽ തികഞ്ഞ ഐക്യം ആസ്വദി​ക്കാ​നും അവർക്ക്‌ കഴിയും. (കൊലോ. 3:15) “സ്‌നേ​ഹ​ത്തിൽ അന്യോ​ന്യം ആർദ്ര​ത​യു​ള്ള​വ​രാ​യി​രി​ക്കു”ന്നത്‌ അവർക്ക്‌ അനു​ഗ്ര​ഹ​ങ്ങൾ വിളി​ച്ചു​വ​രു​ത്തും. “പരസ്‌പ​രം ബഹുമാ​നി​ക്കു​ന്ന​തിൽ മുന്നി​ട്ടു​നിൽക്കു”ന്നത്‌ അവർക്ക്‌ ആനന്ദം പകരും.—റോമ. 12:10.

12. ഒരു സന്തുഷ്ട ദാമ്പത്യ​ബ​ന്ധ​ത്തിന്‌ ഏതു ഗുണങ്ങ​ളാണ്‌ അനു​പേ​ക്ഷ​ണീ​യ​മാ​യി നിങ്ങൾ കരുതു​ന്നത്‌?

¹² ഏതെല്ലാം ഗുണങ്ങ​ളാണ്‌ സന്തുഷ്ട​മാ​യ ദാമ്പത്യ​ജീ​വി​തം കെട്ടി​പ്പ​ടു​ക്കാൻ നിങ്ങളെ സഹായി​ച്ചത്‌ എന്ന്‌ ചോദി​ച്ച​പ്പോൾ സിഡ്‌ എന്നു പേരുള്ള ഒരു സഹോ​ദ​രൻ ഇങ്ങനെ പറഞ്ഞു: “ഞങ്ങൾ എല്ലായ്‌പോ​ഴും നിലനി​റു​ത്താൻ ശ്രമിച്ച മുഖ്യ​ഗു​ണം സ്‌നേ​ഹ​മാണ്‌. അതു​പോ​ലെ, സൗമ്യ​ത​യും വളരെ പ്രധാ​ന​പ്പെ​ട്ട​താ​ണെന്ന്‌ ഞങ്ങൾ തിരി​ച്ച​റി​ഞ്ഞി​രി​ക്കു​ന്നു.” അദ്ദേഹ​ത്തി​ന്റെ ഭാര്യ സോണ്യ അതി​നോട്‌ യോജി​ക്കു​ന്നു: “ദയയും അവശ്യം​വേണ്ട ഒരു ഗുണമാണ്‌. താഴ്‌മ കാണി​ക്കാ​നും ഞങ്ങൾ ശ്രമി​ച്ചി​രു​ന്നു. എല്ലായ്‌പോ​ഴും അത്‌ അത്ര എളുപ്പ​മ​ല്ലാ​യി​രു​ന്നു​താ​നും.”

അർഥവ​ത്താ​യ ആശയവി​നി​മ​യം നിലനി​റു​ത്തു​ക

13. നിലനിൽക്കു​ന്ന വിവാ​ഹ​ബ​ന്ധ​ത്തി​ന്റെ ഒരു രഹസ്യം എന്താണ്‌, എന്തു​കൊണ്ട്‌?

¹³ നിലനിൽക്കു​ന്ന വിവാ​ഹ​ബ​ന്ധ​ത്തി​ന്റെ ഒരു രഹസ്യം ഹൃദ്യ​മാ​യ സംസാ​ര​മാണ്‌ എന്നതിന്‌ രണ്ടു പക്ഷമില്ല. അപരി​ചി​ത​രോ​ടോ വളർത്തു​മൃ​ഗ​ങ്ങ​ളോ​ടോ കാണി​ക്കു​ന്ന ആദരവി​ന്റെ ഒരംശം​പോ​ലു​മി​ല്ലാ​തെ ഭാര്യാ​ഭർത്താ​ക്ക​ന്മാർ അന്യോ​ന്യം സംസാ​രി​ക്കു​ന്നെ​ങ്കിൽ അത്‌ എത്ര സങ്കടക​ര​മാണ്‌! “വിദ്വേ​ഷ​വും കോപ​വും ക്രോ​ധ​വും ആക്രോ​ശ​വും ദൂഷണ​വും” സഹിതം ദമ്പതികൾ അന്യോ​ന്യം പൊട്ടി​ത്തെ​റി​ക്കു​മ്പോൾ തങ്ങളുടെ വിവാ​ഹ​ത്തി​ന്റെ ആത്മീയ പ്രതി​രോ​ധ​വ്യ​വ​സ്ഥ​യെ അവർ താറു​മാ​റാ​ക്കു​ക​യാണ്‌. (എഫെ. 4:31) സദാ വിമർശി​ച്ചും കുത്തി​നോ​വി​പ്പി​ക്കു​ന്ന പരിഹാ​സ​ശ​ര​ങ്ങൾ എയ്‌തും കൊണ്ട്‌ സ്വന്തം വിവാ​ഹ​ബ​ന്ധ​ത്തി​നു തുരങ്കം​വെ​ക്കു​ന്ന​തി​നു​പ​കരം ദയയും സ്‌നേ​ഹ​വും ആർദ്ര​ത​യും തുളു​മ്പു​ന്ന വാക്കു​കൾകൊണ്ട്‌ ദമ്പതികൾ തങ്ങളുടെ ബന്ധത്തെ ബലിഷ്‌ഠ​മാ​ക്കു​ക​യാണ്‌ ചെയ്യേ​ണ്ടത്‌.—എഫെ. 4:32.

14. എന്തു ചെയ്യു​ന്നത്‌ നാം ബുദ്ധി​പൂർവം ഒഴിവാ​ക്കും?

¹⁴ “മിണ്ടാ​തി​രി​പ്പാൻ ഒരു കാലം” ഉണ്ടെന്ന്‌ ബൈബിൾ പറയുന്നു. (സഭാ 3:7) ഇതിനർഥം, ഒന്നും മിണ്ടാതെ ഒരു മൗന​വ്ര​തം സ്വീക​രി​ക്ക​ണം എന്നല്ല. ജർമൻകാ​രി​യാ​യ ഒരു ഭാര്യ ഇങ്ങനെ പറയുന്നു: “അങ്ങനെ ചെയ്‌താൽ അത്‌ നിങ്ങളു​ടെ ഇണയെ മുറി​പ്പെ​ടു​ത്തു​ക​യേ ഉള്ളൂ.” എന്നിരു​ന്നാ​ലും, സഹോ​ദ​രി തുടരു​ന്നു: “സമ്മർദ​ത്തി​ന്മ​ധ്യേ ശാന്തത പാലി​ക്കു​ക എന്നത്‌ എല്ലായ്‌പോ​ഴും അത്ര എളുപ്പമല്ല. എന്നു​വെച്ച്‌ ഉള്ളിൽത്തി​ങ്ങു​ന്ന കോപം അൽപ​മൊന്ന്‌ തുറന്നു​വി​ട്ടാൽ അയവ്‌ ലഭിക്കും എന്ന്‌ ചിന്തി​ക്കു​ന്ന​തും നല്ലതല്ല. കാരണം അങ്ങനെ ചിന്തിച്ച്‌ മുന്നും​പി​ന്നും നോക്കാ​തെ എന്തെങ്കി​ലും പറയു​ക​യോ ചെയ്യു​ക​യോ ചെയ്‌താൽ അത്‌ മറ്റെയാ​ളെ മുറി​പ്പെ​ടു​ത്തി​യേ​ക്കാം. അത്‌ കാര്യങ്ങൾ കൂടുതൽ വഷളാ​ക്കു​ക​യേ​യു​ള്ളൂ.” കുറെ ഒച്ചയി​ടു​ന്ന​തു​കൊ​ണ്ടോ മൗന​വ്ര​തം സ്വീക​രി​ക്കു​ന്ന​തു​കൊ​ണ്ടോ ഭാര്യാ​ഭർത്താ​ക്ക​ന്മാർ ഒരിക്ക​ലും പ്രശ്‌നം പരിഹ​രി​ക്കി​ല്ല. പകരം, അഭി​പ്രാ​യ​ഭി​ന്ന​ത​കൾ ഒരു പതിവാ​ക്കാ​തെ​യും അന്തമി​ല്ലാ​ത്ത വാക്കു​തർക്ക​ങ്ങ​ളാ​യി അവ അധഃപ​തി​ക്കാൻ അനുവ​ദി​ക്കാ​തെ​യും ഇരുന്നു​കൊണ്ട്‌ അവർ തങ്ങളുടെ ബന്ധത്തെ ശക്തി​പ്പെ​ടു​ത്തും.

15. നല്ല ആശയവി​നി​മ​യം വിവാ​ഹ​ബ​ന്ധ​ത്തെ ശക്തി​പ്പെ​ടു​ത്തു​ന്നത്‌ എങ്ങനെ?

¹⁵ വികാ​ര​വി​ചാ​ര​ങ്ങൾ അന്യോ​ന്യം പങ്കു​വെ​ക്കാൻ ദമ്പതികൾ സമയം കണ്ടെത്തു​മ്പോൾ വിവാ​ഹ​ബ​ന്ധം കൂടുതൽ ബലിഷ്‌ഠ​മാ​കു​ന്നു. നാം എന്തു പറയുന്നു എന്നതു​പോ​ലെ​ത​ന്നെ പ്രധാ​ന​മാണ്‌ നാം എങ്ങനെ പറയുന്നു എന്നതും. അതു​കൊണ്ട്‌ സമ്മർദ​പൂ​രി​ത​മാ​യ സാഹച​ര്യ​ങ്ങ​ളിൽപ്പോ​ലും നിങ്ങളു​ടെ വാക്കു​ക​ളും പറയു​ന്ന​തി​ന്റെ സ്വരവും ഹൃദ്യ​മാ​ക്കി​ത്തീർക്കാൻ ബോധ​പൂർവം ശ്രമം നടത്തുക. അങ്ങനെ ചെയ്‌താൽ ഇണയ്‌ക്ക്‌ നിങ്ങളെ ശ്രദ്ധി​ക്കു​ക കൂടുതൽ എളുപ്പ​മാ​യി​രി​ക്കും. (കൊ​ലോ​സ്യർ 4:6 വായി​ക്കു​ക.) ഇണയ്‌ക്ക്‌ ‘ഗുണം ചെയ്യുന്ന, ആത്മീയ​വർധ​നയ്‌ക്ക്‌ ഉതകുന്ന’ കാര്യങ്ങൾ സംസാ​രി​ച്ചു​കൊണ്ട്‌ നല്ല ആശയവി​നി​മ​യ​ത്തി​ലൂ​ടെ ഭാര്യാ​ഭർത്താ​ക്ക​ന്മാർക്ക്‌ തങ്ങളുടെ വിവാ​ഹ​ജീ​വി​തം കൂടുതൽ ശക്തി​പ്പെ​ടു​ത്താൻ കഴിയും.—എഫെ. 4:29.

ദാമ്പത്യ​ധർമം നിറ​വേ​റ്റു​ക

16, 17. ഒരു ഭാര്യ​യോ ഭർത്താ​വോ തന്റെ ഇണയുടെ വൈകാ​രി​ക​വും ലൈം​ഗി​ക​വും ആയ ആവശ്യങ്ങൾ തിരി​ച്ച​റിഞ്ഞ്‌ പ്രവർത്തി​ക്കേ​ണ്ടത്‌ എന്തു​കൊണ്ട്‌?

¹⁶ സ്വന്തം താത്‌പ​ര്യ​ത്തെ​ക്കാൾ ഇണയുടെ ആഗ്രഹ​ങ്ങൾക്ക്‌ മുൻതൂ​ക്കം നൽകു​ന്നത്‌ ശക്തമായ വിവാ​ഹ​ബ​ന്ധം വാർത്തെ​ടു​ക്കാൻ സഹായി​ക്കും. (ഫിലി. 2:3, 4) ഭാര്യ ഭർത്താ​വി​ന്റെ​യും ഭർത്താവ്‌ ഭാര്യ​യു​ടെ​യും വൈകാ​രി​ക​വും ലൈം​ഗി​ക​വും ആയ ആവശ്യങ്ങൾ കണ്ടറിഞ്ഞ്‌ പ്രവർത്തി​ക്ക​ണം.—1 കൊരി​ന്ത്യർ 7:3, 4 വായി​ക്കു​ക.

¹⁷ ഖേദക​ര​മെ​ന്നു പറയട്ടെ, ചില ഭാര്യാ​ഭർത്താ​ക്ക​ന്മാർ ആർദ്രത കാണി​ക്കു​ന്ന​തി​ലും ലൈം​ഗി​ക​ബ​ന്ധ​ത്തിൽ ഏർപ്പെ​ടു​ന്ന​തി​ലും മടിച്ചു​നിൽക്കു​ന്നു. ആർദ്രത കാണി​ക്കു​ന്നത്‌ ആണത്തമല്ല എന്നാണ്‌ ചില പുരു​ഷ​ന്മാർ ചിന്തി​ക്കു​ന്നത്‌. “ഭർത്താ​ക്ക​ന്മാ​രേ, . . . വിവേ​ക​പൂർവം (‘ഭാര്യ​മാ​രു​ടെ ആവശ്യങ്ങൾ അറിഞ്ഞ്‌,’ ദിവ്യ​സ​ന്ദേ​ശം ബൈബിൾ) അവരോ​ടൊ​പ്പം വസിക്കു​വിൻ.” (1 പത്രോ. 3:7) ദാമ്പത്യ​ധർമം നിറ​വേ​റ്റു​ന്ന​തിൽ ശാരീ​രി​ക​ബ​ന്ധ​ത്തി​ലും അധികം ഉൾപ്പെ​ടു​ന്നെന്ന്‌ ഭാര്യ​യു​ടെ ആവശ്യങ്ങൾ അറിയുന്ന ഒരു ഭർത്താവ്‌ തിരി​ച്ച​റി​യും. ലൈം​ഗി​ക​ബ​ന്ധ​ത്തിൽ ഏർപ്പെ​ടു​മ്പോൾ മാത്രമല്ല മറ്റുള്ള​പ്പോ​ഴും ഒരു ഭർത്താവ്‌ തന്റെ ഭാര്യ​യോട്‌ സ്‌നേ​ഹ​വും ആർദ്ര​ത​യും കാണി​ക്കു​ന്നെ​ങ്കിൽ ഭാര്യയ്‌ക്ക്‌ ശാരീ​രി​ക​ബ​ന്ധം ഏറെ ആസ്വാ​ദ്യ​ക​ര​മാ​യി​രു​ന്നേ​ക്കാം. അന്യോ​ന്യം സ്‌നേ​ഹ​പൂർവം പരിഗണന കാണി​ക്കു​മ്പോൾ മറ്റേ ആളിന്റെ വൈകാ​രി​ക​വും ശാരീ​രി​ക​വും ആയ ആവശ്യങ്ങൾ തൃപ്‌തി​പ്പെ​ടു​ത്താൻ ഇരുവ​രും സന്തോ​ഷ​മു​ള്ള​വ​രാ​യി​രി​ക്കും.

18. ഭാര്യാ​ഭർത്താ​ക്ക​ന്മാർക്ക്‌ തങ്ങളുടെ വിവാ​ഹ​ബ​ന്ധം സുദൃ​ഢ​മാ​ക്കാൻ എങ്ങനെ കഴിയും?

¹⁸ വൈവാ​ഹി​ക അവിശ്വസ്‌ത​തയ്‌ക്ക്‌ യാതൊ​രു ന്യായീ​ക​ര​ണ​വു​മി​ല്ലെ​ങ്കി​ലും, ആർദ്ര​ത​യു​ടെ അഭാവം, ഭാര്യ​യോ ഭർത്താ​വോ ദാമ്പത്യ​ത്തി​നു വെളി​യിൽ സ്‌നേ​ഹ​വും ആർദ്ര​ത​യും തേടി​പ്പോ​കാ​നു​ള്ള സാധ്യത വർധി​പ്പി​ച്ചേ​ക്കാം. (സദൃ. 5:18; സഭാ. 9:9) അതു​കൊ​ണ്ടാണ്‌ ബൈബിൾ ഭാര്യാ​ഭർത്താ​ക്ക​ന്മാർക്ക്‌ ഇങ്ങനെ ബുദ്ധി​യു​പ​ദേ​ശം നൽകു​ന്നത്‌: “പരസ്‌പ​ര​സ​മ്മ​ത​ത്തോ​ടെ നിശ്ചി​ത​സ​മ​യ​ത്തേ​ക്ക​ല്ലാ​തെ തമ്മിൽ (ദാമ്പത്യ​ധർമം നിറ​വേ​റ്റാ​തെ) അകന്നി​രി​ക്ക​രുത്‌.” എന്തു​കൊണ്ട്‌? “ആത്മസം​യ​മ​ന​ത്തി​ന്റെ അഭാവം​നി​മി​ത്തം സാത്താൻ നിങ്ങളെ പ്രലോ​ഭി​പ്പി​ക്കാ​തി​രി​ക്കാൻ.” (1 കൊരി. 7:5) തങ്ങളുടെ “ആത്മസം​യ​മ​ന​ത്തി​ന്റെ അഭാവം” മുത​ലെ​ടു​ക്കാൻ പിശാ​ചാ​യ സാത്താനെ അനുവ​ദി​ച്ചിട്ട്‌, ഭാര്യ​യോ ഭർത്താ​വോ പ്രലോ​ഭ​ന​ത്തിന്‌ വഴങ്ങി വ്യഭി​ചാ​രം ചെയ്യാൻ ഇടയാ​യാൽ അത്‌ എന്തൊരു ദുരന്ത​മാ​യി​രി​ക്കും. ഭാര്യ​യും ഭർത്താ​വും ‘സ്വന്തം നന്മയ്‌ക്കു​പ​ക​രം (മറ്റേ ആളിന്റെ) നന്മ അന്വേ​ഷി​ക്കു​ക​യും’ ദാമ്പത്യ​ധർമ​ത്തെ ഒരു കടമ​യെ​ന്നോ​ണം കാണാതെ ആർദ്രസ്‌നേ​ഹ​ത്തി​ന്റെ പ്രകട​ന​മെന്ന നിലയിൽ നിറ​വേ​റ്റു​ക​യും ചെയ്യു​മ്പോൾ, ആ സ്‌നേ​ഹ​സം​ഗ​മം വിവാ​ഹ​ബ​ന്ധ​ത്തെ സുദൃ​ഢ​മാ​ക്കും.—1 കൊരി. 10:24.

നിങ്ങളു​ടെ വിവാ​ഹ​ബ​ന്ധം കാത്തു​സം​ര​ക്ഷി​ക്കു​ന്ന​തിൽ തുടരുക

19. എന്തു ചെയ്യാൻ നാം ദൃഢചി​ത്ത​രാ​യി​രി​ക്കണം, എന്തു​കൊണ്ട്‌?

¹⁹ നീതി​വ​സി​ക്കു​ന്ന പുതി​യ​ലോ​ക​ത്തി​ന്റെ പടിവാ​തിൽക്കൽ എത്തിനിൽക്കു​ക​യാണ്‌ നാം. ഈ നിർണാ​യ​ക​ഘ​ട്ട​ത്തിൽ നാം ജഡിക​മോ​ഹ​ങ്ങൾക്ക്‌ വശംവ​ദ​രാ​യാൽ അത്‌ വലി​യൊ​രു ദുരന്ത​മാ​യി​രി​ക്കും. മോവാബ്‌ സമഭൂ​മി​യിൽവെച്ച്‌ 24,000 ഇസ്രാ​യേ​ല്യർക്ക്‌ അതാണ്‌ സംഭവി​ച്ചത്‌. ലജ്ജാക​ര​വും അതിദാ​രു​ണ​വും ആയ ആ സംഭവം വിവരി​ച്ച​ശേ​ഷം ദൈവ​വ​ച​നം ഈ മുന്നറി​യിപ്പ്‌ മുഴക്കു​ന്നു: “ആകയാൽ താൻ നിൽക്കു​ന്നു​വെ​ന്നു കരുതു​ന്ന​വൻ വീഴാ​തി​രി​ക്കാൻ സൂക്ഷി​ച്ചു​കൊ​ള്ള​ട്ടെ.” (1 കൊരി. 10:12) അതു​കൊണ്ട്‌, നമ്മുടെ സ്വർഗീയ പിതാ​വി​നോ​ടും ഇണയോ​ടും വിശ്വസ്‌ത​രാ​യി​രു​ന്നു​കൊണ്ട്‌, നമ്മുടെ ദാമ്പത്യ​ത്തെ ശക്തമായ ഒരു കോട്ട​പോ​ലെ നാം നിലനി​റു​ത്തേ​ണ്ടത്‌ എത്ര ജീവത്‌പ്ര​ധാ​ന​മാണ്‌! (മത്താ. 19:5, 6) ക്രിസ്‌തീ​യ ദമ്പതി​ക​ളേ, “കറയും കളങ്കവും ഇല്ലാതെ സമാധാ​ന​ത്തിൽ വസിക്കു​ന്ന​വ​രാ​യി അവനു നിങ്ങൾ കാണ​പ്പെ​ടേ​ണ്ട​തിന്‌ നിങ്ങളാ​ലാ​വോ​ളം ഉത്സാഹി​ക്കു​വിൻ.”—2 പത്രോ. 3:13, 14.