Wãn-wãn la b fãag tõnd yel-wẽnd la kũum pʋgẽ?

35 Yãmb tẽrame t’a Ãdem, pipi rao wã, da maana yel-wẽnde. Dẽnd a konga vɩɩm arzãna pʋgẽ, la tõnd fãa me kiidame, bala tõnd yaa yẽ kamba.—Rom dãmb 5:12; 3:23

36 Tõnd tõe n le paamẽ la vɩ-sõngã rao a to sẽn yaa sõng sã n da kõ a vɩɩmã tõnd yĩnga, woto n keo d kũumã samde.—1 Korẽnt dãmba 15:45; Rom dãmb 5:19, 21

37 A Zezi da yaa Wẽnnaam Biribla. A da yaa ned sẽn yaa sõngo. A pa maan yel-wẽnd ye.—Hebre dãmba 5:9; 7:26

38 A basa a menga tɩ neb sẽn da pa nong Wẽnnaam kʋ-a.—Tʋʋma 2:23

Dẽnd a maana a meng maoong tõnd yĩnga.—1 Tɩmote 2:6

39 B gãnega a Zezi yĩnga yaoog pʋgẽ, piig boko b sẽn peese. A kiime hal tɩ ta rasem a tã, dẽ poore, Wẽnnaam vʋʋg-a lame.—Tʋʋma 2:24

40 A leba yĩngri. A tõeeme masã n kos Wẽnnaam sõngr, neb nins sẽn sakd Wẽnnaamã yĩnga.—Hebre dãmba 9:24; 1 Zã 2:1, 2