SOGSG BIIBLÃ SẼN LEOKDE
Bʋ-kaoorã daar yaa bõe?
Bõe yi̇̃ng tɩ bʋ-kaoorã daar na n yɩ sũ-noog sasa?
Pĩnd wẽndẽ, Wẽnnaam kɩtame tɩ bʋ-kaoodb fãag a nin-buiidã neb nins sẽn da wẽgd-bã nusẽ. (Bʋkaoodba 2:18) Biiblã wilgame tɩ bʋ-kaoorã daar sẽn watã na n yɩɩ sũ-noog sasa. Bala, a Zeova sẽn yaa dũniyã fãa bʋ-kaoodã na n kɩtame tɩ wẽgb buud fãa sa, tɩ ãdem-biisã paam b mense.—Karm-y Yɩɩl Sõamyã 96:12, 13; Ezai 26:9.
Wẽnnaam yãka a Zezi t’a na n kao nin-vɩɩs la kũum bʋʋdo. (Tʋʋma 10:42; 17:31) Neb wʋsg kiime n pa paam n bãng Wẽnnaam ye. Bʋ-kaoorã daar sasa, a Zezi na n vʋʋga nin-kãens tɩ b tõog n bãng Wẽnnaam, la b wilg tɩ b nong-a lame.—Karm-y Tʋʋm 24:15.
Bõe yĩng tɩ bʋ-kaoorã daar na n kaoos yʋʋm tusri?
Yaa a Zezi naamã sẽn na n kaoos yʋʋm tusrã sasa la b na n vʋʋg sẽn ki-bã. (Wilgri 20:4, 12) B pa tõe n bãng Wẽnnaam noyã zĩig pʋgẽ n sak ye. Rẽ baooda sẽka. Biiblã sẽn yet bũmb ningã pa wa nebã sẽn tagsdã ye. A wilgame tɩ yaa bũmb nins sẽn ki-bã sẽn na n maan b vʋʋgrã poorã la b na n tik n kao b bʋʋdo.—Karm-y Rom dãmb 6:7.
La Biiblã gomda bʋ-kaoor daar a to yelle. A na n linga nebã n wa nand t’a Zezi naamã sẽn na n kaoos yʋʋm tusrã sɩnge. Rẽ la b sẽn boond me tɩ dũniyã saabã. D goma rẽ yell sebrã sɩngrẽ. Daar-n-kãngã, Wẽnnaam na n sãama wẽn-kɩɩsdbã fãa gilli. (2 Pɩɛɛr 3:7) Woto wã, bɩ d modg n wilg tɩ d nonga Wẽnnaam.—Karm-y 2 Pɩɛɛr 3:9, 13.