Bũmb ning d sẽn na n yeel n wilg zʋrno rãmbã

Réveillez-vous ! 8 mars

“Yʋʋmd fãa, petrollã bɩ esãensã tall n tʋmã paasdame n debda. Sã n yaa ne yãmba, bõn-kãensã sã n wa sa daar a ye, bõe n na n maane? [Rẽ poor bɩ y bas t’a leoke.] Zʋrnall kãngã wilgda bãngdbã sẽn maood n na n yã bũmb a to b sẽn tõe n tall n tʋm tɩ pa rẽgemd zĩigã ye. A leb n wilgda pãng fãa sẽn yitẽ wã.” Karm-y Ezai 40:26.

Gũusg Gasgã Tʋʋlgo, 15

“Dũniyã gill zugu, neb wʋsg pẽgda bũmb nins a Zezi sẽn zãms nebã. [Karm-y seb-neng a 3 pipi sullã.] La rẽ yĩnga yãmb tagsdame tɩ d tõe n tũu bũmb ning d sẽn karem verse kãngã pʋgẽ wã rũndã-rũndã bɩ? [Karm-y Matɩe 5:21, 22a. Rẽ poor bɩ y bas t’a leoke.] Zʋrnall kãngã gomda bũmb nins a Zezi sẽn zãms nebã yelle, la a zãmsgã sẽn tõe n naf-d to-to.”

Réveillez-vous ! 22 mars

“Neb wʋsg nonga tãensã b neermã yĩnga, la rẽ yĩnga y miime tɩ tãensã tara yõod tõnd vɩɩmã pʋgẽ bɩ? [Bas-y t’a leoke.] Zʋrnall kãngã wilgda bũmb ning sẽn kɩt tɩ b tar yõod ne-dã, la bũmb ning b sẽn maand tãensã rũndã-rũndã. A leb n wilgda Naandã sẽn na n kogl bõn-kãensã sẽn tar yõod ne-dã to-to.” Karm-y Yɩɩl Sõamyã 95:4.

Gũusg Gasgã Tʋʋl-nif. 1

“Yãmb mi n wʋmdame tɩ b yetẽ tɩ nasaar bãngrã ne Biiblã kɩɩsda taab bɩ? [Bas-y t’a leoke.] Seb-kãngã wilgda no-koeemd ninga sẽn be nasaar bãngrã ne tũudmã sʋkã sẽn sɩng to-to. A leb n kõta kaset sẽn wilgd tɩ nasaar bãngr hakɩkã ne Biiblã pa kɩɩsd taab ye.” Wilg-y seb-neng a 6 ne a 7 wã. Rẽ poor bɩ y karem Koɛɛg Soab 1:7.