Yãmb sogsgã leoore

◼ Rẽ yĩnga segdame tɩ d segl sõss nins d sẽn na n wa kelg Wẽnnaam Tʋʋmdã Lekollẽ wã sɛb zut n pʋɩ neb bɩ?

D tõe n maana woto d zakã rãmb la d zo-rãmb kẽer yĩng bala. La d pa segd n dɩk rẽ n pʋɩ yaare, bɩ n kɩs n deeg ligd ye. Woto maaneg yaa laloa wã kɩɩsgo.—Rom 13:1.

Wẽnnaam Tʋʋmdã Lekollã sõss kẽere, yaa gom-zugã bal la b kõ-yã. Rẽ yĩnga, ned a to sã n tigim sõsã sẽn yit zĩis ninsã n kõ-karen-biis nins sẽn tar sõss kãensã buudã, na n naf-b lame sɩda? Ayo. Leb n pa zems me tɩ d tigim lebg-n-gesã sogsg b sẽn na n maan Wẽnnaam Tʋʋmdã Lekollẽ wã leoor n kõ neb a taabã ye. Bala woto pa na n sõng-b tɩ tags b toore, n ning zãmsgã tags-kãsemsã b pʋtẽerẽ wã ye. Karen-biisã segdame n bao b toore. Woto yaa formasõ sẽn tar yõod wʋsgo, bala a Zeova tũnugda ne lekollã sẽn na yɩl n sõng tõnd tɩ d paam “gom-minim zɩlemde”—Ezai 50:4.