Tʋʋmdã Tigissi
Yʋʋm-vẽkr r. 14 semennã
Yɩɩll 41 (sb-F)
Min. 10: Tigingã koeese. Rĩungã Tʋʋmd pʋgẽ koees b sẽn tũusi. Tik-y sagls nins sẽn be seb-neng a 8 bɩ a taab sẽn zems ne yãmb moonegã zĩigẽ nebã, n mak d sẽn tõe n kãab yʋʋm-vẽkr kiuugã pipi daar Gũusg Gasgã la yʋʋm-vẽkr kiuugã Réveillez-vous ! wã to-to n wilgi.
Min. 15: “D tʋm ne d sẽkã sõma koe-moonegã pʋgẽ.”* Bool-y saam-biig sẽn maand tigissã koe-moonegã yĩng sõmã n soke. Wãn to la a segend a meng sẽn na yɩl n maan tigissã tɩ naf saam-biisã, la a sõngd-b tɩ b tʋmd ne b sẽkã sõma koe-moonegã sasa?
Min. 20: “Bɩ y kɩt tɩ yãmb goamã . . . paam yamsem noom.”* Y sã n wã sõsd sull a 2 zug bɩ y karem Zã 4:7-15, 39.
Yɩɩll 11 (sb-MM)
Yʋʋm-vẽkr r. 21 semennã
Yɩɩll 215 (sb-F)
Min. 10: Tigingã koeese. Wilg-y sɛb nins d sẽn na n kãab wao-fugdg kiuugã, la y maan mak-n-wilg a ye rẽ zugu. Yeel-y nebã fãa tɩ b ges video ning gom-zug sẽn yaa: Soigner sans transfuser : les besoins et les droits du patient wã, sẽn na yɩl n segl sõsg ning sẽn na n zĩnd wao-fugdg kiuugã rasem a 4 semennã Tʋʋmdã Tigisgẽ wã.
Min. 10: Rẽ yĩnga yãmb karemda D vaees Gʋlsg Sõamyã daar fãa sebrã bɩ? Diskuur la sõsg ne kɛlgdbã sẽn tik yʋʋmd 2008 D vaees Gʋlsg Sõamyã daar fãa sebrã sɩngr goamã zugu. Wilg-y nafa ning d sẽn tõe n paame, d sã n dɩkd sẽk daar fãa n vaeesd daarã verse wã. Kɩt-y tɩ kɛlgdbã togs b sẽn vaeesd daar verse wã daar fãa to-to, la rẽ maaneg sẽn nafd-b to-to. Y tõe n kɩtame tɩ ned a ye bɩ neb a yiib reng n segl b mens n wa togse. Sõs-y yʋʋmd 2008 verse wã zug koɛɛg-koɛɛga.
Min. 25: “D moon koe-noogã sõma.”* (Sull a 1-10) Tʋʋmdã yel-gɛt n segd n maan sõs-kãngã. Bool-y koe-moond a ye bɩ koe-moondb a yiib sẽn yɩ sõngr so-pakdb rɩẽ baa ne b sẽkã sẽn pa waoogã, bɩ b sẽn yaa koamsã n soke. Wãn to la b tõog n moon koɛɛgã? Sũ-no-bʋg la b paam-yã? Y sã n wa sõsd sull a 7 wã zugu, bɩ y wilg na-kẽndr ning b sẽn dɩk tɩ tigingã neb na n moon koɛɛgã tʋʋlgo, tʋʋl-nif la sig-noy kiisã sasa.
Yɩɩll a 9 (sb-MM)
Yʋʋm-vẽkr r. 28 semennã
Yɩɩll 52 (sb-F)
Min. 10: Tigingã koeese. Tẽeg-y koe-moondbã fãa tɩ b kɩs b yʋʋm-vẽkr kiuugã rapoor dãmbã. Sõs-y Yãmb sogsgã leoor zugu.
Min. 20: “D moon koe-noogã sõma”* (Sull 11-17) Y sã n wa sõsd sull 14 zugu, sã n mik tɩ Tẽegrã seb-vãad beeme, bɩ y kõ ned fãa seb-vãoog a yembre, la y wilg yãmb tigingã sẽn segl to-to n na n pʋɩ seb-vãadã y moonegã zĩig fãa.
Min. 15: “D sõng Biibl karen-biisã tɩ b lebg koe-moondba.”* Sẽk sã n beẽ, bɩ y kɩt tɩ kɛlgdbã wɛgs verse rãmbã.
Yɩɩll 22 (sb-MM)
Wao-fugdg r. a 4 semennã
Yɩɩll 161 (sb-F)
Min. 10: Tigingã koeese. Karm-y ligdã gɛɛl koɛɛga, la sebr ning Betɛllã sẽn tool n wilg tɩ kũunã ta-b lame wã. Tik-y wao-fugdg kiuug pipi daar Gũusg Gasgã la wao-fugdg kiuug Réveillez-vous ! wã zug n sõs ne kɛlgdbã. Y sã n sõs koɛɛg-koɛɛg sebr fãa zugu, bɩ y sok kɛlgdbã tɩ b wilg sõss nins sẽn tõe n yɩ neb nins sẽn be moonegã zĩigẽ wã noogo, la bũmb ning sẽn kɩt tɩ b tagsd woto wã. Kɩt-y tɩ kɛlgdbã togs yɛl takɩ sẽn be sõss nins pʋsẽ b sẽn dat n wilg nebã. Sok-bʋg la d tõe n sok n sɩng sõsg ne nebã? Verse bʋg la d tõe n karme? Wãn to la verse wã ne sõsgã tũud taaba? Tik-y sagls nins sẽn be seb-neng a 8 wã n wilg y sẽn tõe n kãab zʋrno rãmbã to-to.
Min. 10: Yɛl sẽn pak tigingã.
Min. 25: “Yãmb kaoosda y kart DPA wã pidsg bɩ?” Kãsem soab n segd n maan sõs-kãngã. Tũnug-y ne sogsgã n sõs ne kɛlgdbã video ning gom-zug sẽn yaa Les besoins et les droits du patient wã zugu. Y sã n wa na n baase, bɩ y karem baasg sullã la y wilg nebã fãa tɩ b lebg n ges sõss nins b sẽn wilg Gũusg Gasgã ne Rĩungã Tʋʋmd pʋgẽ wã. Wilg-y neb nins sẽn nan pa pids b kart DPA wã b sẽn tõe n tũ sagls nins sẽn be yʋʋmd 2006, sɩpaolg kiuugã Rĩungã Tʋʋmd seb-paasdmã pʋgẽ wã to-to, n bãng b sã n na n sak n deegame bɩ n zãgs tɩbsg nins sẽn tũud ne bõn-kɩds nins b sẽn yãkd zɩɩmã pʋgẽ wã, n yaool n pids b kart rãmbã. Neb nins sẽn zoe n pids b kart DPA rãmbã tõe n lebg n gesa b sẽn da yãk tɩbsg ninsã, la sã n mikame tɩ yaa tɩlae bɩ b lebg n pids kart paala.
Yɩɩll a 2 (sb-MM)
[Tẽngr not rãmbã]
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.
Y sɩngr goamã pa segd n ta minit a yembr ye. Rẽ poor bɩ y pʋgl ne sogsg la leoore.