Yãmb tũnugda ne bũmb ning sẽn be periodik rãmbã poorã bɩ?

Nebã sã n deeg sebre, b nong n geta a gom-zugã, la b wẽnemd a poorã me n gese. Kiuugã pipi daar Gũusg Gasgã ne farendã poor zugu, sogsg sẽn tar yamleoog n be be. B wilgda seb-nens nins d sẽn tõe n yãẽ sogsgã leoor me.

D tõe n gesa sebrã poorã n paam sogsg sẽn na yɩl n sɩng sõsga. Kiuugã pʋgẽ, y tõe n tũnuga ne sogsg toor-toor n kãab nebã sebrã. Ned sã n pa tar sẽk n na n kelg-do, d tõe n wilg-a-la sokr a ye bal la d yeel woto: “Y sã n dat n bãng sokrã leoore, m tõe n basa seb-kãensã ne-yã, la m lebg n wa daar ning y sẽn tar sẽk tɩ d sõs n paase.” Koe-moondb kẽer wilgda b kɛlgdã sebrã poorã n yeel-a t’a yãk sokr ning sẽn noom-a t’a rat n bãng a leoorã. A soabã sã n yãk sokre, b lakda sokrã leoor sẽn be zĩig ningã n wilg-a, la b karem vɛrse b sẽn deng n yãke. La yãmb meng tõe n tagsame n ges y sẽn tõe n tũnug ne sebrã poor to-to, n kɩt tɩ Gũusg Gasgã tall yamleoog ne nebã.