Y sẽn tõe n yeele:

Y sẽn tõe n sɩng Biibl zãmsg ne nebã sigr kiuugã pipi sibrã to-to

“Tõnd fãa tara neb sẽn maan kaalem. Yãmb tagsdame tɩ b tõe n wa vʋʋgame tɩ d le yã-b bɩ? [Bas-y t’a leoke.] M bõos n karem gomd sẽn kengd raood tɩ y kelge.” Lak-y sigr kiuug Gũusg Gasgã seb-neng 16 zĩigẽ, n karem sẽn be pipi gom-zu-bilã tẽngrã, la vɛrse b sẽn sõdg be, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã sigri, 1

“Naongã namsda neb wʋsgo, tɩ yɩl n paam n kõ noorã meng yaa toog ne neb kẽere. Yãmb tagsdame tɩ wakat na n wa zĩndame tɩ naongã menem fasɩ bɩ? [Bas-y t’a leoke, tɩ y yaool n karem Yɩɩl Sõamyã 9:19.] Seb-kãngã wilgda bũmb ning sẽn kɩt tɩ naongã beẽ wã, la Biiblã sẽn wilgd naongã tɩɩm sẽn na n yi zĩig ninga.”

Réveillez-vous! sigri

“Teerorismã lebga tẽnsã fãa zu-loɛɛga. Yãmb tẽedame tɩ yaa bõe n wa ne yel-kãngã? [Bas-y t’a leoke.] M bõos n karem Biiblã goam sẽn wilgd tɩ teerorismã na n wa saame. [Karm-y Yɩɩl Sõamyã 72:7, 14.] Seb-kãngã gomda bũmb nins sẽn wat ne teerorismã yell bilfu, la a sõngd tõnd tɩ d bãng tɩ Biiblã wilgda a saabã sẽn na n yɩ to-to la sẽn na n yɩ wakat ninga.”