Yãmb segla y meng y sẽn tõe n wa rat tɩbsg tao-tao yĩng bɩ?
Bũmb tõe n tiig n maan-d lame tɩ yaa tɩlae tɩ b tɩp-d tao-tao. (Zak 4:14) La sẽn tar-a yam na n deng n segla a meng rẽ yĩnga. (Yel. 22:3) Yãmb zoe n yãka tɩbsg ning y sẽn na n sakã, la y gʋls rẽ n bĩng bɩ? Sẽn na yɩl n sõng tõnd rẽ wɛɛngẽ, b yiisa DVD t’a gom-zugã yaa Soigner sans transfuser — Besoins et droits du patient. A tara Des alternatives à la transfusion — Documentaires me. Ges-y video kãngã, tɩ rẽ poor bɩ y leok sogsg nins sẽn be tẽngrã. Video wã zĩis kẽere, b wilgda b sẽn wopeerd neba. Kom-bõoneg sã n na n naag n gesame bɩ roagdbã maan gũusgu.
1) Bõe yĩng tɩ logtoɛɛmb kẽer toeemd b sẽn da tagsd to-to zɩɩmã ningr wɛɛngẽ wã? 2) Wilg-y wopeerg buud a tãab sẽn yaa toog b sẽn maan neb n pa ning-b zɩɩm. 3) Dũniyã gill zugu, bõe yĩng tɩ logtoɛɛmb wʋsg sakd n wopeerd bɩ n tɩpd nebã n pa ningd-b zɩɩm? 4) Vaeesg logtoɛɛmbã sẽn maan tɩ nan pa kaoos wilga bõe zɩɩmã tall n tɩpã wɛɛngẽ? 5) Bõe n tõe n paam neda, a sã n sak tɩ b ning-a zɩɩm? 6) Bãngdb wʋsg sak n deegame tɩ tɩbsg nins sẽn ledgd zɩɩmã ningrã tara nafa bʋse? 7) Bõe n tõe n kɩt tɩ ned zɩɩm boog wʋsgo, la bõe la b tõe n maan tɩ ned zɩɩm paase? 8) Bõe la b tõe n maan n sõng ned t’a zɩɩmã (bɩ globules rouges rãmbã) paase? 9) Bõe la logtoɛɛmbã maand sẽn na yɩl tɩ ned zɩɩm da raag wʋsg wopeerg sasa? 10) Sã n wa yaa biig n bẽede, bɩ sã n yaa ned n dat n ki, tɩbsg nins sẽn ledgd zɩɩmã ningrã tõe n manega yellã bɩ? 11) Bõe la d tõe n maan n paam tɩbsg sẽn yaa sõma?
Tɩbsg nins b sẽn wilg video kãngã pʋgẽ wã kẽer sakr bee ne ned kam fãa yam yãkre, la a sũur-kaseto. Da bas-y tɩ bũmb tiig n maan yãmb tɩ y yaool n wilg tɩbsg ning y sẽn dat bɩ y sẽn pa rat ye. “Wẽnnaam nonglmã” sebrã sak a 7 wã, la yʋʋmd 2006 sɩpaolg kiuugã Rĩungã Tʋʋmd seb-paasdmã tõe n sõng-y lame tɩ y bãng n yãk tɩbsg ning sẽn zemse. Y sã n deega lisgu, bɩ y gʋls tɩbsg ning y sẽn yãkã kart DPA wã zugu, la y suiid-a n kẽnd wakat fãa.
[Goam sẽn tar pãnga, seb-neng a 3]
Yãmb zoe n yãka tɩbsg ning y sẽn na n sakã, la y gʋls rẽ n bĩng bɩ?