Y sẽn tõe n yeele:

Y sẽn tõe n sɩng Biibl zãmsg ne nebã wao-fugdg kiuugã pipi sibrã to-to

“Neb wʋsg tagsdame tɩ yaa a Sʋɩtãan n kɩt tɩ wẽngã be dũniyã zugã. La b ket n sokda b mens woto: ‘A Sʋɩtãan yii yɛ? Yaa Wẽnnaam n naan-a bɩ?’ Yãmb tagsg yaa bõe?” [Bas-y t’a leoke.] Lak-y wao-fugdg pipi daar Gũusg Gasgã yaoolem seb-nengã, n karem sẽn be pipi gom-zu-bilã tẽngrã, la vɛrse nins b sẽn sõdg be wã a ye, la y sõs y sẽn karmã zug bilfu. Rẽ poor bɩ y kãab-a sebrã, la y rɩk sɛk n lebg n tɩ leok sokr ning sẽn pʋgdã.

Gũusg Gasgã Wao-fugdgu, 1

“Tõnd nong n goma a Moiiz yell ne yãmba. A yaa ned kiris-nebã, zʋɩf-rãmbã la moeembã sẽn nande. Yãmb sã n wʋm a yʋʋrã, tẽegd-y-la bõe? [Bas-y t’a leoke.] Baa ne a sẽn tudg n maan yɛl kẽerã, Biiblã sẽn gomd a yell to-to wã bee yamleoogo. [Karem Tõod 34:10-12.] Sebrã gomda a Moiiz zʋg-sõma a tãab yelle, la a wilgd d sẽn tõe n dɩk a togs-n-taar to-to.”

Réveillez-vous ! Wao-fugdgu

“Rũndã-rũndã, nebã nong n kẽngda tẽn-zẽng sẽn na yɩl n tɩ bao ligdi. Yãmb tagsdame tɩ yaa wakat fãa la b paamd b sẽn datã bɩ? [Bas-y t’a leoke.] Bãng-y tɩ kẽng tẽn-zẽng n tɩ bao ligdã pa sɩng rũndã ye. Ges-y Biiblã pipi sebrã sẽn yet bũmb ninga. [Karem Sɩngr 46:5, 6.] Sebrã wilgda Biiblã sẽn leokd sogs-kãensã to-to.” Rẽ poor bɩ y wilg-a sogsg nins sẽn be seb-neng a 6 baasgẽ wã.