D paas d koe-moonegã minim—D tũnug ne kamera wall ẽntɛrfon sẽn be zak noor n taas koɛɛgã

A YÕODÃ: Tɛknolozi wã te-paal sẽn tar paasgã la bi-beelmã sẽn paamd pãngã yĩnga, neb wʋsg ninga kamera-rãmb la ẽntɛrfon-rãmb b zagsã noy. Yɩl n taas koe-noogã ned sẽn ne tõnd tɩ d yaool n pa ne-a tõe n kẽes-d-la rabeem. Ad sagls sẽn na n sõng-d tɩ d sã n wa be kamera bɩ ẽntɛrfon taoore, bɩ d tõog n taas ned koɛɛgã ne bas-m-yam.

SẼN SEGD N YƖ TO-TO:

• Tall-y manesem-sõngo. Neb wʋsg sẽn tar kamera wall ẽntɛrfon b zakã noor wae n sakame tɩ d sõs ne-ba.

• Tẽeg-y tɩ kamera-rãmb kẽer sɩngda yãmb goamã rɩkr tɩ y nan pa rĩ butõ wã, la tɩ zakã soab tõe n geta yãmb la a kelgd y goamã y sã n kolg zakã noor bala.

• Zakã soab sã n leok tɩ y na n gom ne-a kamera wã wall ẽntɛrfonnẽ wã, bɩ y gomd wa a yasa yãmb taoore. Sõsgã sasa, bɩ y ra gãnem y neng ye. Togs-y-yã-a bũmb ning y sẽn segl n na n togs-a, a sã n da yi zakã noore. Sã n yaa kamera bɩ y ra pẽneg y nengã wʋsg ye. Zakã soab sã n pa leok bɩ y ra bas koɛɛg ye.

• Tẽeg-y tɩ baa y sã n sõs ne ned n sa, a tõe n ket n nee yãmb la a wʋmd y goamã.