D WILG TƖ D YAA KIRIS-NEB HAKƖƖKA
D tall manesem sẽn zems nebã zags noya
Kiris-nebã yaa ‘bõn-gets dũniyã rãmb yĩnga.’ (1 Kor. 4:9) Dẽnd neb kẽer sã n be b fenetrẽ n get tõndo, wall b paad b kʋɩlemsã poor n kelgd koɛɛgã, pa lingr ye. Zags kẽer noy tara kamera wall mikoro sẽn sõngd zakã rãmb tɩ b tõe n pa pʋgẽ n ges-do, wall b kelg-do, pa rẽ bɩ n dɩk d goamã. Ad sagls a wãn sẽn tõe n sõng-d tɩ d tall manesem sẽn zems nebã zags noya.—2 Kor. 6:3.
D MANESMÃ (Fili. 1:27):
D wilg tɩ d waoogda zagsã-rãmba, n da lɩkdẽ n get zagsã pʋsẽ ye. D sã n wa be ned zak noore, bɩ d ra rɩtẽ, n yũud koom, wall d telefond neda, pa rẽ bɩ n gʋlsd mesaaz-rãmb ye.
D NO-GOAMÃ (Efɛ. 4:29):
D sã n wa be zak noore, bɩ d ra gom goam d sẽn pa rat tɩ zakã rãmb wʋm ye. Koe-moondb kẽer yãka yam n pa sõsd ne taab zak noore, sẽn na yɩl n tags b sẽn na n yeel bũmb ningã zugu.