D paas d koe-moonegã minim: D tall Koe-noog sebrã n sɩng Biibl zãmsg ne nebã, d pipi sõsgã sasa
A yõodã: Sẽn na yɩl n sõng nebã tɩ b lebg a Zezi karen-biisi, d segd n zãms-b-la Biiblã. (Mat. 28:19, 20) Tõnd sã n tar tʋʋm-teed nins b sẽn kõt tõndã n tʋmd sõma, d fãa na n tõog n zãmsa nebã Biiblã tɩ wom biisi. B yiisa Koe-noog sebrã sẽn na yɩl n sõng-d tɩ d zãms nebã Biiblã. Sɩd me, d tõe n tall-a lame n sɩng Biibl zãmsg ne neda, d pipi sõsgã sasa.
Mak-y woto ki-kãngã:
Pʋʋs-y-yã a Zeova t’a sõng-y tɩ y tʋlg n zãms ned Biiblã. Kos-y-yã me t’a sõng-y tɩ y paam Biibl karen-biiga, la a paas-y minim.—Fil. 2:13.
Y sã n wa zãmsd Biiblã y yembr bɩ ne y zakã rãmba, bɩ y zãms y sẽn tog n yeel bũmb ning n kãab ned sebrã tɩ pa y yamẽ. Woto, y sã n seg ned koe-moonegã sasa, y na n tõog n goma ne bas-m-yam, la y sɩng Biibl zãmsg pipi sõsgã sasa.