Sɩdã sɩɩgã wɛɛngẽ tara yõodo
“Yãmb na n bãnga sɩdã, la sɩdã na n kõo yãmb paam-m-menga.”—ZÃ 8:32, NW.
1. Bõe yĩng tɩ tar yõod tɩ d vaees d tẽebã sɩɩgã la kũumã wɛɛngẽ?
SẼN yɩɩd fãa, yaa ned tũudum la a buud minim zãmsg n wat ne a tẽeb zãmsgã kũumã la Laasrã wɛɛngẽ. Wala d sẽn yã wã, pɛdb kɩsa sɩd tɩ sɩɩgã pidsda a baasg bõn-datl rog-n-yɩlem wʋsg poor bala, t’a taab zãmsdẽ tɩ vɩ-yɛng wakat bal n wilgd ned baasg sẽn na n yɩ a soaba. Woto yĩnga, ned tõe n kɩsa sɩd t’a na n baas n yɩɩ yembr ne yel-sɩd sẽn yaa kãseng n yɩɩdã a kũumẽ, tɩ ned a to sɩd tẽed t’a na n paama Nirvana, tɩ nina me yaool n tar hakɩk t’a na n paama saasẽ keoore. Yɛ masã la sɩdã be? Sẽn mik tɩ tõnd tẽeb zãmsgã tara pãn-tusdg d manesmã, d tʋʋmã, la d sard dɩkrã zugã, sʋk-kãngã leoor paoong ka segd n pak-d sɩda?
2, 3. a) Bõe yĩng tɩ d tõe n tall bas-yard ne Biiblã sẽn yet bũmb ning sɩɩgã wɛɛngẽ wã? b) Wala b sẽn togs Biiblã pʋgẽ wã, sɩdã sɩɩgã wɛɛngẽ yaa bõe?
2 Sebr ning sẽn yaa kʋdr n yɩɩd dũniyã pʋgẽ sẽn yaa Biiblã togsda ninsaal kʋdemdã, n sɩng ne pipi ninsaal sɩɩgã naaneg wakat tɛka. A zãmsgã ka rẽgem ne filozofi rãmb la ninsaalb rog-n-migs ye. Biiblã togsda sɩda sɩɩgã wɛɛngẽ vẽenega: Yãmb sɩɩgã yaa yãmba, sẽn ki-ba menema soyy, la b rãmb nins sẽn be Wẽnnaam pʋ-tẽerẽ wã na n paama vʋʋgr wakat ning a sẽn ges tɩ zemsame wã pʋgẽ. Yão wã bãngr võor yaa bõe ne yãmba?
3 “Yãmb na n bãnga sɩdã, la sɩdã na n kõo yãmb paam-m-menga,” woto la a Zezi Kirist yeel a karen-biisã. (Zã 8:32, NW) N-ye, sɩdã kõta paam-m-menga. La sɩdã bãngr sɩɩgã wɛɛngẽ kõta tõnd paam-m-meng ne bõe?
Paam-m-meng ne rabeem la ne saagr kaalem
4, 5. a) Rabeem bʋg la sɩdã sɩɩgã wɛɛngẽ yiisda? b) Wãn to la vʋʋgrã saagr kõ bi-bɩɩg sẽn da bẽed a kũum bãag raoodo?
4 The World Book Encyclo-pedia yetame: “Neb wʋsg sẽn yɩɩd zoeta kũum la b makd n na n gil a yell tagsgo.” “Gom-biig ning sẽn yaa ‘kũuma’ meng lebga bũmb b sẽn ka le tõe n pʋd la bal Nin-taoorã,” woto la kʋdemd yel-gɛt yeel-yã. La buud minim kẽer pʋsẽ b nong n tũnugda ne gom-n-yɛg goam wala “maana kaalem” la “konga pãnga” sẽn na yɩl n bilg ned sẽn kiida. Sɩd-sɩda kũum zoees a woto yaa rabeem maaneg ne bũmb ning f sẽn zɩ wã, bala ne neb wʋsg sẽn yɩɩda kũum yaa yel-solemde. Sɩdã bãngr sẽn tɩ loe ne bũmb ning sẽn maand d sã n ki wã kõta paam-m-meng ne rabeem kãnga.
5 Wala makre, ges-y a Michaelyn sẽn tar yʋʋm 15 wã sẽn tagsd to-to. A ra tara zɩɩm bãaga (leucémie), n da segd n mao ne kũum sẽn yaa yel-beedo. A ma a Paula tẽra woto: “A Michaelyn yeelame t’a ra ka maand yɩɩr ne a kũuma ye, bala a bãngame tɩ kũum yaa wakat bilf yĩng bũmb bala. Tõnd goma Wẽnnaam dũni paalgã la b rãmb nins b sẽn na n vʋʋg a pʋgẽ wã yell wʋsgo. A Michaelyn talla tẽeb sẽn yaa kãseng ne a Zeova Wẽnnaam la ne vʋʋgrã, hal tɩ sãmb-sãmb kaẽ ye.” Vʋʋgrã saagr kõo bipugl poll kãngã sẽn tar daoodã paam-m-meng ne kũum zoees sẽn loog noore.
6, 7. Ne saagr kaalem bʋg la sɩdã sɩɩgã wɛɛngẽ kõt tõnd paam-m-menga? Kõ y makre.
6 Wãn to la sɩdã tall pãn-tusdg a Michaelyn roagdbã zutu? A Jeff sẽn ya a ba wã yeelame: “Tõnd bipugl kɩdgã kũum ra yaa yell sẽn sãam d sũur wʋsg n yɩɩd to buud sẽn zɩ n paam tõndo. La tõnd tara bas-yard zãng-zãng ne a Zeova sẽn kãab vʋʋgrã, la d gũuda daar ning d sẽn na n gãd d bi-nongr a Michaelyn d nusẽ wã yɛsã. Ad wã na yɩ lebs-n-yãr menga!”
7 N-ye, sɩdã sɩɩgã wɛɛngẽ kõta ned paam-m-meng ne saagr kaalem sẽn ka tɩɩm yĩn-sidg nin-nongr kũum sẽn tõe n wa ne wã. Yaa sɩd tɩ baa fɩ ka tõe zãng-zãng n yiis toog la sũ-sãang ning d sẽn paamd d nin-nongr sã n ki wã ye. Baasg zãngã, vʋʋgrã saagr boogda sũ-sãangã la a kɩtdẽ tɩ toogã tõogr yaa nana wʋsg n yɩɩda.
8, 9. Ne rabeem bʋg la sɩdã sẽn ki-bã halhaal wɛɛngẽ kõt-d paam-m-menga?
8 Gʋlsgã sɩd sẽn ki-bã halhaal wɛɛngẽ kõta tõnd paam-m-meng me ne sẽn ki-ba zoeese. B sẽn bãng sɩd kãngã tɛka, neb wʋsg sẽn da loe b mens ne ziri tẽeb tagsa yel-maandɩ sẽn ki-bã wɛɛngẽ ka le maand rabeem ne noor ningri, ne yel-bãna, tɩ-gãna, la ne rʋbs ye. B leb n ka maand maand ligd sẽn toe sẽn na yɩl n bʋgl b yaab rãmbã n gɩdg-b tɩ b kɩɩm dãmbã ra le wat sẽn vɩ-bã nengẽ ye. Sɩda, sẽn mik tɩ sẽn ki-bã “ka mi bũmb” yĩngã, minund a woto ka tar yõod ye.—Koɛɛg Soaba 9:5.
9 Sɩdã sɩɩgã wɛɛngẽ sẽn be Biiblã pʋgẽ wã sɩd yaa bũmb sẽn kõt paam-m-meng la sẽn zems ne bas-yardo. La ges-y saagr sẽn yaa zall ning Biiblã sẽn kõt-yã me.
[Seb-neng 29]
Sɩdã sɩɩgã wɛɛngẽ kõt-y-la paam-m-meng ne kũumã zoeese, sẽn ki-bã zoeese, saagr kaalem d nin-nongr kũum sasa