Yãmb sogsgã leoore

◼ Saam-biis nins sẽn deegd nebã tigingã tigissẽ wã tʋʋmd yaa bõe?

Saam-biis nins sẽn deegd nebã segd n pʋʋsa neb nins fãa sẽn wat tigissã ne sũ-noogo. B tʋʋma yaa sõng sẽn wa-b retaarã tɩ b paam zĩisi, la ges tɩ zũnd-zãnd ra zĩndi, tɩ bãan zĩndi, tɩ pemsem zĩnd Rĩungã Roogẽ. B segd n yaa saam-biis sẽn tar zood manesem, b sẽn tõe n tall bas-m-yard tɩ b na n tʋma sõma, sẽn yãkd yam n maand yɛl wʋsg n pidsd b tʋʋma.—om s. n. 64.

Neb-rɛɛgdbã segd n yɩɩ tao-tao n sõng nin-paalsã, n kɩt tɩ b bãng tɩ d sũur noomã b sẽn wa wã, la b sõng-b tɩ b yã zĩisi. Tigingã neb fãa segd n sõnga nin-paalsã tɩ b bãng neb a taabã, la b bãng tɩ tigingã neb sũy yaa noog ne b waoongã. Sẽn deegd-b nebã sã n wa talld neb nins sẽn wa retaarã n na n tɩ bao zĩig n kõ, bɩ b gũus n da wa tiis neb nins sẽn zoe n zĩẽ wã ye. Wakat ninga b kõta nin-paalsã zʋrnall ning d sẽn zãmsdã.

Sõng tɩ yaar da zĩnd tigissã sasa me yaa bũmb sẽn tar yõod wʋsgo. D sẽn sagend roagdbã tɩ b wa ne b kambã tigissẽ wã yĩngã, wakat ninga tiisg na n zĩndame. La kambã sã n ket n yaa kɩr-kɩr n ka zĩ sɩɩ, bɩ b yaa yaare, neb-rɛɛgd n segd n sõng biigã roagd ne nonglem, tõe t’a na n sagl-a lame t’a yi ne biigã roogẽ wã wakat bilfu. Roagdbã me sã n zĩnd zĩig ning b sẽn tõe n yi nana tɩ sã n wa yaa tɩlae wã, rẽ tõe n sõngame tɩ b sã n na n ges b kom-bõonegã yell bɩ ra tiis neb a taabã wʋsg ye.

Zĩis nins bãan sẽn ka be wã, b segd n kɩtame tɩ neb-rɛɛgdbã kogl nebã ne bi-be-tʋʋm bɩ ne tiisg bɛɛbã sẽn tõe n wa ne. Ned sẽn zoe n be Rĩungã Roogẽ sã n baoodẽ n na n sãam tigisgã, b segd n kos-a lame t’a yi. A sã n zãgs t’a kõn yi la a ket n wat ne gudgri, kãsem dãmbã tõe n boola pãn-soaadbã. Babs kẽere, tõe n yaa tɩlae tɩ b yãk saam-biis tɩ b gũus Rĩungã Roog parkĩng tigissã wakate.

Nebã sõadg wakate, b segd n sõda kãsembã la kom-bõoneg nins fãa sẽn tõe n kelg-b sõssa tɩ naf-b baa yaa bilfã.