“Mam yalsda kãn-kãe! Mam yalsda kãn-kãe! Mam yalsda kãn-kãe!”
1 Gom-kãensã yaa kiris-ned sẽn põs Nazi rãmbã nin-kʋʋr kãsengã goama. Gom-kãensã wilgda Kaset rãmb tusa, sẽn vɩ-b la sẽn ki-ba, sẽn gãd b tẽebã kãn-kãe baa ne Nazi rãmb sẽn nams-b ne nen-kɛglem wʋsgã tagsgo. (Ef. 6:11, 13) B togsa b raoodã la b tõogrã kɩbar sẽn sidgd yĩngã La fermeté des Témoins de Jéhovah face à la persécution nazie video wã filim pʋgẽ. D kotame tɩ tigingã neb ges-a n wilg taab b tagsg ne-a.
2 Bɩ sʋgs-kãensã sõng-y tɩ y tagse: 1) Bõe yĩng t’a Zeova Kaset rãmbã tõog n yals kãn-kãe ne raood Nazi rãmbã taoore? 2a) Kɩɩs taab bʋg n zĩnd pʋʋsem zugu, la bõe yĩnga? 2b) Rẽ waa ne bõe Kaset rãmb zags neb zutu? 3) Kaset rãmb a wãn la b tall n kẽng nams-bɛɛgã zagsẽ, wãn to la b ra bãngd-b n bak be, la Gestapo wã maan-b-la bõe? 4) Bõe la Kaset rãmbã ka sak n maan sẽn na yɩl tɩ b bas-ba? 5a) Wãn-to, la wakat bʋg la a Zeova Kaset rãmbã gom ne raood n kɩɩs a Hitlɛɛr naamã nen-kɛglem tʋʋma? 5b) A Hitlɛɛr manesem yɩɩ wãn-wãna? 6) Wãn to la a Zeova nin-buiidã sẽn teel taabã sõng n fãag bãmb mens la neb a taab yõyã, yĩngã wɛɛngẽ la tẽebã wɛɛngẽ? 7) Rĩungã yɩɩn-bʋg la b gʋls nams-bɛɛgã zak a ye pʋgẽ? 8) Pĩnd rapa, pagba, la kom-bɩɩs bʋs sẽn yɩ kɩs-sɩd dãmb makr n tusd yãmb tɩ y rat n tall burkĩnd a Zeova taoore, baa sẽn ya a soab fãa? (Ges-y Annuaire 1999 me, seb-neng 144-7.) 9) Y sẽn ya a Zeova Kaset soabã, video kãngã kɩtame tɩ y tagsd wãn-wãn to ne y sẽn ka segd n yɩ dũniyã rẽndã?
3 Mak-sõma ning a Zeova Kaset rãmbã sẽn tall tɩ b wilg Fermeté video wã pʋgẽ wã tõe n sõnga kom-bɩɩsã, baa b pa Kaset rãmba, tɩ b mao ne yel-kãsems wala sugr kaalmã, f reem-n-taas pãn-tusdgã, la sũur kaset yɛlã. Yãmb sã n yaa biig n debd lekoll bɩ kolɛɛse, y tõeeme tɩ y karen-saam dãmbã paam-a n wilg karen-biisã bɩ? Y tõeeme n kãab-b kasɛt video a yembre, n togs-b tɩ yaa yell sẽn da maan pĩnd tɩ neb wʋsg ka bãnge, bɩ wala filim sẽn kõt zãms-sõng vɩɩmã wɛɛngẽ.
4 Fermeté video wã yaa tʋʋm teoog sẽn yaa sõma wʋsg sẽn wilgd tõnd Wẽnnaam zãmsgã sẽn kõt tõnd pãng tẽebã wɛɛngẽ tɩ d ta Wẽnnaam yam to-to, n teend sẽn yaa tɩrg ne kɩs-sɩd sẽn ka vigsdi. (1 Kor. 16:13) Kɩt-y tɩ neb nins fãa sẽn nong sɩdã ges-a.