Yãmb sʋgsgã leoore

◼ D sã n wa rabd n na n tɩ ges Betɛllã zak bɩ Tʋʋmdã will biru rãmba, wãn-wãn la d segd n ning d futã la d maneg d menga?

D sã n wa rabd Betɛllẽ wã, yaa Betɛllã zak la d rat n tɩ yuug n ges bal tɩ yaa ned la d rat n tɩ ges be me, “tõnd futã ningri, tõnd mengã manegre, la d manesmã segd n yaa yembr ne b sẽn gũud tɩ d maan to-to d sã n wa rabd tigissã Rĩungã Roogẽ wã.” (om 131) La b yãame tɩ saam-biis la saam-bi-pogs kẽer sẽn wa n na n ges Tʋʋmdã will biru rãmb basa b mensã yɛɛ tɩ yaa n looge. D sã n wa na n tɩ ges zĩ-kãensã manesem a woto ka zems ye. Tõnd segd n manega d meng sõma, la ne manesem sẽn zemse, n puk burkĩnd sẽn zems ne Wẽnnaam a Zeova sõgen dãmba.—1 Tɩm. 2:9, 10.

Neb sã n wa na n tɩ ges Betɛll zags la tʋʋmdã will biru rãmba gũus-m-meng zĩ-kãngã tara yõodo, bala neb wʋsg sẽn pa Kaset rãmb get-b lame. Neba sẽn tagsd to-to Wẽnnaam nin-buiidã la a siglgã zug tika b sẽn ne wã zugu. Yɩta sõma tɩ y wilg Biiblã karen-biis la neb a taab sẽn na n tɩ ges Betɛllã tɩ tara yõod tɩ b ning b futã la b maneg b mensã sõma. Betɛllã zak neb na n talla mi-beoog ne-yã, y sã n maan dẽ.

D sẽn yaa kiris-neb sẽn yaa koe-moondbã, d tog n gũusa neer tɩ d yalẽ wã ra wa lub ned ye. (2 Kor. 6:3, 4) Sẽn yaa lebend ne rẽ, d zã d mengã sõma “tɩ Wẽnnaam sẽn yaa tõnd Fãagda kareng paam waoogr ne bũmb fãa” wakat fãa.—Tɩt 2:10.