Bũmb ning d sẽn na n yeel n wilg zʋrno rãmbã

Gũusg Gasgã Sigri, 15

“Yãmb tagsdame tɩ yel-kãensã buud na n wa saame bɩ? [Karm-y goamã b sẽn lebs n dɩk tɩ be pipi sõsgã sɩngrẽ wã, la y bas t’a leoke.] Wẽnnaam Gomdã vʋʋsem sõng sẽn vẽnegã kõta tõnd bas-m-yam tɩ zu-loees a woto na n saa ka la bilfu. [Karm-y Yɩɩl Sõamyã 72:12-14.] Gũusg Gasg kãngã wilgda rẽ sẽn na n yɩ to-to.”

Réveillez-vous ! 22 juin

“Yãmb tagsdame tɩ ned kam fãa sẽn be tẽngã zug na n wa tol n paama paam-m-meng hakɩk bɩ? [Bas-y t’a leoke.] Ges-y kãabg sẽn be yamleoog Wẽnnaam sẽn maan ka. [Karm-y Rom dãmba 8:21.] Sẽn na yɩl tɩ kãab-kãngã lebg waaziba, rɩlla yembd buud fãa sa, ka sɩda? Réveillez-vous ! kãngã wilgda rẽ sẽn na n paam pidsg to-to.”

Gũusg Gasgã Sẽoogo, 1

“Neb milyõ rãmb tũnugda ne bõn-naands b balengã pʋgẽ, tɩ neb milyõ rãmb a taab tagsd tɩ woto ka zems ye. Yãmb zoe n sʋka y meng Wẽnnaam sẽn tagsd bũmb ning yel-kãngã zug bɩ? [Bas-y t’a leoke. Rẽ poor bɩ y karem Zã 4:24.] Sõs-kãensã wilgda bõn-naandsã rɩk-n-tʋm balengã pʋgẽ sẽn sɩng to-to, la Biiblã sẽn yet bũmb ning rẽ zugu.”

Réveillez-vous ! 8 juillet

“Biiblã reng n togsame tɩ tood wakat n na n zĩnd yaoolem dayã sasa. [Karm-y 2 Tɩmote 3:1, 3.] Dũniyã gill zugu, bi-be-tʋʋma sẽn yaa wʋsgã wilgdame tɩ sɩd yaa woto. Polɩɩs rãmb sã n da kaẽ, ad yɛlã ra na yɩẽ wẽng n yɩɩda! Réveillez-vous ! kãngã wilgda zu-loees nins polɩɩs rãmbã sẽn yãt dũniyã gill zugã.”