Bũmb ning d sẽn na n yeel n wilg zʋrno rãmbã

Gũusg Gasgã Sig-noya, 15

“Daar fãa tõnd wʋmda kɩbay sẽn gomd nen-kɛglem yelle. Yãmb tagsdame tɩ yel-kãensã zoe n zĩnda pĩnd bɩ? [Bas-y t’a leoke.] Ges-y Biiblã sẽn yet bũmb ninga. [Karm-y Matɩe 24:37.] A Nowe wakatã ra yaa wẽng wʋsgo, hal tɩ Wẽnnaam sãam dũniyã neb fãa, sã n ka a Nowe ne a zakã rãmb bala. Zʋrnall kãngã wilgda yel-kãens võor sẽn ya a soab ne tõnd rũndã-rũndã.”

Réveillez-vous ! 22 mai

“Rũndã-rũndã, bõn-yɩgd bi wã wata ne bãas wʋsgo. Yãmb bãngame tɩ bũmb la d tõe n deng n maan sẽn na yɩl n kogl d mens bɩ? [Bas-y t’a leoke.] Zʋrnall kãngã gomda bõn-kãens yelle, la Biiblã sẽn kãab tɩ wakat n na n wa zĩnd tɩ bãas ka le beẽ wã yelle.” Karm-y Ezai 33:24 n baase.

Gũusg Gasgã Sigri, 1

“Kɩbay n wilgd tɩ b ka tʋmd sõma ne ligdã b sẽn kõt sõngr siglsã ye, tɩ kẽer sokd b mens n dat n bãng sã n yaa yam tʋʋmd tɩ b leb n teel sõngr siglsã ne ligdi. Neb wʋsg n yaool n be raab pʋgẽ. Yãmb tagsdame tɩ b tõe n maana bõe? [Bas-y t’a leoke. Rẽ poor bɩ y karem Hebre dãmba 13:16.] Zʋrnall kãngã wilgda kũun buud ning sẽn noom Wẽnnaamã.”

Réveillez-vous ! 8 juin

“Wõnda rũndã-rũndã, neba ka leb n nand vɩɩm manesem sõng la b tar waoogr manesem wala pĩndã ye. Yãmb sɩd yãame tɩ yaa woto bɩ? [Bas-y t’a leoke.] Biiblã meng reng n togsa rẽ. [Karm-y 2 Tɩmote 3:1-5.] Réveillez-vous ! wã wilgda bũmb ning sẽn kɩt tɩ ninsaalbã vɩɩm manesem sõngã tar toeengã, la bũmb ning sẽn na n wa beoog-daare.”