Daar a ye tigis-kãsengã sõss lebg-n-gese

B segd n tika sõs-kãngã zug n sõs ne tigingã tɩ yɩ yʋʋmd 2005 tʋʋmd yʋʋmdã daar a ye tigis-kãsengã sõss reng-n-lɛmbga, la b leb n tik a zug n maan sõs-kãens lebg-n-gese. Sõasg ning gom-zug sẽn yaa “Segl-paalg tigis-kãsengã sõss lebg-n-ges yĩnga” sẽn be seb-paasdem kãngã pʋgẽ, seb-neng a 4, wilgda lebg-n-gesã sẽn segd n maan to-to. Sigl-y sẽkã lebg-n-gesã sasa n tõog n sok sogsgã fãa. Lebg-n-gesã segd n wilga tõnd sẽn tõe n tũ zãmsgã b sẽn kõ wã to-to.

YIBEOOGÃ SÕSSE

1. Bõe yĩng tɩ lebgd tɩlae n paasdẽ tɩ d kelg a Zeova? Kelgã rat n yeelame tɩ bõe? (“D sẽn segd n kelg a Zeova koɛɛgã võore”)

2. Wãn to la zagsã tõe n tall tẽeb tʋʋm na-kẽndr sẽn yaa sõma? (“Zags neb sẽn kelgd Wẽnnaam Gomdã n ka basd tɩ bũmb tiis-ba”)

3. Wãn to la tigims gĩndã koe-moondb tũnug ne segb toɛy-toɛy b sẽn paam n kõ kaset sẽn pa yãk wakate? (“D maan bũmbã fãa Wẽnnaam waoogr yĩnga”)

4. Makr ning b sẽn wilg Hebre rãmb sak a 3 ne a 4 pʋgẽ tɩ yaa keoogr ne-dã tõe n zãmsa tõnd bõe? Wãn-wãn la a Zeova gomd ne tõnd rũndã? (“Wẽnnaam sã n gomd tɩ d kelgdẽ, kogend-d lame”)

5. Wãn to la lisgã sõasg naf-yã? (“Rɩk-m-meng-n-kõ la lisgu”)

WĨND-KAOORÃ SÕSSE

6. Bõe la d tõe n zãms a Zezi zugu, a sẽn da wa n yaa yãagã wakate, la wãn to la tigims gĩndã kom-bɩɩs rɩkd a togs-n-taare? (“Wẽnnaam Gomdã kelgr neerã kengda tõnd kom-bɩɩsã tẽebo”)

7. Bõe ne bõe la roagdbã tõe n maan n sɩng b kambã a Zeova soayã zãmsgo, b peelem la b yãadem wakate? (“Kom-bõoneg sẽn kelgd Wẽnnaam n paamd zãmsgo”)

8. Zĩ-bʋs kẽer wɛɛngẽ takɩ la d segd n kelg a Zeova, a Biriblã, la ‘tʋm-tʋmd sẽn tũud sɩd la sẽn tar yamã’? (Mat. 24:45) Bõe yĩng tɩ tar yõod wʋsg tɩ d maan dẽ? (“Kelg-y la y tũ Wẽnnaam zãmsgã wakat fãa”)