Tigims gĩnd tigis-kãseng paalga
B segd n tika sõs-kãngã zug n sõs ne tigingã tɩ yɩ yʋʋmd 2005 tʋʋmd yʋʋmdã tigims gĩnd tigis-kãsengã sõss reng-n-lɛmbga, la b leb n tik a zug n maan sõs-kãens lebg-n-gese. Sõasg ning gom-zug sẽn yaa “Segl-paalg tigis-kãsengã sõss lebg-n-ges yĩngã” sẽn be seb-paasdem kãngã pʋgẽ, seb-neng a 4, wilgda lebg-n-gesã sẽn segd n maan to-to. Sigl-y sẽkã lebg-n-gesã sasa n tõog n sok sogsgã fãa. Lebg-n-gesã segd n wilga tõnd sẽn tõe n tũ zãmsgã b sẽn wilgã to-to.
PIPI DAARÃ YIBEOOG SÕSSE
1. Bõe n na n sõng-d tɩ d paam yam ning sẽn yit Wẽnnaam nengẽ wã?
2. Bõe la tigims gĩndã koe-moondb modg n maan sẽn na yɩl n taas koe-noogã neb wʋsg n paase?
PIPI RAARÃ WĨND-KAOOR SÕSSE
3. Bõe yĩng tɩ tar yõod tɩ kiris-nebã ra rẽgem b yamã? Rẽ baoodame tɩ d maan bõe?
4. Wãn to la d tõe n wilg tɩ d yaa neb sẽn baood laafɩ ne d saam-biisã?
5. Maan-tɩ-zemsã yaa bõe, la wãn-wãn to la d tõe n wilg rẽ d sẽn tʋmd ne d sẽkã to-to wã pʋgẽ?
6. A Soll ne a Nowe makrã zãmsda tõnd bõe? Wãn-wãn to la d tõe n wilg tɩ d yaa neb sẽn “sakd nana”? (Zak 3:17)
7. Wãn-wãn la kiris-nebã tõe n gũus n da wa maand wa b yaa wẽn-sakdb n yaool n solg n maand wẽnga?
8. Wãn to la d tõe n dɩk a Poll togs-n-taar n moon yam ning sẽn yit Wẽnnaam nengẽ wã?
RASEM A 2 YIBEOOG SÕSSE
9. Bõe yĩng tɩ d segd n gũus neer yɛl nins d sẽn yãkd n maandẽ wã pʋgẽ, la bõe n na n sõng-d tɩ d maan dẽ?
10. Bõe la tigims gĩndã neb modgd n maand sẽn na yɩl n tõog n kẽnd tigissã wakat fãa, la wãn-wãn to la rẽ naf-ba?
11. Wãn to la zak soben dãmbã tõe n keng b zagsã neb tẽebo?
12. Yel-bʋs sẽn pak tigims gĩndã la b wilg tõndo?
RASEM A 2 WĨND-KAOOR SÕSSE
13. Wala zãmã sõasgã sẽn wilgã, tɩrlem tʋʋm bʋs la yam ning sẽn yit Wẽnnaam nengẽ wã tõog n pidsi?
14. Bõe yĩng tɩ yaa yalemd tɩ d teeg d mens bɩ neb nins sẽn ka basd tɩ yam ning sẽn yit Wẽnnaam nengẽ wã wilg-b sorã? Zĩ-bʋs wɛɛngẽ la d segd n maan gũusgu?
15. Yam ning sẽn yit Wẽnnaam nengẽ wã kogenda tõnd ne bẽd-bʋse?
16. Bõe yĩng tɩ tar yõod wʋsg tɩ d tũ sagls nins b sẽn kõ tõnd tigims gĩnd tigis-kãsengẽ wã?