Rasem a yiib tigis-kãsengã sõss lebg-n-gese

B na n sõsa sõs-kãngã ne tigingã neb tʋʋmd tigisg ning sẽn na n zĩnd nand tɩ tigingã neb kẽng yʋʋmd 2006 tʋʋmd yʋʋmdã rasem a yiib tigis-kãsengã, la tʋʋmd tigisg ning sẽn na n pʋgl tigis-kãsengã poorã. Yel-gɛtbã taoor lʋɩt na n dɩka segls tɩ b maan a reng-n-lɛmbgã la a lebg-n-gesã tɩ zems ne b sẽn wilg yʋʋmd 2004 sa-sik kiuug Rĩungã Tʋʋmd seb-neng a 4 zug to-to wã. B segd n soka sogsgã fãa leb-n-gesã sasa, n tak kɛlgdbã yam n sik d sẽn tõe n tũ zãmsg ning d sẽn paama to-to wã zugu.

PIPI DAARÃ

1. Wãn-wãn la d lebgd nin-paalgã, la bõe yĩng tɩ d segd n kell n pa boto?

2. Wãn-wãn la neb kẽer maan sẽn na yɩl n moon koe-noogã n paase?

3. Bõe yĩng tɩ d pa segd n makd d meng ne d taabã?

4. Wãn-wãn la zagsã neb tõe n wilg b zagsã pʋsẽ tɩ b lebga nin-paalse?

5. Wãn to la d tõe n wilg tɩ d teenda tigingã ne d sũur fãa?

6. Bõe yĩng tɩ d segd n wilg koe-moonegã wakat tɩ d lebga nin-paalga?

7. Bʋgsg sẽn yaa sõma naaga ne bõe maanego, la wãn-wãn la bʋgsg a woto nafd tõndo?

8. Zʋg-bʋs n na n kɩt tɩ d sak t’a Zeova maneg-do?

RASEM A YIIB SOABÃ

9. Hal sẽn ta zĩ-bʋg la tar yõod tɩ d tʋm ne d zɩlemdã sõma?

10. D sã n gomd goam sẽn yaa sõma ne d tʋmd-n-taase, d karen-bi-taas la ne neb a taabã nafa bʋs la d paamda?

11. Wãn-wãn la d tõe n tũ a Poll saglg ning sẽn be Efɛɛz rãmb 4:25-32 wã d manesmã ne d tẽed-n-taasã pʋgẽ?

12. Tõnd zɩlemdã sẽn na n gomd gom-bʋs n tar bark n yɩɩda?

13. Bõe la d segd n maan sẽn na yɩl n tõog wẽng soabã?

14. Zĩ-bʋs pʋsẽ la d segd n mao tɩ dũni kãngã ra rẽgem-do?

15. Bõe yĩng tɩ d segd n manegd d sũurã daar fãa, la wãn-wãn la d tõe n maan dẽ?

16. Rõndã rasem a yiib tigis-kãsengã sagl-bʋs la y na n mao n tũ?