Rasem a yiib tigis-kãseng paalga

Dũni-wẽng kãngã yaoolem dayã pʋsẽ, d segd n talla d tẽeb futã la d mao tɩ nebã ket n mi wakat fãa tɩ d yaa kiris-neba. (Wil. 16:15) Rẽ n so tɩ yʋʋmd 2006 tʋʋmd yʋʋmdã rasem a yiib tigis-kãsengã gom-zug sẽn yaa “Lebg-y nin-paalsã” sɩd zems kɛpɩ.—Kol. 3:10.

A pipi raarã: Pipi gom-n-dees-taabã gom-zug yaa: “Nin-paalgã nens toɛy-toɛyã pukri.” A na n wilga d sẽn lebg nin-paalgã sẽn nafd tõnd d vɩɩmã nens fãa pʋsẽ to-to. Wãn-wãn la d tõe n lebg nin-paalga? B na n leoka sok-kãngã pipi daarã yaoolem sõss a yiibã pʋsẽ. Sõs-kãens gom-zutã la woto: “Kibl-y y meng sẽn na n yɩl n tõog n bʋgs sõma,” la “Zãmsg sẽn sõngd-f tɩ f lebg nin-paalgã.”

A rasem a yiib soabã: Gom-n-dees-taab a yiib-n-soabã gom-zug yaa: “D zãms d sẽn na n tʋm ne d zɩlemdã ne yam to-to.” Sõs-kãng na n goma tõnd sẽn wilgd ne d goamã to-to tɩ d lebga nin-paalga. Zãma sõsgã gom-zug yaa: “Yãmb tõogda wẽng soabã bɩ?” A na n wilgame tɩ d segd n ket n gũusda ne a Sʋɩtãan sɩlmã. Tigis-kãsengã yaoolem sõss a yiibã gom-zut la woto: “Zãag-y y mens ne zamaanã rẽgd buud fãa” la “Manegd-y y sũurã daar fãa.” Sõs-kãens na n sõng-d lame tɩ d gil tagsg la manesem sẽn kɩɩsd Wẽnnaam so-tɩrsã la d kell n yaas a Zeova balengã pʋgẽ kãn-kãe.

D sɩd gũuda ne yãgb n na n paam tɩ b sõng-d tɩ d lebg nin-paalga la d kell n pa boto!