“ Que répondriez-vous ? ”
1. Bõe n yaa toog ne neb wʋsgo?
1 Yãmb nonga Wẽnnaam Gomdã n yaool get tɩ yaa toog tɩ y tẽeg kibay kẽere, bɩ n bãng b sẽn be zĩig ning Biiblã pʋgẽ bɩ? Yãmb ratame tɩ y kambã bãng Biiblã zãms-kãsems la a kiba-kãsems bɩ? Réveillez-vous ! wã b sẽn yiisd kiuug fãa wã, a seb-neng 31 wã pʋgẽ, gom-zug ning sẽn yaa “ Que répondriez-vous ? ” wã tõe n sõnga kambã la kãsembã tɩ b bãng Wẽnnaam Gomdã n paase.—Tʋʋ. 17:11.
2. Wãn to la y tõe n dɩ “ Que répondriez-vous ? ” wã babs toɛy-toɛyã yõodo?
2 Wãn to la y tõe n dɩ sõs-kãngã yõodo? Yʋʋmd 2006 yʋʋm-vẽkr kiuugã Réveillez-vous ! wã ra sagend-d-la woto: “Rɩk-y sẽk n ges zãmsg nins sẽn be seb-neng 31 pʋgẽ wã. Zĩis kẽer na n talla yamleoog ne kambã, zĩis sãnda na n kɩtame tɩ neb nins sẽn mi Biiblã sõma wã bãng b pʋ-tẽerã sã n vɩɩme. Zĩig ning sẽn yet tɩ ‘ Situez dans le temps ’ wã na n sõng-y lame tɩ y bãng Biiblã sẽn gomd neb nins yellã sẽn vɩɩmd wakat ninga, la y bãng kiba-kãsemsã me sẽn zĩnd wakat ninga. D tõe n yãa sogsg nins sẽn be ‘ Dans ce numéro ’ wã pʋgẽ wã leoor sebrã nens wʋsg pʋgẽ. La d tõe n yãa sogsg a taabã leoor seb-neng a ye zug b sẽn gʋls-b tulli. Yɩta sõma tɩ yãmb mengã reng n maan vaeesg n yaool n karem leoorã, la y sõs bũmb nins y sẽn zãmsã zut ne neb a taabã. Y tõe n tũnuga ne ‘ Que répondriez-vous ? ’ wã n maan y zakã pʋg Biibl zãmsg bɩ n sõs ne neb a taaba.”
3. Wãn to la zags kẽer rɩt “ Que répondriez-vous ? ” wã nafa, la a bab-bʋg la yãmb nong n yɩɩda?
3 Neb wʋsg sɩd tũnugda ne sõs-kãngã n zãmsd Biiblã b zagsã pʋsẽ. Pag a ye gʋlsa woto: “Maam ne m sɩdã mikame tɩ yaa sõmã tɩ d paas babg ning sẽn yet tɩ ‘ Aux enfants de chercher ! ’ wã d zakã Biibl zãmsg pʋgẽ, sẽn na yɩl tɩ zãmsgã tall yamleoog ne tõnd yʋʋm a tãab bi-pʋglã. D sũur sɩd nooma wʋsg d sẽn ne a sẽn dɩkd a toorẽ Réveillez-vous ! wã n baood bũmb ning a sẽn dat seb-nensã zutã hal n sɩd wa yã wã.” Berzill rao a yembr yeela woto: “Maam ne m yʋʋm a yopoe bi-ribl a Moiiz nonga sõs-kãngã sẽn be Réveillez-vous ! wã pʋgẽ wã wʋsgo. A sõngda a Moiiz t’a kelgd sõma, t’a baood Biiblã verse rãmba, n wʋmd yimaas rãmbã võor la a bãngd wakat rãmbã sõma.” Bi-pʋgl yʋʋr sẽn boond t’a Ashley gʋlsa woto: “M pʋʋsa bark ‘ Que répondriez-vous ? ’ wã sẽn be Réveillez-vous ! wã baasgẽ wã yĩnga. A sõnga maam tɩ m zãms bũmb wʋsg Biiblã pʋgẽ.”
4. Wãn to la zak rãmb tõe n dɩk sõs-kãngã n paas b zak pʋgẽ Biibl zãmsgã?
4 Wakat-wakate, tũnugd-y ne “ Que répondriez-vous ? ” wã y zak pʋgẽ Biibl zãmsgã sasa. Y tõe n baoa leoor nins sẽn yaa b toogã Index bɩ Watchtower Library CD-ROM pʋgẽ. Y sã n maand woto y wilgda y kambã b sẽn tõe n maan vaeesg to-to. Yãmb sã n tar kom-kãsemse, y tõe n kɩtame tɩ b reng n bao sogsg nins sẽn be “ Qui suis-je ? ” bɩ “ Situez Dans le temps ” wã leoore. Woto na n kɩtame tɩ b tõog n togs b sẽn vaees n yã bũmb ninsã y zakã Biibl zãmsg sasa. Roagdbã sã n vaeesd Réveillez-vous ! wã zĩ-kãngã ne b zaka rãmb sõma, b tõe n zãmsa b kambã Wẽnnaam Gomdã sõma la b sõng-b tɩ b bãng “Gʋlsg Sõamyã” hal b yãadem wakate.—2 Tɩm. 3:15; Tõo. 6:7.