Bũmb ning d sẽn na n yeel n wilg zʋrno rãmbã

Gũusg Gasgã Sigri, 1

“Daar fãa d wʋmda b sẽn gomd tɩ neb n tʋm tʋʋm wẽnse. [Gom-y tʋʋm wẽng b sẽn tʋm tɩ nebã miẽ yelle.] Rẽ yĩnga yãmb zoe n tagsame tɩ bõn-wẽng ninsaalb nin sẽn pa ne n kɩtd tɩ nebã maand woto bɩ? [Bas-y t’a leoke. Rẽ poor bɩ y karem Wilgri 12:12.] Seb-kãngã wilgda d sẽn tõe n kogl d mens to-to.”

Gũusg Gasgã Sigri, 15

“Rẽ yĩnga yãmb yãame tɩ rũndã-rũndã neb wʋsg maanda sẽn tat b mens yam bal bɩ? [Bas-y t’a leoke.] Seb-kãngã pʋgẽ, b kõt-d-la sagls sẽn yaa sõmã sẽn yit Biiblã pʋgẽ. [Karm-y verse a ye seb-neng a 6-7 wã zĩ-gũbrã pʋgẽ.] Seb-kãngã wilgda nafa nins d sẽn na n paam d sã n tũud Biiblã noyã.”

Réveillez-vous ! Juin

“Vɩɩmã pʋgẽ d fãa rata ligd n sõng d mense. Yãmb tagsdame tɩ yaa sõma tɩ ned rɩk a sẽkã fãa n teeg ligd baoob bɩ? [Bas-y t’a leoke.] Ges-y verse kãngã sẽn wilgd ligd baoob wʋsg sẽn tõe n wa ne bũmb ninga. [Karm-y 1 Tɩmote 6:10.] Seb-kãngã kõta sagls sẽn wilgd ned sẽn tõe n maan to-to n maneg a vɩɩm n tõog n vɩɩmd ne a sẽn tar tɛka.”

Gũusg Gasgã Sẽoogo, 1

“Yãmb sũy zoe n sãama y sẽn ne nebã sẽn namsd taab b sẽn yaa buud toɛy-toɛy yĩng bɩ? [Bas-y t’a leoke.] Ges-y bũmb ning sẽn kɩt tɩ nebã maand taab woto wã. [Karm-y 1 Zã 4: 20.] Seb-kãngã leokda sok-kãngã: Rẽ yĩnga bu-welsgã tõe n saame bɩ?

Réveillez-vous ! Juillet

“Ninsaalbã pa wa rũmsã ye. B tara tõog n yãkd noy nins b sẽn na n tũ b vɩɩmã pʋgẽ. Yãmb tagsdame tɩ yɛ la d tõe n paam sagls sẽn yaa sõmã? [Bas-y t’a leoke. Rẽ poor bɩ y karem Yɩɩl Sõamyã 119:105.] Seb-kãngã wilgdame tɩ sagls nins sẽn be Biiblã pʋgẽ wã yaa sõma n yɩɩd sagls buud fãa.”